لاہور: عمر اکمل نے اپنی غلطی کا اعتراف کر لیا، اور سب سے معافی مانگ لی۔
تفصیلات کے مطابق کرکٹر عمر اکمل نے اپنی غلطی کا اعتراف کر لیا، انھوں نے کہا کہ 17 ماہ قبل مجھ سے ایسی غلطی ہوئی جس سے کرکٹ اور میرے کیریئر کو نقصان ہوا۔
انھوں نے کہا کہ غلطی یہ تھی کہ کچھ لوگوں نے مجھ سے رابطہ کیا جسے میں وقت پر رپورٹ نہ کر سکا، میں اعتراف کرتا ہوں کہ میری غلطی کی وجہ سے پاکستان کی کرکٹ کی بدنامی ہوئی۔
وکٹ کیپر بیٹسمین نے ویڈیو پیغام میں کہا کہ میں پاکستان کرکٹ بورڈ، اپنی فیملی اور دنیا بھر میں کرکٹ فینز سے معافی مانگتا ہوں۔
I made a huge mistake by not reporting the fixing offer on time. I want to apologise to every cricket fan as my mistake spoiled the reputation of Pakistan cricket: @Umar96Akmal #PakCricket pic.twitter.com/nBdcW79NtQ
— MediaSpring PK (@MediaSpringPk) July 7, 2021
عمر اکمل نے ویڈیو پیغام میں یہ اعتراف کیا کہ ان سے کچھ لوگوں نے رابطہ کیا تھا لیکن انھوں نے بروقت پی سی بی اینٹی کرپشن کو اس کے بارے میں نہیں بتایا، انھوں نے کہا کہ فکسنگ کی پیش کش کے بارے میں بروقت نہ بتانے پر مجھے 12 ماہ کی پابندی کا سامنا کرنا پڑا۔
انھوں نے کھلاڑیوں کے لیے پیغام دیا کہ وہ ملک اور کھیل کے سفیر ہیں، انھیں کسی بھی مشکوک سرگرمی سے دور رہنا چاہیے، کوئی مشکوک شخص ان سے رابطہ کرتا ہے تو پاکستان کرکٹ بورڈ کے اینٹی کرپشن یونٹ کو آگاہ کیا جائے۔
