Tag: Umar Akmal

آئی سی سی کا عمر اکمل کے خلاف تحقیقات جاری رکھنے کا فیصلہ

دبئی: انٹرنیشنل کرکٹ کونسل نے پاکستانی کرکٹر عمر اکمل کے خلاف تحقیقات جاری رکھنے کا فیصلہ کر لیا ہے جس کے بعد ٹیسٹ کرکٹر کی مشکلات مزید بڑھ گئی ہیں۔

تفصیلات کے مطابق اسپاٹ فکسنگ کے الزامات پر آئی سی سی نے کرکٹر عمر اکمل کے خلاف تحقیقات جاری رکھنے کا فیصلہ کیا ہے، اس فیصلے نے عمر اکمل کی مشکلات بڑھا دی ہیں۔

پاکستان کرکٹ کے بیڈ بوائے عمر اکمل ان دنوں میچ فکسنگ کے الزامات پر آئی سی سی کے سخت سوالات کی زد پر ہیں، کرکٹر انٹرنیشنل کونسل کو مطمئن نہیں کر پائے ہیں کہ انھیں کس نے پیش کش کی تھی اور کیا پیش کش کی تھی، کرکٹر نے کونسل کو اس سلسلے میں بر وقت کیوں آگاہ نہیں کیا۔

ٹیسٹ بیٹسمین نے آئی سی سی کو اپنا بیان ریکارڈ کرا دیا ہے تاہم بین الاقوامی ادارہ عمر اکمل کے بیان سے مطمئن نہیں ہوا، آئی سی سی معاملے کی مزید چھان بین کررہی ہے۔

ہیڈ کوچ پر الزامات، پی سی بی نے عمر اکمل کو سزا سنادی

واضح رہے کہ عمر اکمل نے حال ہی میں ورلڈ کپ 2015 کے دوران اسپاٹ فکسنگ کی پیش کش کا انکشاف کیا تھا، 24 جون کو دیے جانے والے ایک انٹرویو میں انھوں نے کہا تھا کہ انھیں ورلڈ کپ کے دوران اسپاٹ فکسنگ کی پیش کش ہوئی تھی۔

عمر اکمل نے انٹرویو میں دعویٰ کیا تھا کہ ورلڈ کپ 2015 میں انھیں میچ کے دوران 2 گیندیں چھوڑنے کے عوض 2 لاکھ ڈالرز کی پیش کش ہوئی تھی جسے انھوں نے مسترد کر دیا تھا۔

آئی سی سی نے اس بیان کے بعد عمر اکمل سے تحقیقات کا فیصلہ کرتے ہوئے بیان کی وضاحت طلب کی ہے، خیال رہے کہ عمر اکمل پہلے ہی پاکستان ٹیم سے باہر ہیں جس کا سبب ڈسپلن اور خراب فارم ہے، موجودہ تحقیقات کے بعد ان کی پریشانی میں مزید اضافہ ہو گیا ہے۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

اگست 3, 2018
عمر اکمل خود اپنا دشمن ہے، وقار یونس

لاہور: قومی کرکٹ ٹیم کے سابق کپتان اور سابق ہیڈ کوچ وقار یونس نے کہا ہے کہ عمر اکمل کا کوئی مخالف نہیں بلکہ وہ اپنے دشمن خود بنے ہوئے ہیں، مکی آرتھر اور عمر اکمل کے تنازع کو بات چیت کے ذریعے حل کرنا چاہیے۔

لاہور میں میڈیا سے گفتگو کرتے ہوئے وقار یونس نے کہا کہ عمر اکمل اپنے پاؤں پر خود کلہاڑی مار رہے ہیں مجھے ان پر ترس آتا ہے مگر انہیں رویہ بہتر بنانے کے لیے موقع ملنا چاہیے۔

انہوں نے کہا کہ شوکاز نوٹس مسائل کا حل نہیں ہوسکتے مکی آرتھر اور عمر اکمل کے درمیان جاری تنازع کو مل بیٹھ کر حل کرلینا چاہیے۔

وقار یونس نے کہا کہ نوجوان کھلاڑیوں کی ٹیم میں شمولیت خوش آئند ہے نئے ٹیلنٹ کو قومی اسکواڈ کا حصہ بنتے رہنا چاہیے، ون ڈے اور ٹی ٹوئنٹی اسکواڈ میں نوجوان کھلاڑیوں کو شامل کرنا چاہیے۔

سابق کوچ نے کہا کہ چیمپئنز ٹرافی جیتنے سے دنیا کا پاکستان کرکٹ پر اعتماد بحال ہوا ہے، ورلڈ الیون کے پاکستان آنے سے ملک میں انٹرنیشنل کرکٹ کی راہ ہموار ہوگی تاہم ورلڈ الیون کے میچز کراچی میں بھی ہونے چاہئیں۔

یہ بھی پڑھیں: ہیڈ کوچ پرالزام، عمراکمل نے شوکاز نوٹس کا جواب دے دیا

انہوں نے کہا کہ میری سفارشات کو پاکستان کرکٹ کی بہتری کے لیے استعمال کیا جارہا ہے، ڈائریکٹرز، سلیکٹرز، اکیڈمیز، پچز، گیندوں اور ٹیموں کی کمی کے حوالے سے اپنی سفارشات پر عمل درآمد ہوتا دیکھ کر خوشی ہوئی۔

ایک سوال کے جواب میں وقار یونس نے کہا کہ وسیم اکرم سے متعلق نہ ہی کہلوائیں تو بہتر ہوگا، پی ایس ایل کی فرنچائز ملتان کے ساتھ بات چیت ہوئی لیکن وہ حتمی نتیجے پر پہنچے بغیر ختم ہوگئی۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

اگست 24, 2017
مکی آرتھر نے مجھے گالیاں دیں، عمر اکمل

لاہور: پاکستان کرکٹ ٹیم کے مڈل آرڈر بلے باز عمر اکمل نے کہا ہے کہ مکی آرتھر نے مجھے گالیاں دیں اور ناجائز وارننگ دے کر ٹیم سے باہر نکال دیا۔

لاہور میں میڈیا سے گفتگو کرتے ہوئے کرکٹر عمر اکمل نے کہا کہ قومی ٹیم کے ہیڈ کوچ مکی آرتھر نے مجھے گالیاں دیں اور کہا کہ اکیڈمی آنے کے بجائے کلب کرکٹ کھیلو۔

عمر اکمل نے دعویٰ کیا کہ مکی آرتھر نے چیف سلیکٹر اور کھلاڑیوں کے سامنے مغلظات بکیں اور اس دوران کسی کھلاڑی نے انہیں گالیاں دینے سے روکا نہیں جبکہ وہ مختلف اوقات میں دیگر کھلاڑیوں کو بھی گالیاں دیتے ہیں۔

مڈل آرڈر بلے باز نے کہا کہ کوچنگ اسٹاف کے رویے سے متعلق پاکستان کرکٹ بورڈ کو بتانا چاہتا ہوں مگر کوئی سننے والا نہیں، انہیں ٹریننگ بھی نہیں کرنے دی گئی اور ٹرینر نے بھی ٹریننگ دینے سے صاف انکار کردیا۔

عمر اکمل نے کہا کہ کوچنگ اسٹاف نے میرے ساتھ نازیبا رویہ کیوں رکھا ہوا ہے یہ بات ابھی تک سمجھ نہیں آئی جبکہ مجھے یہ بھی کہا جاتا ہے کہ پہلے کرکٹ کلب کھیلوں اور پھر قومی ٹیم میں جگہ بننے کی خواہش کا اظہار کروں۔

میں نے کوئی گالی نہیں دی، مکی آرتھر

دوسری جانب مکی آرتھر کا کہنا ہے کہ عمر اکمل غلط بیانی کررہے ہیں میں نے کوئی گالی نہیں دی۔ ہیڈ کوچ مکی آرتھر نے کہا کہ عمر اکمل کو کہتا تھا کہ اپنے روئیے میں بہتری لاؤ۔

یہ بھی پڑھیں: عمر اکمل چیمپیئنز ٹرافی سے باہر

اگست 16, 2017
دورہ انگلینڈ : شاہد آفریدی، احمد شہزاد اورعمراکمل ٹیم سےڈراپ کردیا گیا

لاہور : قومی ٹیم کے چیف سلیکٹر انضمام الحق نےشاہد آفریدی، احمد شہزاد اورعمراکمل کودورہ انگلینڈ کے لئے ابتدائی ٹیم سےڈراپ کردیا ہے۔ انضمام الحق کا کہنا ہے کہ ڈسپلن پر اب کوئی سمجھوتہ نہیں ہوگا۔

تفصیلات کے مطابق بگڑے بچےعمراکمل اوراحمد شہزاد کوباربارڈسپلن کی خلاف ورزی کرنا مہنگاپڑگیا۔ پانی سرسےگزراتو نئےچیف سلیکٹرنےاینگری بوائے اورسیلفی بوائے پربجلی گرادی۔

چیف سلیکٹر انضمام الحق نے سابق ٹی 20 کپتان شاہد آفریدی، احمد شہزاد اورعمراکمل کو دورہ انگلینڈ سے نکال دیا، لاہورمیں پریس کانفرنس سے خطاب کرتے ہوئے قومی ٹیم کے چیف سلیکٹر انضمام الحق نے واضح طور پر کہہ دیا کہ ڈسپلن پر کوئی سمجھوتانہیں کیا جائے گا۔

انضمام نے واضح کیا کہ بورڈ نے ان دونوں کے خلاف کارروائی کی۔ عمر اکمل اور احمد شہزاد دونوں کا ماضی میں ریکارڈ خراب رہا ہے اورسابق کوچ نے بھی ان کی شکایات کیں۔

پریس کانفرنس سے خطاب کرتے ہوئے شاہد آفریدی کے حوالے انضمام الحق کا کہنا تھا کہ اگلے 14 مہینے یا رواں سال ہم نے 4 ٹورز کرنے ہیں اور اس دوران 6 ٹی 20 میچز کھیلنے ہیں اس لئے میرا ماننا ہے کہ نئے لڑکوں کوسامنے لے کر آیا جائے اگر شاہد آفریدی اچھی پرفارمنس دے گا تو اسے ضرور آگے لے کر آئیں گے۔

ان کا کہنا تھا کہ دورہ انگلینڈ کے لئے تربیتی کیمپ 14 مئی سے 4 جون تک ایبٹ آباد میں لگے گا جس میں کھلاڑیوں کی فٹنس پر بھرپور توجہ دی جائے گی لیکن ڈسپلن کی خلاف ورزی پر کوئی رعایت نہیں ہوگی۔

یاد رہے کہ عمر اکمل کا حیدرآباد میں ڈانس پارٹی اسکینڈل، ٹریفک وارڈن سے جھگڑا اورفیصل آباد میں پنجابی اسٹیج شوکے دوران تنازعہ زیادہ پرانی بات نہیں۔ پھر عمران خان سے سابق کوچ کی شکایت بھی خلاف ورزی شمارہوئی۔

سیلفی بوائےکانام بھی ریکارڈزمیں کم اورتنازعات میں زیادہ لیاجاتا ہے۔ احمدشہزاد کابلاکم اور زبان زیادہ چلتی ہے۔

دلشان سےمذہبی تنازعہ، ساتھی کرکٹرویاب ریاض سےلڑائی اورڈریسنگ روم کا شیشہ توڑنا، آئےروزتنازعات میں ان رہنےوالےپی سی بی کے بگڑےبچےاب گڈبکس سے ہی نہیں ٹیم سے بھی نکل گئے۔

مئی 2, 2016
احمد شہزاد اورعمراکمل اپنا ٹیلنٹ عقلمندی سے استعمال نہیں کرتے، گرانٹ فلاور

لاہور : قومی کرکٹ ٹیم کے بیٹنگ کوچ گرانٹ فلاور نے بلے بازوں کےروّیےپرکڑی تنقید کرتے ہوئے کہا ہے کہ پاکستانی بیٹسمین پریکٹس میں محنت نہیں کرتے۔ احمد شہزاد اور عمر اکمل نے اپناٹیلنٹ عقلمندی سے استعمال نہیں کیا۔

لاہور میں صحافیوں سے گفتگو کرتے ہوئے بیٹنگ کوچ بلےبازوں پربرس پڑے۔ گرانٹ فلاورنےعمراکمل اوراحمد شہزاد کوآڑے ہاتھوں لیا۔

ان کا کہنا تھا کہ دونوں بیٹسمین اپنا ٹیلنٹ عقل مندی سے استعمال نہیں کرتے۔ احمد شہزاد کو جب سےسرپرگیند لگی تب سے وہ اپنا اعتماد کھوچکے ہیں۔ ان میں اب کوئی دم خم نہیں رہا۔

گرانٹ فلاورنے کہا کہ پاکستانی بلے بازوں کے ساتھ کام کرنابہت مشکل ہے۔ کھلاڑی مستقل مزاجی سے پریکٹس میں جان نہیں مارتے۔ دنیا کےبڑے بلےبازوں کی طرح محنت نہیں کرتے۔

ایک سوال کے جواب میں انہوں نے کہا کہ بلے بازوں کی کارکردگی خراب کیوں ہورہی ہے اس کا جواب میرے پاس بھی نہیں۔ خواہش ہے پاکستانی کھلاڑی اے بی ڈی ویلیئرزاورویرات کوہلی سے ہی کچھ سیکھیں۔

گرانٹ فلاورنےکہا کہ سرفرازاحمد بہترین بیٹسمین ہیں،انہیں اوپربھیجنا میرے بس میں نہیں تھا۔ سرفرازنے پیڈزپہنےہوتے تھےلیکن آفریدی ان کی جگہ کسی اورکو بھیج دیتے تھے۔

گرانٹ فلاورنے کہا کہ ٹیسٹ ٹیم کے ساتھ کام کرنے میں مزہ آیا۔ اور اس کا بھی رزلٹ اچھا رہا۔ انہوں نے ٹیسٹ ٹیم کی تعریف کرتے ہوئے کہا کہ مصباح الحق بہت اچھے کپتان ہیں لیکن ون ڈے اورٹی ٹوئنٹی میں ٹیم اورپلیئرزکاگراف نیچے کی جانب جارہاہے۔

اپریل 22, 2016
ٹیم میں کوئی گروپنگ نہیں ہے، عمراکمل

لاہور: قومی کرکٹر عمر اکمل نے کہا ہے کہ ٹیم میں کوئی گروپنگ نہیں ہے ،میں سرفراز کو ٹی 20 کرکٹ ٹیم کے کپتان بننے پر مبارکباد پیش کرتا ہوں.

لاہورمیں ڈی ایچ اے سپورٹس فیسٹیول کرکٹ ٹورنامنٹ کی اختتامی تقریب کے موقع پر میڈیا سے گفتگو کرتے ہوئے عمر اکمل کا کہنا تھا کہ وقار یونس کی رپورٹ پر کرکٹ بورڈ سے بات کرونگا .

وقار یونس کو بہت مس کرینگے ، وہ بہت محبت کرنے والے شخص ہیں، عمل اکمل کا کہنا تھا کہ سرفراز ہم سے بہت پیار کرتا ہے، سرفراز کو نیا کپتان بننے پر مبارکباد دیتا ہوں .

وقار یونس کی رپورٹ پر کچھ نہیں کہنا چاہتا ، ایک صحافی کے سوال پر کہ نئی سلیکشن کمیٹی آپ کو سلیکٹ کرے گی یا نہیں؟ اس پر عمر اکمل بات کئے بغیر برہم ہوکر چلے گئے.

عمر اکمل جو ڈسپلن کی خلاف ورزی پر اکثر میڈیا کی زینت بنتے رہے ہیں آج پھر اس تقریب میں نوپارکنگ ایریا میں گاڑی کھڑی کرکے چلے گئے، جس بعدازاں لفٹر نے اٹھا کر روڈ کو کلیئر کیا۔

اپریل 11, 2016
لاہور: نو پارکنگ میں گاڑی پارک، عمراکمل چالان سے بچ گئے

لاہور: کرکٹر عمر اکمل کے ستارے گاڑی کے معاملے میں عموماً گردش میں رہتے ہیں، خوش قسمتی سے لیکن اس دفعہ وہ نو پارکنگ میں گاڑی کھڑی کرنے کے باوجود چالان سے بچ نکلے۔ ۔

لاہور کے ڈی ایچ اے کرکٹ اسٹیڈیم میں بطور خصوصی مہمان شرکت کرنے والے کرکٹر عمر اکمل نے نوپارکنگ کی جگہ پر گاڑی پارک کردی۔

ڈی ایچ اے پولیس حرکت میں آئی اور معلومات اکٹھا کرنے کے بعد گاڑی کو نوپارکنگ سے لفٹر کے ذریعے اٹھا کر صحیح مقام پر پہنچا دیا۔۔

جب صحافی نے عمراکمل سے سوال کیا تو وہ ناراض ہوکر روانہ ہوگئے۔ دو سال قبل عمر اکمل کو ٹریفک وارڈن سے جھگڑنے پر حوالات کی سیر کے ساتھ پیشیاں بھی بھگتنا پڑیں تھیں۔

اپریل 11, 2016
عمر اکمل پر ایک میچ کی پابندی ٹریبیونل کا فیصلہ آنے تک معطل

لاہور: پاکستان کرکٹ بورڈ ( پی سی بی) نے ٹریبیونل کا فیصلہ آنے تک عمر اکمل پر ایک میچ کی پابندی معطل کردی ہے۔اور اب وہ نیوزی لینڈ کیخلاف پہلے ٹی 20 میچ کیلئے دستیاب ہوں گے۔

تفصیلات کے مطابق قومی کرکٹ ٹیم کے بیڈ بوائے عمر اکمل ایک بار پھر خبروں میں آگئے ۔ عمر جب بھی ڈومیسٹک کرکٹ کھیلتےہیں کوئی نہ کوئی اسکینڈل منظر عام پر ضرور آتا ہے۔

کبھی ڈانس پارٹی میں جانے کی خبر تو کبھی کوچ باسط علی سے زبان درازی کی خبریں منظر عام پر آتی ہیں، کوئی نہ کوئی معاملہ خبروں میں گرم رہتا ہی ہے۔

قائد اعظم ٹرافی میں عمر اکمل نے پی سی بی کے ڈریس کوڈ کی خلاف وزری کی جس پر میچ ریفری انور خان نے ایک میچ کی پابندی عائد کردی تھی۔

مڈل آرڈر بیٹسمین نے پابندی کے خلاف اپیل دائر کی جس پر پی سی بی ٹریبیونل ترتیب دے دیاہے، پی سی بی اعلامیہ کے مطابق ٹریبیونل کا فیصلہ آنے تک عمر اکمل پر پابندی نہیں ہوگی۔

وہ نیوزی لینڈ کے خلاف پہلے ٹی ٹوئنٹی کے لئے دستیاب ہوں گے۔ اب معاملے یہ ہے کہ جب ہر بار عمر کو چھوڑ دیا جاتا ہے تو پھر ان پر پابندی عائد ہی کیوں کی جاتی ہے۔کیا بیڈ بوائے عمر اکمل پی سی بی کا لاڈلہ ہے یا معاملہ کچھ اور ہے۔

جنوری 14, 2016
پی سی بی نے عمر اکمل کو ایک میچ کیلئے معطل کردیا

لاہور: قومی کرکٹ ٹیم کے کھلاڑی عمر اکمل کو پی سی بی نے ٹی ٹوینٹی کے پہلے میچ سے معطل کردیا۔

تفصیلات کے مطابق پاکستان کرکٹ بورڈ نے قائد اعظم ٹرافی کے دوران ضابطہ اخلاق کی خلاف ورزی پر اسکینڈلز کے بادشاہ عمر اکمل پر ایک میچ کی پابندی عائد کردی ہے۔

پاکستانی ٹیم کے منیجر انتخاب عالم نے بھی اس بات کی تصدیق کردی ہے کہ ئمر اکمل پاک نیوزی لینڈ کے درمیان کھیلے جانے والے پہلے ٹی ٹوینٹی میچ میں شرکت نہیں کریں گے۔

واضح برہے کہ عمر اکمل نے قائد اعظم ٹرافی کے دوران ڈریس کوڈ کی خلاف ورزی کی تھی جس پر پی سی بی نےایکشن لیتے ہوئے عمراکمل پر ایک نٹرنیشنل میچ کی پابندی عائد کر دی ہے۔

جنوری 10, 2016
عمر اکمل ڈانس پارٹی میں رنگے ہاتھوں پکڑے گئے، پی سی بی کا ٹیم میں شامل کرنے سے انکار

لاہور : نامور کرکٹر عمر اکمل ڈانس پارٹی میں رنگے ہاتھوں پکڑے گئے، جس کی وجہ سے انہیں انگلینڈ کے خلاف ٹی ٹوئنٹی سکواڈ سے ڈراپ کر دیا گیا ہے.

پی سی بی ذرائع کا کہنا ہے کہ عمر اکمل ایک ڈانس پارٹی میں مبینہ طور پر خواتین کے ساتھ بد سلوکی کرتے ہوئے پائے گئے، جس کی وجہ سے انہیں سکواڈ سے ڈراپ کرتے ہوئے شوکاز نوٹس جاری کردیا ہے۔

پی سی بی کا کہنا تھا کہ عمر اکمل کی اس حرکت سے پی سی بی کی ساکھ کو نقصان پہنچا ہے اور انھوں نے کرکٹ کا وقار مجروح کیا ہے، جس پر وہ 2 ہفتے میں اپنا جواب جمع کرائیں۔

پاکستان کرکٹ بورڈ کے چیئرمین شہریار خان کاکہنا ہے کہ ڈسپلن کی خلاف ورزی پر عمر اکمل کو معطل کردیا ہے اور ان کے خلاف کاروائی کا حکم بھی دے دیا ہے.

ذرائع کے مطابق عمر اکمل میچ کے دوران عظیم گھمن کے ہمراہ حیدر آباد کی زیل پاک ہاوسنگ سوسائٹی میں ڈانس پارٹی میں چلے گئے جہاں مبینہ طور پر خواتین سے بد تمیزی کی گئی تو پولیس کا چھاپہ پڑ گیا حیدر آباد کے مقامی اخبار میں دونوں کھلاڑیوں نام کوڈ ورڈز میں چھاپے گئے جس میں پولیس کا بیان تھا کسی نامور کرکٹر کو نہیں پکڑا مقامی کھلاڑی کے خلاف کارروائی ہوئی لیکن آج جب خبر منظر عام پر آئی تو پولیس نے بھی یو ٹرن لیتے ہوئے بیان بدل دیا کہ ایسا کوئی واقعہ پیش ہی نہیں آیا.

واضح رہے کہ ورلڈ کپ 2015میں بھی عمر اکمل پر کوچ سے بدتمیزی کے ساتھ پیش آنے کا الزام عائد کیا گیا تھا۔

نومبر 12, 2015