ARYNews.tv | Urdu – Har Lamha Bakhabar

Tag: Umer Sharif

  • عمرشریف کو امریکا منتقل کرنیوالی ایئرایمبولینس آج جرمنی سے روانہ ہوگی

    عمرشریف کو امریکا منتقل کرنیوالی ایئرایمبولینس آج جرمنی سے روانہ ہوگی

    کراچی: معروف کامیڈین عمرشریف کوامریکا منتقل کرنیوالی ایئرایمبولینس آج جرمنی سےروانہ ہوگی ، ایئرایمبولینس کی اگلی منزل ری فیولنگ کیلئےآئس لینڈ کا ایئرپورٹ ہے۔

    تفصیلات کے مطابق معروف کامیڈین عمرشریف کوامریکا منتقل کرنیوالی ایئرایمبولینس آج جرمنی سےروانہ ہوگی ، عمرشریف کورات جرمنی آمدکےبعدمقامی اسپتال میں داخل کردیاگیاتھا۔

    خاندانی ذرائع کا کہنا ہے کہ عمرشریف کی اہلیہ کوجرمنی میں داخلے کےبعدویزےکی دشواری کاسامناکرناپڑا تاہم عمرشریف کی اہلیہ کوویزاجاری کرکےمختصرقانونی قیام کی اجازت مل چکی ہے۔

    ذرائع کے مطابق عمرشریف کی اہلیہ اس وقت اپنے شوہر کے پاس اسپتال میں موجود ہے ، ایئرایمبولینس کی اگلی منزل ری فیولنگ کیلئےآئس لینڈکاایئرپورٹ ہے۔

    یاد رہے اہلیہ زریں غزل کا کہنا تھا کہ عمرشریف کوتھکاوٹ اور ہلکےبخارکی وجہ سے جرمنی میں روکا گیا ہے، وہ رات جرمنی میں قیام کریں گے، عمرشریف کا ڈاکٹرطارق شہاب کے مشورےپر جرمنی میں قیام بڑھایاگیا۔

    خیال رہے معروف کامیڈین عمرشریف7گھنٹے14منٹ میں کراچی سے جرمنی پہنچے تھے۔

  • عمرشریف کا طبیعت ناسازی کے باعث جرمنی میں قیام ، 15روزکا ویزاجاری

    عمرشریف کا طبیعت ناسازی کے باعث جرمنی میں قیام ، 15روزکا ویزاجاری

    لاہور : معروف کامیڈین عمرشریف کو طبیعت ناسازی کے باعث جرمنی میں قیام کرنا پڑا ، جرمنی نےعمرشریف اور ان کی اہلیہ کو15 روز کا ویزا جاری کردیا ہے۔

    تفصیلات کے مطابق معروف کامیڈین عمرشریف کی طبیعت ناسازی کی وجہ سےائیرایمبولینس کو جرمنی میں روکا گیا ، جرمنی پہنچنے پر عمر  شریف کی اہلیہ زریں غزل نےمقامی پولیس اسٹیشن رپورٹ کیا۔

    اہلیہ زریں غزل کا کہنا ہے کہ عمرشریف کوتھکاوٹ اور ہلکےبخارکی وجہ سے جرمنی میں روکا گیا ہے، وہ رات جرمنی میں قیام کریں گے، عمرشریف کا ڈاکٹرطارق شہاب کے مشورےپر جرمنی میں قیام بڑھایاگیا۔

    زریں غزل نے بتایا کہ عمرشریف کوجرمنی کےنیورمبرگ اسپتال میں داخل کیا گیاہے ، عمر شریف کاجرمنی میں دوبارہ چیک اپ کیاگیا، بدھ کی صبح آئس لینڈ پہنچیں گے ، جہاں سے براستہ کینیڈا امریکا جائیں گے۔

    جرمنی نےعمرشریف اور ان کی اہلیہ کو15روزکاویزاجاری کردیا، جرمنی میں عمرشریف کاقیام بڑھنےکی صورت میں15روزکاویزاجاری کیا گیا، اہلیہ عمر شریف نے کہا انسانی ہمدردی کےتحت ویزاجاری کرنے پر جرمنی کی مشکورہوں۔

    خیال رہے معروف کامیڈین عمرشریف7گھنٹے14منٹ میں کراچی سے جرمنی پہنچے تھے۔

  • معروف کامیڈین عمر شریف کو کیا بیماری ہے؟

    معروف کامیڈین عمر شریف کو کیا بیماری ہے؟

    کراچی: امریکا میں مقیم ماہر امراض قلب ڈاکٹر طارق شہاب کا کہنا ہے کہ معروف کامیڈین عمر شریف کی ہارٹ سرجری ایک پیچیدہ عمل ہے، امریکا پہنچتے ہی انہیں اسپتال میں داخل کرلیا جائے گا اور ایک سے دو دن میں ان کی سرجری کی جائے گی۔

    تفصیلات کے مطابق امریکا میں مقیم ڈاکٹر طارق شہاب نے اے آر وائی نیوز سے گفتگو میں معروف کامیڈین عمر شریف کی بیماری کی تفصیلات بتائیں۔

    ڈاکٹر طارق کا کہنا تھا کہ عمر شریف کے دل کے ایک والو کے مسلز کمزور ہوچکے ہیں، جس کی وجہ سے خون کی گردش میں رکاوٹ ہے جبکہ انہیں سانس لینے میں بھی تکلیف کا سامنا ہے۔

    انہوں نے بتایا کہ اس کا علاج اوپن ہارٹ سرجری سے ہوسکتا ہے، لیکن عمر شریف کی پہلے ہی ایک اوپن ہارٹ سرجری ہوچکی ہے جبکہ ان کے گردے بھی کمزور ہیں لہٰذا دوبارہ سرجری کرنا ان کے لیے جان لیوا بھی ثابت ہوسکتا ہے۔

    ڈاکٹر طارق کے مطابق عمر شریف کی سرجری اب نئے طریقہ علاج کے ذریعے کی جائے گی جس میں دل کو کھولے بغیر شریانوں کے اندر سے ہی اس والو کی جراحت کی جاتی ہے۔

    انہوں نے کہا یہ ایک مشکل سرجری ہے اور اس کے لیے ماہر امراض قلب کی پوری ٹیم چاہیئے جن کا پاکستان آنا مشکل تھا، اسی لیے عمر شریف کو یہاں بلایا گیا۔ امریکا پہنچتے ہی عمر شریف کو اسپتال میں داخل کرلیا جائے گا اور ضروری پروسیجر کے بعد ان کی سرجری کا عمل شروع کردیا جائے گا۔

    یاد رہے کہ کراچی ایئرپورٹ سے ایئر ایمبولنس عمر شریف کو لے کر امریکا روانہ ہوچکی ہے، ایئر ایمبولینس میں اہلیہ بھی عمر شریف کے ہمراہ ہیں۔

  • ایئرایمبولینس عمرشریف کو لے کرامریکا روانہ، بیٹے کی مداحوں سے دعا کی اپیل

    ایئرایمبولینس عمرشریف کو لے کرامریکا روانہ، بیٹے کی مداحوں سے دعا کی اپیل

    کراچی: ایئرایمبولینس معروف کامیڈین عمرشریف کولےکرامریکاروانہ ہوگئی، بیٹاجوادعمر نے مداحوں سے دعا کی اپیل کرتے ہوئے کہا انشااللہ ابو بہت جلد ٹھیک ہوکر واپس آجائیں گے۔

    تفصیلات کے مطابق کراچی ایئرپورٹ سے ایئرایمبولینس معروف کامیڈین عمرشریف کولے کرامریکاروانہ ہوگئی ، ایئرایمبولینس میں اہلیہ بھی عمرشریف کے ہمراہ ہیں۔

    اس موقع پر عمرشریف کے بیٹے جوادعمر نے مداحوں سے دعا کی اپیل کرتے ہوئے کہا اللہ پاک کا شکرگزار ہوں ،ابو علاج کیلئے امریکا روانہ ہوگئے اور عمران خان ،بلاول بھٹو،مرتضیٰ وہاب،سی اےاے،میڈیا کا مشکور ہوں، پوری قوم مشکل وقت میں ہمارےساتھ کھڑی رہی ۔

    جوادعمر کا کہنا تھا کہ پوری قوم مشکل وقت میں ہمارےساتھ کھڑی رہی ہے ، انشااللہ ابو بہت جلد ٹھیک ہوکر واپس آجائیں گے ، میں اور میری والدہ بھی آج رات روانہ ہوجائیں گے ، میں ہی والد کو امریکا میں ریسیو کروں گا۔

  • عمر شریف کی امریکا منتقلی کیلئے ائیر ایمبولینس کی جلد پاکستان آمد متوقع

    عمر شریف کی امریکا منتقلی کیلئے ائیر ایمبولینس کی جلد پاکستان آمد متوقع

    کراچی : معروف کامیڈین عمر شریف کو امریکہ لے جانے کے لیے ائیر ایمبولینس اگلے 48 گھنٹوں میں کراچی کے جناح انٹرنیشنل ایئرپورٹ پر پہنچ جائے گی۔

    تفصیلات کے مطابق معروف کامیڈین عمر شریف کی بیرون ملک علاج کیلئے روانگی کے معاملے پر ایئرایمبولینس کے لیے رقم امریکی بینک کو منتقل کردی گئی رقم کی منتقلی کے بعد ایئرایمبولینس 48 گھنٹے میں پاکستان پہنچ جائے گی۔

    محکمہ صحت سندھ نے کل معروف فنکار اور اداکار عمر شریف کے لیے ایئر ایمبولینس کے حوالے سے وفاقی وزارت خزانہ کو خط لکھا تھا ، جس میں وفاقی حکومت سے ایئر ایمبولینس سے متعلق تمام مسائل کو جلد از جلد حل کرنے کی درخواست کی تھی۔

    خط میں کہا گیا تھا کہ ایئر ایمبولینس اور عمر شریف کے علاج کے تمام اخراجات سندھ حکومت برداشت کرے گی۔

    خیال رہے عمرشریف کی بیرون ملک منتقلی کیلئے امریکا کی ایئرایمبولینس نامی کمپنی کی خدمات حاصل کی جارہی ہے جبکہ سندھ حکومت کی جانب سے عمر شریف کےعلاج کیلئے4کروڑ جاری کئےگئےتھے جبکہ امریکا منتقلی کے لیے 2کروڑ 84لاکھ 98ہزار ادا کئے گئے۔

  • عمر شریف اور ان کے اہلخانہ کو امریکا کے ویزے جاری

    عمر شریف اور ان کے اہلخانہ کو امریکا کے ویزے جاری

    کراچی : معروف کامیڈین عمرشریف اور ان کے اہلخانہ کو امریکا کے ویزے جاری کردیے گئے ، جس کے بعدعمرشریف جلد اپنےعلاج کےلئے امریکا روانہ ہوں گے۔

    تفصیلات کے مطابق سندھ حکومت کے ترجمان مرتضیٰ وہاب نے سماجی رابطے کی ویب سائٹ ٹوئٹر پر معروف کامیڈین عمرشریف اور ان کے اہلخانہ کو امریکا کے ویزے جاری ہونے کی تصدیق کرتے ہوئے کہا کہ ویزے جاری کرنے پر امریکی قونصل خانےکےشکرگزار ہیں۔

    دوسری جانب معاون خصوصی ڈاکٹر شہباز گل نے سماجی رابطے کی ویب سائٹ پر اپنے بیان میں کہا کہ معروف کامیڈین عمرشریف اورانکےاہلخانہ کوامریکاکےویزے جاری کردیئے ہیں ، اب عمرشریف جلد اپنےعلاج کےلئے امریکا روانہ ہوں گے، انکےاہلخانہ نےتمام عمل میں تعاون پروزیراعظم کاشکریہ ادا کیا۔

    ڈاکٹر شہباز گل کا کہنا تھا کہ وزیراعظم صاحب دعاگو ہیں کہ اللہ تعالی عمر شریف صاحب کو جلد صحتیاب کرے۔

    اس سے قبل مرتضیٰ وہاب کا کہنا تھا کہ ویزےکےلیےعمرشریف کوقونصل خانےآنےسےاستثنیٰ دیاگیا ہے ، عمرشریف کو رعایت دینےپرامریکی قونصل خانے کے شکر گزار ہیں ، برصغیرکےعظیم ترین کامیڈین کی صحت یابی کےلیےدعاگو رہیں۔

    ویزے جاری ہونے کے بعد عمرشریف علاج کے لیےایک سے2دن میں امریکاروانہ ہوں گے ، عمر شریف کی خواہش کے مطابق اہلیہ زریں عمر ساتھ جائیں گی جبکہ امریکا میں ڈاکٹر طارق شہاب سرجری کے انتظامات کر رہے ہیں۔

  • لیجنڈری اداکار عمر شریف کی طبیعت سے متعلق خبریں ، بیٹے کا اہم بیان سامنے آگیا

    لیجنڈری اداکار عمر شریف کی طبیعت سے متعلق خبریں ، بیٹے کا اہم بیان سامنے آگیا

    کراچی : لیجنڈری اداکار عمر شریف کے بیٹے نے ان کی بیماری کی افواہوں کی تردید کرتے ہوئے کہا عمر شریف بالکل صحت مند ہیں،ان کی بیماری سے متعلق خبروں اور ویڈیوز سے ہمارے جذبات مجروح ہوئے۔

    تفصیلات کے مطابق لیجنڈری اداکار عمر شریف کی طبیعت سے متعلق خبروں کی تردید کرتے ہوئے بیٹے جواد عمر نے ویڈیو بیان جاری کردیا ہے۔

    ویڈیو میں عمر شریف کے بیٹے کا کہنا تھا والد کی طبعیت ٹھیک ہے، وہ تندرست ہیں اور گھر پر ہی ہیں اور آرام کررہے ہیں، ان کی صحت کےحوالے سے افواہیں پھیلائی جارہی ہیں، عمرشریف جنرل چیک اپ کیلئےگئے، جوسب کو کرانا چاہیے۔

    جواد عمر نے مزید کہا عمرشریف ریہرسل کر رہے ہیں اور امریکاکادورہ کرنےوالے ہیں، وہ پورٹ گرینڈ پر شو کررہے ہیں جبکہ عید پر بھی پلےکیا تھا۔

    عمر شریف کے بیٹے کا کہنا تھا چینلزاور سوشل میڈیا پربغیر تصدیق خبریں نہ چلائی جائیں، مداحوں سے اپیل ہے کہ افواہیں پھیلانے سے گریز کریں۔

    جواد عمر نے مزید کہا بےبنیاد خبروں سے ہمارے جذبات کو ٹھیس پہنچی، کچھ عرصہ قبل بھی اس طرح کی افواہیں پھیلائی گئی تھیں۔

    خیال رہے یہ خبریں گردش کر رہی تھیں کہ کامیڈین عمر شریف کی طبیعت اچانک بگڑ گئی، جس کے بعد انہیں ہنگامی طور پر ہسپتال منتقل کرنا پڑا۔