اسلام آباد: سیکریٹری جنرل اقوام متحدہ بان کی مون نے وزیراعظم نوازشریف کوٹیلی فون رابطہ کرکےوزیر اعظم نواز شریف سے سانحہ پشاور پر تعزیت کی ہے۔
سیکریٹری جنرل اقوام متحدہ کا ٹیلیفون پر نواز شریف سے سانحہ پشاور میں ایک سو چونتیس بچوں کی شہادت پر شدی افسوس کا اظہار کیا، ان کا کہنا تھا کہ پوری عالمی برادری سفاکانہ واقعہ کی مذمت کرتی ہے اور مشکل کی گھڑی میں عالمی برادری پاکستان کےساتھ ہے، بان کی مون یقین دہانی کرائی کہ دہشت گردی کے خلاف جنگ میں پاکستان کو عالمی برادری اکیلا نہیں چھوڑے گی۔
تیونس: اقوام متحدہ کے سیکرٹری جنرل بان کی مون دو روزہ دورے پر تیونس پہنچ گئے۔
اقوام متحدہ کے سیکرٹری جنرل بان کی مون اپنے دو زورہ دورے پر تیونس کے صدر مونسیف مرزوکی کے ساتھ ملاقات میں مشرق وسطی میں جاری بحران اورامن کے حوالے سے بات چیت کی۔
ایک پریس کانفرنس میں بان کی مون نے قائم امن اور دہشتگردی کے حوالے اپنی تشویش کا اظہار کرتے تمام ممالک کے رہنماؤں پر زور دیا کہ وہ قائم امن کے لئےاپنا کردار ادا کریں تا کہ دنیا میں جاری موجودہ بحران پر قابو پانے میں مدد مل سکے۔
بان کی مون تیونس کے وزیرِخارجہ کے ساتھ ملاقات کے علاوہ سول سوسائٹی کے کارکنوں سے ملاقات کریں گے۔
نیویارک: وزیرِاعظم نواز شریف نے نیویارک میں اقوام متحدہ کے سیکریٹری جنرل بانکی مون اور عالمی نمائندہ برائے تعلیم گورڈن براؤن سے ملاقات کی ۔
نیویارک میں وزیرِاعظم نوازشریف نے اقوام متحدہ کے سیکریٹری جنرل بان کی مون سے ملاقات کی، دونوں رہنماؤں نے علاقائی اور عالمی امور پر تفصیلی تبادلہ خیال کیا۔
دوسری جانب وزیرِاعظم نواز شریف نے تعلیم کے عالمی نمائندے گورڈن براؤن سے بھی ملاقات کی، ملاقات میں پاکستان میں شرح خواندگی کے فروغ سےمتعلق امور پر تبادلہ خیال کیا گیا۔
فیصل آباد : اقوام متحد کی جنرل اسمبلی کا 69واں اجلاس 22ستمبر سے امریکہ کے شہرنیو یارک میں جاری ہے جہاں پاکستان کے وزیر اعظم میاں نواز شریف سمیت دنیا کے192ممالک کے سربراہاں شریک ہیں۔
اقوام متحدہ کی جنرل اسمبلی میں وزیراعظم میاں نواز شریف کے علاوہ پاکستان سے زرعی یونیورسٹی فیصل آباد کی ہونہار طالبہ شعبہ پی بی جی میں فیصل آباد کی تحصیل سمندری سے تعلق رکھنے والی طالبہ رابعہ فریدی نے بھی اقوام متحد کی جنرل اسمبلی کے اجلاس شرکت کی، پروگرام کے مطابق رابعہ فریدی نے جنرل اسمبلی اجلاس کے سائیڈلائن پروگرام میں خطاب کیا جس کے بعد اسی روز انہیں یوتھ کریج ایوارڈ 2014ء سے بھی نوازا گیا۔
رابعہ فریدی پاکستان کی دوسری خاتون ہیں جہنوں نے اقوام متحدہ کی جنرل اسمبلی سے خطاب کیا۔ یاد رہے کہ یونیورسٹی کے ڈی بیٹنگ کلب کی سرگرم رکن رابعہ فریدی کو برطانیہ کے سابق وزیراعظم اور اقوام متحدہ میں تعلیم کے خصوصی نمائندے مسٹر گورڈن براؤن کی طرف سے ان کی اسلام آباد آمدپر متاثر کن تقریر کرنے پر گلوبل یوتھ ایمبسڈرفار ایجوکیشن مقررکرنے کے ساتھ ساتھ انہیں اقوام متحدہ کی جنرل اسمبلی سے خطاب کیلئے بھی منتخب کیاگیا تھا۔
رابعہ فریدی 10ستمبر کو ایک پروقار تقریب میں صوبائی وزیرتعلیم رانا مشہود احمد خاں کے ہاتھوں برگدیوتھ آئیکون ایوارڈ بھی حاصل کر چکی ہیں۔
عراق : اقوام متحدہ کے سیکریٹری جنرل بان کی مون کا کہنا ہے کہ عراق شدت پسندوں کے خلاف جنگ جاری رکھے ۔
بانکی مون نے عراق کے دورے میں مذہبی و سیاسی رہنما آیت اللہ علی سیستانی سے ملاقات کی، ملاقات میں بان کی مون نے آیت اللہ علی سیستانی سے ملک میں جاری سیاسی بحران پر قابو پانے کے لیے اپنا کردار ادا کرنے پر زور دیا۔
ملاقات کے بعد بان کی مون نے میڈیا سے بات چیت کرتے ہوئے کہا کہ عراق شدت پسند گروپ داعش کے خلاف کارروائیاں جاری رکھے جبکہ ملک کی تما م سیاسی شخصیات پر زور دیا کہ وہ متحد ہوکر مکک میں جاری کشیدگی پر قابو پانے کی کوشش کریں۔
