تاجکستان: وزیراعظم نواز شریف کا کہنا ہے کہ مستقبل میں پانی کی کمی پرقابوپانا ایک بڑا چیلنج ہوگا۔
وزیراعظم نواز شریف نے کہاہے کہ پاکستان پانی کے حصول کیلئے مقررہ اہداف میں اقوام متحدہ کا شراکت دار ہے۔
اُنہوں نے یہ بات تاجکستان میں واٹرفارلائف کے عنوان سے ہونے والی عالمی کانفرنس سے خطاب کرتے ہوئے کہی۔
وزیراعظم نے کہا کہ پانی کے معاملے پربین الاسرحدی تعاون بڑھانا ہونا ہوگا۔
وزریراعظم نے یہ بھی کہا کہ ہمیں ماحولیاتی تبدیلیوں اوربڑھتی آبادی جیسے مسائل کا سامنا ہے جن پرہرممکن صورت قابو پانا ہوگا۔
اسلام آباد: میانمر کے مسلمانوں کی نسل کشی اور قتل عام کے خلاف آواز اٹھاتے ہوئے چیئر مین پی ٹی آئی عمران خان نے اقوام متحدہ کے سیکرٹری جنرل بان کی مون کو خط تحریر کر دیا، اقوام متحدہ مسلمانوں کے تحفظ میں ناکام نظر آرہی ہے۔
چیئرمین پی ٹی آئی عمران خان نے میانمر کی صورت حال پر بان کی مون کو لکھے گئے گئے خط میں تشویش کا اظہار کرتے ہوئے کہا ہے کہ کھلے عام مسلمانوں کی نسل کشی کی جا رہی جو انتہائی شرمناک ہے۔
اقوام متحدہ اس سلسلے میں اپنی ذمہ داری پوری نہیں کر رہا اور نہ ہی اس حوالے سے عالمی برادری نے کوئی آواز اٹھائی۔
عمران خان نے کہا ہے میانمر کی بد تر صورت حال کے باعث مسلمان ہجرت کرنے پر مجبور ہیں،مگر انسانی حقوق کے علمبرار خاموشی اختیار کئے ہوئے ہیں۔
عمران خان نے مطالبہ کیا کہ اقوام متحدہ مسلمانوں کا قتل عام رکوانے کے لئے اپنا بھرپور کردار ادا کرے۔
پاکستانی حکومت کی جانب سے خاموشی پر بھی عمران خان نے سخت تنقید کی اور کہا کہ سمندر میں پھنسے مسلمانوں کے لئے ترکی کے صدر نے جو اقدام کئے وہ قابل تعریف ہیں مگر حکومت پاکستان کیوں خاموش ہے،مسلم برادری کے تحفظ میں پاکستان بھی اپنا کردار ادا کرے۔
نیویارک: اقوامِ متحدہ کے سیکرٹری جنرل بان کی مون نے پاکستان سے درخواست کی ہےکہ حکومت مذہبی اقلیتوں کے تحفظ کو یقینی بنانے کے لئے ہرممکن اقدامات کرے۔
یہ درخواست کراچی کے علاقے صفورہ میں اسماعیلی برادری پرحملے میں 46 افراد کی ہلاکت کے بعد کی گئی، حملے کی ذمہ داری دولت اسلامیہ نامی گروہ نے قبول کی ہے۔
بان کی مون نے حملے انتہائی سخت الفاظ میں مذمت کرتے ہوئے کہا کہ پاکستان ذمہ داروں کو انصاف کے کٹہرے میں لائے۔
انہوں نے حکوممت سے درخواست کی کہ پاکستان میں مذہبی اقلیتوں کی حفاظت کے لئے ہرممکن اقدامات کیے جائیں۔
پاکستان میں گذشتہ کئی سالوں میں مذہبی تشدد پسندی کے رحجان کو تقویت ملی ہے جس کا زیادہ ترنشانہ شیعہ برادری بنتی رہی ہے جو کہ پاکستان کی آبادی کا 20 فیصد حصہ ہے۔
قاہرہ: ایرانی حمایت یافتہ حوثی قبائل نے سعودی عرب کی جانب سے انسانی بنیادوں پر پیش کردہ پانچ روزہ جنگ بندی کی تجویز قبول کرلی ہے، ساتھ ہی سعودی عرب کو خبردار بھی کیا ہے کہ اس دوران ہونے والی کسی بھی جارحیت کا بھرپور جواب دیا جائے گا۔
سعودی عرب کا اس معاملے میں کہنا ہے کہ اگر حوثی قبائل رضا مند ہیں تو جنگ بندی پر عملدرآمد منگل سے ہوسکتا ہے۔
واضح رہے کہ امریکی حمایت یافتہ سعودی اتحاد نے 26 مارچ 2015 کو جلاوطن صدرعبدالربو منصورہادی کی حکومت بحال کرانے کے لئے فضائی حملے شروع کیے تھے۔
دوسری جانب حوثی قبائل کا کہنا ہے کہ ان کی جدوجہد ملک کو کرپشن اور القائدہ کے خطرے سے بچانے کے لئے ہے۔
حوثی قبائل کے ترجمان کرنل شرف لقمان کا کہنا ہے کہ’’القائدہ اور اسکے حامیوں کی جانب سے جنگ بندی کی خلاف ورزی کرنے پر آرمی دیگر مسلح گروہ انتہائی موثر جواب دیں گے‘‘۔
حوثی قبائل کی جانب سے یہ بیان ہفتے کو رات گئے جاری کیا گیا جس میںانہوں نے کہا ہے کہ یمن کے لوگوں کو تکلیف سے بچانے کے لئے تمام مثبت اقدامات کا خیر مقدم کریں گے۔
حوثی قبائل نے تنازعے کے حل کے لئے اقوام متحدہ کے زیر نگرانی مذاکرات بھی شروع کرانے کا مطالبہ کیا ہے۔
اے ایف پی
واشنگٹن: اقوام متحدہ کی سلامتی کونسل میں یمن کے مسئلے پر قرار داد منظور کر لی گئی ہے جس میں سابق یمنی صدر عبداللہ صالح اور حوثی باغیوں کے سردار کو بلیک لسٹ کر دیا گیا ہے۔
اقوام متحدہ کی 15 رکنی سلامتی کونسل کے اجلاس میں حوثی باغیوں پر پابندی عائد کی جانے والی قرارداد کے حق میں 14 ووٹ ڈالے گئے جب کہ روس نے ووٹنگ میں حصہ ہی نہیں لیا۔ قرار داد کے مطابق حوثی باغیوں کو ہر قسم کی ہتھیاروں کی فراہمی پر مکمل پابندی لگا دی ہے ۔
قرارداد میں کہا گیا ہے کہ حوثی باغیوں کو ہر قسم کے اسلحہ کی فراہمی پر پابندی عائد ہوگی جب کہ حوثی باغیوں سے کہا گیا ہے کہ وہ ان علاقوں کو خالی کردیں جن پر انہوں نے قبضہ کیا ہے۔ قرارداد میں یمن کے سابق صدر علی عبداللہ صالح اور ان کے بیٹےاحمد صالح سمیت 2 سینئر حوثی رہنماوں کو بلیک لسٹ قرار دے دیا گیا ہے۔
یاد رہے کہ یمن کے سابق صدر عبداللہ صالح نے یمنی صدر ہادی کے خلاف حوثی باغیوں کی حمایت کا اعلان کیا تھا۔
ریاض: سعودی عرب کی زیرِ حفاظت یمنی صدرعرب لیگ کےاجلاس میں شرکت کے لیے مصرروانہ ہو گئے، سعودی عرب اور خلیجی ریاستوں نےاقوام متحدہ سے یمن پرہتھیاروں کی پابندی کا مطالبہ کیا ہے۔
عرب لیگ کی کانفرنس میں یمنی صدر اپنے ملک میں جاری باغیوں کی جانب سے پیش قدمی اور سعودی عرب کی کاروائیوں کے بارے میں عرب ممالک کو آگاہ کریں گے۔
گذشتہ رات سعودی فورسز نے یمنی صدر کی حفاظت کرتے ہوئے انہیں صدارتی محل سے نکال لیا تھا اور باغیوں کو سبکی اٹھانا پڑی تھی۔
یمنی صدر نے اقوام متحدہ کے سیکرٹری جنرل کو لکھے گئے خط میں درخواست کی ہے کہ باغی ان کی حکومت کے خلاف جدید ہتھیاروں سمیت میزائل تک کا استعمال کررہے ہیں لہذا یمن کو شدت پسندی سے بچانے کے لیے اقوام متحدہ کی مدد درکار ہے اور اس کے لیے ان کو فوج سمیت تمام ضروری امداد دی جائے تاکہ ملک کو باغیوں سے بچایا جا سکے۔
سڈنی: آسٹرلیوی وزیر اعظم ٹونی ایبٹ نے پناہ گزینوں کے معاملے میں آسٹریلیا پرہونےوالی تنقید کے جواب میں برہمی کا اظہار کرتے ہوئے کہا کہ’’ان کا ملک اقوام متحدہ کے وعظ سے عاجز آگیا ہے‘‘۔
آسٹریلوی دارالحکومت کینبرا نے مانوس نامی جزیرے پرکشتیوں کے ذریعے آنے والے مہاجرین کو پناہ دینے سے انکار کردیا ہے جس کی مہاجرین اور اور ہیومن رائٹس کے وکلاء نے شدید مذمت کی ہے۔
اقوامِ متحدہ کےنمائندہ خصوصی کی جانب سےجمع کرائی گئی رپورٹ میں کہا گیا ہے کہ آسٹریلیا میں ہجرت سے متعلق بنائے گئے قوانین کنونش برائے عدم تشدد کے خلاف ہیں۔
آسٹریلوی وزیراعظم کا کہنا تھا کہ ہم نے سمندر میں بوٹس کا داخلہ بند کردیا ہے اوراس طرح ہم نے کھلے سمندر میں ہونے والی اموات کا سلسلہ بند کردیا ہے۔
ان کا یہ بھی کہنا تھا کہ آسٹریلین اقوام متحدہ کے لیکچروں سے تنگ آچکے ہیں۔
ٹونی ایبٹ نے مزید کہا کہ انسانی اسمگلنگ اور اس کے نتیجے میں ہونے والی اموات کی روک تھام ہی واحد انسانی اور احسن قدم ہے جو کہ ہم اٹھا سکتے ہیں۔
نئی دہلی: امریکا نےسلامتی کونسل کی مستقل رکنیت کیلئے بھارت کی حمایت کااعلان کردیا، دونوں ملکوں کےدرمیان دفاع کے شعبے میں تعاون پربھی اتفاق ہواہے۔
امریکا اوربھارت نے باہمی تجارت کے فروغ اورہاٹ لائن کے قیام پراتفاق کرلیا، مشترکہ پریس کانفرنس میں امریکی صدر نے بتایا بھارت کے ساتھ سول جوہری سمجھوتے پر پیش رفت ہوئی ہے ،دفاع کے شعبے میں بھی تعاون پراتفاق ہوا ہے۔
باراک اوباما نے دہشت گردی اورخطے میں امن کیلئے بھارتی اقدامات کوسراہا اورسلامتی کونسل کی مستقل رکنیت کیلئےبھارت کی حمایت کااعلان کیا۔
امریکی صدر نے یمن کی غیریقینی صورتحال پرتشویش کااظہارکرتے ہوئے کہامعاملات افہام وتفہیم سے حل کرنے کی کوشش کی جائے۔
اس موقع پر نریندرمودی نے کہادونوں ملک دہشت گردی کے خاتمے پرمتفق ہیں بھارت امریکا تعاون دنیاکے امن کےلیےضروری ہے،تعلقات کونئی بلندیوں پرلے جائیں گے۔
پشاور: اقوام متحدہ کے سیکورٹی آفیسر احمد توثیق کی کمسن بچی سانحہ پشاور میں لا پتہ ہونے کا انکشاف ہواہے۔اقوام متحدہ نے تحریری طور پر خیبر پختونخواحکومت کو آگاہ کر دیاہے۔
تفصیلات کے مطابق سانحہ پشاور کو دس روز بیت گئے لیکن کمسن عنیزہ کے والدین تاحال بیٹی کی راہ تک رہے ہیں۔اقوام متحدہ کے سیکیورٹی افسر کی کمسن بچی کے حوالے سے تاحال کوئی سراغ نہیں مل سکاہے۔
رپورٹ کے مطابق اقوام متحدہ کے سیکیورٹی افسر نے خیبر پختونخوا حکومت کو اپنی لا پتہ بچی کی اطلاع دے دی ہے۔بچی کے والدین نےجلداز جلد بچی کاپتہ لگانے کی درخواست کی ہے۔
تعليم و ثقافت سے متعلق اقوام متحدہ کے ذيلی ادارے يونيسکو نے سياسی بحرانوں اور مسلح تنازعات کے شکار ممالک شام اور عراق ميں ثقافتی میراث کی حفاظت کو يقينی بنانے کے ليے وہاں محفوظ ’کلچرل زونز‘کے قيام کا مطالبہ کيا ہے۔
يونائٹڈ نيشنزايجوکيشنل، سائنٹیفک اينڈ کلچرل آرگنائزيشن يونيسکو کی سربراہ ايرينا بوکووا نے مسلح تنازعات کے شکار ملکوں عراق اور شام ميں تاريخی و ثقافتی اہميت کے حامل متعدد مقامات کی حفاظت پر زورديا ہے۔ ايک بيان ميں انہوں نے متنبہ کيا کہ لڑائی کے سبب ايسے مقامات کو شديد خطرات لاحق ہيں۔ بوکووا نے ايسے مقامات کی حفاظت کے ليے خصوصی زونز کے قيام کا مطالبہ کيا۔
فرانسيسی دارالحکومت پيرس ميں حال ہی ميں منعقدہ ايک پريس کانفرنس سے خطاب کرتے ہوئے ايرينا بوکووا نے کہا کہ خصوصی زونز کے قيام کا يہ مجوزہ عمل شمالی شام ميں قائم ’اميہ مسجد‘ کی حفاظت سے شروع ہونا چاہيے۔ ان کا کہنا تھا، ميرا خيال ہے کہ اميہ مسجد تاريخی لحاظ سے اہم شہر حلب کے اس حصے ميں قائم ہے، جسے ورلڈ ہيريٹچ سائٹس ميں شمار کيا جاتا ہے۔ ہم اس سے يہ عمل شروع کر سکتے ہيں اور اس سلسلے ميں کام شروع کرنے کے ليے اب بھی وقت ہے۔ يونيسکو کی خاتون سربراہ نے مزيد کہا کہ ثقافی اہميت کے حامل ان مقامات کے تحفظ کا کام مقامی افراد اور اداروں کے ساتھ تعاون کے ذريعے کيا جا سکتا ہے۔
پريس کانفرنس ميں يونيسکو کی سربراہ ايرينا بوکووا نے شام اور عراق ميں ثقافتی مراکز پر حملوں کی شديد مذمت کی اور وہاں سے چوری کی گئی اشياء کی غير قانونی فروخت کے جاری عمل کو بھی تنقيد کا نشانہ بنايا۔ ان کے بقول يہ اقدامات ان ممالک کے ثقافتی ورثے کو ختم کرنے کی کوششوں کے مساوی ہيں۔ بوکووا نے مزيد کہا، ميں عسکری کارروائيوں ميں ملوث فریقین پر زور ديتی ہوں کہ وہ ثقافتی اہميت کے حامل مقامات پر اپنی کارروائياں ترک کريں۔
يونائٹڈ نيشنز ايجوکيشنل، سائنٹفک اينڈ کلچرل آرگنائزيشن کے مطابق شام ميں مارچ 2011ء سے جاری مسلح حکومت مخالف تحريک کے سبب وہاں کے کئی تاريخی و ثقافتی مراکز کو نقصان پہنچا ہے۔ بعد ازاں وہاں گزشتہ کچھ مہينوں ميں شدت پسند تنظيم اسلامک اسٹيٹ کی کارروائيوں نے حالات مزيد بگاڑ ديے ہيں۔
دريں اثناء عراق ميں موصل، تکريت اور ديگر کئی شہروں ميں بھی سنی شدت پسند گروہ نے متعدد مزاروں، گرجا گھروں اور تاريخی مقامات کو تباہ کرديا ہے۔