اسلام آباد: اقوام متحدہ ترقیاتی پروگرام (یو این ڈی پی) نے پاکستان کی قرض ادائیگیاں معطل کرنے پر زور دیا ہے، فنانشل ٹائمز میں شائع رپورٹ کے مطابق پاکستان کے قرض دہندگان کے ساتھ قرضوں کو ری شیڈول کرنا چاہیئے۔
برطانوی اخبار فنانشل ٹائمز میں شائع رپورٹ کے مطابق اقوام متحدہ ترقیاتی پروگرام (یو این ڈی پی) نے پاکستانی قرض ادائیگیوں کو معطل کرنے پر زور دیا ہے۔
رپورٹ میں کہا گیا کہ پاکستان کو بین الاقوامی قرضوں کی ادائیگیوں کو معطل کرنا چاہیئے، قرض دہندگان کے ساتھ قرضوں کو ری شیڈول کرنا چاہیئے۔
رپورٹ کے مطابق حالیہ سیلاب کے دوران پاکستان کے مالیاتی بحران میں اضافہ ہوا، ضرورت ہے کہ پاکستان قرض کی ادائیگی کے بجائے سیلاب کی تباہی میں مالی امداد کو ترجیح دے سکے۔
رپورٹ میں کہا گیا کہ پاکستان نے 30 بلین ڈالر کے نقصان کا تخمینہ لگایا ہے، سیلاب نے 3 کروڑ سے زائد پاکستانیوں کو متاثر کیا اور اربوں ڈالر کا نقصان پہنچایا۔
نیویارک: دنیا میں انسانی ترقی کے حوالے سے تشویش ناک رپورٹ سامنے آئی ہے، اقوام متحدہ کا کہنا ہے کہ دنیا کے 90 فی صد ممالک میں معیار زندگی روبہ زوال ہو گئی ہے۔
تفصیلات کے مطابق اقوام متحدہ کے ترقیاتی پروگرام (یو این ڈی پی) نے ایک رپورٹ میں کہا ہے کہ 2021 میں دنیا کے 90 فی صد ممالک میں حالات زندگی بہتر ہونے کی بجائے مزید ابتر ہو گئے ہیں۔
جب 32 برس قبل پہلی بار انسانی ترقی کے معیار کے اعداد و شمار جمع کرنے کا سلسلہ شروع کیا گیا تھا، اس کے بعد پہلی بار ایسا ہوا ہے کہ گزشتہ دو برسوں سے مسلسل عالمی سطح پر انڈیکس میں کمی واقع ہوئی ہے۔
تازہ رپورٹ میں کہا گیا ہے کہ موسمیاتی تبدیلی کے مشترکہ اثرات، یوکرین میں جنگ اور کرونا وائرس کی وبا نے ایک ایسی ’’غیر یقینی صورت حال‘‘ پیدا کر دی ہے جو عالمی معیار زندگی کو نیچے کی جانب دھکیلتی جا رہی ہے۔
یو این ڈی پی کا کہنا ہے کہ اس گراوٹ کی وجہ سے گزشتہ پانچ برسوں کے دوران جو فوائد حاصل ہوئے تھے وہ بھی ضائع ہو گئے ہیں، نیز انسانی ترقی میں مسلسل محرومی اور عدم مساوات، اس نئی غیر یقینی صورت حال کی پیچیدگی سے نمٹنے میں سب سے بڑی رکاوٹ ہے۔
واضح رہے کہ یو این ڈی پی انسانی ترقی کے اپنے انڈیکس کے لیے کسی بھی ملک میں صحت، تعلیم اور معیار زندگی کو معیار بناتا ہے۔
اقوام متحدہ کے تازہ انڈیکس کے مطابق سوئٹزرلینڈ دنیا کا سب سے زیادہ ترقی یافتہ ملک ہے، ناروے اور آئس لینڈ بالترتیب دوسرے اور تیسرے نمبر پر ہیں۔
1990 میں جب پہلی معیار زندگی سے متعلق اس طرح کی درجہ بندی کا آغاز ہوا تھا، اس وقت امریکا نے پہلی پوزیشن حاصل کی تھی، لیکن اس کے بعد سے اب امریکا بھی 21 ویں نمبر پر پہنچ گیا ہے۔ ہانگ کانگ ایشیا میں سب سے زیادہ ترقی یافتہ ملک ہے اور علاقائی سطح پر چوتھے نمبر پر آیا ہے۔
درجہ بندی کے حساب سے سب سے کم ترقی یافتہ ملک میں جنوبی سوڈان کا نام ہے، اور اس کے بعد چاڈ اور نائیجر ہیں۔ جب کہ شمالی کوریا، صومالیہ، ناورو اور موناکو سے متعلق انڈیکس میں کوئی معلومات شامل نہیں کی گئی ہیں۔
نیویارک : آپ نے ماضی کے دیو ہیکل جاندار ڈائنا سار کو تو فلموں میں ہی دیکھا ہوگا لیکن اب وہ اقوام متحدہ کی عمارت میں بھی پہنچ گیا جہاں لوگ اسے دیکھ کر خوشگوار حیرت میں مبتلا ہوگئے۔
یہی نہیں کہ یہ خوف کی علامت سمجھا جانے والا جانور یہاں کسی کو ڈرانے آیاتھا بلکہ اس کے آنے کا مقصددنیا کے لوگوں کو یہ باور کرانا تھا کہ آنے والے والے وقت میں انسانوں کو معدومیت سے بچانا بہت ضروری ہے۔
کمپیوٹر گرافکس سے بنے ایک ڈائنوسار کی ویڈیو میں دیکھا جاسکتا ہے کہ وہ اقوام متحدہ کی جنرل اسمبلی میں اسٹیج پر موجود ہے اور ڈائس پر شرکاء سے خطاب کررہا ہے۔
اقوام متحدہ میں عالمی سطح پر موسمی اور ماحولیاتی تناظر میں تقریب کا انعقاد کیا گیا تھا، یہ ویڈیو کانفرنس آف پارٹیز‘ (سی او پی)26 کے موقع پر جاری کی گئی ہے، جسے خود عالمی ادارے نے سراہا اور ٹویٹ کیا ہے۔
فرینکی نامی ڈائنوسار کی ویڈیو میں دیکھا جاسکتا ہے کہ وہ کہہ رہا ہے کہ ہم تو فنا ہوگئے، آپ خود کو بچائیے، معدومیت کو منتخب نہ کیجیے ۔
ویڈیو میں فرینکی نیویارک میں قائم اقوامِ متحدہ کی جنرل اسمبلی کے اندرداخل ہوتا ہے، سیکیورٹی گارڈ سے مضحکہ خیز مکالمے کے بعد فرینکی ڈائس پر جاتا ہے اور اپنی مختصر تقریر کرتا ہے جسے وہ انسانیت کےلیے ایک سبق قرار دیتا ہے۔
ڈائنوسارفرینکی کہتا ہے کہ میں ناپیدگی (ایکسٹنکشن) کے متعلق ایک دو باتیں جانتا ہوں میں کہنا چاہوں گا کہ ناپید ہونا ایک خوفناک عمل ہے ہم تو آسمانی پتھر یعنی شہابی ٹکر سے فنا ہوئے لیکن اب آپ انسانوں کے پاس کیا عذرہے؟
اس کا کہنا تھا کہ آپ موسمیاتی تباہی کے دھانے پر کھڑے ہیں اور طرفہ تماشہ یہ ہے کہ عالمی حکومتیں ہر سال رکازی ایندھن پر کروڑوں اربوں ڈالر کی سبسڈی دے رہی ہیں۔ یہ بالکل ایسا ہی ہے کہ کوئی زمین سے ٹکرانےکے لیے آسمانی پتھر کو خود دعوت دےـ
ڈائنوسار نے اقوامِ متحدہ میں اپنے خطاب میں کوویڈی19 عالمی وبا کا بھی ذکر کیا اور دنیا سے کہا کہ وہ اس سیارے کو بچانے کے لیے سنجیدہ کوششیں کرے۔
واضح رہے کہ سی اوپی کانفرنس میں دنیا کے سربراہان اور دیگر ماہرین بدلتی ہوئی آب وہوا سے انسانیت کو لاحق ہونے والے خطرات اور ان کے حل پر غور کرے گی جس کے بعد عالمی بیانیہ جاری کیا جائے گا۔
پاکستان کی مایہ ناز خاتون کوہ پیما ثمینہ بیگ کو اقوام متحدہ کے ترقیاتی پروگرام برائے پاکستا ن نے اپنا خیر سگالی کا سفیر منتخب کرلیا ہے‘ وہ کوہ ہمالیہ سر کرنے والی پہلی مسلم خاتون ہیں۔
سماجی رابطے کی سائٹ انسٹا گرام پر ثمینہ بیگ نے اقوام متحدہ کے ترقیاتی پروگرام برائے پاکستا ن ( یو این ڈی پی) کا شکریہ ادا کرتے ہوئے کہا ہے کہ’’ میں یواین ڈی پی کی شکرگزار ہوں کہ انہوں نے میرے کام پراعتماد کا اظہار کیا اور مجھے قومی سطح پر اپنا سفیر برائے خیر سگالی مقرر کیا۔
انہو ں نےمزید کہا کہ ’’ یو این ڈی پی ملک بھر میں کئی ترقیاتی پروگراموں میں مصروف ہے‘ میں اپنی تما م تر توانائیوں کو بروئے کار لاتے ہوئے ماحولیاتی تبدیلی‘ ماحول کے تحفظ اور خواتین اور نوجوانوں کو مزید بااختیار بنانے کے لیے کام کروں گی۔
A post shared by Samina Baig (@saminabaigofficial) on
ثمینہ کا ماننا ہے کہ ان کا شعبہ یعنی کہ کوہ پیمائی محض بلندیوں کو سرکرنے کانام نہیں بلکہ اس کے فروغ سے پاکستان کی تعمیر و ترقی میں بھی مدد ملے گی۔
خیال رہے کہ ثمینہ بیگ ‘ جن کا تعلق گلگت بلتسان کے علاقے ہنزہ گوجال کے گاؤں شمشال سے ہے‘ انہوں نے چار سال کی عمر میں پہاڑوں کو سر کرنا شروع کیا تھا۔دنیا کی سب سے بلند چوٹی ماونٹ ایورسٹ کو سرکرنے والی پہلی مسلم خاتون ہیں اور تیسری پاکستانی ہیں، انہوں نے 21 سال کی عمر میں کوہِ ہمالیہ کو سرکیا تھا ۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کےلیے سوشل میڈیا پرشیئر کریں
پشاور: یوایس ایڈ نے آپریشن کے بعد فاٹاکے عوام کی ان کے اپنے علاقوں میں بحالی کے لئے 30 ملین امریکی ڈالرکے دو سالہ منصوبے کا آغازکردیا ہے۔
یو ایس ایڈ اس سلسلے میں اپنی تین ذیلی ایجنسیوں ، یو این ڈیولپمنٹ فنڈ، فوڈ این ایگری کلچر آرگنائزیشن اور ورلڈ فوڈ پروگرام کو رقوم فراہم کرے گا۔
یو این ڈی پی کو 10 ملین یو ایس ڈالر فراہم کئے جائیں گے جن کی مدد سے 50 ہزار بچوں اوربچیوں کو بنیادی تعلیم کی سہولیات کی بحالی کی جائے گی۔
فوڈ اینڈایگری کلچر 50 ہزارخاندانوں کو زراعت اور گلہ بانی کی بحالی میں مدد فراہم کرے گا جبکہ ورلڈ فوڈ پروگرام ڈھائی لاکھ کے لگ بھگ خاندانوں کو خوراک اور مالی امداد فراہم کرے گا۔
اس حوالے سے ایک خصوصی تقریب کا انعقاد کیا گیا جس میں گورنر خیبر پختونخوا سردار مہتاب عباسی، اقوام متحدہ کے رابطہ کار نیل بوہنے اور یوایس ایڈ مشن ڈائریکٹر جان گرورکے موجود تھے۔
فاٹا میں جنگ کے نتیجے میں انفرا اسٹرکچر تباہ ہوچکا ہے جس کے سبب وہاں کے رہنے والوں کو زندگی کی بنیادی سہولیات کے لئے بھی مدد کی ضرورت ہے۔
