سڈنی : ایشیز سیریز کے تیسرے ٹیسٹ سے قبل آسٹریلوی ٹیم کو بڑا دھچکہ لگ گیا، ان فارم بیٹسمین اسٹیون اسمتھ ان فٹ ہوکر انگلینڈ کے خلاف ایشیز سیریز کے تیسرے ٹیسٹ سے باہر ہوگئے۔
تفصیلات کے مطابق انگلینڈ اور آسٹریلیا کے درمیان کھیلے جانے والے تیسرے ٹیسٹ میچ ان فارم بیٹسمین اسٹیون اسمتھ شرکت نہیں کرسکیں گے، لارڈز ٹیسٹ کے چوتھے روزجوفرا آرچر کی باؤنسر اسمتھ کی گردن پر لگی تھی جس کے بعد وہ گراؤنڈ سے باہر چلے گئے تھے۔
ڈاکٹرزنے اسمتھ کو مزید آرام کا مشورہ دیا ہے۔ ان کی جگہ مارنس لبوشین فائنل الیون کا حصہ ہوں گے۔ دوسرے ٹیسٹ میچ کی پہلی اننگز کے دوران اسٹیون اسمتھ نے ایک مرتبہ پھر عمدہ بیٹنگ کا مظاہرہ کیا اور80 رنز کی شاندار اننگز کھیل کر اپنی ٹیم کو مشکلات سے نکالا۔
مزید پڑھیں: ایشز سیریز، جوفرا آرچر کا خطرناک باؤنسر، اسٹیو اسمتھ زخمی
واضح رہے کہ دوسرے اور تیسرے ٹیسٹ میچ میں محض تین دن کا وقفہ ہونے کے سبب اسمتھ مکمل طور پر اسمتھ ہیڈنگلے میں ہونے والے سیریز کے تیسرے ٹیسٹ میچ کے لیے دستیاب نہیں ہوں گے کیونکہ وہ ابھی تک انجری سے صحتیاب نہیں ہو سکے۔
