Tag: United Airlines

شکاگو (07 اگست 2025): امریکا کی بڑی فضائی کمپنی یونائیٹڈ ایئر لائن کو تکنیکی بحران کا سامنا کرنا پڑا جس کی وجہ سے ملک بھر میں سیکڑوں پروازیں اچانک روک دی گئیں۔

روئٹرز کے مطابق یونائیٹڈ ایئر لائنز نے کہا ہے کہ ٹیکنالوجی کے ایک مسئلے کی وجہ سے امریکی ہوائی اڈوں پر اس کی پروازوں کو چند گھنٹوں کے لیے روکا گیا تھا، انتظامیہ کا کہنا تھا کہ سسٹم میں اچانک تکنیکی خرابی واقع ہو گئی تھی، جس کے باعث فلائٹ آپریشن کو معطل کرنا پڑا۔

اے پی نیوز کے مطابق ٹیکنالوجی کے مسئلے کی وجہ سے یونائیٹڈ ایئرلائن نے بدھ کو بڑے امریکی ہوائی اڈوں پر اپنے طیارے گراؤنڈ کیے اور 1,000 سے زیادہ پروازیں تاخیر کا شکار ہوئیں۔

امریکا کے لیے ایپل کا بڑا اعلان

انتظامیہ کے مطابق ایئر لائن کا ’’یونیمیٹک سسٹم‘‘ متاثر ہوا تھا جو پرواز کی معلومات رکھتا ہے، اور یہ معلومات پھر دیگر سسٹمز جیسے کہ وزن اور توازن کا حساب لگانے اور پرواز کے اوقات کو ٹریک کرنے والے سسٹمز کو فراہم کی جاتی ہیں۔

مسئلہ کیوں پیش آیا، یہ تاحال واضح نہیں ہو سکا ہے، انتظامیہ کا کہنا ہے کہ اسے بدھ کے آخر میں حل کر لیا گیا ہے، تاہم کچھ سروسز میں خلل آج جمعرات تک جاری رہا۔

شکاگو کی ایئر لائن کی جانب سے ایک ای میل بیان میں کہا گیا کہ مسافروں کی حفاظت ان کی اوّلین ترجیح ہے، اور اپنے صارفین کو ان کی منزلوں تک پہنچانے کے لیے وہ ان کے ساتھ مل کر کام کرتے رہیں گے۔

روئٹرز کے مطابق فلائٹ ٹریکنگ ڈیٹا سے پتا چلتا ہے کہ بدھ کو یونائیٹڈ ایئر لائنز کی 1,038 یا 34 فی صد پروازیں تاخیر کا شکار ہوئیں۔

شکاگو : امریکی ایئرلائن نے غزہ میں جاری جنگ کے حوالے سے اسرائیل میں اپنی پروازیں دوبارہ بحال کرنے سے انکار کردیا۔

غیر ملکی خبر رساں ادارے روئٹرز کی رپورٹ کے مطابق ایئر لائن انتظامیہ کا کہنا ہے کہ یونائیٹڈ ایئر لائنز اسرائیل کے لیے پروازیں دوبارہ شروع نہیں کرے گی۔

اپنے ایک جاری بیان میں ترجمان نے بتایا کہ 24نومبر سے نیویارک، نیو جرسی سے تل ابیب، پروازیں شروع کیے جانے والا بیان اس کی پبلک ریلیشن ایجنسی نے غلطی سے دیا تھا تاہم اب اس بیان کو درست کرکے وضاحت سے جاری کیا گیا ہے۔

واضح رہے کہ گزشتہ ماہ07 اکتوبر سے اسرائیلی فضائیہ کے طیارے مسلسل غزہ پر بمباری کے لیے اڑانیں بھر رہے ہیں اور اسرائیل پر حماس کے راکٹ حملوں کا بھی ہر وقت اندیشہ رہتا ہے۔

اس کے علاوہ بہت سے ملکوں نے بھی اپنے شہریوں کو تل ابیب کی جانب سے سفر سے روک دیا ہے۔ اسرائیل نے بھی سفارتی تعلقات کے باوجود اپنے شہریوں کو کئی ملکوں کے سفر پر جانے سے منع کردیا ہے۔

واضح رہے کہ یونائیٹڈ ایئر لائنز ایک بڑی امریکی ہوائی کمپنی ہے جس کا صدر دفتر شکاگو میں ہے، اس ایئر لائن کی خدمات پورے امریکہ سمیت دنیا کے تمام چھ آباد براعظموں کے بڑے اور چھوٹے شہروں میں جاری ہیں۔