جنیوا: پاکستان نے بھارتی جاسوس کلبھوشن یادو سےمتعلق ثبوت تحریری طور پراقوام متحدہ کےسیکریٹری جنرل کےحوالےکردیے۔
تفصیلات کےمطابق جنیوا میں ہونے والے34ویں انسانی حقوق کونسل کے اجلاس میں پاکستان نے بھارت پرپاکستان کے اندرونی معاملات میں دخل اندازی کامعاملہ اٹھایا۔
پاکستان نے بھارت کو جواب دیا کہ پاکستان میں بھارتی مداخلت کی متعدد بارتصدیق ہوچکی ہےاور بھارت کی پاکستان میں مداخلت عالمی قوانین کے منافی ہیں۔
انسانی حقوق کونسل کےاجلاس میں پاکستان کی جانب سے کہاگیاکہ بھارتی مشیرکابیان اورکلبھوشن یادیوکی گرفتاری اس بات کا منہ بولتا ثبوت ہےکہ پڑوسی ملک پاکستان کے اندورنی معاملات میں مداخلت کررہاہے۔
پاکستان نےاجلاس میں کشمیر میں بچوں،خواتین،بزرگوں پربھارتی پیلٹ گن کے بےدریغ استعمال کامعاملہ اٹھایاجس میں جولائی 2016سے لےکراب تک20ہزارسے زائد نہتے کشمیریوں کونشانہ بنایاگیا۔
اقوام متحدہ کے اجلاس میں پاکستان نےبھارت سےمطالبہ کیا کہ بھارت مسئلہ کشمیر کو اقوام متحدہ کی قراردادوں کےمطابق حل کرے۔
مزید پڑھیں: حکومت کلبھوشن یادو کا معاملہ عالمی اداروں کے سامنے رکھنے پر غورکررہی ہے: وزارتِ خارجہ
واضح رہےکہ اس سےقبل رواں ماہ وزارتِ خارجہ نےبھارتی مداخلت کےمعاملے پر تحریری جواب سینیٹ میں جمع کرایاتھا جس میں کہاگیاتھاکہ بھارتی مداخلت پراقوام متحدہ کے سیکریٹری جنرل کو آگاہ کردیا گیا ہے۔
