لاہور : یونیورسٹی آف ہیلتھ سائنسز نے فلسطین میں زخمیوں اور بیماروں کے لئے ٹیلی میڈیسن کا آغاز کردیا ، کوئی بھی مریض اس ویب سائٹ پر رجسٹر ہو کر آن لائن علاج کروا سکتا ہے۔
تفصیلات کے مطابق یونیورسٹی آف ہیلتھ سائنسزنے فلسطینیوں کےلئےٹیلی میڈیسن کاآغازکردیا، وائس چانسلر پروفیسر جاوید اکرم نے کہا ہے کہ فلسطینی زخمیوں اور بیماروں کیلئے یہ شروعات کی ہے ، کوئی بھی مریض اس ویب سائٹ http://www.Doctors247.online پر رجسٹر ہو کر علاج کرواسکتا ہے۔
پروفیسر جاوید اکرم نے اعلان کیا کہ خود میڈیکل مشن لے کرغزہ جاؤں گا، منگل کو اسلام آباد میں فلسطین کے سفیر سے ملاقات ہے، ہم فلسطینی بھائیوں کے لئے امدادی رقم بھی پیش کریں گے۔
ان کا کہنا تھا کہ غزہ پہنچنے کے لیے اقوام متحدہ سےرابطہ کررہےہیں، مصرکی سرحدپرعارضی اسپتال قائم کریں گے، اس حوالے سے تمام میڈیکل تنظیموں کی جانب سے بھرپور حمایت کی یقین دہانی کرائی گئی ہے۔
خیال رہے فلسطین میں اسرائیلی جارحیت11ویں روزبھی جاری ہے ، صبح سویرے اسرائیلی فورسز نے رہائشی علاقوں میں بمباری کی ، جس کے نتیجے میں 9فلسطینی زخمی ہوگئے۔
غیرملکی میڈیا کے مطابق فلسطین میں شہیدہونےوالےافرادکی تعداد251 ہوگئی، شہید ہونے والوں میں66 بچےاور 38 خواتین بھی شامل ہیں جبکہ اسرائیلی بمباری سے500 سے زائد مکانات تباہ اور72ہزار فلسطینی بے گھر ہوگئے ہیں۔
