بھارت کے کرناٹک میں پیش آئے افسوسناک واقعے نے دیکھنے والوں کو حیران کردیا، سامنے آنے والی ویڈیو میں دیکھا جاسکتا ہے کہ بہو اسٹیل کی واکنگ اسٹک سے اپنے بوڑھے سسر کو تشدد کا نشانہ بنا رہی ہے۔
سوشل میڈیا پر وائرل ہونے والی ویڈیو نے سوشل میڈیا پلیٹ فارمز پر تہلکہ مچا دیا ہے۔ ویڈیو میں دیکھا جاسکتا ہے کہ بہو اپنے سسر کو وحشیانہ طریقے سے پیٹ رہی ہے۔
مذکورہ ویڈیو وائرل ہونے کے بعد منگلورو میں سول سوسائٹی کی جانب سے انصاف کا مطالبہ سامنے آرہا ہے، سی سی ٹی وی میں وحشیانہ حملے کو واضح طور پر دیکھا جاسکتا ہے۔
⚠️Disturbing VisualsHeartwrenching assault of elderly father-in-law by daughter in law in Mangalore's Kulasekhara. The culprit here is Umashankari, an officer in KEB in Attawara
byu/KingsComeBack inTotalKalesh
پولیس کا ذرائع کا کہنا ہے کہ افسوسناک واقعہ 11مارچ کے روز پیش آیا، جبکہ اپنے سسر پر واکنگ اسٹک سے حملہ کرنے کے الزام میں خاتون کو گرفتار کرلیا ہے۔
خاتون کے تشدد سے زخمی ہونے والے سسر کو پرائیویٹ اسپتال میں علاج کے لئے داخل کرادیا گیا ہے، ملزمہ، اوما شنکری، جو اس وقت بجلی فراہم کرنے والی کمپنی میں افسر کے طور پر ملازم ہے، کو متاثرہ کی بیٹی کی شکایت کے بعد حراست میں لیا گیا ہے۔
ملزمہ کا شوہر بیرون ملک ملازمت کرتا ہے جبکہ اس واقعے نے مقامی کمیونٹی میں صدمے کی لہر کو جنم دیا ہے، جس سے بزرگوں کی فلاح و بہبود اور گھریلو تشدد کے خلاف سخت اقدامات کی ضرورت پر زور دیا گیا ہے۔
