ARYNews.tv | Urdu – Har Lamha Bakhabar

Tag: Urdu news

  • غزہ پر اسرائیلی مظالم کیخلاف امریکی فوجی نے خود کو آگ لگالی

    غزہ پر اسرائیلی مظالم کیخلاف امریکی فوجی نے خود کو آگ لگالی

    اسرائیلی میڈیا کا کہنا ہے کہ امریکی فوجی نے غزہ میں اسرائیل کی بڑھتی ہوئی جارحیت کے خلاف احتجاجاً خود کو آگ لگائی ہے۔

    غیر ملکی ذرائع ابلاغ کے مطابق 7 اکتوبر سے اسرائیل فوج کی جانب سے وحشیانہ حملوں کا سلسلہ شروع کیا گیا تھا۔ جس کے نتیجے میں اب تک 30ہزار کے لگ بھگ فلسطینی جام شہادت نوش کرچکے ہیں۔

    اقوام متحدہ کا کہنا ہے کہ غزہ میں شہید ہونے والوں میں 90 فیصد خواتین اور بچے شامل ہیں۔جبکہ عالمی ادارہ صحت کا کہنا ہے کہ غزہ میں انسانی اور صحت کی صورتحال تباہ ہونے سے غزہ ڈیتھ زون میں تبدیل ہوچکا ہے۔

    دوسری جانب او آئی سی کی جانب سے غزہ میں اسرائیلی فوج کی جانب سے قتل عام کی شدید مذمت کی گئی ہے۔

    غیر ملکی ذرائع ابلاغ کے مطابق او آئی سی نے غزہ میں مزید جانی نقصان کو روکنے کے لئے ایک بار پھر غیر مشروط جنگ بندی کامطالبہ کیا ہے۔

    امریکہ اور برطانیہ کی یمن میں 18 مقامات پر فضائی بمباری

    او آئی سی اعلامیے کے مطابق فلسطینی ریاست کا قیام وقت کی اہم ضرورت ہے، خطے میں امن وسلامتی کا واحد راستہ فلسطینی عوام کے حقوق کا تحفظ ہے، مشرقی بیت المقدس کیساتھ فلسطینی ریاست کا قیام امن کا واحد راستہ ہے۔

  • دنیا کی تیسری اور افریقہ کی سب سے بڑی مسجد کا افتتاح

    دنیا کی تیسری اور افریقہ کی سب سے بڑی مسجد کا افتتاح

    الجزائر میں دنیا کی تیسری اور افریقہ کی سب سے بڑی مسجد کا افتتاح کردیا گیا، الجزائر کے صدر عبدالمجید تبون نے الجزائر کی جامع مسجد کا باضابطہ افتتاح کیا۔

    غیر ملکی ذرائع ابلاغ کے مطابق اس مسجد کو پہلی مرتبہ اکتوبر 2020 میں نمازیوں کیلیے کھولا گیا تھا لیکن صدرعبدالمجید تبون کورونا میں مبتلا ہونے کے باعث شریک نہیں ہوسکے تھے، اس وسیع وعریض مسجد میں ایک لاکھ 20 ہزار نمازیوں کی گنجائش ہے۔

    اس خوبصورت مسجد کی خاص بات یہ بھی ہے کہ اس میں دنیا کا بلند ترین مینار بھی موجود ہے جس کی اونچائی 267 میٹر ہے۔ مینار میں لفٹس اور دیکھنے کیلیے ایک پلیٹ فارم نصب ہے جہاں سے دارالحکومت اور خلیج الجزائر کا نظارہ کیا جا سکتا ہے۔

    مقامی طور پر جامع الجزائر کے نام سے معروف یہ جدید انفراسٹرکچر تقریبا 70 ایکڑ تک پھیلا ہوا ہے، تاہم یہ رقبہ سعودی عرب میں مقدس ترین مقامات مکہ اور مدینہ منورہ کی مساجد سے کم ہے۔

    جامع الجزائر کی لاگت 800 ملین ڈالر سے زیادہ ہے اور اس کی تعمیر 7 سال کے عرصے میں مکمل کی گئی، مسجد کے اندرونی حصے کو اندلس کے انداز میں لکڑی، سنگ مرمر اوردیگر قیمتی اشیا سے سجایا گیا ہے۔

    سعودی وزارت حج و عمرہ نے خبردار کردیا

    خیال رہے عبدالمجید تبون کی صدارت کی مدت باضابطہ طور پر اس سال کے آخر میں ختم ہوجائے گی تاہم ابھی تک یہ واضح نہیں ہے کہ وہ دوسری مدت کے لیے انتخاب لڑیں گے یا نہیں۔

  • مشرقی بیت المقدس کیساتھ فلسطینی ریاست کا قیام امن کاواحدراستہ ہے، او آئی سی

    مشرقی بیت المقدس کیساتھ فلسطینی ریاست کا قیام امن کاواحدراستہ ہے، او آئی سی

    او آئی سی کی جانب سے غزہ میں اسرائیلی فوج کی جانب سے قتل عام کی شدید مذمت کی گئی ہے۔

    غیر ملکی ذرائع ابلاغ کے مطابق او آئی سی نے غزہ میں مزید جانی نقصان کو روکنے کے لئے ایک بار پھر غیر مشروط جنگ بندی کامطالبہ کیا ہے۔

    او آئی سی اعلامیے کے مطابق فلسطینی ریاست کا قیام وقت کی اہم ضرورت ہے، خطے میں امن وسلامتی کا واحد راستہ فلسطینی عوام کے حقوق کا تحفظ ہے، مشرقی بیت المقدس کیساتھ فلسطینی ریاست کا قیام امن کاواحدراستہ ہے۔

    دوسری جانب اسرائیل نے جنوبی غزہ کی لڑائی میں ہلاک ہونے والے مزید دو فوجیوں کی تصدیق کردی۔

    براڈکاسٹر 24 کے مطابق اسرائیلی فوج نے اعلان کیا ہے کہ اسٹاف سارجنٹ نیریا بیلیٹ اور گیواتی جاسوسی یونٹ کے اسٹاف سارجنٹ آئیڈو ایلی زریھان غزہ کی پٹی کے جنوب میں مارے گئے۔

    رپورٹ میں بتایا گیا کہ انکلیو کے جنوب میں لڑائی میں گیواتی یونٹ کا ایک افسر اور دو سپاہی بھی شدید زخمی ہوئے۔اس میں کہا گیا ہے کہ 27 اکتوبر کو پٹی پر زمینی حملے کے آغاز کے بعد سے کم از کم 240 اسرائیلی فوجی ہلاک ہو چکے ہیں۔

    غزہ میں جارحیت کو 140 روز مکمل، اسرائیلی بمباری میں مزید 100 افراد شہید

    ان کے علاوہ سیکڑوں زخمی ہیں جن میں کئی کی حالت تشویشناک بتائی جارہی ہے۔

  • حکومت نے نرسوں کو بڑی خوش خبری سنادی

    حکومت نے نرسوں کو بڑی خوش خبری سنادی

    سنگاپور کی حکومت نے نرسوں کو بڑی خوش خبری سنادی، میڈیکل نرسز کے لئے ایک لاکھ ڈالر تک کے بونس کا اعلان کردیا گیا۔

    غیر ملکی ذرائع ابلاغ کے مطابق نرسوں کو اس رقم کی ادائیگی بیس سال کے عرصے میں یا ان کی ریٹائرمنٹ کے وقت تک کردی جائے گی۔

    وزیر صحت کا کہنا ہے کہ سنگاپور کی حکومت نے نرسوں کے صحت عامہ کے شعبے میں کام کرتے رہنے کی حوصلہ افزائی کے لیے ان کو ایک لاکھ سنگاپورین ڈالر تک کا بونس دینے کا اعلان کیا ہے۔ ملک میں 29,000 نرسیں اس بونس کو لینے کی اہل ہوں گی۔

    وزیر صحت اونگ یے کنگ کا کہنا تھا کہ ملک میں 29,000 نرسیں اس بونس کو لینے کی اہل ہوں گی، جن میں وہ غیر ملکی نرسیں بھی شامل ہیں جنہوں نے سنگاپور میں کم از کم چار سال تک کام کیا ہے۔

    اس اسکیم کے تحت ان نرسوں کو یہ رقم یا تو بیس سال کے عرصے میں یا ان کی ریٹائرمنٹ کے وقت تک ادا کی جائے گی۔ اس بات کا فیصلہ اس پر منحصر ہوگا کہ ان کی ریٹائرمنٹ کا وقت بیس سال کا عرصہ گزرنے سے پہلے آتا ہے یا اس کے بعد۔ اگر وہ بیس سال سے پہلے ریٹائر ہو جاتی ہیں تو ان کو یہ رقم ان کے ریٹائرمنٹ کے وقت تک ادا کر دی جائے گی۔

    اونگ یے کنگ نے کہا کہ سنگاپور میں زیادہ تر غیر ملکی نرسیں پڑوسی ممالک بشمول ملیشیا، فلپائن اور میانمار سے آتی ہیں،ہم اچھا کام کرنے میں اپنی نرسوں کی مدد کرنا چاہتے ہیں۔

    اینستھیسیا دینے میں غلطی پر مریض کے ساتھ کیا ہوا؟

    انہوں نے کہا کہ کورونا وائرس کی وباء کے دوران غیر ملکی نرسیں معمول سے زیادہ تعداد میں سنگاپور چھوڑ گئی تھیں، جس سے ملک میں نرسوں کی کمی کا مسئلہ بڑھ گیا۔

  • امریکہ اور برطانیہ کی یمن میں 18 مقامات پر فضائی بمباری

    امریکہ اور برطانیہ کی یمن میں 18 مقامات پر فضائی بمباری

    یمن میں 8 مقامات پر حوثیوں کے 18 ٹھکانوں کو امریکا اور برطانیہ کی جانب سے فضائی حملوں کا نشانہ بنایا گیا ہے۔

    بین الاقوامی خبر رساں ادارے کی رپورٹ کے مطابق ایران کی جانب سے یمن پر تازہ حملوں پر ردعمل دیتے ہوئے کہا گیا ہے کہ امریکی و برطانوی حملے یمن کی علاقائی سالمیت اور خودمختاری کی خلاف ورزی ہے۔

    ترجمان ایرانی وزارت خارجہ ناصر کنعانی کے مطابق امریکا اور برطانیہ نے ایک بار پھر ثابت کر دیا ہے کہ وہ جنگی جرائم اور نسل کشی کرنے والے اسرائیل کے حمایتی ہیں۔

    ایرانی محکمہ خارجہ کے ترجمان نے کہا کہ امریکا و برطانیہ غزہ جنگ روکنے کے بجائے اس ملک پر حملہ کر رہے ہیں جو غزہ جنگ رکوانے کیلئے اسرائیل پر دباؤ بڑھا رہا ہے۔

    عارضی جنگ بندی کے بنیادی نکات طے کر لیے، امریکا

    ترجمان ایرانی وزارت خارجہ کا مزید کہنا تھا کہ امریکا اور برطانیہ غاصب مجرم ریاست کے تحفظ اور ناجائز مفادات کو بین الاقوامی امن وسلامتی سے زیادہ اہمیت دیتے ہیں۔

  • شہزادہ ہیری نے ملکہ برطانیہ الزبتھ دوم کو دھوکا دیا، ٹرمپ

    شہزادہ ہیری نے ملکہ برطانیہ الزبتھ دوم کو دھوکا دیا، ٹرمپ

    امریکا کے سابق صدر ڈونلڈ ٹرمپ کا کہنا ہے کہ صدر بنا تو برطانوی شہزادہ ہیری کے ساتھ خصوصی برتاؤ نہیں رکھا جائے گا۔

    بین الاقوامی خبر رساں ادارے کی رپورٹ کے مطابق سابق امریکی صدر کا کہنا تھا کہ بائیڈن انتظامیہ نے برطانوی جوڑے پر بہت زیادہ مہربانی کی۔

    ڈونلڈ ٹرمپ نے کہا کہ برطانوی شہزادہ ہیری نے ملکہ برطانیہ الزبتھ دوم کو دھوکا دیا، اس بات کی شہزادہ ہیری کو معافی نہیں مل سکتی۔

    سابق امریکی صدر کا کہنا تھا کہ امریکا کا صدر منتخب ہوا تو شہزادہ ہیری کی کوئی مدد نہیں کروں گا، فیصلہ کرنا میرے اختیار میں ہوا تو ہیری اپنے ذمہ دار خود ہوں گے۔

    واضح رہے کہ برطانوی شہزادہ ہیری اور ان کی اہلیہ میگھن مارکل 2020 میں امریکا منتقل ہوگئے تھے۔

    دوسری جانب سابق امریکی صدر ٹرمپ نے جنوبی کیرولائنا میں بھی ریپبلکن پرائمری الیکشن میں کامیابی حاصل کر لی ہے، ٹرمپ نے وکٹری پارٹی سے خطاب میں کہا ”میں بائیڈن کو الیکشن میں شکست دینے کے لیے تیار ہوں۔“

    عارضی جنگ بندی کے بنیادی نکات طے کر لیے، امریکا

    سابق امریکی صدر نے اب تک 2024 کے تمام پارٹی نامزدگی کے مقابلے جیت لیے ہیں، اپنی فتح کا جشن مناتے ہوئے ٹرمپ نے کہا کہ انھوں نے کبھی بھی ریپبلکن پارٹی کو اتنا متحد نہیں دیکھا جتنا کہ یہ ابھی ہے۔

  • چیئرمین پی سی بی نے وہاب ریاض کو نیا ٹاسک دے دیا

    چیئرمین پی سی بی نے وہاب ریاض کو نیا ٹاسک دے دیا

    چیئرمین پاکستان کرکٹ بورڈ محسن نقوی نے غیر ملکی کوچز کا ٹاسک چیف سلیکٹر وہاب ریاض کو دے دیا۔

    ذرائع کے مطابق چیف سلیکٹر وہاب ریاض کی جانب سے اس حوالے سے غیرملکی کوچز سے رابطے شروع کردیئے گئے ہیں۔

    واضح رہے کہ سابق ڈائریکٹر قومی کرکٹ ٹیم محمد حفیظ کے معاہدے میں توسیع نہیں ہوسکی تھی، کیونکہ ان کی ڈائریکٹر شپ میں پاکستان کو آسٹریلیا کے ہاتھوں ٹیسٹ میں وائٹ واش شکست کا سامنا کرنا پڑا تھا۔

    اس کے علاوہ محمد حفیظ کی ڈائریکٹر شپ میں پاکستان کو نیوزی لینڈ کے خلاف ٹی 20 سیریز میں بھی ہار کا منہ دیکھنا پڑا تھا۔

    دوسری جانب پی سی بی سڈنی میں ہونے والی لیگ کے لیے کھلاڑیوں کو اجازت نہ دینے کا فیصلہ کیا ہے۔ اس حوالے سے بورڈ نے اعلامیہ جاری کرکے باقاعدہ اعلان کر دیاہے۔

    پی سی بی کے مطابق انٹرنیشنل کرکٹ کونسل نے سڈنی میں ہونے والی آسٹریلوی لیگ انڈر 19 کو تسلیم نہیں کیا اور پاکستان کرکٹ بورڈ نے بھی اس لیگ کو منظور نہیں کیا۔

    رضوان کا متبادل کون؟ عبد الرزاق نے بتادیا

    بورڈ نے واضح کیا ہے کہ ڈومیسٹک یا انڈر 19 کے جو پلیئرز اس لیگ میں رجسٹرڈ ہیں انہیں این او سی جاری نہیں کیا جائے گا۔

  • مکیش امبانی کے چھوٹے بیٹے کی شادی، کون کون شریک ہوگا؟

    مکیش امبانی کے چھوٹے بیٹے کی شادی، کون کون شریک ہوگا؟

    بھارت کی معروف کاروباری شخصیت مکیش امبانی کے چھوٹے بیٹے اننت امبانی اور رادھیکا مرچنٹ کی شادی سے قبل منعقد ہونے والی تقریبات میں شرکت کرنے والے مہمانوں کے نام سامنے آگئے۔

    بین الاقوامی خبر رساں ادارے کی رپورٹ کے مطابق 12 جولائی کو اننت امبانی اور رادھیکا مرچنٹ ممبئی میں شادی کے بندھن میں بندھ جائیں گے۔

    تاہم شادی سے قبل بھی مختلف تقریبات منعقد کی جائیں گی، جن کا سلسلہ یکم مارچ سے 3 مارچ تک جاری رہے گا۔

    شادی سے قبل منعقد ہونے والی ان تقریبات میں بھی دنیا بھر سے معروف شخصیات شرکت کریں گی، جن کی
    فہرست بھی سامنے آگئی ہے۔

     

    View this post on Instagram

     

    A post shared by Hindustan Times (@hindustantimes)

    بھارتی میڈیا کا اس حوالے سے کہنا ہے کہ شادی کی تقریبات میں فیس بک کے بانی مارک زکر برگ، مائیکروسافٹ کے شریک بانی بل گیٹس اور ان کی سابق اہلیہ میلنڈا، ڈزنی کے سی ای او باب ایگر کی شرکت متوقع ہے۔

    اس کے علاوہ قطر کے وزیر اعظم محمد بن عبدالرحمن بن جاسم الثانی، بینک آف امریکہ کے چیئرمین برائن تھامس موئنہان، ایڈوب کے سی ای او شانتنو نارائن اور ایوانکا ٹرمپ سمیت دنیا بھر سے دیگر اہم نامور کاروباری شخصیات کی شرکت متوقع ہے۔

    بھارتی ریاست گجرات کے شہر جام نگر میں یکم مارچ سے 3 مارچ تک جاری رہنے والی تقریبات میں دنیا بھر سے نامور شخصیات کے شریک ہونے کی توقع کی جارہی ہے۔ جوڑے کی منگنی کی تقریب 19 جنوری 2023 کو ممبئی میں منعقد ہوگی۔

  • بھارت نے اپنے شہریوں کی روسی فوج میں ملازمتوں کی تصدیق کردی

    بھارت نے اپنے شہریوں کی روسی فوج میں ملازمتوں کی تصدیق کردی

    ہندوستانی وزارت خارجہ نے کہا ہے کہ ہندوستانی شہری روسی فوج میں معاونین کے طور پر خدمات سر انجام دے رہے ہیں۔ ہندوستان کی وزارت خارجہ کی جانب سے تصدیق کی گئی ہے کہ بھارتی شہری روسی فوج کے ساتھ ”سپورٹ جاب” میں مصروف ہیں۔

    بین الاقوامی خبر رساں ادارے کی رپورٹ کے مطابق ہندوستانی روزنامے ہندو کی ایک رپورٹ میں اس بات کا انکشاف ہوا ہے کہ روس کی یوکرین کے خلاف جنگ کے اگلے محاذ پر 18 ہندوستانی شہری مختلف سرحدی شہروں میں پھنسے ہوئے ہیں۔

    ہندوستانی اخبار کی رپورٹ کے مطابق کم از کم تین ہندوستانی شہریوں کو روسی فوجیوں کے شانہ بشانہ لڑنے پر مجبور کیا گیا۔ وزارت خارجہ نے اپنے بیان میں کہا کہ اسے ”معلوم ہے کہ چند ہندوستانی شہریوں نے روسی فوج میں معاون ملازمتیں اختیار کی ہیں۔”

    بیان میں مزید کہا گیا ہے کہ ہندوستانی سفارت خانے نے ان ہندوستانیوں کی بازیابی کے لئے اس معاملے کو متعلقہ روسی حکام کے ساتھ باقاعدگی سے اٹھایا ہے۔ بیان میں تمام ہندوستانیوں شہریوں سے احتیاط برتنے اور اس تنازعہ سے دور رہنے کی اپیل کی گئی ہے۔

    رپورٹ میں کہا گیا ہے کہ جب یہ بھارتی شہری ماسکو پہنچے تو روسی فوج نے انہیں باقاعدہ تربیت فراہم کی، بعد میں انہیں لڑنے کے لئے فرنٹ لائن پر بھیج دیا گیا۔

    بھارت: رکن اسمبلی نندیتا کی پوسٹ مارٹم رپورٹ میں اہم انکشاف

    رپورٹ کے مطابق ماسکو پہنچنے پر ان بھارتیوں کو مبینہ طور پر”روسی فوج نے اسلحہ اور گولہ بارود” سنبھالنے کی تربیت دی اور بعد میں انہیں جنوری میں فرنٹ لائنز پر بھیج دیا گیا۔ کچھ بھارتی شہریوں نے مبینہ طور پر موجودہ تنازعہ میں یوکرینی افواج کے لیے رضاکارانہ طور پر امور انجام دیئے۔

  • ڈرائیور کو دل کا دورہ پڑنے سے گاڑی ہجوم میں جا گھسی، 2 افراد ہلاک

    ڈرائیور کو دل کا دورہ پڑنے سے گاڑی ہجوم میں جا گھسی، 2 افراد ہلاک

    بھارتی ریاست راجستھان میں ڈرائیور کو دوران ڈرائیونگ دل کا دورہ پڑ گیا، جس کے باعث گاڑی کنٹرول سے باہر ہوگئی اور پیدل چلنے والے ہجوم پر چڑھ دوڑی، واقعے کے نتیجے میں دو افراد جبکہ 12سے زائد ہوگئے۔

    غیر ملکی ذرائع ابلاغ کے مطابق ایک سینئر پولیس اہلکار نے بتایا کہ کچھ افراد کسی مذہبی اجتماع میں شرکت کے لئے جارہے تھے، ایک گاڑی کے حادثے کا شکار ہوگئے۔

    پولیس ذرائع کے مطابق دو افراد موقع پر ہی ہلاک ہوگئے جبکہ 12 سے زائد افراد زخمی ہوئے، جن میں سے آٹھ کی حالت نازک بتائی جارہی ہے، زخمیوں کو اسپتال منتقل کردیا گیا ہے۔

    اسپتال میں جمع ہونے والے ایک ہجوم نے ایمبولینس کے سامنے اس وقت احتجاج کیا جب کار کے ڈرائیور کو لے جایا جا رہا تھا۔ ڈپٹی سپرنٹنڈنٹ آف پولیس (ڈی ایس پی) رامیشور لال سہارن اور تحصیلدار سنجے کمار جپتا نے موقع پر پہنچ کر صورتحال کو کنٹرول کیا۔

    پولیس کا کہنا ہے کہ جاں بحق افراد کی لاشیں دیگانہ سب اسپتال کے مردہ خانہ میں رکھ دی گئی ہیں۔ انہوں نے مزید کہا کہ آٹھ شدید زخمیوں میں سے تین کو مزید علاج کے لیے اجمیر ریفر کر دیا گیا ہے۔

    شادی سے انکار پر لڑکی نے لڑکے کو اغواء کرلیا

    دیگانہ سب ہسپتال کے ذرائع نے بتایا کہ ڈرائیور کا علاج چل رہا ہے اور اس کی حالت خطرے سے باہر بتائی جاتی ہے۔ پولیس کا کہنا ہے کہ اس سلسلے میں مقدمہ درج کیا جائے گا۔جبکہ حادثے کی سی سی ٹی وی فوٹیج سوشل میڈیا پر وائرل ہوگئی۔