Tag: Urdu news

عام طور پر ہمارے گھروں میں کھانا تیار کرنے کے لئے لال ٹماٹر کا استعمال کیا جاتا ہے مگر اب جامنی ٹماٹروں نے گھریلو باغبانوں اور کھانے کے شوقین افراد کی توجہ اپنی جانب مبذول کرالی ہے۔

رپورٹ کے مطابق لال ٹماٹر اور جامنی ٹماٹر کا اگر موازنہ کیا جائے تو جامنی ٹماٹر اپنی منفرد شکل، ذائقہ اور بہترین صحت کے فوائد کے حوالے سے پہلے کے تصور سے زیادہ مفید ہے۔

امریکا کی نورفولک پلانٹ سائنسز کے ذریعہ تیار کئے گئے جامنی رنگ کے ٹماٹر اب اس مرحلے میں داخل ہوگئے ہیں جہاں یہ ایک اہم فصل کی نمائندگی کرتے نظر آئیں گے جو اپنی نوعیت کی یہ پہلی فصل ہے، جسے آسانی کے ساتھ ہر جگہ کاشت کیا جاسکتا ہے۔

یاد رہے جینیاتی طور پر تبدیل شدہ ان ٹماٹروں میں صحت کے لیے انتہائی مفید بلیو بیری کی رنگت اور کچھ اجزا ابتدائی طور پر شامل کئے گئے ہیں۔

2008 میں جامنی ٹماٹر سب سے پہلے برطانوی سائنسداں کیتھی مارٹن نے بنائے تھے، کیتھی مارٹن کا کہنا تھا کہ جن چوہوں کو اس خاص ٹماٹر کا پاؤڈر دے کر رکھا گیا تھا، دیگر چوہوں کے مقابلے میں ان کی زندگی کا دورانیہ 30 فیصد تک زیادہ تھا۔

اس ٹماٹر میں اینتھوسائنائنس کی 10 گنا زائد مقدار موجود ہے جس سے اس پھل کی غذائیت میں مزید اضافہ ہوجاتا ہے اور ٹماٹر میں جامنی رنگت اینتھوسائنائنس مرکبات کی وجہ سے ہوتی ہے۔

اس ٹماٹر کی دوسری اہم بات یہ ہے کہ توڑے جانے کے بعد یہ عام ٹماٹر کی نسبت میں دوگنے وقت تک تازہ رہتا ہے۔ یہ ایک طاقتور اینٹی آکسیڈنٹ ہے اور جسم کو خلوی سطح پر زیادہ محفوظ بناتا ہے، یہ فری ریڈیکلزکو بننے سے روکتا ہے جو سرطان کا ایک اہم سبب ہے۔

پتھری کے علاج کیلئے ’کروندے‘ کا جادوئی فائدہ

یہ فصل بوائی سے کٹائی تک تقریباً 70 دنوں کی میں تیار ہوتی ہے اور ایک فائدہ مند فصل فراہم کرتی ہے۔

جب کٹائی کے لئے یہ ٹماٹر ہوجاتے ہیں تو ایک دلچسپ تبدیلی سے گزرتے ہیں، جس سے ٹماٹر کا اندرونی گودا اور جلد سبز سے جامنی رنگت میں تبدیل ہوجاتی ہے۔