Tag: Urdu news

ممبئی: بھارت میں مرکزی حکومت کی جانب سے سال 2025 کی حج پالیسی جاری کردی گئی ہے۔

بین الاقوامی خبر رساں ادارے کی رپورٹ کے مطابق حج کمیٹی کا کوٹہ اب کم کر کے 70 فیصد کر دیا گیا ہے۔بھارت کے لیے مختص عازمین حج کے کل کوٹہ کا 70 فیصد حصہ حج کمیٹی آف انڈیا سنبھالے گی۔

اس کے ساتھ ہی باقی 30 فیصد کوٹہ پرائیویٹ حج گروپ آرگنائزرز کو دیا جائے گا۔ آپ کو بتا دیں کہ گذشتہ سال حج پالیسی میں یہ کوٹہ 80-20 کے تناسب سے تھا۔

نئی پالیسی کے تحت محرم کے بغیر حج کرنے والی خواتین کی عمر کی حد 45 سے 60 سال کے درمیان ہوگی۔ ایک ہی وقت میں، اب ایک کور نمبر پر زیادہ سے زیادہ پانچ لوگ درخواست دے سکتے ہیں۔

اس کے علاوہ 65 سال سے زیادہ عمر کے عازمین کو سفر حج کے لیے اپنے کسی عزیز کو ساتھ لے جانا ہوگا۔ ساتھ میں جانے والے کی عمر 60 سال سے زیادہ نہیں ہونی چاہیے۔

اب لکھنؤ کے علاوہ حج پروازیں سری نگر، گیا، گوہاٹی، اندور، ناگپور، دہلی، ممبئی، کولکتہ، بھوپال، اورنگ آباد، جے پور، بنگلورو، حیدرآباد، کوچی، چنئی، احمد آباد، کنور، کے لیے دستیاب ہونگی۔

پانچ سال کے لیے مرکزی اقلیتی امور کی وازارت نے حج پالیسی جاری کر دی ہے۔ نئی پالیسی کے تحت حج 2025 کے لیے عازمین حج کی درخواستیں بھی جلد طلب کی جائیں گی۔

نئی حج پالیسی میں عازمین حج کی سہولت کے لیے حج سہولت ایپ بھی بنائی گئی ہے۔ اس ایپ پر عازمین حج کو رہائش، فلائٹ، سامان، ایمرجنسی ہیلپ لائن، زبان کو سمجھنے میں آسانی کے لیے سہولیات میسر ہوں گی۔

نئی حج پالیسی میں خادم الحجاج کے عہدے کا نام بھی تبدیل کر دیا گیا ہے۔ درحقیقت، خادم الحجاج کئی برسوں سے حج کمیٹی سے شکایت کر رہے تھے کہ عازمین حج میں ان کے عہدہ کو لے کر کنفیوژن ہے۔ اپنے نام کے ساتھ لفظ ‘خادم’ لگنے کی وجہ سے وہ اپنے ذاتی کام کرنے کے لیے بھی کہنے لگتے ہیں۔

دنیا کا سب سے بڑا دروازہ ’’مسجد الحرام‘‘ میں نصب ہے

یہی وجہ ہے کہ حج پالیسی 2025 میں خادم الحجاج کے عہدے کو اب ‘اسٹیٹ حج انسپکٹر’ سے تبدیل کر دیا گیا ہے۔ خادم الحجاج اب حج انسپکٹر کے نام سے جانے جائے جائیں گے۔