ARYNews.tv | Urdu – Har Lamha Bakhabar

Tag: Urdu news

  • فلسطینی ریاست کے قیام کے خلاف اسرائیلی پارلیمنٹ میں قرارداد منظور

    فلسطینی ریاست کے قیام کے خلاف اسرائیلی پارلیمنٹ میں قرارداد منظور

    اسرائیلی پارلیمنٹ میں فلسطینی ریاست کے قیام کیخلاف قرارداد منظور کرلی گئی، اسرائیلی پارلیمنٹ کینسیٹ نے فلسطینی ریاست کے قیام کو مسترد کردیا۔

    بین الاقوامی خبر رساں ادارے کی رپورٹ کے مطابق اسرائیلی میڈیا کا کہنا ہے کہ تاریخ میں پہلی بار اسرائیلی پارلیمنٹ نے ایسی قرارداد منظور کی ہے۔

    مشرق وسطیٰ میں امن کیلئے دو ریاستی منصوبے کے خلاف اسرائیلی پارلیمنٹ میں قراردار منظور کی گئی، فلسطینی ریاست کے قیام کیخلاف 68 اراکین پارلیمنٹ نے ووٹ دیا جبکہ 9 اراکین نے قرار داد کی مخالفت کی۔

    اسرائیلی میڈیا کا کہنا ہے کہ قرارداد سے اسرائیلی اور عرب ممالک میں امن کیلئے سفارتی کوششوں کو نقصان پہنچنے کا اندیشہ ہے۔

    دوسری جانب غزہ میں اسرائیلی فوج کی جانب سے بربریت کا سلسلہ تاحال جاری ہے، اسرائیلی طیاروں نے بے گھر فلسطینیوں کو بھی نہ بخشا، گزشتہ 24 گھنٹوں کے دوران اسرائیلی بمباری سے 90 سے زائد فلسطینی جام شہادت نوش کرگئے۔

    فلسطینی وزارت صحت کا اس حوالے سے کہنا ہے کہ اسرائیلی فوج نے 10 روز میں اقوام متحدہ کے 8 پناہ گزین اسکولوں پر حملے کئے۔

    سول ڈیفنس کے اہلکاروں کے مطابق وسطی غزہ کے نصیرات پناہ گزین کیمپ پر تازہ اسرائیلی حملے میں کم از کم 14فلسطینی زندگی کی بازی ہار گئے۔

    بائیڈن کو ایک اور صدمہ، اہم رہنماء ساتھ چھوڑ گئے

    غزہ میں اسرائیلی فوج کے فضائی حملوں میں 24 گھنٹے کے دوران شہید فلسطینیوں کی تعداد 90 تک پہنچ گئی ہے۔

  • سم بند کرتے وقت یہ غلطی ہرگز نہ کریں؟ اکاؤنٹ خالی ہوجائے گا

    سم بند کرتے وقت یہ غلطی ہرگز نہ کریں؟ اکاؤنٹ خالی ہوجائے گا

    اکثر و بیشتر ہم کسی وجہ سے اپنی سم کو بند کراکر دوسرا نمبر حاصل کرلیتے ہیں، مگر یاد رکھئے اس دوران ایک چھوٹی سی غلطی آپ کو بڑا نقصان پہنچا سکتی ہے۔

    غیر ملکی ذرائع ابلاغ کے مطابق بھارت کے قنوج میں ایک معاملہ سامنے آیا، جب ایک شخص نے اپنی سم تو بند کرادی مگر اس کی چھوٹی سی غلطی کی وجہ سے اس کے اکاؤنٹ سے لاکھوں روپے نکال لئے گئے۔

    پولیس کی جانب سے اس حوالے سے تحقیقات کی گئی تو معلوم ہوا کہ ایک چھوٹی سی غلطی کی وجہ سے متاثرہ شخص کا پورا اکاؤنٹ خالی ہوگیا ہے۔

    معاملہ کچھ یوں ہوا کہ یوپی کے انیل کمار کے بینک اکاؤنٹ سے ایک نامعلوم شخص نے 4,13,000 روپے نکال لیے۔ جس پر اس شخص نے پولیس سے رابطہ کیا۔

    پولیس کی جانب سے کی گئی تحقیقات میں یہ معلوم ہوا کہ کسی شخص نے پے ٹی ایم کے ذریعے متاثرہ کے اکاؤنٹ سے 4,13,000 روپے نکالے تھے۔ جس کے بعد پولیس نے نامعلوم افراد کے خلاف مقدمہ درج کرکے تحقیقات کا آغاز کردیا۔

    سائبر کرائم پولیس اسٹیشن ٹیم کے انچارج کا کہنا تھا کہ پولیس نے موبائل کمپنی اور بینک سے رابطہ کرکے تحقیقات کو آگے بڑھایا۔ کافی تفتیش کے بعد اصل کہانی سامنے آئی۔

    متاثرہ شخص انیل کمار جو موبائل نمبر وہ پہلے استعمال کر رہا تھا، اسے بند کر کے اس نے دوسرا نمبر حاصل کرلیا تھا، وہ یہ سمجھ رہا تھا کہ اس کی سم بند ہوگئی ہے۔

    متاثرہ شخص نے جو سم بند کرائی تھی وہ پے ٹی ایم سے منسلک تھی۔ جب انیل کمار نے اس نمبر کو بند کیا تو وہ اسے بینک اکاؤنٹ سے اَن لنک کرنا بھول گئے۔ اس کے بعد موبائل کمپنی نے وہ نمبر کسی لالہ رام کو الاٹ کر دیا۔ لالہ رام نے اس نمبر کو پے ٹی ایم سے منسلک کردیا۔

    ملزم لالہ رام نے متاثرہ انل کمار کے اکاؤنٹ سے 4,13,000 روپے نکال لیے۔ اس کے بعد وہ رقم مختلف طریقوں سے رشتہ داروں کے اکاؤنٹس میں ٹرانسفر کردی گئی۔

    صارفین کو مفت سولر پینل کب سے ملنا شروع ہوں گے؟ تاریخ کا اعلان ہوگیا

    پولیس کے مطابق ایم پی کے رہائشی لالہ رام سے رابطہ کیا گیا اور اسے حراست میں لے لیا گیا۔ پولیس نے اب تک متاثرہ کو 2,10,624 روپے واپس کرنے میں مدد کی ہے۔ باقی رقم کی واپسی کیلئے کوششیں کی جارہی ہیں۔

  • پنجاب کے مختلف شہروں میں موسلا دھار بارش، نشیبی علاقے زیر آب

    پنجاب کے مختلف شہروں میں موسلا دھار بارش، نشیبی علاقے زیر آب

    اسلام آباد، راولپنڈی اور اطراف میں تیز ہواؤں کے ساتھ موسلادھار بارش ہوئی، جس کے باعث موسم سہانا ہوگیا۔ جڑواں شہروں میں بارشوں سے متعلق ہائی الرٹ جاری کردیا گیا ہے، ہیوی مشینری نشیبی علاقوں میں پہنچادی گئی ہے۔

    ایم ڈی واسا سلیم اشرف کا کہنا ہے کہ صورتحال پر نظر رکھے ہوئے ہیں، انہوں نے مختلف علاقوں کا دورہ کرکے صورتحال کا جائزہ بھی لیا۔

    لاہور شہر کے مختلف علاقوں میں بھی موسلا دھار بارش سے گرمی کا زور ٹوٹ گیا، لاہور کے علاقے شادمان، گلبرگ، ماڈل ٹاؤن، جیل روڈ اور اچھرہ میں بارش ہوئی۔

    گجرات اور گردونواح میں موسلا دھاربارش سے موسم خوشگوار ہوگیا،قصور کے علاقے کنگن پور اور گردو نواح میں موسلا دھار بارش ہوئی۔

    میرپور آزاد کشمیر کے علاقے ڈڈیال، چکسواری، اسلام گڑھ، کھڑی شریف،جاتلاں، منگلا میں بھی تیز بارش ہوئی، ملکوال شہر اور گردونواح میں بارش سے موسم خوشگوار ہوگیا۔

    پھالیہ میں بارش کے باعث حبس کازور ٹوٹ گیا جبکہ وزیرآباد شہر اور گردو نواح میں موسلا دھار بارش شروع ہوتے ہی گیپکو کے متعدد فیڈر ٹرپ کرگئے۔

    گجرات میں موسلا دھاربارش کے باعث سائن بورڈ گر گئے، عمارتوں کے شیشے ٹوٹ گئے جبکہ شہر اور گردونواح میں بجلی بند ہوگئی۔

    اس کے علاوہ شہر قائد کے مختلف علاقوں میں رات سے ہی وقفے وقفے سے بوندا باندی کا سلسلہ جاری ہے، جس کے باعث موسم خوشگوار ہوگیا۔

    تفصیلات کے مطابق کراچی کے علاقے گڈاپ ٹاؤن، سرجانی ٹاؤن، نیوکراچی، نارتھ کراچی میں بوندا باندی ہوئی، جبکہ فیڈرل بی ایریا، لیاقت آباد اور اطراف میں بھی ہلکی بارش ہوئی ہے۔

    محکمہ موسمیات کا کہنا ہے کہ کراچی میں آج مطلع ابرآلود، موسم گرم اور مرطوب رہیگا، موجودہ درجہ حرارت 31 ڈگری سینٹی گریڈ ریکارڈ کیا گیا ہے۔

    مفت سولر پینل اور انورٹر پنکھے دینے کا اعلان

    بیان کے مطابق کراچی میں 20 سے 25 کلو میٹر فی گھنٹہ کی رفتار سے ہوا چل رہی ہے، دن میں ہوا 30 سے 35 کلو میٹر فی گھنٹہ کی رفتار سے چلے گی۔

    محکمہ موسمیات کا کہنا ہے کہ دن میں درجہ حرارت 35 ڈگری سینٹی گریڈ تک پہنچنے کا امکان ہے۔

  • خاتون سے سڑک پر دست درازی کی ویڈیو سامنے آنے پر ملزم گرفتار

    خاتون سے سڑک پر دست درازی کی ویڈیو سامنے آنے پر ملزم گرفتار

    لکھنو: بھارت کے میرٹھ شہر میں ایک برقعہ پوش خاتون کے ساتھ سڑک پر دست درازی اور چھیڑ چھاڑ کی ویڈیو سوشل میڈیا پر وائرل ہوگئی۔

    بین الاقوامی خبر رساں ادارے کی رپورٹ کے مطابق واقعہ کی ویڈیو قریب لگے سی سی ٹی وی کیمروں میں قید ہوگئی۔

    سوشل میڈیا پر خاتون سے چھیڑ چھاڑ کی ویڈیو وائرل ہونے کے بعد مقامی افراد میں شدید غم و غصے کی لہر دوڑ گئی۔ مذکورہ معاملے کی پولیس میں شکایت درج کرائی گئی۔

    پولیس نے سی سی ٹی وی فوٹیج کی مدد سے شناخت کرکے واقعہ میں ملوث 45 سالہ ملزم وشال ٹھاکر کو حراست میں لے لیا ہے۔ جبکہ ملزم کو جیل روانہ کردیا گیا ہے۔

    واضح رہے کہ 2023 میں، خواتین کے قومی کمیشن نے خواتین کے خلاف جرائم کی 28,811 شکایات درج کیں، اتر پردیش ملک کی دیگر ریاستوں کے مقابلے میں خواتین پر تشدد کے واقعات کی فہرست میں سب سے آگے ہے۔

    اتر پردیش میں سب سے زیادہ 55 فیصد کیسز سامنے آئے، سماجی اور معاشی طور پر پسماندہ طبقوں کی خواتین، جن میں مذہبی اقلیتیں اور دلت شامل ہیں، جنسی ہراسانی کا سب سے زیادہ نشانہ بنتی ہیں۔

  • محرم کا چاند دیکھنے کیلئے مرکزی رویت ہلال کمیٹی کا اجلاس آج کوئٹہ میں ہوگا

    محرم کا چاند دیکھنے کیلئے مرکزی رویت ہلال کمیٹی کا اجلاس آج کوئٹہ میں ہوگا

    کوئٹہ: محرم الحرام کا چاند دیکھنے کیلئے مرکزی رویت ہلال کمیٹی کا اجلاس آج کوئٹہ میں ہوگا، رویت ہلال کمیٹی کے چیئرمین مولانا عبدالخبیر آزاد اجلاس کی صدارت کریں گے۔

    اے آر وائی نیوز کے مطابق زونل اور ضلعی رویت ہلال کمیٹیوں کے اجلاس متعلقہ ہیڈ کوارٹرز میں ہوں گے۔

    ایک ہفتے میں 51 لاکھ زائرین کی مسجد نبویؐ آمد

    واضح رہے کہ اسلامی سال کا آغاز محرم الحرام کے مہینے سے ہوتا ہے، سال کا پہلا مہینہ ہونے کی وجہ سے محرم کے مہینے کی اسلام میں خاص اہمیت ہے۔

  • 7 سالہ بچی سے مبینہ زیادتی کا ملزم گرفتار

    7 سالہ بچی سے مبینہ زیادتی کا ملزم گرفتار

    ٹبہ سلطان پور: پولیس نے چک نمبر 88 ڈبلیوبی میں کارروائی کرتے ہوئے 7 سالہ بچی سے مبینہ زیادتی کا ملزم گرفتار کرلیا۔

    اے آر وائی نیوز کے مطابق پولیس نے ملزم کو حراست میں لے کر مقدمہ درج کرلیا ہے، جبکہ مزید قانونی کارروائی کا آغاز کردیا گیا ہے۔

    اس سے قبل لاہور نواب ٹاؤن میں ڈاکٹر نے لڑکی کو مبینہ طور پر جنسی زیادتی کا نشانہ بنادیا، پولیس نے واقعہ کا مقدمہ درج کرلیا ہے۔

    رپورٹ کے مطابق ڈاکٹر عبد الرحمان کیخلاف نواب ٹاؤن تھانے میں مقدمے کا اندراج کرلیا گیا ہے، پولیس نے متاثرہ لڑکی کی مدعیت میں مقدمہ درج کرکے کارروائی شروع کردی ہے۔

    ایف آئی آر کے متن کے مطابق ڈاکٹر عبد الرحمان کا لڑکی سے رابطہ شادی سے متعلق ایک ایپلیکشن ایپ پر ہوا، ڈاکٹر نے لڑکی کو اسپتال کے کیفے میں بلایا، زبردستی نواب ٹاؤن لے گیا اور زیادتی کا نشانہ بنادیا۔

    نوکری کا جھانسہ دیکر خاتون سے اجتماعی زیادتی

    پولیس ذرائع کے مطابق متاثرہ لڑکی کامیڈیکل کرایا جا رہا ہے، ملزم کو بھی جلد گرفتار کرلیا جائے گا۔

  • ایم پی اے کی بیٹی نے سوئے ہوئے شخص کو کار سے کچل دیا، ویڈیو وائرل

    ایم پی اے کی بیٹی نے سوئے ہوئے شخص کو کار سے کچل دیا، ویڈیو وائرل

    بھارت میں گزشتہ دنوں ایک افسوسناک واقعہ پیش آیا جب ایم پی اے کی بیٹی نے سوئے ہوئے شخص کو کار سے کچل دیا، جس سے اس کی موت واقع ہوگئی۔

    بین الاقوامی خبر رساں ادارے کی رپورٹ کے مطابق آندھرا پردیش کی اپوزیشن جماعت وائی ایس آر کانگریس پارٹی کے رکن راجیہ سبھا بیدھا مستان راؤ کی بیٹی بیدھا مادھوری کو گرفتاری کے بعد ضمانت پر رہائی مل گئی۔

    رپورٹ کے مطابق خاتون پر سوئے ہوئے شخص پر اپنی کار چڑھانے، لاپرواہی سے ڈرائیونگ کرنے کا الزام ہے۔ کار چڑھانے کی وجہ سے سویا ہوا شخص ہلاک ہوگیا تھا۔

    پولیس ذرائع کے مطابق مادھوری نے چینائی کے بسنت نگرعلاقہ میں فٹ پاتھ پر محوخواب شخص پر کار چڑھادی تھی جس کے بعد وہ، ایک اور شخص کے ساتھ وہاں سے فرار ہوگئی۔پولیس کا کہنا ہے واقعہ17 جون کی رات میں پیش آیا۔

    کار کی ٹکر سے ہلاک ہونے والے کی شناخت21سالہ سوریا کے طور پر کی گئی ہے واقعہ کے بعد پینٹر سوریا کو سرکاری ہاسپٹل لے جایا گیا جہاں ڈاکٹروں نے اس کی موت کی تصدیق کردی۔

    پولیس نے مقدمہ درج کرکے تحقیقات شروع کردی ہیں، لا پرواہی سے کار چلانے کے الزام میں مادھوی کو گرفتار کرلیا گیا لیکن بعد میں انہیں ضمانت پر رہا کردیا گیا۔

  • جدہ ایئرپورٹ سے ڈھائی لاکھ عازمین حج روانہ

    جدہ ایئرپورٹ سے ڈھائی لاکھ عازمین حج روانہ

    حج سیزن 2024 اپنے اختتام کو پہنچ چکا ہے، جبکہ حجام کرام کی اپنے وطن واپسی کا سلسلہ جاری ہے۔

    سعودی خبر رساں ادارے کی رپورٹ کے مطابق جدہ کے کنگ عبدالعزیز انٹرنیشنل ایئرپورٹ سے اب تک ڈھائی لاکھ حاجی اپنے آبانی وطن روانہ ہوچکے ہیں۔ جبکہ آئندہ دنوں میں مزید حجاج کی روانگی اس ایئرپورٹ کے ذریعے ہوگی اور یہ تعداد دس لاکھ تک پہنچ جائے گی۔

    رپورٹس کے مطابق عازمین کی روانگی کا سلسلہ مدینہ منورہ ایئرپورٹ سے بھی شروع ہوچکا ہے۔

    حجاج کے لیے مدینہ منورہ ایئرپورٹ پر محکمہ پاسپورٹ کے کاؤنٹرز کے قریب قرآن پاک کا نسخہ ان کی اپنی زبان میں رکھا گیا ہے۔ جو روانگی کے وقت ہر حاجیوں کو دیا جائے گا۔

    مدینہ منورہ کے امیر محمد بن عبدالعزیز انٹرنیشنل ایئرپورٹ پر جنرل ڈائریکٹوریٹ آف پاسپورٹ کے ترجمان میجر ناصر العتیبی کا کہنا تھا کہ ایئرپورٹ پر کاؤنٹرز 24 گھنٹے پوری طرح سے امور انجام دے رہے ہیں، ڈیپارٹمنٹ میں کام کرنے والے پوری تندہی سے حجاج کی روانگی کے عمل کو تیز اور آسان بنائیں گے۔

    واضح رہے کہ سعودی عرب میں رواں حج سیزن کے دوران شدید گرمی سے جاں بحق ہونے والے حجاج کی تعداد 900 سے تجاوز کر گئی ہے۔

    ایام تشریق کا اختتام ہوتے ہی حجاج کرام کی واپسی کا سلسلہ شروع ہوگیا، مکہ مکرمہ میں رواں حج سیزن کے دوران گرمی سے تقریباََ 900 سے زائد عازمین حج جاں بحق ہوئے۔

    رپورٹ میں بتایا گیا ہے کہ 922 مرنے والوں میں سے 68 ہلاکتیں ہندوستان سے تھیں، جن کی تعداد میں مزید اضافہ ہو گا۔

    پاکستان نے حج کے لیے سعودی عرب جانے والے 35 عازمین کی اموات کی تصدیق کی ہے۔

    پاکستان کے حج مشن کے ڈائریکٹر جنرل (ڈی جی) عبد الوہاب سومرو نے ایک بیان میں کہا ہے کہ 18 جون تک کی رپورٹ کے مطابق مجموعی طور پر 35 پاکستانیوں کی اموات ہوئی ہیں، مکہ میں 20 اور مدینہ میں چھ اموات ہوئی ہیں۔ ان کے بقول منیٰ میں چار، عرفات میں تین اور مزدلفہ میں دو اموات ہوئی تھیں۔

    غیر ملکی خبر ایجنسی کے مطابق گرمی سے جاں بحق حاجیوں میں سے 600 کا تعلق مصرسے ہے، جبکہ 144 کا تعلق انڈونیشیا سے ہے۔

    حج مزید کتنے سال گرمیوں میں اور کب سردیوں میں ہوگا، سعودی محکمہ موسمیات

    اردن کے ساٹھ اور تیونس کے پینتیس حاجی جاں بحق ہوئے، جبکہ دوران حج گرمی سے ایران کے گیارہ اور سینیگال کے تین حاجی جاں بحق ہوئے۔

  • صفورا کے قریب واٹر ٹینکر کی ٹکر سے موٹر سائیکل سوار 2 افراد جاں بحق

    صفورا کے قریب واٹر ٹینکر کی ٹکر سے موٹر سائیکل سوار 2 افراد جاں بحق

    کراچی: صفورا گوٹھ کے قریب تیز رفتار واٹر ٹینکر نے موٹر سائیکل کو ٹکر ماردی، جس کے نتیجے میں موٹر سائیکل پر سوار دو افراد جاں بحق ہوگئے۔

    اے آر وائی نیوز کے مطابق ریسکیو ذرائع کا کہنا ہے کہ صفورا گوٹھ کے قریب واٹر ٹینکر حادثے میں ابتدائی طور پر ایک جاں بحق ہوا تھا، تاہم اسپتال منتقلی کے دوران زخمی نے بھی دم توڑ دیا،لاشوں کو اسپتال منتقل کردیا گیا ہے۔

    دوسری جانب کراچی میں پولیس موبائل میں آکر ڈکیتی کرنے والے ڈی ایس پی کو بیٹے سمیت گرفتار کرلیا گیا۔

    کراچی کے علاقے گلشن اقبال میں پولیس نے ڈکیتی کرنے والے ڈی ایس پی کو بیٹے سمیت گرفتار کرلیا جبکہ پولیس نے لٹیروں کی مدد کرنے والے مقامی شہری کو بھی دھر لیا۔

    لوٹ مار میں استعمال ہونے والی پولیس موبائل اور ملزمان کو تھانے منتقل کردیا گیا ہے۔

    پولیس کا کہنا ہے کہ ملزمان نے موبائل کی نمبر پلیٹ میں بھی ٹیمپرنگ کی تھی، ملزمان نے پان شاپ میں لوٹ مار کی، مالک نے موبائل پہچان لی تھی۔

    ملزم عباس نے پولیس کو دیے گئے بیان میں بتایا کہ گلشن کا رہائشی ہوں، پولیس موبائل سے میرا کوئی تعلق نہیں، انہوں نے مجھے سامنے موبائل میں رکنے کا کہا تھا۔

    بھتہ خوری اور نوسربازی میں ملوث ملزم گرفتار

    پولیس کو ملزم نے بتایا کہ میں سمجھا پولیس والوں کی مدد کررہا ہوں، موبائل میں آکر ڈکیتی کرنے والوں نے چالاکی دکھائی تھی سمجھ نہیں سکا۔

  • آئسکریم سے کٹی ہوئی انسانی انگلی برآمد، ویڈیو وائرل

    آئسکریم سے کٹی ہوئی انسانی انگلی برآمد، ویڈیو وائرل

    ممبئی: بھارت کے شہر ممبئی میں ایک چونکا دینے والا رونما ہوا، جب ایک خاتون ڈاکٹر کو آئس کریم کھانے کے دوران کٹی ہوئی انسانی انگلی نظر آئی تو اس کے ہوش اڑ گئے۔

    غیر ملکی ذرائع ابلاغ کے مطابق خاتون نے اس کی تصویر شیئر کی اور پولیس میں شکایت درج کرائی۔ خاتون نے پولیس کو بتایا کہ اس نے آئس کریم آن لائن آرڈر کرکے منگوائی تھی۔

    ملاڈ پولیس نے آئس کریم کمپنی کے خلاف دفعہ 272، 272 اور 336 کے تحت کیس رجسٹرڈ کرلیا ہے، پولیس کا کہنا ہے کہ آئس کریم کون میں انسانی انگلی موجود تھی، جبکہ آئس کریم سے ملنے والے انسانی انگلی کو ٹیسٹ کے لئے بھجوا دیا ہے۔

    خاتون ڈاکٹر نے پولیس کو دیئے گئے بیان میں بتایا کہ اس نے آدھی سے زیادہ آئس کریم کھا لی تھی مگر جیسے ہی اسے احساس ہوا کہ کچھ گڑبڑ ہے تو اس نے کٹی ہوئی انسانی اعضا کا مشاہدہ کیا۔

    دولہے کی باراتیوں کی موجودگی میں دلہن پر تشدد کرنے کی ویڈیو وائرل

    جس کے بعد خاتون ملاڈ تھانے پہنچ گئی۔ ملاڈ پولیس نے یمو آئس کریم کمپنی کے خلاف مقدمہ درج کرلیا ہے جبکہ مزید تحقیقات شروع کردی گئی ہیں۔