ARYNews.tv | Urdu – Har Lamha Bakhabar

Tag: Urdu

  • حیدرآباد:نامعلوم افرادکی فائرنگ،ایم کیوایم کا کارکن جاں بحق

    حیدرآباد:نامعلوم افرادکی فائرنگ،ایم کیوایم کا کارکن جاں بحق

    حیدرآباد:موٹر سائیکل پر سوارنامعلوم افراد کی فائرنگ سے ایم کیوایم کے سینئرکارکن حسن مجتبیٰ زیدی جاں بحق ہوگئے۔ایم کیو ایم کے قائد الطاف حسین اور ایم کیو ایم رابطہ کمیٹی نے سینئر کارکن کےقتل کی مذمت کی ہے۔

    حیدرآباد میں نامعلوم افراد نے اسٹیشن روڈ پر فائرنگ کر کے ایم کیوایم کے سینئر کارکن حسن مجتبیٰ زیدی کو فائرنگ کر کے شہید کردیا،شہیدہونے والے ایم کیوایم کے کارکن حسن مجتبیٰ موٹرسائیکل پر اپنے تین بچوں کے ساتھ دودھ لینے جارہے تھے،حسن مجتبیٰ کو شدیدزخمی حالت میں سول اسپتال لے جایاگیا لیکن وہ جانبرنہ ہوسکے اورزخموں کی تاب نہ لاتے ہوئے خالق حقیقی سےجاملے،فائرنگ کے نتیجے میں تینوں بچے بھی زخمی ہوگئے ہیں۔

    واقعہ کی اطلاع ملتے ہی ایم کیوایم حیدرآباد کے زونل انچارج نوید شمسی،زونل کمیٹی کے دیگرارکان،حق پرست ارکان اسمبلی اورکارکنوں کی بڑی تعداد اسپتال پہنچ گئی،ایم کیو ایم کے قا ئد الطاف حسین اور ایم کیو ایم رابطہ کمیٹی نے سینئر کارکن حسن مجتبیٰ کے قتل کی شدید مذمت کی ہے،حسن مجتبیٰ زیدی کی نمازجنازہ بعد نماز ظہراداکی جائے گی۔

  • ہانگ کانگ:جمہوریت نوازمظاہرین کا احتجاج جاری

    ہانگ کانگ:جمہوریت نوازمظاہرین کا احتجاج جاری

    ہانگ کانگ: جمہوریت نواز مظاہروں کا سلسلہ ہانگ کانگ میں جاری ہے، پولیس نے سڑکوں پر موجود مظاہرین کی جانب سے کھڑی روکاوٹوں کو صاف کرنا شروع کردیا ہے۔

    ہانگ کانگ میں جاری دو ہفتوں سے جمہوریت کے حامی مظاہروں میں حصہ لے رہے ہیں، پولیس کی جانب سے ہانگ کانگ کی سڑکوں پرموجود تمام رکاوٹوں کوصاف کردیا ہے، اس دوران مظاہرین کی بڑی تعداد موجود تھی۔

    ہانگ کانگ میں دو ہفتوں سے جمہوریت کے حق میں احتجاج جاری ہے، مظاہرین جہموری اصلاحات کے نفاذ کا مطالبہ کررہے ہیں، دوسری جانب حکومت کا کہنا ہے گڑبڑ پھیلانے والوں سے سختی سے نمٹا جائے گا۔

  • دنیا کا پہلا تھری ڈی پرنٹڈ راکٹ خلا کیلئے اڑان بھرنےکو تیار

    دنیا کا پہلا تھری ڈی پرنٹڈ راکٹ خلا کیلئے اڑان بھرنےکو تیار

    دنیا کا پہلا تھری ڈی پرنٹڈ راکٹ خلا کیلئے اڑان بھرنے کو تیار ہے۔

    برطانوی نوجوانوں کی ایک ٹیم ہیلیم گیس کے غبارے کی مدد سے اور ایندھن کے طور پر بائیو فیول استعمال کرتے ہوئےاپنی نوعیت کا پہلا تھری ڈی پرنٹڈ راکٹ فضا میں بھیجنےکی تیاریاں کررہی ہے،پروگرام کے مطابق یہ راکٹ پہلے توایک بہت بڑے ہیلیم غبارے کی مدد سےبیس ہزار میٹرکی بلندی تک لے جایا جائےگا، پھراس راکٹ میں لگا مخصوص سسٹم راکٹ کے انجن کو اسٹارٹ کرے گا، یہ راکٹ اگلے ماہ امریکہ سے لانچ کیا جائیگا۔

  • صدر نے بلدیاتی انتخابات کے حوالے سے دو آرڈیننس جاری کر دیئے

    صدر نے بلدیاتی انتخابات کے حوالے سے دو آرڈیننس جاری کر دیئے

    اسلام آباد:بلدیاتی انتخابات کیلئے صدرمملکت ممنون حسین نے دو صدارتی آرڈیننس جاری کردیئے،حلقہ بندیوں اورانتخابی فہرستوں کی تیاری کا اختیارالیکشن کمیشن کو سونپ دیا گیاہے۔

    صدر مملکت ممنون حسین نے ملک میں بلدیاتی ا نتخابات کے حوالے سے دو ترمیمی آرڈیننس جاری کردیے،صدارتی آرڈیننس دو ہزار چودہ کے مطابق الیکشن کمیشن کو بلدیاتی حلقہ بندیاں کرنے کے اختیارات حاصل ہوگئے ہیں،الیکشن کمیشن کو ہدایت کی گئی ہے کہ وہ بلدیاتی حلقہ بندیوں کا کام جلد مکمل کرے،اس کے علاو ہ حلقہ بندیوں سے متعلق تنازعات کے حل کا اختیار بھی الیکشن کمیشن کو مل گیا ہے۔

    ترمیمی آرڈیننس دو ہزار چودہ کے مطابق بلدیاتی انتخابات کے لیے ووٹر لسٹوں کی تیاری کا کام بھی الیکشن کمیشن کی ذمہ داری ہوگی۔

  • شدت پسند تنظیم داعش کے خلاف فضائی کارروائی جاری رہےگی،اوباما

    شدت پسند تنظیم داعش کے خلاف فضائی کارروائی جاری رہےگی،اوباما

    وشنگٹن:امریکی صدر براک اوباما کہتے ہیں کہ عراق اور شام میں شدت پسند تنظیم داعش کے خلاف فضائی کارروائی جاری رہےگی۔

    امریکی صدر براک اوباما نےداعش کےخلاف کارروائی میں شامل اتحادی ممالک کےفوجی سربراہان سےملاقات کی،ملاقات میں عراق اورشام کی صورتحال پر تبادلہ خیال کیاگیا،امریکی صدر اوباما کا کہنا تھاکہ عالمی برادری عراق اور شام میں شدت پسندوں کے خاتمے کے لئے متحد ہے،اجلاس میں ترکی،سعودی عرب سمیت بیس ممالک کےفوجی سربراہان نے شرکت کی۔

  • جاپان فیشن ویک اپنی تمام تر رعنائیوں کے ساتھ جاری

    جاپان فیشن ویک اپنی تمام تر رعنائیوں کے ساتھ جاری

    جاپان فیشن ویک اپنی تمام تر رعنائیوں کے ساتھ جاری ہے جس میں مشہور جاپانی  ڈیزائنر شیراہاما کے تیار کردہ موسم بہارکے ملبوسات پیش کئےگئے

    ٹوکیو میں جاری فیشن شو کےدوسرے روز جاپانی ثقافت سے سجے  موسم بہارکے دیدہ زیب ملبوسات کی نمائش کی گئی، ماڈلزسفید اور سنہرے رنگ کے امتزاج سے بنے موسم بہار کے ملبوسات  پہن کر ریمپ پر آئیں تو حاضرین داد دیئے بغیرنہ رہ سکے،جاپانی  ڈیزائنر کا کہنا ہے کہ وہ ہمیشہ  نت نئے ڈیزائن متعارف کرواتی ہیں تاکہ ان کے چاہنے والے اکتاہٹ کا شکار نہ ہوں،جاپان فیشن ویک انیس اکتوبر تک جاری رہیگا۔

  • آئی بی ایم نےسن فلاور پاورجنریٹرمتعارف کروادیئے

    آئی بی ایم نےسن فلاور پاورجنریٹرمتعارف کروادیئے

    کمپیوٹر بنانے والی مشہور کمپنی آئی بی ایم نے سن فلاور پاور جنریٹر متعارف کروادیئے۔

    سورج کی توانائی ایک ایسا خزانہ ہے جو کبھی ختم نہیں ہوگا،آئی بی ایم نے اس بات کو مد نظر رکھتے ہوئے ایسے سن فلاور پاور جنریٹرمتعارف کر وائے ہیں جن کی خاص بات یہ ہے کہ یہ شمسی توانائی سے بجلی پیدا کرنے کے ساتھ ساتھ آلودگی سے پاک پانی بھی فراہم کریں گے،یہ سن فلاور پاور جنریٹر ایک سپر کمپیوٹر سے منسلک ہوں گے جو ایک مخصوص پروگرام چپ کے زریعے کام کرے گا۔

  • آج’ بلڈ مون’ دنیا بھر میں دیکھا جائے گا

    آج’ بلڈ مون’ دنیا بھر میں دیکھا جائے گا

    اسلام آباد:سفید چاند توہم روز ہی دیکھتے ہیں،آج چاند انوکھے انداز کا ہوگا، ماہرفلکیات کا کہنا ہے کہ رات چاند کو گرہن لگے گا تو وہ سرخ ہوکر خونی چاند نظر آئےگا۔

     سال کا دوسرا چاند گرہن آج ہوگا، یہ چاند خونی چاند کہلائے گا ، امریکہ اور ایشیا میں آج چاند گرہن ہوگا،جو گرین وِچ کے معیاری وقت کے مطابق آٹھ بجے شروع ہوگا اور دس بج کر پچیس منٹ پرمکمل ہوگا۔

    گرہن کے دوران چاند لال رنگ کا نظر آئے گا، اس لیے اس چاند گرہن کو’بلڈ مون‘ کہا جا رہا ہے۔

    شمالی امریکہ، آسٹریلیا، مغربی مشرقی ایشیا میں شائقین اس انوکھے منظر کا نظارہ کر سکیں گے، پاکستان میں چاند نکلتے وقت چاند گرہن کی ہلکی سی جھلک دیکھی جاسکے گی، چاند گرہن رواں سال پندرہ اپریل کو ہوا تھا جبکہ آئندہ مکمل چاند گرہن اگلے سال چار اپریل کو متوقع ہے۔

  • ونڈسکرین چٹخنےسےپی آئی اےپروازکی لاہور ائیرپورٹ پر ہنگامی لینڈنگ

    ونڈسکرین چٹخنےسےپی آئی اےپروازکی لاہور ائیرپورٹ پر ہنگامی لینڈنگ

    لاہور:پی آئی اے کی مسقط سے لاہورآنے والی پرواز کی ونڈ سکرین چٹخ گئی، جس کے بعد طیارے نے لاہورائیرپورٹ پر ہنگامی لینڈنگ کی۔

    ذرائع کے مطابق پی آئی اے کی جانب سے کچھ عرصہ قبل "اے 320 ائیر بس” لیز پر لی گئی تاہم طیارے کی کنڈیشن اچھی نہیں، اس لئے اس کی ونڈ سکرین دوران پرواز ہوا کا دباؤ برداشت نہ کرسکی اور چٹخ گئی، طیارے کو ہنگامی طور پر ائیرپورٹ اتارا گیا۔

    ذرائع کے مطابق جہاز کی سکرین کسی چیز کے ٹکرانے سے نہیں ٹوٹی، لیز پر لیا گیا جہاز پرانا ہونے کی وجہ سے اس کی ونڈ اسکرین ٹوٹی، ہنگامی لینڈنگ کے دوران تمام مسافر اور عملہ محفوظ رہا۔

  • آج 2005کے زلزلے کو 9سال گزر گئے

    آج 2005کے زلزلے کو 9سال گزر گئے

    کراچی:آٹھ اکتوبردوہزارپانچ کے زلزلے نےایبٹ آباد میں تباہی کی انمٹ نقوش چھوڑ دیئے ہیں، بحالی کے وعدے ہوئے لیکن وعدے ایفا نہ ہوسکے۔

    آٹھ اکتوبردوہزارپانچ کوآنے والا بدترین زلزلہ نو سال گزرنے کے بعد ذہنوں سے نہیں نکل سکا، ہولناک زلزلہ کے متعلق ایبٹ آباد میں دعائیہ تقریبات کا سلسلہ جاری ہے،مختلف مذہبی، سیاسی اورسماجی رہنماؤں نے زلزلے میں جاں بحق ہونے والوں کی یادگاروں پرپھولوں کی چادریں چڑھائیں اورشہدا کے لئےدعائے مغفرت بھی کی گئی۔

     زلزلے میں چھیالیس سوسے زادئد افرادلقمہ اجل بنے اورتین لاکھ سے زائدمکانات تباہ ہوگئے،حکومت کی جانب سے بحالی کے منصوبوں کا آغازتوضرورہوالیکن وہ پایہ تکمیل تک نہ پہنچ سکے۔

    تباہی کی داستانیں رقم کرنے والے اس زلزلے نے اٹھارہ ہزارسے زائد معصوم بچوں کوبھی اُن کی ماؤں سے چھین لیا،اٹھائیس سوسےزائدتعلیمی ادارے ایسے تباہ ہوئے کہ آج تک بچے کھلےآسمان تلے تعلیم حاصل کرنے پرمجبورہیں۔

    تباہ کن زلزلے کے نوسال بعدبھی زلزلہ متاثرین دوبارہ اپنے آشیانے بسنے اورتوجہ کے منتظرہیں۔