Tag: Urvashi Rautela

کچھ عرصے سے بھارتی اداکارہ اروشی روٹیلا کا ’آر پی‘ پراسرار رہا، لیکن اب ان کی ایک انسٹاگرام پوسٹ نے آخر کار یہ معمہ حل کر دیا۔

سابق مس ورلڈ اور بھارتی ماڈل، اداکارہ نے انسٹاگرام پر ایک تصویر پوسٹ کی ہے جس میں وہ تیلگو فلم اسٹار رام پوٹھینینی کے ساتھ دکھائی دے رہی ہیں۔

بھارتی میڈیا رپورٹس میں کہا گیا ہے کہ سوشل میڈیا صارفین اور فینز اروشی کا تعلق جس آر پی سے جوڑ رہے تھے وہ دراصل بھارتی کرکٹر رشبھ پنت نہیں بلکہ کوئی اور ہے۔

ادکارہ نے ایک انٹرویو میں دعویٰ کیا تھا کہ ایک شخص جس کا نام ’آ رپی‘ ہے، نے مجھ سے ملاقات کے لیے ہوٹل لابی میں طویل انتظار کیا تھا، آر پی کون تھا؟ اروشی نے یہ راز افشا نہیں کیا، جس کی وجہ سے سوشل میڈیا صارفین نے اپنے طور سے قیاس آرائیاں شروع کر دیں۔

’نسیم، اروشی ڈھونڈ رہی تھی‘ نعرے لگ گئے، ویڈیو وائرل

یہی وجہ تھی کہ اس کے بعد سے اروشی روٹیلا بھارتی کرکٹ ٹیم کے وکٹ کیپر بیٹر رشبھ پنت کے ساتھ مبینہ تعلقات اور متنازع سوشل میڈیا بیانات کی وجہ سے خبروں کی زینت بننے لگیں۔

ابھی، آسٹریلیا میں جاری ٹی ٹوئنٹی ورلڈ کپ میں بھی بھارت کے میچ میں جب رشبھ پنت باؤنڈری پر فیلڈنگ کرتے ارشدیپ سنگھ کے پاس آئے تو تماشائیوں نے اروشی کے نعرے لگانے شروع کر دیے۔

 

View this post on Instagram

 

A post shared by Urvashi Rautela (@urvashirautela)

دل چسپ بات یہ ہے کہ اروشی روٹیلا نے ایشیا کپ میں نسیم شاہ کے حوالے سے بھی ٹوئٹ کی تھی، جس پر انھیں پاکستانی صارفین نے آڑے ہاتھوں لیا تھا۔

اب اروشی کی انسٹاگرام پوسٹ نے تمام افواہوں کو ختم کر دیا ہے، اروشی نے پوسٹ میں رام پوٹھینینی کے نام کے ساتھ ساتھ ’محبت‘ کا ہیش ٹیگ بھی دیا ہے، جس سے یہ اشارہ ملتا ہے کہ دونوں محبت کے بندھن میں بندھے ہوئے ہیں۔

تاہم، اروشی کے اس طرح کے پبلک اسٹنٹس کو دیکھتے ہوئے کچھ نہیں کہا جا سکتا، ادھر تیلگو فلم اسٹار رام پوٹھینینی کی جانب سے بھی اس حوالے سے تاحال کوئی بیان سامنے نہیں آیا ہے۔