ARYNews.tv | Urdu – Har Lamha Bakhabar

Tag: US and NATO

  • مغربی ممالک سے خطرات : چین ہر مشکل میں روس کا ساتھ دے گا

    مغربی ممالک سے خطرات : چین ہر مشکل میں روس کا ساتھ دے گا

    ماسکو : چین نے مغربی ممالک کی جانب سے روس کو درپیش خطرات کے پیش نظر روس کے ساتھ کھڑے رہنے کا اعادہ کیا ہے۔

    چین نے الزام عائد کیا ہے کہ امریکہ اور نیٹو مل کر روس کو کونے میں دھکیلنے کی سازش رہے ہیں اور فوجی اتحاد میں تیزی کے ساتھ ساتھ یوکرین کی بھرپور حمایت بھی جاری ہے۔

    غیر ملکی خبر رساں ادارے کی رپورٹ کے مطابق چینی وزیر خارجہ وانگ یی نے اپنے روسی ہم منصب سرگئی لاوروف سے ٹیلی فونک گفتگو کی۔ اس موقع پر خیالات کا اظہار کرتے ہوئے بتایا کہ مغرب کی جانب سے روس کو مشترکہ خطرات کے باعث روس کی حمایت کرنے کا وعدہ کرتے ہیں۔

    چینی وزیر خارجہ نے کہا کہ مغربی ممالک کی جانب سے بڑھتے ہوئے خطرات کے پیش نظر دونوں ممالک کے حکام نے اپنی جغرافیائی سیاسی کوششوں میں ایک دوسرے کا ساتھ دینے کا عزم کا اعادہ کیا ہے۔

    چینی وزارت خارجہ کی طرف سے پوسٹ کردہ ریڈ آؤٹ کے مطابق بیجنگ روس کی مضبوطی سے حمایت کرے گا اور روسی صدر ولادیمیر پوتن کی “مشکلات پر قابو پانے اور خلفشار کو ختم کرنے کے لیے روسی عوام کو متحد کرنے اور ان کی رہنمائی کرنے کی کوششوں میں مدد کرے گا۔

    چینی اعلیٰ سفارت کار نے کہا کہ اس کے علاوہ چین اسٹریٹجک ترقی کے اہداف کو حاصل کرنے کے لیے اور بین الاقوامی سطح پر روس کو ایک بڑی طاقت بننے کے لئے تقویت دے گا۔

    اس گفتگو کے دوران ممالک کے اعلیٰ سفارت کاروں نے اپنے باہمی اعتماد اور ایک دوسرے کی پختہ حمایت کا اعادہ کیا اور اپنے دونوں ممالک کو اس طرح اگلی سطح پر لے جانے کے لیے مل کر کام کرنے کے عزم کا اظہار کیا جس سے نہ صرف دونوں ممالک کو فائدہ پہنچے بلکہ دنیا میں خراب ہوتی صورت حال میں مزید استحکام ملے گا۔

  • امریکا اور نیٹو کو افغانستان سے ذلت و رسوائی ملی، روس

    امریکا اور نیٹو کو افغانستان سے ذلت و رسوائی ملی، روس

    ماسکو : روس نے افغانستان میں امریکا و نیٹو کی عجلت میں واپسی کو حقیقی شکست قرار دیا ہے، روسی وزیر خارجہ کا کہنا ہے کہ امریکا افغانستان کیلئے کوئی منصوبہ بھی نہ دے سکا۔

    اطلاعات کے مطابق روس کی وزارت خارجہ کی ترجمان ماریا زاخارووا نے کہا ہے کہ افغانستان کی صورت حال سے یہ بات واضح ہو گئی ہے کہ وہاں امریکہ اور نیٹو نہ صرف شکست سے دوچار ہوئے ہیں بلکہ وہ اس ملک کے لئے کوئی کارگر منصوبہ تیار کرنے میں بھی ناتواں رہے ہیں۔

    روس کی ترجمان نے کہا کہ بڑی طاقت بننے کا امریکی بھرم ٹوٹ چکا ہے اور اسے اور نیٹو کو افغانستان سے ذلت کے ساتھ فرار ہونے پر مجبور ہونا پڑا ہے۔

    واضح رہے کہ افغانستان پر طالبان کے تسلط اور اس ملک سے امریکی اور نیٹو کے فوجیوں کی عجلت میں واپسی، اس ملک میں بہت سے مسائل و مشکلات پیدا ہونے کا باعث بنی ہے جس کی بنا پر خود مغربی ملکوں میں شدید تنقید کی جا رہی ہے۔

    امریکہ اور اس کے اتحادیوں نے افغانستان سے ایسی حالت میں پسپائی اختیار کی ہے کہ اس ملک پر اس کے بیس سالہ تسلط کے دوران نہ صرف افغانستان کے حالات میں کوئی بہتری نہیں آئی ہے بلکہ اس ملک میں دہشت گردی اور منشیات کی پیداوار و اسمگلنگ میں بے پناہ اضافہ بھی ہوا ہے اور اسی کے نتیجے میں افغانستان کے مختلف علاقے بدامنی و عدم استحکام کا شکار رہے ہیں۔