امریکی صدر ڈونلڈ ٹرمپ نے شرح سود کم کرنے سے انکار کرنے پر مرکزی بینک کے چیئرمین کو نوکری سے برطرف کرنے کا بیان جاری کیا ہے۔
غیر ملکی میڈیا کے مطابق امریکی صدر ڈونلڈ ٹرمپ نے سینٹرل ریزرو بینک کے چیئرمین جیروم پاول پر شدید تنقید کا نشانہ بناتے ہوئے کہا جیروم پاول کی برطرفی میں تاخیر نہیں ہونی چاہیے۔
جبکہ چیئرمین کا کہنا ہے کہ ٹرمپ انتظامیہ کی تجارتی پالیسیوں، خاص طور پر بھاری ٹیرف، امریکی معیشت پر غیر معمولی اثر ڈال رہی ہیں اور فیڈرل ریزرو بینک کو دہائیوں سے کبھی ایسی صورتِ حال کا سامنا نہیں رہا۔
انہوں نے یہ بھی کہا کہ امریکی صدر اُنہیں مدت ختم ہونے سے پہلے برطرف نہیں کر سکتے کیونکہ امریکی قانون اس بات کی اجازت نہیں دیتا، جیروم پاول کو پہلی بار 2018 میں صدر ٹرمپ نے ہی فیڈرل ریزرو کا سربراہ مقرر کیا تھا۔
2022 میں سابق صدر جو بائیڈن نے جیروم پاول کو دوبارہ اس عہدے پر تعینات کیا اُن کی موجودہ مدتِ ملازمت مئی 2026 میں ختم ہوگی۔
