چھوٹی سیاحتی آبدوز ٹائٹن کی تلاش چوتھے دن بھی جاری ہے، تاہم ایک امریکی ماہر نے آبدوز کا ملنا ناممکن قرار دے دیا، لاپتا آبدوز میں ایک دن سے بھی کم آکیسجن رہ گئی ہے۔
غیر ملکی خبر رساں ادارے کی رپورٹ کے مطابق امریکی کوسٹ گارڈ کے مطابق ٹائی ٹین کی آوازیں سنی گئی ہیں، لاپتا مقام سے کچھ سگنلز موصول ہوئے ہیں جس کے بعد سرچ آپریشن تیز کردیا گیا۔
اس حوالے سے امریکی محقق اور ٹائی ٹینک کا ملبہ تلاش کرنے والے جولس چیف کا کہنا ہے لاپتا ہونے والی آبدوز کا ملنا اب عملی طور پر ناممکن ہے، لاپتا آبدوز میں ایک دن سے بھی کم آکیسجن رہ گئی ہے۔
آبدوز کی تلاش کے دوران موصول ہونے والی آوازوں نے ماہرین میں امید کی کرن جگا دی تھی۔ امریکی کوسٹ گارڈ کا کہنا ہے کہ کینیڈا کے طیارے کو ٹائٹنک کے ملبے کے مقام سے زور دار آوازیں موصول ہوئیں ہیں، جس کے بعد اضافی سونر لگا دیا گیا۔
پینٹاگان نےتیسراسی130،تین سی17طیارےتلاش کیلئے وقف کردیے فرانسیسی اوشینوگرافک انسٹی ٹیوٹ نے سمندر میں روبوٹ اتار دیے تاہم لاپتا ہونے والی آبدوز کا ملنا عملی طور پر ناممکن نظر آرہا ہے۔ ماہرین کا کہنا ہے تلاش کی تمام تر کوششوں کے باوجود اس کے منفی نتائج برآمد ہوئے ہیں۔
امریکی کوسٹ گارڈ تقریباً بیس ہزار مربع کلومیٹر کے رقبے پر آبدوز کوتلاش کررہے ہیں، کینیڈا کی بحریہ، فضائیہ اور کوسٹ گارڈ اور ریسکیو ٹیمیں مدد کر رہی ہیں۔ برطانوی شاہ چارلس سوم نے آبدوز میں موجود لوگوں کے گھر والوں سے اظہارہمدردی کیا اورواقعے کی تفصیلات لیں۔
امریکی صدر جوبائیڈن اور برطانوی وزیراعظم بھی واقعے پر گہری نظر رکھے ہوئے ہیں، اکیس فٹ لمبی آبدوز کا اتوار کو رابطہ منقطع ہوگیا تھا آبدوز میں اینگرو پاکستان کے وائس چیئرمین شہزادہ داؤد اور ان کے انیس سال کے بیٹے سلیمان داؤد سمیت پانچ افراد سوار ہیں۔