واشنگٹن : امریکا نے پشاور فضائیہ کیمپ پرحملے کی شدید مذمت کرتے ہوئے کہا کہ دہشتگردی کے خلاف پاکستان کے ساتھ کھڑے ہیں۔
امریکی محکمہ خارجہ کے نائب ترجمان مارک سی ٹونرنے واشنگٹن میں ہفتہ وارمیڈیا بریفنگ میں کہا کہ پشاورمیں فضائیہ کیمپ پرحملہ انتہائی افسوسناک ہے، تاہم یہ پہلا واقعہ نہیں، اس سے قبل بھی پاکستان میں متعدد دہشتگرد واقعات ہوچکے ہیں۔
پاکستان دہشتگردی اور شدت پسندی سے سب سے زیادہ متاثر ملک ہے، پاکستان نے دہشتگردی ہاتھوں بہت نقصان اٹھایا ہے۔
ترجمان کا کہنا تھا کہ پاکستانی عوام مسلسل دہشتگردی کے خلاف جدوجہد کررہے ہیں، امریکا شدت پسندی اور دہشت گردی کے خلاف کی جانے والی جنگ میں پاکستان کے ساتھ ہے، دہشت گردی کے خاتمے کے لئے پاکستان کو بھرپور مدد اور تعاون فراہم کرتے رہیں گے۔
