Tag: US election 2016

واشنگٹن : امریکی صدارتی امیدوارڈونلڈ ٹرمپ کی اہلیہ میلانیا ٹرمپ کا کہنا ہے کہ ان کے خاوند نرم دل اور جنٹل مین انسان ہیں۔

تفصیلات کےمطابق میلانیا ٹرمپ کااپنے خاوند کی ویڈیومنظرعام پرآنے کےبعد پہلی مرتبہ امریکی ٹی وی سے گفتگومیں کہناتھاکہ انہیں ٹرمپ کے الفاظ سے شدید دھچکاپہنچاتاہم ٹرمپ کے معافی مانگنے پرانہوں نے ٹرپ کومعاف کردیاہے۔

میلانیا نے انٹرویو کے دوران کہا کہ میں جانتی ہوں کہ وہ خواتین کی عزت کرتے ہیں،لیکن وہ اپنا دفاع کر رہے ہیں کیوں کہ یہ سب جھوٹ ہے۔یہ اسکینڈل ہلیری کلنٹن کی ٹیم اور میڈیا نے ٹرمپ کی امیدواری کو نقصان پہنچانے کی خاطر کھڑا کیا ہے۔

ڈونلڈ ٹرمپ کی اہلیہ ملینیاٹرمپ جوانتخابی مہم سے زیادہ تر لاتعلق رہیں کہتی ہیں کہ ہلیری کی مہم کی جانب سےآغازسےہی ان کی ماڈلنگ کے زمانے کی تصاویر غلط طریقےسےسامنےلاکرووٹرزکوگمراہ کرنے کی کوشش کی گئی۔

مزید پڑھیں:ٹرمپ کابیان ظالمانہ،خوفناک ہے جو فراموش نہیں کیا جاسکتا،مشیل اوباما

ریپبلکن پارٹی کے صدارتی امیدوار کی اہلیہ ملینیاکاکہناتھاکہ انہوں نے ماضی میں جوبھی کام کیا بہت محنت سےکیا اورانہیں اس پر فخرہے۔

امریکی صدارتی انتخابات میں صرف3 ہفتے باقی رہ گئے ہیں اورامریکی سروے کے مطابق ڈیموکریٹ پارٹی کی امیدوار ہلیری کلنٹن کو ٹرمپ پر خاصی برتری حاصل ہے۔

مزید پڑھیں: ریپبلکن پارٹی کے اہم رہنماکا ٹرمپ کا دفاع کرنے سے انکار

واضح رہے کہ گزشتہ ہفتے ایوانِ نمائندگان کے اسپیکر اور ریپبلکن پارٹی کے اہم رہنما پال رائن نے ڈونلڈ ٹرمپ کا مزید دفاع کرنے سے انکار کر دیاتھا۔

واشنگٹن : ریپبلکن صدارتی امیدوار ڈونلڈ ٹرمپ کا کہنا ہے کہ اگلے صدارتی مباحثے سے قبل ہلیری کلنٹن کا ڈرگ ٹیسٹ ہونا چاہیے۔

تفصیلات کےمطابق ریپبلکن پارٹی کے صدارتی امیدوار ڈونلڈ ٹرمپ کا نیو ہیمشائر میں ریلی سے خطاب کرتے ہوئے کہنا تھا کہ اگلے مباحثے سے قبل ہلیری کلنٹن اور میرامنشیات ٹیسٹ ہونا چاہیے۔

ڈونلڈ ٹرمپ کا کہنا تھا کہ دوسرے صدارتی مباحثے میں ڈیموکریٹک پارٹی کی صدارتی امیدوار کافی پرجوش تھیں لیکن مباحثے کے اختتام پر وہ اپنی کار تک بہت مشکل سے پہنچ سکی تھیں لیکن انہوں نے اس حوالےسے کوئی ثبوت نہیں دیے۔

خیال رہے کہ ڈونلڈ ٹرمپ کا ہلیری کلنٹن کےبارے میں یہ بیان ایسے موقع پر سامنے آیا ہےجب انہیں خود خواتین کے حوالے سے دیے جانے والےبیانات پر تنقید کا سامنا ہے۔

مزیدپڑھیں: ٹرمپ کابیان ظالمانہ،خوفناک ہے جو فراموش نہیں کیا جاسکتا،مشیل اوباما

واضح رہے کہ دو روز قبل امریکی صدر باراک اوباما کی اہلیہ مشیل اوباما نے ہیمپشائر میں اپنے خطاب میں عورتوں سے متعلق ٹرمپ کے عمل کے بارے میں کہا تھا کہ یہ تذلیل پر مبنی اور قابلِ نفرت ہے۔