Tag: us elections 2024

ڈونلڈ ٹرمپ دوسری بار امریکا کے صدر منتخب ہوگئے ہیں وہ 2016 سے 2020 تک بھی صدر رہے ان کا پہلا دور کیسا رہا وہ پیش نظر ہے۔

ری پبلکن امیدوار ڈونلڈ ٹرمپ جو واضح اکثریت سے دوسری بار امریکا کے صر منتخب ہو چکے ہیں وہ اس سے قبل 20-2016 میں دنیا کے سب سے طاقتور ملک کے صدر کے عہدے پر متمکن رہے تاہم ان کا یہ دور تنازعات سے بھرپور رہا۔

ٹرمپ جنہوں ںے 2024 کے صدارتی انتخابات کے لیے اس وقت اپنی مہم شروع کی جب وہ عدالتوں میں مختلف کیسز کا سامنا کر رہے تھے جب کہ ان پر دو ناکام قاتلانہ حملے بھی ہوئے۔

اپنے پہلے دورِ صدارت میں ٹرمپ نے فوجی فنڈز کا رخ امریکا، میکسیکو سرحد پر دیوار کی تعمیر کی طرف موڑا، غیر قانونی تارکین وطن کے لیے خاندانی علیحدگی کی متنازع پالیسی نافذ کی، سات مسلم ممالک سے لوگوں کی امریکا آمد پر پابندی لگائی۔

امریکی صدر نے پیرس ماحولیاتی معاہدے اور ایرانی جوہری معاہدے سے علیحدہ کر دیا، امریکی سفارت خانہ تل ابیب سے مقبوضہ بیت المقدس منتقل کیا، ملک میں ریکارڈ ٹیکس چھوٹ دی، چین سے تجارتی جنگ چھیڑی اور شمالی کوریا میں قدم رکھنے والے پہلے امریکی صدر بنے۔

عالمی وبا کورونا سے سب سے زیادہ امریکا متاثر ہوا جہاں 4 لاکھ سے زائد اموات ہوئیں لیکن اس وقت کے صدر ٹرمپ نے انہوں نے کورونا کے خلاف غیر سائنسی اقدامات کو فروغ دیا۔

ٹرمپ امریکی تاریخ کے تیسرے صدر ہیں جن کا مواخذہ کیا گیا، لیکن وہ بری ہوگئے، اُنہیں طاقت کے غلط استعمال، کانگریس کی راہ میں رکاوٹ ڈالنے اور حامیوں کو بغاوت پر اکسانے کے الزامات لگے۔

2020 کے صدارتی انتخابات میں شکست تسلیم نہ کرنے کے ساتھ ساتھ انہوں نے دھاندلی کے الزامات لگائے، انتخابی فراڈ کے 60 سےزائد دعووں پر انہیں عدالتوں میں شکست ہوئی۔

ان پر یہ الزام بھی ہے کہ اُنہوں نے 2020 کا الیکشن ہارنے پر اپنے حامیوں کو کیپیٹل ہل کے باہر جمع کیا، اُس جتھے نے کیپیٹل ہل پر ہلہ بول دیا، جس دوران پانچ افراد ہلاک ہوئے۔

https://urdu.arynews.tv/us-election-2024-donald-trump-kamala-harris/