سکھر : پیپلز پارٹی کے رکن قومی اسمبلی سید خور شید احمد شاہ نے کہا ہے کہ امریکا ایران کشیدگی کے حوالے سے وزیر خارجہ کا مؤقف بہتر تھا، پاکستان کا اہم رول ہے اسے اپنا کردارادا کرنا چاہئے۔
یہ بات انہوں نے سکھر میں احتساب عدالت کے باہر میڈیا سے گفتگوکرتے ہوئے کہی۔ خور شید شاہ نے کہا کہ امریکا اور ایران کے درمیان حالیہ کشیدگی کے معاملے پر پارلیمنٹ کا مشترکہ اجلاس بلانا ضروری ہے.
پی پی رہنما نےکہا کہ اس حوالے سے قومی اسمبلی میں وزیر خارجہ شاہ محمود قریشی کا مؤقف کافی بہتر تھا، حکومت کا صرف یہ بیان کافی نہیں ہے کہ اپنی زمین استعمال نہیں ہونے دیں گے بلکہ پاکستان کا اس خطے میں اہم رول ہے اسے اپنا کردار ادا کرنا چاہئے۔
ور شید احمد شاہ نے کہا کہ پاکستان کو ذوالفقار بھٹو شہید نے جوطاقت دی اس کا فائدہ اٹھانا چاہیے، دنیا کے ڈیڑھ ارب مسلمان اقوام متحدہ کی طرف دیکھ رہے ہیں، اس سنگین مسئلے پر اقوام متحدہ کو خاموش نہیں رہنا چاہئے،
انہوں نے مزید کہا کہ پارلیمنٹ پر بھروسہ ہے وہی سب معاملات کا بہترین ذریعہ ہے، امریکا اور ایران کا معاملہ نیا نہیں، یہ لاوا کافی دیر سے پک رہا تھا۔
