Tag: us-issues

  • کرونا وائرس ، امریکا نے شہریوں کیلئے  ٹریول الرٹ جاری کردیا

    کرونا وائرس ، امریکا نے شہریوں کیلئے ٹریول الرٹ جاری کردیا

    واشنگٹن : امریکا نے لیول فورکا ٹریول الرٹ جاری کرتے ہوئے اپنے شہریوں کو دنیا کے کسی بھی ملک کا سفر نہ کرنے کی ہدایات کی ہے اور کہا دنیامیں موجود تمام امریکی کمرشل فلائٹس سے فورا واپس آجائیں۔

    تفصیلات کے مطابق امریکا نے لیول 4 ٹریول الرٹ جاری کر دیا، جس میں امریکی شہریوں کودنیا کے کسی بھی ملک کا سفرنہ کرنے کی ہدایات کی گئی ہیں۔

    امریکی محکمہ خارجہ نے کہا کہ دنیامیں موجود تمام امریکی کمرشل فلائٹس سے فورا واپس آجائیں، واپس نہ آنیوالے امریکا سے باہر غیر معینہ مدت تک رہنے کیلئے تیار رہیں۔

    محکمہ خارجہ کا کہنا تھا کہ دنیا بھر میں امریکی سفارت خانے محدود سروسز فراہم کررہے ہیں، امریکا سے باہر سفر کرنے والے اپنے رسک پر سفرکریں، امریکا میں کرونا وائرس سے متاثرہ افراد کی تعداد11ہزار سے تجاوز کرگئی ہے۔

    ترجمان نے مزید کہا کہ ہزاروں امریکی پروازیں نہ ہونے کے باعث بیرون ملک پھنسے ہوئے ہیں ، دنیابھر کے ممالک اپنی سرحدیں بند کر رہے ہیں اور متعدد بین الاقوامی ایئرلائنز نے پروازیں بندک ردی ہیں۔

    خیال رہے امریکا میں کرونا وائرس نے پنجے گاڑ لئے ہیں ، وائرس سے چودہ ہزار سے زیادہ افراد متاثر ہیں جبکہ دو سو سترہ افراد جان سے گئے، امریکی ریاست کیلی فورنیا کو لاک ڈاون کردیاگیا ہے اور چارکروڑ آبادی والی ریاست میں لوگوں کو گھروں میں رہنےکی ہدایت جاری کی ہے۔

    نیویارک کولاک ڈاون کرنے پر غور کیا جارہا ہے، امریکی صدر ڈونلڈ ٹرمپ نے کہا تھا کہ ملیریا کی پرانی دوا کلوراکوئن کورونا وائرس کے خلاف مددگار ثابت ہوئی ہے، ریسرچ جاری ہے، جلد اہم اعلان کیا جائےگا۔

  • امریکہ کا لاپتہ ایف بی آئی ایجنٹ کی معلومات دینے پر بڑے انعام کا اعلان

    امریکہ کا لاپتہ ایف بی آئی ایجنٹ کی معلومات دینے پر بڑے انعام کا اعلان

    واشنگٹن : امریکا نے الاپتہ ایف بی آئی ایجنٹ رابرٹ لیونسن کی معلومات دینے پر 20 ملین ڈالرز کے انعام کا اعلان کرتے ہوئے کہا ایرانی حکومت ایف بی آئی ایجنٹ کی گمشدگی میں ملوث ہوسکتی ہے۔

    تفصیلات کے مطابق امریکی محکمہ خارجہ نے لاپتہ ایف بی آئی ایجنٹ کی معلومات دینے پر بڑے انعام کا اعلان کردیا ، حکام نے کہا رابرٹ لیونسن 2007 میں ایران میں غائب کیاگیا، سےمتعلق اطلاع دینےپر20 ملین ڈالرزدیےجائیں گے۔

    امریکی محکمہ خارجہ کا کہنا تھا کہ ایرانی حکومت ایف بی آئی ایجنٹ کی گمشدگی میں ملوث ہوسکتی ہے۔

    یاد رہے 2007 میں ایف بی آئی کا سابق ایجنٹ رابرٹ لونسن سن جنوبی ایران کے جزیرہ کیش کے سفر کے دوران لاپتہ ہوگیا تھا۔ بعض امریکی عہدیداروں نے دعوی کیا تھا کہ رابرٹ لونسن کو ایران کےسیکورٹی اہلکاروں نے جزیرہ کیش سے گرفتار کرلیا ہے

    تاہم ایرانی حکام کا کہنا تھا کہ انہیں ایف بی آئی کے مذکورہ ایجنٹ کے بارے میں کوئی اطلاع نہیں ہے۔

    مارچ 2012 میں بھی ایف بی آئی نے لیونسن کی بحفاظت واپسی کے لیے معلومات کی فراہمی پر دس لاکھ ڈالر کے انعام کا اعلان بھی کیا تھا، تاہم ایسوسی ایٹڈ پریس کا کہنا تھا کہ گذشتہ تین برس میں امریکی حکومت کو ان کے زندہ ہونے کی کوئی نشانی نہیں ملی ہے۔