Tag: US mass shooting

  • امریکا: ساؤتھ کیرولائنا کے بیچ ٹاؤن میں فائرنگ، متعدد زخمی

    امریکا: ساؤتھ کیرولائنا کے بیچ ٹاؤن میں فائرنگ، متعدد زخمی

    امریکا کی ریاست ساؤتھ کیرولائنا کے بیچ ٹاؤن لٹل ریور میں گزشتہ رات فائرنگ کا واقعہ رونما ہوا، جس کے باعث 11 افراد زخمی ہو گئے۔ ریسکیو حکام نے زخمیوں کو اسپتال منتقل کردیا ہے۔

    غیر ملکی ذرائع ابلاغ کے مطابق پولیس کا اس حوالے سے کہنا ہے کہ فائرنگ کا واقعہ رات 9:30 بجے کے قریب انٹرا کوسٹل واٹر وے کے نزدیک ایک رہائشی علاقے میں پیش آیا۔

    پولیس کے مطابق مذکورہ معاملے کی تحقیقات کا آغاز کردیا ہے جبکہ عوام سے اپیل کی گئی ہے کہ وہ اس علاقے سے دور رہیں تاکہ ریسکیو اور سیکیورٹی ادارے اپنے امور انجام دے سکیں۔

    عینی شاہدین کی جانب سے بنائی جانے والی ویڈیوز میں دیکھا جاسکتا ہے کہ متعدد پولیس گاڑیاں اور ایمبولینسیں جائے وقوعہ پر موجود ہیں۔

    قبل ازیں امریکا کی خفیہ ایجنسی سی آئی اے کے ہیڈ کوارٹر کے باہر سیکورٹی اہلکار کی جانب سے مشکوک گاڑی پر فائرنگ سے ایک خاتون شدید زخمی ہوگئی تھی۔

    امریکی میڈیا کا اس حوالے سے کہنا تھا کہ خاتون اپنی گاڑی لے کر داخلی دروازے تک پہنچیں اور سکیورٹی عملے کی جانب سے روکے جانے پر گاڑی نہیں روکی۔

    رپورٹس کے مطابق فائرنگ سے زخمی ہونے والی خاتون کو فوری طور پر طبی امداد کے لیے قریبی اسپتال منتقل کر دیا گیا، حکام کا کہنا ہے کہ زخم جان لیوا نہیں ہے۔

    واقعے کی سی آئی اے کے ترجمان نے تصدیق کرتے ہوئے کہا کہ سی آئی اے ہیڈ کوارٹر کے باہر فائرنگ کا واقعہ پیش آیا جس پر قانون نافذ کرنے والے ادارے فوری طور پر متحرک ہو گئے۔ مزید تفصیلات مناسب وقت پر جاری کی جائیں گی‘۔

    پیوٹن یوکرین کے ڈرون حملے میں بال بال بچ گئے

    رپورٹس کے مطابق سی آئی اے کا ہیڈکوارٹر دارالحکومت واشنگٹن ڈی سی سے تقریباً نو میل دور ریاست ورجینیا کے علاقے لینگلی میں واقع ہے۔

  • امریکی ریاست فلوریڈا میں فائرنگ سے 2 افراد ہلاک، متعدد زخمی

    امریکی ریاست فلوریڈا میں فائرنگ سے 2 افراد ہلاک، متعدد زخمی

    فلوریڈا: ایک اور امریکی ریاست میں فائرنگ کا واقعہ رونما ہوا ہے، افسوسناک واقعے میں دو افراد ہلاک جبکہ بیس سے زائد زخمی ہوگئے ہیں۔

    غیر ملکی میڈیا رپورٹ کے مطابق اس بار فائرنگ کا واقعہ ریاست فلوریڈا کے شہر میامی میں بلئیر کلب کے باہر پیش آیا۔

    میڈیا رپورٹس کے مطابق سفید گاڑی میں سوار تین مسلح افراد اترے اور انہوں نے بلئیر کلب کے باہر اندھا دھند فائرنگ کردی،فائرنگ کے نتیجے میں دو افراد ہلاک جبکہ بیس سے زائد زخمی ہوئے۔

    عینی شاہدین کے مطابق فائرنگ اتنی شدید تھی کہ لوگوں نے لیٹ کر اپنی جانیں بچائیں، واقعے کے بعد مسلح افراد فرار ہونے میں کامیاب ہوگئے، واقعے کے بعد پولیس نے حملہ آور کی تلاش شروع کردی ہے، فوری طور پر فائرنگ کی وجوہات کا علم نہیں ہوسکا ہے۔واضح رہے کہ گزشتہ چند ماہ کے دوران امریکا میں فائرنگ کے واقعات میں اضافہ دیکھنے میں آیا ہے، چند روز قبل بھی مختلف ریاستوں میں فائرنگ کے واقعات میں چھ افراد ہلاک اور چار زخمی ہوئے تھے جب کہ گزشتہ ماہ فائرنگ کے واقعات میں 18 سے زائد افراد ہلاک ہوئے تھے۔

    یہ بھی پڑھیں: امریکی ریاست انڈیانا میں فائرنگ، 8 ہلاکتیں، متعدد زخمی

    راوں سال مارچ میں بھی امریکی ریاستوں مین فائرنگ کے کئی بڑے واقعات رونما ہوئے تھے، جن میں بیس سے زائد افراد ہلاک جبکہ متعدد زخمی ہوئے تھے۔

    غیر ملکی میڈیا رپورٹ کے مطابق سال دوہزار اکیس میں امریکا میں فائرنگ کے ایسے واقعات میں 86 افراد ہلاک ہوچکے ہیں جبکہ سال دوہزار بیس میں یہ تعداد 106 تھی۔