Tag: US obama called PM nawaz

اسلام آباد: وزیراعظم نوازشریف نے امریکی صدر سے نیوکلیئرسپلائرگروپ کی رکنیت کامطالبہ کردیا،باراک اوباما نےآپریشن ضرب عضب کی کامیابیوں کاسراہا۔

امریکی صدرباراک اوباما نے وزیراعظم نوازشریف کوٹیلی فون کیا، آدھاگھنٹہ طویل گفتگو کے دوران باراک اوبامانے وزیر اعظم کو دورہ بھارت پراعتماد میں لیا، دونوں رہنماؤں نے دہشت گردی کے خلاف جنگ اور پاک امریکہ تعلقات پر تبادلہ خیال کیا۔

امریکی صدر نےآپریشن ضرب عضب کی کامیابیوں کوسراہا،وزیراعظم نوازشریف نےامریکی صدر کوبتایا کہ بھارت مسئلہ کشمیر پر اقوام متحدہ کی قراردادوں کی مسلسل خلاف ورزی کررہا ہے،بھارت اقوام متحدہ کی سلامتی کونسل میں مستقل رکنیت کا حق نہیں رکھتا۔

وزیر اعظم نوازشریف نے اوباما سے پاکستان کو نیوکلیئر سپلائر گروپ کا ممبر بنانے کامطالبہ بھی کیا۔اس موقع پرامریکی صدر نے پاکستان اور افغٖانستان کے بڑھتے ہوئے تعلقات کوسراہا

پشاور: پشاور بربریت پر امریکی صدراوباما نے وزیرِاعظم کو فون کرکے سانحے پر افسوس کا اظہار کرتے ہوئے کہا کہ وہ اس دکھ کی گھڑی میں پاکستانی عوام کے ساتھ کھڑے رہیں گے، دہشتگردی کیخلاف کاروائیاں اور پاکستان کی قربانیاں قابلِ تعریف ہیں۔

امریکی صدر باراک اوبامہ نے وزیرِ اعظم نواز شریف کو فون کیا اور سانحۂ پشاور پر اظہار افسوس کیا ہے، اس سے قبل امریکی وزیرِ خارجہ جان کیری نے نواز شریف سے رابطہ کیا اور کہا کہ پاکستان نے عالمی سطح پر دہشت گردی کیخلاف جو قربانیاں دی ہیں وہ قابلِ تعریف ہیں اور ہم پاکستان کی مدد جاری رکھیں گے۔

  جان کیری نے سانحۂ پشاور میں معصوم بچوں کی شہادت پر افسوس کا اظہار کیا اور کہا کہ غمزدہ لمحات میں امریکی عوام پاکستانی عوام کے ساتھ ہیں، انھوں نے یقین دلایا کہ امریکہ دہشت گردی کے خلاف جنگ میں پاکستان کی مدد جاری رکھے گا۔

افسوسناک واقعے پر ترکی اور افغانستان میں بھی سوگ کا اعلان کیا، بھارتی وزیرِاعظم نے نریندر مودی اظہارِ افسوس ہوا، جرمنی، فرانس سمیت عالمی برادری نے بھی مذمت کا اظہار کیا۔