Tag: US President Barack Obama

واشنگٹن: امریکی صدر براک اوباما نے داعش کیخلاف جنگ میں اتحادی ممالک پر مزید فوجی امداد کے لیے زور دیا ہے۔

امریکی صدر براک اوباما نے اپنے ایک بیان میں کہا ہے کہ داعش کیخلاف کارروائیاں تیز کردی گئی ہیں تاہم یہ ایک مشکل جنگ ہے اور اس میں تیزی سے آگے بڑھنے کی ضرورت ہے، جس کے لیے اتحادی ممالک کی جانب سے مزید فوجی امداد درکار ہے۔

صدر اوباما کا کہنا تھا کہ امریکہ نے نہ صرف داعش کے کئی اہم رہنماؤں کو نشانہ بنایا ہے بلکہ تیل کی ان تنصیبات پر بھی حملے کیے ہیں، جن سے حاصل شدہ تیل فروخت کر کے داعش کارروائیوں کے لیے رقم فراہم کرتی رہی ہے۔

نیو اورلینز: امریکی صدر بارک اوباما نے کہا ہے کہ موسمیاتی تبدیلی سے دنیا کو شدید خطرات لاحق ہیں، جس سے محفوظ رہنے کیلئے مؤثر حکمت عملی اپنانا ہوگی۔

امریکی شہر نیو اورلینز میں ہولناک طوفان قطرینہ کے دس سال مکمل ہونے کی تقریب سے خطاب میں امریکی صدر بارک اوباما نے کہا کہ دس سال قبل طوفان نے اس شہرکوکھنڈرات میں تبدیل کردیا تھا لیکن اس کی دوبارہ تعمیر نو مقامی حکومت کا اہم کارنامہ ہے۔

اوباما نے کہا کہ قطرینہ سے شہر اقتصادی زبوں حالی کا شکار ہوا، جس کے اثرات آج بھی بے روزگاری کی صورت میں موجود ہیں۔

انہوں نے کہا کہ مستقبل میں موسمیاتی تبدیلی سے دنیا کو شدید خطرات کا سامنا ہوگا اور ان خطرات سے نمٹنے کیلئے مؤثر حکمت عملی اپنانا ہوگی۔