Tag: US President Barack Obama

واشنگٹن : غزہ میں پندرہ سو سے زائد فلسطینی شہداء امریکی صدر باراک اوباما کو دکھائی نہ دیئے لیکن انہیں ایک اسرائیلی فوجی حماس کی قید میں نظر آگیا، جس کی مذمت کرتے ہوئے انھوں نے اسرائیلی فوجی کی رہائی کا مطالبہ کردیا ہے۔

جس کی لاٹھی اس کی بھینس، امریکی صدر نے حماس کی قید سے اسرائیلی فوجی کی رہائی کا مطالبہ کرکے اس محاورہ کرسچ ثابت کر دکھایا، باراک اوباما اسرائیلی پشت پناہی میں اس قدر اندھے ہوگئے کہ جنگ بندی کا معاہد ہ توڑنے کا الزام بھی حماس کے سرمنڈھ دیا، امریکی صدر کو ڈیرھ ہزار سے زائد نہتے فلسطینیوں کا خون اور غزہ میں اسرائیلی بمباری کے نتیجے میں ملبے کا ڈھیر بننے والی عمارتیں تو نظر نہ آئیں نظر آیا توصرف ایک اسرائیلی۔

ایک طرف امریکا اسرائیل کی اخلاقی حمایت جاری رکھے ہوئے تو دوسری طرف امریکی سینیٹ نےاسرائیلی میزائل ڈیفنس سسٹم کے اخراجات کیلئے دو سوپچیس ملین ڈالر کی متفقہ منظوری دے دی ہے، جو یقینا نہتے فلسطینیوں کے خون بہانے کیلئے ہی استعمال ہوگی۔

واشنگٹن : امریکہ نے یوکرائن میں علیحدگی پسندوں کی مدد کرنے کے الزام میں روس پر مزید اقتصادی پابندیاں عائد کرتے ہوئے کہا ہے کہ امریکا روس کے ساتھ کسی نئی سرد جنگ میں نہیں الجھ رہا۔

امریکہ نے روس کو یوکرائن میں کشیدگی کا ذمہ دار ٹھراتے ہوئے اور علحیدگی  پسندوں کو اسلحہ اور  مالی امداد فراہم کرنے پر مزید پابندیاں عائد کردی ہیں، امریکی صدر براک اوباما نے کہا ہے کہ امریکا روس پر پابندیوں سے متعلق یورپی یونین کا ساتھ دے گا۔

امریکہ نے روس کے تین شعبوں توانائی، اسلحہ سازی اور مالیاتی اداروں پر نئی پابندیاں عائد کرنے کا اعلان کیا ہے، امریکی صدر باراک اوباما نے کہا کہ یوکرائن کےباغیوں کی حمایت پر روس پر دباؤ برقرار رکھا جائے گا۔ البتہ انہوں نے واضح کیا کہ امریکا اور روس کے ساتھ کسی نئی سرد جنگ میں نہیں ہے۔