ARYNews.tv | Urdu – Har Lamha Bakhabar

Tag: US state

  • پاکستان کے 78ویں یومِ آزادی پر امریکی وزیر خارجہ کا اہم پیغام

    پاکستان کے 78ویں یومِ آزادی پر امریکی وزیر خارجہ کا اہم پیغام

    (14 اگست 2025): پاکستان کے 78ویں یومِ آزادی پر امریکی وزیر خارجہ مارکو روبیو نے مبارکباد دیتے ہوئے کہا ہے کہ پاکستانی عوام یوم آزادی منا رہے ہیں، انہیں مبارکباد پیش کرتے ہیں۔

    پاکستان کا اٹھترواں یومِ آزادی پر امریکی وزیر خارجہ مارکو روبیو نے جاری پیغام میں کہا کہ امریکا انسداد دہشت گردی اور تجارت میں پاکستان کی کوششوں کو قدر کی نگاہ سے دیکھتا ہے۔

    اسٹیٹ ڈیپارٹمنٹ کے جاری کردہ بیان میں انہوں نے اس عزم کا اظہار کیا کہ دونوں ممالک اقتصادی تعاون کے نئے مواقع تلاش کرنے کے لیے مل کر کام کریں گے، اہم شعبوں میں معدنیات، ہائیڈرو کاربن اور کاروباری شراکت داری شامل ہیں، جن سے امریکی اور پاکستانی عوام کے لیے ایک خوشحال مستقبل کی راہ ہموار ہو گی۔

    انہوں نے مزید کہا کہ امریکا اس اشتراک سے تعلقات کو مزید مضبوط بنانے کا خواہاں ہے، واضح رہے کہ ملک بھر میں آج 78 واں جشن آزادی ملی جوش و جذبے کے ساتھ منایا جا رہا ہے۔

  • امریکہ میں ہوا کے بگولوں نے تباہی مچادی، 7 افراد ہلاک

    امریکہ میں ہوا کے بگولوں نے تباہی مچادی، 7 افراد ہلاک

    آئیوا : امریکہ میں آنے والے ہوا کے بگولہ کئی جانیں لے گیا، بڑی تعداد میں مکانات گرنے سے درجنوں لوگ ملبے تلے دب گئے، مزید ہلاکتوں کا خدشہ ظاہر کیا جا رہا ہے۔

    تفصیلات کے مطابق امریکی ریاست آئیوا کی میڈیسن کاؤنٹی میں ہوا کے بگولے نے تباہی مچادی، مقامی حکام کے مطابق مختلف حادثات میں دو بچوں سمیت7 افراد ہلاک ہوگئے جبکہ 7 افراد زخمی ہوئے۔

    اس حوالے سے مزید بتایا جارہا ہے کہ ہوا کے بگولے کے باعث گھروں اور املاک کا بڑے پیمانے پر نقصان ہوا ہے، آئیووا کے گورنر نے میڈیسن کاؤنٹی کے لیے ڈیزاسٹر وارننگ جاری کردی ہے۔

     طوفان نے ملک کے بیشتر حصوں کو بھی متاثر کیا ہے، مقامی میڈیا کے مطابق سب سے طاقتور بگولوں سے ریاست کا بیشتر رقبہ شدید متاثر ہوا ہے۔

    متعلقہ حکام کا کہنا ہے کہ اب تک دو بچوں سمیت سات افراد ہلاک ہوئے ہیں، جب کئی طوفان وسطی آئیووا سے گزرے جس سے رہائشی عمارتوں کو نقصان پہنچا، درخت اور بجلی کی تاریں گرگئیں۔

    فوٹو: فائل

    میڈیسن کاؤنٹی میں ہنگامی انتظامی حکام نے بتایا ہے کہ ہفتہ کی شام ساڑھے4 بجے کے قریب ونٹر سیٹ کے قصبے کے قریب ڈیس موئنس کے جنوب مغرب میں ایک طوفان سے چار زخمی اور سات افراد ہلاک ہوئے۔ ہلاک ہونے والوں میں پانچ سال سے کم عمر کے دو بچے اور 5 بالغ افراد شامل ہیں۔

    مقامی میڈیا کے مطابق گذشتہ شب ایک طوفان نے ایک معروف کمپنی کے ایک بڑے گودام کو بھی تہس نہس کردیا، جہاں متعدد ملازمین پھنس گئے۔

    سائنسدانوں نے خبردار کیا ہے کہ موسمیاتی تبدیلی طوفانوں کو مزید طاقتور بنا رہی ہے اور ان کی فریکوئنسی میں اضافہ کر رہی ہے جس سے ان علاقوں کے لیے خطرہ مزید بڑھ رہا ہے جہاں شدید موسمی واقعات پہلے سے ہی عام ہیں۔

  • بالٹی مور: سیاہ فام شخص کی ہلاکت پر حالات بدستور کشیدہ

    بالٹی مور: سیاہ فام شخص کی ہلاکت پر حالات بدستور کشیدہ

    بالٹی مور: امریکی ریاست میری لینڈ میں پولیس کی حراست میں سیاہ فام شخص کی ہلاکت پر حالات بدستور کشیدہ ہیں اور بالٹی مورمیں دوبارہ کرفیو نافذ کردیا گیا ہے،امریکی صدرباراک اوباما کا کہنا ہے کہ احتجاج کی آڑ میں لوٹ مارکی اجازت ہرگز نہیں دی جائے گی۔

    امریکی ریاست میری لینڈ کے شہربالٹی مورمیں سیاہ فام نوجوان کی پولیس حراست میں ہلاکت کے بعد دوسرے روزبھی احتجاج کیا گیا۔ نیشنل گارڈز کی تعیناتی کے بعد شہرکے حالات معمول پرآنے لگے ہیں، امریکی شہر بالٹی مور میں حالات بدستور کشیدہ ہیں، کرفیو کا وقت ختم ہوتے ہی سیاہ فام امریکی بڑی تعداد میں پھراکھٹے ہوگئے ہیں۔

    انسانی حقوق کے علمبردارامریکا میں سیاہ فام برادری پرزندگی تنگ ہونے لگی، پولیس حراست میں سیاہ فام نوجوان کی ہلاکت پر بالٹی مور شہرمیں ہنگامے پھوٹ پڑے، مظاہرین نے پولیس کی گاڑیوں کو آگ لگا دی اوردکانیں لوٹ لیں۔ پولیس نے مظاہرین کو منشترکرنے کے لئے آنسوگیس کا استعمال کیا۔

    حالات معمول پر لانے کے لئے بالٹی مورمیں ایمرجنسی نافذ کرکے نیشنل گارڈز تعینات کردئیے گئے اورایک ہفتے کے لئے رات کا کرفیولگادیا گیا۔ شہرکی کشیدہ صورتحال کے باعث اسکول بھی بند رہے۔

    امریکی صدربراک اوباما نے بالٹی مور فسادات کی مذمت کی اورکہا کہ حالیہ واقعات نے سیاہ فام برادری میں پولیس سے متعلق کئی تشویشناک سوالات کا جنم دیا ہے، اس سے پہلے بھی پولیس کی قید میں سیاہ فام نوجوان ہلاک ہوچکے ہیں۔

    امریکی صدر نے بالٹی مور میں پرتشدد مظاہروں پر اظہار افسوس کرتے ہوئے کہا کہ احتجاج کی آڑ میں لوٹ ماراور توڑپھوڑ کی اجازت ہرگز نہیں دی جائے گی۔

    ریاست میری لینڈ کے گورنر نے ہنگامہ آرائی کی صورت میں مظاہرین سے سختی سے نمٹنے کے احکامات جاری کردئیے ہیں، گزشتہ روز پُرتشدد واقعات میں مظاہرین نے پندرہ سے زائد اہم عمارتوں اور متعدد گاڑیوں کو نذرآتش کردیا تھا۔

  • دنیا کی ایسی جگہ جہاں نہ موبائل فون اور نہ وائی فائی

    دنیا کی ایسی جگہ جہاں نہ موبائل فون اور نہ وائی فائی

    آج دنیا کے کونے کونے میں موبائل فون اور وائی فائی کی سہولت پہنچ چکی ہے مگر دنیا میں اب بھی ایسی جگہ ہے کہ جہاں نہ موبائل فون ہے اور نہ ہی وائی فائی کی سہولت ہے، ناقابل یقین بات یہ ہے کہ  یہ جگہ  دنیا کے امیر ترین ملک امریکہ کے دارالحکومت کے قریب واقع ہے۔

    یہ جگہ ریاست جنوبی ورجینیا کا قصبہ گرین بینک ہے، جہاں حکومت کی جانب سے پابندی کی وجہ سے موبائل فون اور وائی فائی سمیت تمام وائرلیس ٹیکنالوجی کا استعمال منع ہے، جب لوگ اس قصبے کی طرف جاتے ہیں تو موبائل فون کے سگنل کم ہوتے جاتے ہیں اور آخر میں بالکل ختم ہو جاتے ہیں۔

    اس قصبہ کے لوگوں کیلئے سرکاری لینڈ لائن فون کی سہولت ہی دنیا سے رابطے کا واحد ذریعہ ہے، امریکہ جیسے ملک کے دارالحکومت کے قریب واقع قصبے میں موبائل ٹیکنالوجی نہ ہونے کی انتہائی دلچسپ وجہ ہے۔

    دراصل اس قصبے میں دنیا کی سب سے بڑی ریڈیو دوربین  نصب ہے، جو دنیا سے اربوں کھربوں نوری سال کی مسافت پر واقع ستاروں کی دنیا کا حال جاننے کیلئے استعمال کی جاتی ہے۔ یہاں اس قسم کی 9 دوربینیں نصب ہیں جن کی ریڈیو سگنل موصول کرنے کی صلاحیت انتہائی حساس ہے اور یہی وجہ ہے کہ یہاں ہر قسم کی وائرلیس ٹیکنالوجی کا استعمال منع ہے تاکہ دوربینوں پر موصول ہونے والے ریڈیائی سگنلز میں کم از کم مداخلت ہو۔

    گرین بینک قصبہ سے میلوں دوری پر بھی برف کے چمکدار پہاڑ جیسی نظر آتی ہے، جی بی ٹی کہلانے والی سب سے بڑی دوربین کی بلندی 485 فٹ ہے۔

    یہ دوربینیں عام دوربینوں کی طرح عدسے استعمال نہیں کرتیں بلکہ یہ برقناطیسی لہروں کو کائنات کے گوشوں سے موصول کرتی ہے اور خلاء کے رازوں سے پردہ اٹھاتی ہیں، ان پر موصول ہونے والے سگنل دیکھے نہیں جا سکتے بلکہ دنیا کے طاقتور ترین سپر کمپیوٹر ان کا تجزیہ کر کے ماہرین فلکیات و طبیعات کو معلومات فراہم کرتے ہیں۔