ARYNews.tv | Urdu – Har Lamha Bakhabar

Tag: US state department

  • امریکا کی داعش کیخلاف معاونت کی ایرانی پیشکش مسترد

    امریکا کی داعش کیخلاف معاونت کی ایرانی پیشکش مسترد

    واشنگٹن: امریکا نے شدت پسند تنظیم داعش کے خلاف معاونت کی ایرانی پیشکش مسترد کردی جبکہ امریکی فضائیہ کی داعش کے خلاف فضائی کاروائیاں جاری ہیں۔

    وائٹ ہاوس کے ترجمان جون ارنسٹ نے پریس کانفرنس کرتے کہا کہ امریکا نے ایران کی جانب سے پیش کردہ اس تجویز کو مسترد کردیا ہے، جس میں ایران نے کہا ہے کہ اگر امریکا جوہری پروگرام کے معاملے پر لچک کا مظاہرہ کرے تو داعش کے خلاف جنگ میں تعاون کے لیے تیار ہے۔

    جون ارنسٹ کا کہنا تھا کہ امریکا ایران کے جوہری پروگرام پر کسی مفاہمت کی پوزیشن میں نہیں ہے۔

    دوسری جانب امریکی طیاروں نےعراق کے شہر کرکوک میں کارروائی کرتے ہوئے داعش کی گاڑیاں تباہ کردیں، امریکاعراق میں داعش کے خلاف اب تک ایک سو نوے حملے کرچکا ہے۔

  • امریکہ پاکستان کو بم پروف گاڑیاں اور پرزہ جات فراہم کریگا

    امریکہ پاکستان کو بم پروف گاڑیاں اور پرزہ جات فراہم کریگا

    واشنگٹن :امریکی محکمہ خارجہ نے پاکستان کو بم پروف گاڑیاں اور اس کے پرزہ جات فروخت کرنے کی اجازت دے دی ہے۔

    امریکی ڈیفنس سیکورٹی ایجنسی کے اعلامیے کے مطابق امریکا ،پاکستان کو بم حملوں سے بچاؤ کی ایک سو ساٹھ گاڑیا ں اوران کےپرزہ جات فروخت کریگا۔ پاکستان کو گاڑیاں اور دیگرسامان ایک سواٹھانوے ملین ڈالرمیں بیچا جائے گا۔

    امریکی حکومت اس جنگی سازوسامان کےحوالےسے پاکستانی حکام کوخصوصی تربیت فراہم کرنےکیلئےاپنےماہرین کوپاکستان بھیجےگی۔

    اعلامیہ کے مطابق پاکستان نےامریکا سے بم حملوں سے بچاؤ کی گاڑیاں اوردیگرسامان حاصل کرنےکی درخواست کی تھی۔

  • عراق:امریکہ کی داعش کے ٹھکانوں پر بمباری

    عراق:امریکہ کی داعش کے ٹھکانوں پر بمباری

    عراق: امریکا نے عراق میں داعش کے خلاف کاروائی کا آغاز کر دیا ہے، امریکی جیٹ طیاروں نے بغداد کے قریب داعش کے ٹھکانوں پر فضائی حملے کیے۔

    امریکی حکام کے مطابق بغداد کے جنوب مشرقی حصے اور کوہ سنجار کے قریب جیٹ طیاروں نے داعش کے ٹھکانوں پر بمباری کی، داعش کے خلاف کارروائی باقاعدہ امریکی اعلان کی بعد گئی ہے۔

    صدر براک اوباما نے امریکی قوم سے خطاب میں داعش کےخلاف حکمت عملی کا اعلان کیا تھا جبکہ امریکی فوج کردوں اورعراقی فوج کو داعش کےخلاف جنگ میں معاونت فراہم کرے گی۔

    دوسری جانب ترجمان محکمہ خارجہ کا کہنا ہےکہ داعش کے خلاف جنگ طالبان کے خلاف کاروائیوں میں اثرانداز نہیں ہوگی، پاکستان اور افغانستان میں طالبان کی نقل وحرکت پر مکمل نظر ہے۔

    داعش میں اسی سے زائد ممالک کے دہشت گرد شامل ہیں، ان دہشت گردوں میں امریکا اور یورپ کے باشندے بھی شامل ہیں۔

  • شدت پسند گروپ داعش کیخلاف بھرپورکارروائی کی جائے گی، امریکا

    شدت پسند گروپ داعش کیخلاف بھرپورکارروائی کی جائے گی، امریکا

    واشنگٹن: امریکا کا کہنا ہے کہ القاعدہ کی طرح شدت پسند گروپ داعش کے خلاف بھی بھرپور کارروائی کی جائے گی۔

    واشنگٹن میں وائٹ ہاوس کے ترجمان جوش ارنسٹ کا کہنا تھا کہ عراق میں شدت پسند گروپ داعش کے خلاف بڑے پیمانے پر کارروائی کے لیے بین القوامی اتحاد بنانے کے لیے تعاون جاری ہے۔

    ترکی نے امریکی وزیر خارجہ جان کیری سے ملاقات کے بعد داعش کے خلاف فوجی کاروائی سمیت عراقی حکومت سے تعاون کی یقین دہانی کی ہے۔

    دوسری جانب فرانس کے صدر نیکولس ہولانڈے نے عراق کا دورہ کرتے ہوئے عراقی حکومت کو داعش کے خلاف جنگ میں فوجی امداد فراہم کرنے کا اعلان کیا ہے۔

  • پاکستان میں کسی بھی غیر آئینی اقدام کے خلاف ہے, امریکہ

    پاکستان میں کسی بھی غیر آئینی اقدام کے خلاف ہے, امریکہ

    واشنگٹن : امریکی محکمہ خارجہ نے کہا ہے کہ امریکہ پاکستان میں کسی بھی ایسے غیر آئینی اقدام کے خلاف ہے جس سے جمہوریت کی بساط لپیٹی جائے۔

    محکمہ خارجہ میں پریس بریفنگ کے دوران صحافیوں کے سوال کا جواب دیتے ہوئے ترجمان میری ہارف کا کہنا تھا کہ امریکہ بارہا کہ چکا ہے کہ وہ اسلام آباد میں جاری دھرنوں کی صورتحال کا احتیاط سے جائزہ لے رہا ہے۔

    میری ہارف کا کہنا تھا کہ امریکہ پاکستان کی سیاسی قوتوں کے درمیان معاملات بات چیت کے ذریعے حل کرنے کی حوصلہ افزائی کرتا ہے، انہوں نے بتایا کہ پاکستان میں امریکی سفیر پاکستانی حکام سے رابطے میں ہیں۔

  • جمہوریت کےاستحکام کے لئے فریقین مذاکرات کریں، امریکا

    جمہوریت کےاستحکام کے لئے فریقین مذاکرات کریں، امریکا

    واشنگٹن: امریکا نے کہا ہے کہ پاکستان میں جمہوریت کے استحکام کے لئے حکومت اور احتجاجی جماعتوں کو مذاکرات کے ذریعے اختلافات حل کرنے چاہئیں۔

    امریکی محکمہ خارجہ کی ترجمان جین پساکی نے میڈیا بریفنگ میں بتایا کہ اسلام آباد میں سفارت خانہ عملے کی سیکورٹی خدشات کی بناء پر بند کیا گیا ہے، سفارت خانہ دوبارہ کھولنے کے بارے میں ابھی حتمی طور پر کچھ نہیں کہا جاسکتا۔

    پاکستان میں سابق امریکی سفیر کیمرون منٹرکے بیان پر کہا کہ پاکستان میں فوجی بغاوت کا امکان ہے اورامریکا کی جانب سے پاکستان پر ممکنہ پابندیاں عائد کرنے کے بارے میں جین پساکی نےکہا کہ امریکا پاکستان کی صورتحال کا بغورجائزہ لے رہا ہے۔

    امریکی حکام پاکستانی ہم منصبوں سے رابطے میں ہیں تاہم مستبقل کی صورتحال کے بارے میں پیش گوئی نہیں کی جاسکتی، امریکا فریقین سے بات چیت نہیں کررہا، اس لئے نتائج کا درست تجزیہ پیش نہیں کیا جا سکتا،جمہوریت کو مستحکم کرنے کے لئے حکومت اور احتجاجی گروپوں کو اختلافات بات چیت سے دورکرنے چاہئیں۔

  • پاکستان میں تمام معاملات آئینی طریقے سے حل ہونے چاہئیں، امریکہ

    پاکستان میں تمام معاملات آئینی طریقے سے حل ہونے چاہئیں، امریکہ

    واشنگٹن : امریکی محکمہ خارجہ کا کہنا ہے کہ پاکستان میں تمام معاملات آئینی طریقے سے حل ہونے چاہئیں۔

    امریکی محکمہ خارجہ کی ترجمان جین پساکی نے نیوز بریفنگ کے دوران بتایا کہ امریکا پاکستان کی سیاسی صورتحال کا بغور جائزہ لے رہا ہے، ترجمان کا کہنا تھا کہ فریقین ایسے تمام اقدامات سے گریز کریں ، جن سے تشدد کا خطرہ ہو، پر امن احتجاج جمہوری حق ہے لیکن اس حق کو احتیاط سے استعمال کریں۔

    جین پساکی کا کہنا تھا کہ ایسے معاملات سے گریز کیا جائے، جس سے حالات مزید خراب ہوں، تمام معاملات آئینی طریقے سے حل کئے جائیں۔

  • نوازشریف منتخب وزیراعظم ہیں،استعفی کا مطالبہ نہیں کیاجاسکتا، امریکا

    نوازشریف منتخب وزیراعظم ہیں،استعفی کا مطالبہ نہیں کیاجاسکتا، امریکا

    واشنگٹن: امریکا نے کہا ہے کہ پاکستان میں آئینی اورجمہوری عمل کے حامی ہیں، کسی غیرآئینی تبدیلی کی حمایت نہیں کریں گے۔

    دفترخارجہ کی ترجمان میری ہاف نے میڈیا بریفنگ میں کہا کہ نوازشریف پانچ سال کے لیے وزیراعظم منتخب ہوئے ہیں، ان سے مستعفی ہونے کا مطالبہ نہیں کیاجاسکتا، امریکا پاکستان کے ساتھ جمہوریت کے لیے کام کر رہا ہے۔

    محکمہ خارجہ کا کہنا تھا کہ امریکا پاکستان کی صورتحال کا بغور جائزہ لے رہا ہے، فریقین کو تشدد سے گریز کرنا چاہیے، پاکستان کی صورتحال کو تشویش ناک قرار نہیں دیا جاسکتا، سیاسی ڈائیلاگ کے لیے گنجائش موجود ہے، اسے پُرامن رہنا چاہیے۔

    امریکا پاکستان میں غیر آئینی تبدیلی کی حمایت نہیں کرے گا۔ انتخابی عمل جاری رہنا چاہئیے، پاک بھارت تعلقات کے بارے میں ترجمان کا کہنا تھا کہ امریکا پاک بھارت تعلقات میں بہتری چاہتا ہے اور صورتحال کی بہتری کے لئے دونوں ملکوں کی حکومت سے رابطے میں ہے۔

  • امریکا کی پاکستان کے لئے سفری وارننگ جاری

    امریکا کی پاکستان کے لئے سفری وارننگ جاری

    واشنگٹن : امریکا نے پاکستان کے لئے ٹریول ایڈوائزری جاری کرتے ہوئے اپنے شہریوں کو پاکستان کے غیرضروری سفرسے گریز کرنے کی ہدایت کی ہے۔

    امریکی محکمہ خارجہ کی جانب سے جاری بیان میں کہا گیا ہے کہ پاکستان میں موجود دہشت گرد امریکی شہریوں کے لئے خطرہ ہیں۔ دہشت گرد شہریوں اورغیرملکیوں کو نشانہ بنا رہے ہیں، اغوا برائے تاوان کی وارداتوں میں بھی اضافہ ہوا ہے۔

    محکمہ خارجہ کا کہنا تھا کہ ایسی اطلاعات ہیں کہ دہشت گرد امریکی اور مغربی شہریوں پر حملے کرسکتے ہیں، اس لئے امریکی شہری پاکستان کا سفراختیار کرنے سے گریز کریں اور پاکستان میں رہائش پذیر امریکی بڑے مجمع سے دور رہیں۔

  • امریکا نے یوکرائن میں روسی مداخلت کے شواہد جاری کردیئے

    امریکا نے یوکرائن میں روسی مداخلت کے شواہد جاری کردیئے

    واشنگٹن : امریکی محکمہ خارجہ نے یوکرائن میں روسی مداخلت کے شواہد میڈیا میں جاری کر دیئے گئے ہیں ۔

    امریکی محکمہ خارجہ نے یوکرائن میں روسی مداخلت کے حوالے سے تصاویر پر مبنی شواہد فراہم کرتے ہوئے تفصیلات جاری کی ہیں، محکمہ خارجہ کے مطابق یوکرائنی فورسز اور علیحدگی پسندوں کے درمیان جھڑپ کے دوران روس کی سرحد سے فورسز پر راکٹ فائر کیے گئے۔

    محکمہ خارجہ کا کہنا ہے کہ روس کی جانب سے علیحدگی پسندوں کو بھاری اسلحے کی فراہمی جاری ہے، جو یوکرائن کی خود مختاری کی کھلی خلاف ورزی ہے۔ اس سے قبل روس نے شواہد نہ ہونے پر الزامات کی تردید کی تھی۔