Tag: US

  • امریکا: گارمنٹس کمپنی کے ملازمین کے وارے نیارے ہو گئے

    امریکا: گارمنٹس کمپنی کے ملازمین کے وارے نیارے ہو گئے

    جارجیا: امریکا میں ایک گارمنٹس کمپنی نے تمام ملازمین کو 10 ہزار ڈالر اور 2 فضائی ٹکٹس دینے کا اعلان کر دیا ہے۔

    تفصیلات کے مطابق امریکی ریاست جارجیا کے شہر اٹلانٹا میں قائم انڈرویئر کی مشہور کمپنی اسپنکس کی مالکن سارا بلیکلی نے اپنے ملازمین کو 10 ہزار ڈالر اور دو فضائی ٹکٹس بطور بونس دینے کا اعلان کر دیا ہے۔

    اس کمپنی نے ایک دوسری کمپنی کے ساتھ 1 ارب 20 کروڑ ڈالر کی ڈیل کی خوشی میں اپنے ملازمین کے لیے بونس کا اعلان کیا ہے۔

    جب سارا بلیکلی نے گزشتہ ہفتے اسپینکس میں اکثریتی حصص ملٹی نیشنل کمپنی بلیک اسٹون کو بیچے تو اس معاہدے نے ‘شیپ ویئر’ کمپنی کی قیمت 1.2 ارب ڈالر تک پہنچا دی، اور اس معاہدے نے سارا کو ایک بار پھر ارب پتی بنا دیا۔ (ان کی مجموعی مالیت مبینہ طور پر 2020 میں 9 ہندسوں میں تھی۔)

    کمپنی کی مالک سارا بلیکلی

    انھوں نے کہا کہ لوگ مجھ سے 20 سالوں سے پوچھ رہے تھے کہ آپ کمپنی کب بیچیں گی؟ اور میں کہتی تھی کہ مجھے نہیں پتا، اور وہ دن آج کا دن ہے۔

    ملازمین سے خطاب میں سارا نے کہا جب میں نے کمپنی بنائی تو سب نے میرا مذاق اڑایا لیکن ہم نے ہمت نہیں ہاری اور آج ہماری کمپنی میں بڑی تعداد میں خواتین ورکرز کام کر رہی ہیں۔

    خاتون مالک نے کہا بین الاقوامی کمپنی سے معاہدے کی خوشی میں تمام ملازمین کے لیے دو فضائی ٹکٹس کا اعلان کرتی ہوں اور پھر جب آپ لوگ ٹرپ پر جائیں گے تو آپ لوگوں کو اچھا کھانا اور رہنے کے لیے اچھا ہوٹل بھی چاہیے ہو گا تو اس کے لیے 10 ہزار ڈالر علیحدہ سے دیے جائیں گے۔

     

    View this post on Instagram

     

    A post shared by Sara Blakely (@sarablakely)

    واضح رہے کہ بیس سال قبل سارا بلیکلے سیلز گرل کے طور پر لوگوں کو فیکس مشینیں فروخت کیا کرتی تھیں، پھر انھوں نے گارمنٹس کمپنی بنانے کا فیصلہ کیا اور 2012 میں وہ اپنی مدد آپ کے تحت دنیا کی کم عمر ترین ارب پتی خاتون بن گئیں۔

  • خلائی محاذ پر امریکا کو بڑا دھچکا، میزائل تجربہ ناکام

    خلائی محاذ پر امریکا کو بڑا دھچکا، میزائل تجربہ ناکام

    واشنگٹن:امریکا کے ہائپر سانک میزائل پروگرام کو دھچکا لگا ہے، پینٹاگون نے بھی تصدیق کردی ہے۔

    غیر ملکی میڈیا رپورٹ کے مطابق امریکا کا آواز سے پانچ گنا تیز ہائپر سانک میزائل کا نیا تجربہ ناکام ہوگیا ہے، امریکی محکمہ دفاع پینٹاگون نے ہاپئر سونک میزائل تجربے کی ناکامی کا اعلان کردیا ہے۔

    پینٹاگون کے مطابق خلائی راکٹ ہائپر سانک میزائل کو خلا میں لے جانے میں ناکام رہا، امریکی حکام تجربے کی ناکامی کا جائزہ لیا جارہا ہے۔

    یہ بھی پڑھیں: کائنات کے ابتدائی ستاروں کی کھوج ممکن ہوگئی

    واضح رہے کہ اس سے قبل امریکا کی جانب سے اس بات کا دعویٰ کیا گیا تھا کہ چین نے ہائپر سونک میزائل کا تجربہ کیا ہے جبکہ چین نے ہائپر سانک میزائل کا تجربہ کرنے کی خبروں کی تردید کرتے ہوئے کہا کہ جولائی میں ایک معمول کا تجربہ کیا گیا تھا جس میں مختلف قسم کی دوبارہ قابل استعمال خلائی ٹیکنالوجی کو جانچا گیا تھا ۔

    یاد رپے کہ ہائپر سانک گلائڈ وہیکل میزائل مدار میں چکر لگا کر زمین پر ہدف کی طرف آتا ہے اور دفاعی ہتھیاروں سے بچنے کے لیے راستہ بدل لیتا ہے۔

  • امریکا: مکمل ویکسینیشن کروانے والے غیر ملکیوں کے لیے خوش خبری

    امریکا: مکمل ویکسینیشن کروانے والے غیر ملکیوں کے لیے خوش خبری

    واشنگٹن: وائٹ ہاؤس نے غیر ملکیوں‌ کو خوش خبری سنائی ہے کہ مکمل ویکسینیٹڈ غیر ملکی 8 نومبر سے امریکا میں داخل ہو سکتے ہیں۔

    تفصیلات کے مطابق وائٹ ہاؤس نے جمعے کو ایک بیان جاری کرتے ہوئے کہا ہے کہ وہ غیر ملکی وزیٹرز جنھوں نے کووِڈ نائنٹین کے خلاف مکمل ویکسینیشن کروالی ہے، وہ آٹھ نومبر سے امریکا سفر کے لیے اہل ہوں گے۔

    وائٹ ہاؤس کے اسسٹنٹ پریس سیکریٹری کیوِن میونوز نے ٹوئٹر پر کہا کہ امریکا کی نئی سفری پالیسی، جس میں غیر ملکی شہریوں کو امریکا جانے کے لیے ویکسینیشن ضروری قرار دی گئی ہے، 8 نومبر سے شروع ہوگی۔

    وائٹ ہاؤس کے مطابق یہ اعلان اور تاریخ بین الاقوامی ہوائی سفر اور زمینی سفر دونوں پر لاگو ہوتی ہے۔

    اس اقدام سے ان پابندیوں میں نرمی آئے گی جن کی وجہ سے بیرون ملک غصہ پیدا ہونا شروع ہوا تھا، اور اب ان پابندیوں کی جگہ اندرونی اور بین الاقوامی ہوائی مسافروں کے لیے یکساں شرائط رکھی جا رہی ہیں۔

    اس خبر کو ٹریول انڈسٹری کے لیے خوش آئند قرار دیا جا رہا ہے، جس کے لیے وفاقی حکومت میں لابنگ کی جا رہی تھی کہ وہ چند ایسے ضابطے اب ختم کر دے جن کی وجہ سے بین الاقوامی سیاحت کے ساتھ ساتھ ایئر لائنز، ہوٹلوں اور مہمان نوازی گروپس کو نقصان پہنچ رہا تھا۔

  • پینٹاگون کے سابق عہدیدار نے شکست کا اعتراف کرلیا

    پینٹاگون کے سابق عہدیدار نے شکست کا اعتراف کرلیا

    واشنگٹن: امریکی محکمہ دفاع (پینٹاگون) کے سابق چیف سافٹ ویئر افسر نکولس شیلان نے مصنوعی ذہانت کے میدان میں چین کے آگے اپنی شکست کا اعتراف کرلیا، انہوں نے کہا کہ ٹیکنالوجی کے میدان میں چین آگے نکل چکا ہے۔

    بین الاقوامی ویب سائٹ کے مطابق امریکی محکمہ دفاع (پینٹاگون) کے سابق چیف سافٹ ویئر افسر نکولس شیلان نے کہا ہے کہ مصنوعی ذہانت پر مشتمل ٹیکنالوجی کے میدان میں امریکا چین سے ہار چکا ہے اور آنے والے 15 سے 20 برسوں تک امریکا کی جیت کے امکانات نہیں ہیں۔

    حال ہی میں دیے گئے ایک انٹرویو میں نکولس نے بتایا کہ انہوں نے ٹیکنالوجی کے میدان میں تبدیلی اور اصلاحات میں سست روی کی وجہ سے استعفیٰ دیا تھا۔

    ان کے مطابق آرٹی فیشل انٹیلی جنس کے شعبے میں چین پہلے ہی امریکا کو شکست دے چکا ہے، عہدے پر برقرار رہتے ہوئے میں یہ نہیں دیکھ پایا کہ چین جیت رہا ہے لہٰذا میں نے استعفیٰ دے دیا۔

    نکولس کا کہنا تھا کہ عالمی غلبے کے لیے چین مصنوعی ذہانت میں جدت اور ترقی کی وجہ سے ہی آگے بڑھ رہا ہے، چین مشین لرننگ، سائبر صلاحیتوں اور ٹیکنالوجیکل ٹرانسفارمیشن میں آگے نکل چکا ہے۔

    انہوں نے کہا کہ تقابل کے لحاظ سے دیکھیں تو ایسا لگتا ہے کہ چین کے سامنے امریکی ٹیکنالوجی اب ایسی ہے جیسے کے جی کلاس میں پڑھتا ایک بچہ۔

    انہوں نے گوگل پر الزام عائد کیا کہ وہ امریکی محکمہ دفاع کے ساتھ کام کرنے سے انکاری ہے جبکہ دوسری طرف چین میں دیکھیں تو ہر چائنیز کمپنی حکومت کے ساتھ کام کرنے کو تیار ہے اور بھاری سرمایہ کاری بھی کی جا رہی ہے، چین نے آرٹی فیشل انٹیلی جنس میں اخلاقی اقدار کو بالائے طاق رکھتے ہوئے زبردست سرمایہ لگایا ہے۔

    نکولس کا کہنا تھا کہ اگرچہ امریکا چین کے مقابلے میں اپنے دفاع پر تین گنا زیادہ خرچ کرتا ہے لیکن اس کا فائدہ اس لیے نہیں ہو رہا کیونکہ امریکا غلط شعبہ جات پر سرمایہ لگا رہا ہے، بیوروکریسی اور اضافی ضابطوں کی وجہ سے ان تبدیلیوں کی راہ میں رکاوٹ پیدا ہو رہی ہے جن کی امریکا کو اشد ضرورت ہے۔

    اپنے استعفے میں نکولس نے افسوس کا اظہار کرتے ہوئے کہا کہ براہ مہربانی کسی ایسے میجر یا کرنل کو ٹیکنالوجی کے شعبے کا سربراہ لگانے یا ایک سے چار ملین صارفین کے ڈیٹا کا کلاؤڈ حوالے کرنے سے گریز کریں جسے اس کام کا تجربہ ہی نہ ہو، کروڑوں ڈالر مالیت کا طیارہ بنانے کے بعد اسے اڑانے کے لیے بھی تو ایسے شخص کا انتخاب کیا جاتا ہے جسے سیکڑوں گھنٹے پرواز کا تجربہ ہو۔

    تو آخر ایسا کیسے ہو سکتا ہے کہ جسے آئی ٹی کا تجربہ ہی نہ ہو اسے ٹیکنالوجی کے شعبے کا سربراہ بنا دیا جائے؟ ایسے شخص کو پتہ ہی نہیں ہوتا کہ کرنا کیا ہے اور کس چیز کو ترجیح دینا ہے اور اس صورتحال کی وجہ سے اصل کام سے توجہ ہٹ جاتی ہے۔

  • امریکا اور افغان طالبان کے درمیان 2 روزہ مذاکرات کا آغاز آج سے ہوگا

    امریکا اور افغان طالبان کے درمیان 2 روزہ مذاکرات کا آغاز آج سے ہوگا

    واشنگٹن: امریکا اور افغان طالبان کے درمیان 2 روزہ مذاکرات کا آغاز آج سے ہوگا، امریکی حکومتی عہدیداران کا کہنا ہے کہ طالبان سے مذاکرات قومی مفادات کو مدنظر رکھ کر کیے جا رہے ہیں تاہم مذاکرات کا مقصد قطعی طالبان کو تسلیم کرنا نہیں۔

    امریکی میڈیا کے مطابق امریکی اعلیٰ سطح کے وفد اور طالبان کے درمیان 2 روزہ مذاکرات آج سے قطر میں شروع ہوں گے۔ امریکی وفد میں محکمہ خارجہ، خفیہ ایجنسی اور یو ایس ایڈ کے اہلکار شامل ہوں گے۔

    افغانستان سے انخلا کے بعد امریکا پہلی بار طالبان سے مذاکرات کرنے جا رہا ہے، مذاکرات میں طالبان سے اغوا شدہ امریکی شہری مارک فریشز کی رہائی کا مطالبہ کیا جائے گا، افغانستان سے امریکی شہریوں کا محفوظ انخلا بھی مطالبات میں شامل ہے۔

    مذاکرات میں طالبان سے افغانستان میں انسانی حقوق کے معاملے پر بھی بات کی جائے گی جبکہ القاعدہ، داعش اور دیگر دہشت گرد گروہوں پر زمین تنگ کرنے پر بات ہوگی۔

    امریکی میڈیا رپورٹ کے مطابق امریکی نمائندہ خصوصی زلمے خلیل زاد امریکی وفد کا حصہ نہیں، وفد میں محکمہ خارجہ کے نائب خصوصی نمائندہ ٹام ویسٹ اور یو ایس ایڈ انسانی حقوق کی اہلکار سارہ چارلز بھی شامل ہیں۔

    امریکی حکومتی عہدیداران کا کہنا ہے کہ طالبان سے مذاکرات کے ذریعے رابطوں کے سلسلے کو آگے بڑھانا ہے، مذاکرات قومی مفادات کو مدنظر رکھ کر کیے جا رہے ہیں تاہم مذاکرات کا مقصد قطعی طالبان کو تسلیم کرنا نہیں۔

    حکومتی عہدیداران کا مزید کہنا ہے کہ طالبان سے انسانی حقوق اور خواتین کے معاملے پر تفصیلی بات ہوگی، طالبان کو اپنے رویے سے دنیا کی حمایت حاصل کرنا ہوگی۔

  • امریکی ایٹمی آبدوز حادثے کا شکار

    امریکی ایٹمی آبدوز حادثے کا شکار

    واشنگٹن: بحیرہ جنوبی چین میں امریکی ایٹمی آبدوز زیر آب حادثے کا شکار ہوگئی، حادثے میں متعدد اہلکار زخمی ہوگئے۔

    امریکی میڈیا رپورٹ کے مطابق بحیرہ جنوبی چین میں امریکی ایٹمی آبدوز زیر آب حادثے کا شکار ہوگئی، ترجمان امریکی بحریہ کا کہنا ہے کہ حادثے میں متعدد اہلکار زخمی ہوئے۔

    ترجمان کا کہنا ہے کہ آبدوز یو ایس ایس کنیکٹی کٹ کسی نامعلوم چیز سے ٹکرا گئی۔

    ترجمان کا مزید کہنا ہے کہ ایٹمی آبدوز محفوظ اور مستحکم حالت میں ہے۔ حادثے کے بارے میں تحقیقات کی جارہی ہیں جبکہ زخمی اہلکاروں کو ہر ممکن سہولیات فراہم کی جارہی ہیں۔

  • امریکی نائب وزیر خارجہ 2 روزہ دورے پر پاکستان آئیں گی

    امریکی نائب وزیر خارجہ 2 روزہ دورے پر پاکستان آئیں گی

    اسلام آباد: امریکی نائب وزیر خارجہ وینڈی شرمین 2 روزہ دورے پر پاکستان آئیں گی، اس موقعے پر وزارت خارجہ کی جانب سے اہم ہدایات پر مشتمل مراسلہ جاری کردیا گیا۔

    تفصیلات کے مطابق امریکی نائب وزیر خارجہ وینڈی شرمین 2 روزہ دورے پر پاکستان آئیں گی، نائب وزیر خارجہ 7 رکنی وفد کے ہمراہ 7 اور 8 اکتوبر کو دو روزہ دورہ کریں گی۔

    امریکی وفد کے استقبال کے لیے وزارت خارجہ نے ایوی ایشن ڈویژن کو مراسلہ جاری کردیا، امریکی وفد کی اسلام آباد آمد کے موقع پر جسمانی تلاشی سے روک دیا گیا۔

    وزارت خارجہ کی جانب سے ایوی ایشن ڈویژن کو بھیجے گئے مراسلے میں کہا گیا ہے کہ امریکی وفد کی جسمانی تلاشی نہ لی جائے، امریکی نائب وزیر خارجہ کے وفد کی تصاویر بھی نہ بنائی جائیں۔

    مراسلے میں کہا گیا ہے کہ امریکی وفد کی آمد اور روانگی کے موقع پر اسٹیٹ لاؤنج مختص کیا جائے، امریکی وفد کی آمد پر پی سی آر ٹیسٹ سے بھی استثنیٰ دیا جائے۔

    مراسلے میں مزید کہا گیا کہ وزارت خارجہ اور امریکی سفارتخانے کے 5، 5 افراد کو انٹری پاس دیا جائے۔

  • امریکی حکومت نے ہدہد نسل کے اس خوب صورت پرندے کے دنیا سے خاتمے کا اعلان کر دیا

    امریکی حکومت نے ہدہد نسل کے اس خوب صورت پرندے کے دنیا سے خاتمے کا اعلان کر دیا

    مونٹانا: امریکی حکومت نے آئیوری ہدہد سمیت جانوروں کی 23 اقسام کے دنیا سے ناپید ہونے کا اعلان کر دیا ہے۔

    تفصیلات کے مطابق بدھ کو امریکا نے خوب صورت امریکی پرندے ہدہد کی دنیا سے معدومی کا اعلان کیا ہے، جنگلی حیات کے ماہرین کا کہنا ہے کہ آئیوری ہدہد سمیت 22 اقسام کے پرندے، مچھلیاں اور دوسرے جنگلی جانوروں کی نسلیں بھی اب دنیا سے غائب ہو چکی ہیں۔

    جنگلی حیات کے اہل کاروں کے لیے کسی پودے یا جانور کے سلسلے میں ایسی امید چھوڑنا ایک عجیب قدم ہے، تاہم حکومتی سائنس دانوں کا کہنا ہے کہ انھوں نے ان 23 کو تلاش کرنے کی کوششیں اب ختم کر دی ہیں۔

    ہدہد کا شمار خوب صورت پرندوں میں کیا جاتا ہے، خوش نما رنگوں اور لمبی چونچ والا یہ پرندہ شمالی میکسیکو میں پایا جاتا تھا، جسے اپنے حجم کے لحاظ سے دنیا کے تیسرے سب سے بڑے ہدہد کا درجہ حاصل تھا۔

    جنگلوں میں بسیرا کرنے والے اس پرندے کی نسل کو اسی وقت خطرہ لاحق ہو گیا تھا جب بڑے پیمانے پر جنگلوں کی کٹائی شروع ہوئی تھی، جنگلی حیات کے اہل کاروں نے اپنے تجزیے میں کہا ہے کہ 1944 کے بعد سے ہدہد کے دیکھے جانے کے ٹھوس شواہد نہیں ملے، بہت کوششوں کے باوجود وہ ان 23 نسلوں کے جانداروں کو ڈھونڈنے میں ناکام ہو چکے ہیں اور اب وہ برسوں سے کہیں بھی دیکھے نہیں گئے۔

    رپورٹ کے مطابق جنگلی حیات کی 23 نسلوں کے دنیا سے مٹ جانے کا اعلان اس لیے کیا گیا ہے، کیوں کہ ان جانوروں کی صورت حال کی تبدیلی سے متعلق سفارشات کئی برسوں سے التوا میں پڑی ہوئی تھیں اور ان پر عمل نہیں کیا جا رہا تھا۔

    رپورٹ میں مزید کہا گیا ہے کہ اگر ان میں سے کسی بھی نسل کی بحالی کا حقیقی امکان پیدا ہوا تو ان کے تحفظ کے لیے وسائل فراہم کیے جائیں گے۔

    ماہرین کا کہنا ہے کہ ان نسلوں کی معدومی میں آب و ہوا کی تبدیلی کا بڑا حصہ ہے، ماہرین نے خدشہ ظاہر کیا ہے کہ اگر آب و ہوا کی تبدیلی کے عمل کو روکنے کے جلد اور مؤثر اقدامات نہ کیے گئے تو جنگلی حیات کی نسلوں کا دنیا سے خاتمہ ایک معمول بن جائے گا۔

  • امریکا کا سفری پابندیاں ختم کرنے کا اعلان

    امریکا کا سفری پابندیاں ختم کرنے کا اعلان

    واشنگٹن: یورپ سے امریکا نے جانے والے مسافروں کے لئے بڑی خوشخبری، اہم اعلان کردیا گیا۔

    غیر ملکی میڈیا رپورٹ کے مطابق امریکا نے اعلان کیا ہے کہ اگلے ماہ سے مکمل ویکسی نیشن شدہ مسافروں کے لئے کرونا پابندیاں ختم کردی جائے گی۔

    امریکی صدر جوبائیڈن کے کرونا وائرس ریسپانس کے کوآرڈینیٹر جیفری زائنٹس نے کہا کہ یہ سفری پابندیاں ان افراد کے لیے ختم کی جا رہی ہیں جو مکمل طور پر ویکسین شدہ ہیں اور وہ ٹیسٹنگ اور کنٹیکٹ ٹریسنگ سے گزر رہے ہیں۔

    اس سے قبل کہا گیا تھا کہ امریکا یورپی یونین اور برطانیہ پر گذشتہ اٹھارہ ماہ سے کرونا وائرس کی وبا کے باعث عائد سفری پابندیوں کو ختم کرے گا، جس کے بعد یورپی یونین اور برطانیہ سے ویکسین شدہ سیاح نومبر سے امریکا کا سفر کر سکیں گے۔

    یہ بھی پڑھیں: امریکا کا افغانستان کے لیے اضافی امداد کا اعلان

    کورونا وائرس کی وبا کے آغاز میں سابق امریکی صدر ڈونلڈ ٹرمپ کی جانب سے عائد سفری پابندیوں میں نرمی یورپی اتحادیوں کے ساتھ کشیدہ تعلقات کے وقت صدر جوبائیڈن کی طرف سے ایک اہم تبدیلی ہوگی۔

    یہ خبر فنانشل ٹائمز اور سی این این کی جانب سے دی گئی تاہم وائٹ ہاؤس نے فوری طور پر اس معاملے پر تبصرہ نہیں کیا، فی الحال یورپی ممالک سے صرف امریکی شہریوں، رہائشیوں اور اسپیشل ویزہ رکھنے والے غیرملکیوں کو امریکہ میں داخلے کی اجازت ہے۔

  • امریکا کا افغانستان میں طالبان کی عبوری حکومت کے اعلان پر اظہارِ تشویش

    امریکا کا افغانستان میں طالبان کی عبوری حکومت کے اعلان پر اظہارِ تشویش

    واشنگٹن : امریکا نے افغانستان میں طالبان کی عبوری حکومت کےاعلان پراظہار تشویش کرتے ہوئے کہا طالبان کو ان کی باتوں سے نہیں ، ان کے اقدامات سے پرکھیں گے۔

    تفصیلات کے مطابق امریکی محکمہ خارجہ کی جانب سے طالبان کی عبوری حکومت کےاعلان پر تشویش کا اظہار کرتے ہوئے کہا فہرست میں صرف طالبان کےرکن یاانکےساتھی ہیں کوئی خاتون نہیں ، کابینہ کےکچھ افراد کی وابستگیوں اور ٹریک ریکارڈ پربھی فکرمند ہیں۔

    امریکی محکمہ خارجہ کا کہنا تھا کہ طالبان نے ابھی نگراں کابینہ کا اعلان کیا ہے، طالبان کو ان کی باتوں سے نہیں ان کے اقدامات سے پرکھیں گے۔.

    دوسری جانب امریکی صدر جوبائیڈن نے کہا کہ امریکا اور اس کے اتحادیوں نے طالبان کی حکومت تسلیم نہ کرنے کا فیصلہ کیا ہے، پاکستان ، چین اور روس طالبان سے معاہدے پر کام کر رہے ہیں ، یہ سب سمجھنے کی کوشش کر رہے ہیں کہ انھیں کرنا کیا ہے۔

    گذشتہ روز افغان طالبان نے عارضی حکومت تشکیل دیتے ہوئے وزرا اور کابینہ اراکین کے ناموں کا اعلان کیا تھا، جس کے مطابق سربراہ محمد احسن اخوند کو منتخب کیا گیا تھا۔

    ملاعبد الغنی برادر کو معاون سرپرست ریاست اور وزرا کا عہدہ دیا گیا ہے، اسی طرح مولوی محمد یعقوب مجاہد وزیردفاع، سراج حقانی کو وزیرداخلہ تعینات کیا گیا ہے۔