Tag: US

  • لندن : داعش سے تعلق، 2 برطانوی شہریوں کو امریکا کے حوالے کرنے کا فیصلہ

    لندن : داعش سے تعلق، 2 برطانوی شہریوں کو امریکا کے حوالے کرنے کا فیصلہ

    لندن : برطانیہ کی حکومت نے عالمی دہشت گرد تنظیم داعش سے تعلق رکھنے والے 2 برطانوی شہریوں کو امریکا کے حوالے کرنے کا فیصلہ کرلیا تاکہ انہیں سزا دی جاسکے۔

    تفصیلات کے مطابق برطانوی حکومت کی جانب سے بدنام زمانہ دہشت گرد تنظیم داعش سے تعلق رکھنے والے 9 شہریوں کو واپس لینے سے انکار کرتے ہوئے انہیں برطانوی شہریوں کے لیے خطرہ قرار دیا ہے۔

    غیر ملکی خبر رساں ادارے کا کہنا تھا کہ برطانوی حکومت نے جن شہریوں کو واپس لینے سے انکار کیا ہے کہ ان میں سے 2 مرد اور دو خواتین اور ان کے بچوں کا تعلق داعش کے جنگجو گروپ بیٹلز سے ہے، جو عراق میں‌دہشت گردانہ کارروائیاں کرتا تھا، حکومت نے مذکورہ افراد کی شناخت تاحال ظاہر نہیں کی گئی۔

    خبر رساں اداروں کا کہنا تھا کہ برطانوی حکام کی جانب سے خطرناک جہادی گروپ جون کے دو جنگجوؤں الشفیع الشیخ اور الیگزنڈا کو امریکا کے حوالے کرنا چاہتے ہیں تاکہ وہاں جرم ثابت ہونے کے بعد سزا دی جاسکے۔

    الشفیع الشیخ اور الیگزنڈا کوٹے

    مقامی میڈیا کا کہنا ہے کہ حکام کی جانب سے گرفتار کیے گئے باقی 7 دہشت گردوں کو اور حامیوں کو اس لیے برطانیہ نہیں لارہے کہ وہ عوام کے لیے خطرہ نہ بن جائیں۔

    برطانوی خبر رساں ادارے کا کہنا ہے کہ جون گروپ سے تعلق رکھنے والے داعش کے دہشت گرد الشفیع اور الیگزنڈا کو امریکا کے حوالے کرنے اور مقدمہ چلانے کا انکشاف گذشتہ روز عدالت میں ہوا تھا۔

    برطانیہ کے شاہی پراسیکیوشن سروس ’سی پی ایس‘ نے حکومت کو خبردار کیا ہے کہ پولیس جب تک گرفتار دہشت گردوں کے خلاف 600 افراد کے بیانات قلم بند نہیں کرتی، اس وقت تک موثر انداز میں مقدمہ نہیں چلایا جاسکتا۔

    عدالتی دستاویزات کے مطابق سی پی ایس نے برطانوی حکومت کو تجویز پیش کی تھی کہ ضروری لائحہ عمل کے باعث دونوں ملزمان کے خلاف قائم مقدمہ ختم ہوجائے گا جبکہ مذکورہ لائحہ عمل امریکی حکام کے لیے کوئی مسئلہ نہیں۔

  • امریکی صدر نے چین پر مزید اضافی محصولات کی دھمکی دے دی

    امریکی صدر نے چین پر مزید اضافی محصولات کی دھمکی دے دی

    واشنگٹن: امریکی صدر ڈونلڈ ٹرمپ نے چین کو دھمکی دی ہے کہ اگر چین نے امریکا کے خلاف کوئی اقدامات کیے تو مزید اضافی محصولات عائد کردیے جائیں گے۔

    تفصیلات کے مطابق چین اور امریکا کے درمیان تجارتی جنگ میں شدت آچکی ہے، امریکی صدر نے ایک بار پھر چین کو خبردار کیا ہے کہ ان کی مصنوعات پر اضافی ٹیکس عائد کیے جاسکتے ہیں۔

    واشنگٹن میں صحافیوں سے گفتگو کرتے ہوئے صدر ٹرمپ کا کہنا تھا کہ امریکا کے خلاف اقدامات اور امریکی محصولات پر ردعمل کی صورت پر چینی درآمدات پر 267 بلین ڈالر کے مزید اضافی ٹیکس نافذ کر دیے جائیں گے۔

    گذشتہ روز امریکی وزیر خارجہ مائیک پامپیو نے اپنے چینی ہم منصب سے چین کے دارالحکومت بیجنگ میں ملاقات کی تھی، اس دوران باہمی تنازعات کے پیش نظر سخت جملوں کا تبادلہ بھی ہوا تھا۔

    خیال رہے کہ گذشتہ ماہ ہی ٹرمپ کی انتظامیہ نے چینی درآمدات پر دو سو بلین ڈالر محصولات عائد کیے تھے، جس کے جواب میں چین نے امریکی درآمدات پر ساٹھ بلین ڈالر کے ٹیکس لگا دیے تھے۔

    امریکا نے چینی مصنوعات پر مزید 16 ارب کے اضافی درآمدی محصولات عائد کردئیے

    دوسری جانب امریکی وائٹ ہاؤس نے بھی واضح الفاظ میں کہہ چکا ہے کہ چین امریکی صدر کے ارادوں کو ہلکا مت لے، وہ اپنی تجارتی پالیسیوں پر عمل پیرا رہیں گے۔

    قبل ازیں چینی وزیر خارجہ ’وانگ یی‘ نے گذشتہ ماہ اپنے ایک بیان میں کہا تھا کہ تجارتی جنگ کے دوران امریکا اپنے ’دماغ کو ٹھنڈا‘ رکھے اور سوچ سمجھ کر فیصلے کرے۔

    انہوں نے یہ بھی کہا تھا کہ امریکا کی جانب سے چین کو دبانے کے لیے جو بھی اقدامات کیے جارہے ہیں وہ کسی کام کے نہیں ہیں، چین اپنی تجارت جاری رکھے گا۔

  • امریکا کی اقتصادی پابندیاں، ایران مذاکرات کے لیے راضی ہوگیا

    امریکا کی اقتصادی پابندیاں، ایران مذاکرات کے لیے راضی ہوگیا

    تہران: ایرانی وزیر خارجہ محمد جواد ظریف نے کہا ہے کہ ایران امریکا سے مذاکرات کے لیے تیار ہے۔

    ان خیالات کا اظہار انہوں نے برطانوی نشریاتی ادارے کو انٹرویو دیتے ہوئے کیا، ایرانی وزیر خارجہ کا کہنا تھا کہ ایران امریکا سے مذاکرات کے لیے تیار ہے، بشرط یہ کہ مذاکرات جامع اور مربوط ہوں جس پر امریکا خود بھی عمل کرے۔

    انہوں نے کہا کہ ہماری طرف سے مذاکرات کے دروازے ہمیشہ سے کھلے ہیں، لیکن مذاکرات ایسے ہوں جس پر عمل درآمد ہو، دونوں ممالک اس پر عمل کریں۔

    پوچھے گئے ایک سوال پر جواب ظریف کا کہنا تھا کہ امریکا کی جانب سے ایران جوہری ڈیل سے دست برداری کے بعد یورپی ممالک نے ایران کا بہت ساتھ دیا۔

    ایران کی سعودی عرب کو امریکا کے خلاف اتحاد کی پیش کش

    اس سے قبل رواں سال مئی میں امریکی صدر ڈونلڈ ٹرمپ ایران کے ساتھ جوہری معاہدے سے دستبرداری کے بعد کہا تھا کہ ایران مذاکرات کرے یا پھر کسی بھی طرح کے حالات کا سامنا کرنے کے لیے تیار رہے۔

    خیال رہے کہ دو روز قبل ایرانی وزیر خارجہ جواد ظریف نے سماجی رابطے کی ویب سائٹ ٹویٹر پر طنز کرتے ہوئے کہا تھا کہ سعودی حکومت کو ایران کے ساتھ مل کر امریکا کے خلاف مضبوط اتحاد بنانا چاہیے تاکہ مشرق وسطیٰ کو مضبوط کیا جاسکے۔

    واضح رہے کہ مشرق وسطیٰ میں سعودی عرب امریکا کا سب سے مضبوط اتحادی ہے دونلڈ ٹرمپ نے اپنے غیر ملکی دوروں کا آغاز بھی سعودی عرب سے کیا تھا۔

  • مائیک پومپیو کی اپنے چینی ہم منصب سے ملاقات، سخت جملوں کا تبادلہ

    مائیک پومپیو کی اپنے چینی ہم منصب سے ملاقات، سخت جملوں کا تبادلہ

    بیجنگ: امریکی وزیر خارجہ مائیک پومپیو نے اپنے چینی ہم منصب وانگ ژی سے ملاقات کی اس دوران سخت جملوں کا تبادلہ ہوا۔

    تفصیلات کے مطابق امریکا اور چین کے درمیان شدید  تجارتی جنگ جاری ہے، دونوں ملکوں کی جانب سے ایک دوسرے کی مصنوعات پر اضافی محصولات بھی عائد کردیے گئے ہیں۔

    غیر ملکی خبر رساں ادارے کے مطابق امریکی وزیر خارجہ مائیک پامپیو نے اپنے چینی ہم منصب سے چین کے دارالحکومت بیجنگ میں ملاقات کی، اس دوران باہمی تنازعات کے پیش نظر سخت جملوں کا تبادلہ بھی ہوا۔

    ملاقات میں دونوں رہنماؤں نے اس عزم کا اظہار کیا کہ دونوں ملکوں کے درمیان باہمی مذاکرات چاہتے ہیں، تاکہ عالی تجارتی جنگ کے بجائے باہمی قربتیں پیدا ہوں۔

    تجارتی جنگ ، چین کا امریکہ سے تمام تجارتی مذاکرات منسوخ کرنے کا اعلان

    ملاقات کے دوران چینی وزیر خارجہ وانگ ژی نے تجارتی جنگ کا ذمہ دار امریکا کو قرار دیا، ان کا کہنا تھا کہ واشنگٹن حکومت نے ’تجارتی جنگ‘ شروع کرتے ہوئے باہمی اعتماد کو نقصان پہنچایا۔

    بعد ازاں پائیک پومپیو اور وانگ ژی کے درمیان سخت جملے کہے گئے، تاہم امریکی وزیر خارجہ نے موقف اختیار کیا کہ امریکی حکومت مذاکرات کے لیے تیار ہے۔

    یاد رہے کہ گذشتہ ماہ چین نے امریکا سے تمام تجارتی مذاکرات منسوخ کرنے کا فیصلہ کرتے ہوئے چینی وفد کا دورہ امریکا بھی منسوخ کردیا تھا۔

    خیال رہے کہ امریکا نے چین کی پانچ ہزار منصوعات پر دوسوارب ڈالر کے زائد ٹیکس لگائے تھے، تو چین نے بھی جواباً امریکا سے تمام تجارتی مذاکرات منسوخ کر دیے تھے۔

  • افغانستان میں پارلیمانی انتخابات، طالبان نے حملے کی دھمکی دے دی

    افغانستان میں پارلیمانی انتخابات، طالبان نے حملے کی دھمکی دے دی

    کابل: افغانستان میں رواں ماہ پارلیمانی انتخابات ہونے جارہے ہیں، جبکہ طالبان نے حملے کی دھمکی دی ہے۔

    تفصیلات کے مطابق افغانستان میں رواں ماہ 20 اکبوتر کو پارلیمانی انتخابات ہوں گے، جبکہ طالبان نے دھمکی دی ہے کہ کسی صورت اس الیکشن کو کامیاب نہیں ہوں گے۔

    غیر ملکی خبر رساں ادارے کے مطابق طالبان نے اپنے دھمکی بھرے بیان میں کہا ہے کہ رواں ماہ انتخابات ہونے نہیں دیں گے، اگر کسی نے اسے کامیاب بنانے میں حصہ لیا تو اسے نہیں چھوڑا جائے گا۔

    افغان طالبان نے موقف اختیار کیا ہے کہ یہ الیکشن امریکی حکمرانی کو افغانستان میں مزید تقویت دے گا، ملک میں غیر ملکی تسلط کو برداشت نہیں کیا جائے گا۔

    افغانستان میں فورسز کی چوکیوں پر طالبان کا حملہ، 30 اہلکار ہلاک

    دوسری جانب افغان حکام نے دھمکیوں کے پیش نظر ملک میں سیکیورٹی سخت کردی ہے، ملک میں قائم ہزاروں پولنگ اسٹیشن پر تقریباً پچاس ہزار سیکیورٹی اہلکار تعینات کیے جائیں گے۔

    خیال رہے کہ گذشتہ ہفتے افغان صوبے ننگرہار میں پارلیمانی انتخابات سے متعلق ایک ریلی نکالی گئی تھی، جس پر حملے کے نتیجے میں 18 افراد ہلاک ہوگئے تھے۔

    اقوام متحدہ کی ایک رپورٹ کے مطابق رواں سال یکم جنوری سے 30 ستمبر تک افغانستان میں خود کش حملوں میں 3634 افراد مارے گئے، ہلاک ہونے والوں میں عورتیں اور بچے بھی شامل ہیں۔

    یاد رہے کہ گذشتہ ماہ افغانستان کے صوبے بغلان میں طالبان نے سیکیورٹی فورسز کی چوکیوں پر حملہ کردیا تھا جس کے نتیجے میں 30 سیکیورٹی اہلکار ہلاک ہوگئے تھے۔

  • امریکی صدر کی ایسی ویڈیو جس کی وجہ سے سب کے سامنے ان کی سبکی ہوگئی

    امریکی صدر کی ایسی ویڈیو جس کی وجہ سے سب کے سامنے ان کی سبکی ہوگئی

    واشنگٹن: امریکی صدر ڈونلڈ ٹرمپ کی ایسی ویڈیو سامنے آئی ہے جس کی وجہ سے ان کی سب کے سامنے سبکی ہوگئی، سوشل میڈیا پر صارفین نے اس کا خوب مذاق بنایا۔

    تفصیلات کے مطابق امریکی صدر ڈونلڈ ٹرمپ بعض اوقات ایسی احمقانہ بات کہہ جاتے ہیں جو سوشل میڈیا پر ٹرینڈ بن جاتی ہے، تاہم اب ان کی ایک ایسی ویڈیو سامنے آئی ہے جس کا سوشل میڈیا پر مذاق اڑایا جارہا ہے۔

    صدر ٹرمپ امریکی ریاست مینیسوٹا میں ایک ریلی میں شرکت کے بعد واشنگٹن واپس لوٹنے کے لیے جب جہاز میں سوار ہونے لگے تو ان کے جوتے کے تلوے پر ٹیشو پیپر چپکا ہوا دکھائی دیا۔

    منظر عام پر آنے والی ویڈیو میں دیکھا جاسکتا ہے کہ امریکی صدر بے خیالی میں جہاز پر سوار ہورہے ہیں لیکن انہیں یہ خبر نہیں ہے کہ ان کے جوتے کے تلوے پر ٹیشو پیپر چپکا ہوا ہے۔

    سماجی رابطے کی ویب سائٹ ٹوئٹر پر ایک صارف نے اس ویڈیو پر ردعمل دیتے ہوئے کہا کہ اگر آپ آج دن بھر نہیں ہنسے تو یہ ویڈیو دیکھیں جو آپ کو ہنسے پر مجبور کردے گی۔

    ایک اور صارف نے تبصرہ کرتے ہوئے کہا کہ میرے لیے تعجب کی بات یہ ہے کہ امریکی صدر ڈونلڈ ٹرمپ کے جوتے کے تلوے پر ٹیشو پیپر چپکا ہوا ہے لیکن انہیں کسی نے مطلاع نہیں کیا۔

    خیال رہے کہ گذشتہ دنوں ہی امریکی صدر نے اقوام متحدہ کی جنرل اسمبلی میں خطاب کے دوران حاضرین کو ہنسے پر مجبور کردیا تھا۔

    خطاب کے دوران انہوں نے کہا تھا کہ حکومت نے اتنا کچھ کیا ہے جو اس سے پہلے امریکا کی تاریخ میں کسی حکومت نے نہیں کیا، اس دعوے پر حاضرین ہنس پڑے تھے۔

  • جرمن وزیر خارجہ کی اپنے امریکی ہم منصب سے ملاقات، شام کی صورت حال پر گفتگو

    جرمن وزیر خارجہ کی اپنے امریکی ہم منصب سے ملاقات، شام کی صورت حال پر گفتگو

    واشنگٹن: جرمن وزیر خارجہ ہائیکو ماس نے اپنے امریکی ہم منصب مائیک پومپیو سے ملاقات کی، اس دوران شام کی صورت حال پر تبادلہ خیال کیا گیا۔

    تفصیلات کے مطابق جرمن وزیر خارجہ ہائیکو ماس نے امریکی دارالحکومت واشنگٹن میں اپنے ہم منصب مائیک پامپیو سے ملاقات کی، اس دوران شام میں جرمن فوج بھیجے سے متعلق بھی گفتگو ہوئی۔

    غیر ملکی خبر رساں ادارے کے مطابق شام کے معاملے پر جرمن حکام کی ہمیشہ سے امریکا کی حمایت رہی ہے، البتہ جرمن حکام نے شام میں اپنی فوج بھیجنے پر آمادہ نہیں ہوئے۔

    دونوں ممالک کے وزرائے خارجہ کے درمیان ہونے والی ملاقات میں اس پر اتفاق کیا گیا کہ کیمیائی حملوں کو روکنا از حد ضروری ہے۔ اسی ملاقات میں شام میں روس اور ایران کی اثراندازی کو بھی زیر بحث لایا گیا۔

    ادلب میں غیر عسکری علاقے سے شدت پسندوں کو نکالا جائے گا: ترک صدر

    مذکورہ ملاقات میں امریکا کی ایران جوہری معاہدے سے دست برداری کے بعد پیدا ہونے والی صورت حال پر بھی گفتگو ہوئی، خیال رہے کہ ماضی میں جرمنی کا ٹرمپ انتظامیہ کے اس فیصلے کے خلاف موقف سامنے آچکا ہے۔

    یاد رہے کہ گذشتہ ہفتے ترکی اور روسی سربراہان کے درمیان ملاقات روسی شہر سوچی میں ہوئی تھی، ملاقات تین گھنٹے طویل جاری رہی تھی، رجب طیب اردوگان اور ولادی میر پیوٹن نے شامی شہر ادلب میں غیر فوجی علاقے کے قیام پر اتفاق کیا تھا۔

    واضح رہے کہ ترک اور روس نے فیصلہ کیا ہے کہ اس دوران اس علاقے سے النصرہ فرنٹ سمیت تمام شدت پسند باغی گروپوں کو وہاں سے باہر نکالا جائے گا۔

  • وزیرخارجہ دورہ امریکا مکمل کرنے کے بعد وطن واپس پہنچ گئے

    وزیرخارجہ دورہ امریکا مکمل کرنے کے بعد وطن واپس پہنچ گئے

    اسلام آباد: وزیر خارجہ شاہ محمود قریشی امریکا کا دورہ مکمل کرنے کے بعد وطن واپس پہنچ گئے، انہوں نے اپنے دورے میں 40 سے زائد ممالک کے وفود سے ملاقاتیں کیں۔

    تفصیلات کے مطابق دورہ امریکا کے موقع پر شاہ محمود قریشی نے امریکی وزیرخارجہ اور مشیرقومی سلامتی سے بھی ملاقاتیں کیں، وزیر خارجہ اب وطن واپس پہنچ چکے ہیں۔

    وزیر خارجہ نے دورہ امریکا کے دوران اقوام متحدہ کی جنرل اسمبلی سے خطاب کیا اور چالیس سے زائد ممالک کے وفود سے ملاقاتیں کیں۔

    شاہ محمود اور امریکی وزیر خارجہ مائیک پومپیو کے درمیان ہونے والی ملاقات میں پاک امریکا تعلقات اور علاقائی معاملات سے متعلق باہمی دلچسپی کے امور پر گفتگو کی گئ تھی۔

    اس سے قبل پاکستانی وزیر خارجہ شاہ محمود قریشی کی امریکا کی خارجہ تعلقات کمیٹی کے رکن سینیٹر کوری سے بھی ملاقات ہوئی تھی جس میں پاک امریکا تعلقات اور خطے کی صورتحال پر تبادلہ خیال کیا گیا۔

    افغانستان میں امن کے خواہاں ہیں، پاکستان کی قربانیوں کا اعتراف کیا جانا چاہئے، شاہ محمود

    سینیٹر کوری بوکر کا کہنا تھا کہ پاکستان میں تبدیلی خطے میں امن کی نوید ہے، دہشت گردی کے خلاف پاکستان کی قربانیوں کو تسلیم کیا جانا چاہیے۔

    واضح رہے کہ وزیرخارجہ شاہ محمود قریشی نے اقوام متحدہ کی جنرک اسمبلی کے سالانہ اجلاس سے خطاب میں بھارت کو خبردارکیا تھا کہ وہ پاکستان کے صبر کا امتحان نہ لے۔

    شاہ محمود قریشی نے بھارت کومنہ توڑ جواب دیتے ہوئے کہا تھا کہ پاکستان میں دہشت گردانہ حملوں کو بھارت کی پشت پناہی حاصل ہے۔

  • امریکی حکام کو باور کرا دیا کہ پاکستان کے بغیر افغان امن عمل میں پیشرفت ممکن نہیں: وزیرخارجہ

    امریکی حکام کو باور کرا دیا کہ پاکستان کے بغیر افغان امن عمل میں پیشرفت ممکن نہیں: وزیرخارجہ

    واشنگٹن: وزیر خارجہ شاہ محمود قریشی نے کہا ہے کہ امریکا سے تعلقات میں پیشرفت ہوئی، امریکی حکام کو باور کرا دیا کہ پاکستان کے بغیر افغان امن عمل میں پیشرفت ممکن نہیں ہے۔

    ان خیالات کا اظہار انہوں نے واشنگٹن میں پریس کانفرنس کرتے ہوئے کیا، وزیر خارجہ کا کہنا تھا کہ ڈاکٹر شکیل آفریدی کے بارے میں امریکا کا مسلسل مطالبہ رہا ہے، شکیل آفریدی کا زکر آتا ہے تو پھر ڈاکٹر عافیہ کا بھی ذکر ہوتا ہے۔

    انہوں نے کہا کہ امریکا کو ہمارے قوانین کا احترام کرنا ہوگا، الزام تراشی مسائل کا حل نہیں ہے، گزشتہ حکومت کی امریکی اعلیٰ قیادت تک رسائی نہ تھی، ہمیں آگے بڑھنا ہے اور غلط فہمیوں کو دور کرنا ہوگا۔

    شاہ محمود کا کہنا تھا کہ امریکا سے پرامید ہو کر پاکستان جارہا ہوں، نیویارک اور واشنگٹن میں اہم ملاقاتیں ہوئیں، پاکستان اور امریکا کے درمیان اعتماد کی بحالی ضروری ہے، نیشنل ایکشن پلان پر تمام جماعتیں متفق ہیں، دہشت گردی کے مکمل خاتمے کے لیے پرعزم ہیں۔

    ان کا کہنا تھا کہ قیام امن کے لیے پاکستان کی قربانیوں کو سراہاجانا چاہیئے، امریکا میں پاکستانی کمیونٹی کو متحریک کرنے کی ضرورت ہے، یہاں پاکستانی کمیونٹی بہت جاندار ہے، پاکستانی کمیونٹی کے کردار کو مؤثر بنانے کے لیے پرعزم ہیں۔

    وزیر خارجہ کا کہنا تھا کہ ہمیں تنقید کے بجائے مثبت پہلوؤں پر نظر رکھنی چاہیئے، کافی عرصے سے پاکستان پر تنقید کی جارہی تھی، آئی ایم ایف سے میری کوئی میٹنگ نہیں ہوئی، ورلڈ بینک کے صدر سے ملاقات ہوئی تھی، پانی کا مسئلہ اہم ہے جو الجھتا چلا جارہا ہے، پانی کے مسئلے پر ورلڈ بینک کو پاکستانی تحفظات سے آگاہ کیا۔

    ان کا مزید کہنا تھا کہ 2010 میں وزیراعظم فلڈ ریلیف فنڈ میں کوئی ایک پیسہ دینے کو تیار نہیں تھا، آج ڈیم فنڈ میں اورسیز پاکستانی بڑھ چڑھ کر حصہ لے رہے ہیں۔

  • امریکی صدر اور عسکری حکام کو مشکوک خطوط بھیجے جانے کا انکشاف

    امریکی صدر اور عسکری حکام کو مشکوک خطوط بھیجے جانے کا انکشاف

    واشنگٹن: امریکی صدر ڈونلڈ ٹرمپ اور عسکری حکام کو مشکوک خطوط بھیجے جانے کا انکشاف ہوا ہے، خطوط کے لفافے زہریلے موادسے  بھرے تھے۔

    تفصیلات کے مطابق امریکی صدر ڈونلڈ ٹرمپ اور عسکری حکام کے نام ایسے خطوط کا انشکاف ہوا ہے، جو زہریلے موجود میں لپٹے تھے، خطوط کا معائنہ کیا جارہا ہے۔

    امریکی حکام کا کہنا ہے کہ پنٹاگون میں مشتبہ زہریلے مواد سے بھرے 2 پیکٹ پکڑے گئے، مشتبہ پیکٹ قریبی اسکریننگ سینٹر پر پکڑے گئے، دونوں لفافے مشتبہ زہررائسن سے بھرے تھے۔

    حکام کے مطابق پیکٹ وزیردفاع اور نیوی ہیڈ ایڈمرل جان رچرڈسن کے نام بھیجے گئے تھے، صدر ٹرمپ کو بھیجے گئے مشکوک خط کا بھی معائنہ کیا جارہا ہے۔

    حکام کا کہنا تھا کہ ٹرمپ کے نام بھیجا گیا خط وائٹ ہاؤس پہنچنے سے قبل ہی پکڑا گیا۔ خیال رہے کہ امریکی حکام نے ٹرمپ کو بھیجے گئے خط میں زہر کے شواہد ملنے سے متعلق کچھ بتانے سے گریز کیا۔

    خیال رہے کہ مئی 2013 میں امریکی وائٹ ہاؤس میں ڈاک کی چھان بین کرنے والوں کو ایک ایسا مشکوک خط ملا جس میں ممکنہ طور پر اسی طرح کا زہر آلود مواد تھا۔

    واضح رہے کہ اس وقت کے امریکی صدر باراک اوباما کو ارسال کیا جانے والے لفافے میں لکھا ہوا تھا کہ ’تم نے میر ی بات نہیں مانی ،اب تمہیں او رلوگوں کو مرنا ہو گا‘، بعد ازاں کوئی وضاحت سامنے نہیں آئی۔