ARYNews.tv | Urdu – Har Lamha Bakhabar

Tag: US

  • امریکہ نےامداد روکی تودہشت گردوں سےلڑنےکی صلاحیت متاثرہوگی‘ وزیر اعظم

    امریکہ نےامداد روکی تودہشت گردوں سےلڑنےکی صلاحیت متاثرہوگی‘ وزیر اعظم

    اسلام آباد : وزیراعظم شاہد خاقان عباسی نے کہا ہے کہ امریکہ پاکستان کو کمزورنہ کرے، پاکستان کی صلاحیت متاثرہوئی توامریکہ کو دہشت گردوں سے خود لڑنا پڑے گا۔

    تفصیلات کے مطابق غیرملکی خبررساں ایجنسی کو انٹرویو میں وزیراعظم شاہد خاقان عباسی نے کہا کہ امریکہ نے امداد روکی تودہشت گردوں سے لڑنے کی صلاحیت متاثرہوگی۔

    شاہد خاقان عباسی نے کہا کہ امریکہ کی جانب سے روکی گئی امداد کا بڑاحصہ کولیشن سپورٹ فنڈ کی مد میں ہے۔

    وزیراعظم پاکستان نے کہا کہ انسداد دہشت گردی کے لیے امریکی لاجسٹکس کونقل وحمل کی اجازت دی۔

    انہوں نے کہا کہ ٹرمپ کوگرمجوش پایا، وہ ایسے شخص ہیں جن سے بات کی جاسکتی ہے لیکن ان کے پاکستان مخالف ٹویٹ اورلہجہ قابل قبول نہیں ہے۔

    شاہد خاقان عباسی نے کہا کہ امریکہ افغانستان میں شکست پرپاکستان کوقربانی کا بکرا نہ بنائے۔

    وزیراعظم نے انٹرویو میں کہا کہ سویلین حکومت کو فوج کا مکمل اعتماد وتعاون حاصل ہے، ملکی سلامتی اورخارجہ پالیسی پرتمام ادارے ایک صفحے پرہیں۔

    ہم نے امداد دی، پاکستان نے دھوکا دیا، اب ایسا نہیں ہوگا: امریکی صدر

    خیال رہے رواں سال کے آغاز پر امریکی صدر ڈونلڈ ٹرمپ نے کہا تھا کہ امریکہ نے گزشتہ 15 سال میں33 ارب ڈالرز پاکستان کو دے کر بے وقوفی کی، پاکستان امریکہ کو ہمیشہ دھوکہ دیتا آیا ہے۔

    یاد رہے کہ رواں ماہ 5 جنوری کو امریکی محکمہ خارجہ کی ترجمان ہیدرنورٹ کا کہنا تھا کہ پاکستان جب تک دہشت گردوں کے خلاف کارروائی نہیں کرتا امداد کی فراہمی کا سلسلہ منجمد رہے گا۔

    امریکی امداد نہ ملنےسےکوئی فرق نہیں پڑے گا‘ وزیراعظم

    بعدازاں وزیراعظم شاہد خاقان عباسی نے امریکی صدر کے بیان پرردعمل دیتے ہوئے کہا تھا کہ پاکستان دہشت گردی کے خلاف جنگ میں ہراول دستے کا کردار ادا کررہا ہے، اور اپنی سرزمین پریہ جنگ جیت چکا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • امریکہ کی قومی سلامتی کا مرکزاب دہشت گردی نہیں رہا‘ جیمزمیٹس

    امریکہ کی قومی سلامتی کا مرکزاب دہشت گردی نہیں رہا‘ جیمزمیٹس

    واشنگٹن : امریکہ کا نئی دفاعی پالیسی کا اعلان کرتے ہوئے کہنا ہے کہ کہ اب اس کی قومی سلامتی کا مرکز دہشت گردی نہیں بلکہ دوسری طاقتوں سے بڑھتے ہوئے خطرات کا مقابلہ کرنا ہے۔

    تفصیلات کے مطابق واشنگٹن میں امریکی وزیردفاع نے امریکہ کی نئی دفاعی پالیسی کا اعلان کرتے ہوئے کہا کہ امریکہ کی قومی سلامتی کا مرکز اب دہشت گردی نہیں رہا۔

    جیمزمیٹس نے کہا کہ ہماری توجہ اب چین اورروس سے بڑھتے خطرات پرہے، انہوں نے کہا کہ روس اورچین دنیا کو اپنے طرزحکومت سے ہم آہنگ کرنا چاہتے ہیں۔

    امریکی وزیردفاع نے کانگریس سے اپیل کی ہے کہ وہ ملٹری فنڈزاوردفاعی بجٹ میں کٹوتی سے اجتناب کرے۔

    جمیز میٹس نے واضح کیا کہ امریکہ اس سال اپنا دفاعی بجٹ 824 ارب ڈالرسے بڑھا کر878 ارب ڈالرکردے گا۔

    خیال رہے کہ امریکی صدر ڈونلڈٹرمپ رواں برس دفاعی اخراجات کے لیے مختص فنڈ میں 10 فیصد تک اضافہ کرنا چاہتے ہیں اورانہیں امید ہے کہ اضافی رقم بعض شعبوں کے بجٹ اور غیرملکی امداد میں کٹوتی کرکے حاصل کی جاسکتی ہے۔

    ڈونلڈ ٹرمپ کی دفاعی بجٹ میں 10فیصداضافے کی تجویز

    یاد رہے کہ گزشتہ سال 28 جنوری کو امریکی صدر ڈونلڈ ٹرمپ نے دفاعی بجٹ میں دس فیصد یعنیٰ 54 ارب ڈالر کا اضافہ کرنے کا اعلان کیا تھا۔

    امریکہ کی جانب سے دفاعی اخراجات میں دس فیصد اضافے کےاعلان کے بعد چین نے دفاعی اخراجات میں 7 فیصد اضافے کا اعلان کیا تھا

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • افغانستان، پاکستان پرعالمی دباؤبڑھاناچاہتا ہے‘ نکی ہیلی

    افغانستان، پاکستان پرعالمی دباؤبڑھاناچاہتا ہے‘ نکی ہیلی

    نیویارک : اقوام متحدہ میں امریکی سفیر نکی ہیلی کا کہنا ہے کہ افغانستان چاہتا ہے کہ عالمی طاقتیں پاکستان پردباؤ بڑھائیں۔

    تفصیلات کے مطابق افغانستان کے دورے کے بعد اقوام متحدہ کے ہیڈ کوارٹر میں صحافیوں سے گفتگو کرتے ہوئے امریکی سفیر نکی ہیلی نے کہا کہ افغان حکومت کو یقین ہے کہ طالبان مذاکرات کی میز پرآجائیں گے۔

    امریکی سفیر نے کہا کہ افغان حکام نے مفاہمتی عمل میں اتفاق رائے کے لیے پاکستان پر دباؤ بڑھانے کا کہا ہے، افغان حکام نے پاکستان کو اپنا رویہ تبدیل کرنے پر بھی زور دیا ہے۔

    خیال رہے کہ اقوام متحدہ میں امریکی سفیر نکی ہیلی نے سلامتی کونسل کے 14 رکنی وفد کے ہمراہ افغانستان کا 2 روزہ دورہ کیا تھا۔

    اس سے قبل امریکی نائب وزیرخارجہ برائے جنوبی ایشیا نے دورہ پاکستان پر کہا تھا کہ امریکہ خطے کے استحکام اور خوشحالی کے لیے مشترکہ مفادات کی بنیاد پر پاکستان کے ساتھ نئے تعلقات استوار کرنا چاہتا ہے۔

    افغانستان میں پاکستان کو مطلوب دہشت گردوں کو پناہ دی جارہی ہے، خواجہ آصف

    یاد رہے کہ گزشتہ روز اسلام آباد میں سینیٹ قائمہ کمیٹی برائے خارجہ کو بریفنگ دیتے ہوئے خواجہ آصف کا کہنا تھا کہ افغانستان پاکستان کے مطلوب دہشت گردوں کو پناہ دے دہا ہے، پاکستان کے خلاف بھارتی سازشیں بھی واضع ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • امریکہ سےخفیہ معلومات کا تبادلہ اورفوجی تعاون معطل کردیا‘ خرم دستگیر

    امریکہ سےخفیہ معلومات کا تبادلہ اورفوجی تعاون معطل کردیا‘ خرم دستگیر

    اسلام آباد : وزیردفاع خرم دستگیر کا کہنا ہے کہ عسکری امداد بند کرنے کے بعد سے امریکہ سے تعاون معطل کردیا ہے۔

    تفصیلات کے مطابق وزیردفاع خرم دستگیر کا کہنا ہے کہ امریکہ سے خفیہ معلومات کا تبادلہ اورفوجی تعاون معطل کردیا، فیصلہ امریکہ کی جانب سے فوجی امداد بند کرنے پرکیا گیا۔

    خرم دستگیر کا کہنا ہے کہ پاکستان نے دہشت گردی کے خلاف جنگ میں اپنی ذمہ داریاں پوری کیں، پاکستان امن کے لیے اپنی کوششیں جاری رکھے گا۔

    سیکورٹی امداد روکنے سے واشنگٹن کو کوئی فائدہ حاصل نہیں ہوگا‘ رابن رافیل

    خیال رہے کہ اے آروائی نیوزسے گفتگو کرتے ہوئے سابق امریکی نائب وزیر خارجہ برائے جنوبی ایشیا رابن رافیل نے کہا کہ سیکورٹی امداد روکنے سے واشنگٹن کو کوئی فائدہ حاصل نہیں ہوگا۔

    یاد رہے کہ دو روز قبل ترجمان پینٹاگون کرنل راب ماننگ کا کہنا تھا کہ پاکستان کوہتھیاروں کی ترسیل عارضی طور پر روک دی ہے، پاکستان کے ساتھ تمام معاملات پر بات چیت جاری رکھیں گے۔

    ہم نے امداد دی، پاکستان نے دھوکا دیا، اب ایسا نہیں ہوگا: امریکی صدر

    واضح رہے کہ نئے سال کے آغاز پرامریکی صدرڈونلڈ ٹرمپ کا کہنا تھا کہ 15 سالوں میں 33 ارب ڈالر امداد دینے کے باوجود پاکستان نے امریکہ کو سوائے جھوٹ اور دھوکے کے کچھ نہیں دیا۔

     

  • امریکہ نےشہریوں کےلیےنئی سفری ہدایات جاری کردیں

    امریکہ نےشہریوں کےلیےنئی سفری ہدایات جاری کردیں

    واشنگٹن : امریکہ نے پاکستان، بھارت اور افغانستان سے متعلق اپنے شہریوں کے لیے نئی سفری ہدایات جاری کردی ہیں۔

    تفصیلات کے مطابق امریکہ کی جانب سے جاری کیے گئے نئے ہدایت نامے میں 4 درجہ بندیاں بنائی گئی ہیں جس کے مطابق پہلا درجہ خطرے سے باہر دوسرے درجے میں احتیاط، تیسرے میں سفرپرنظرثانی اور چوتھے میں سفر سے گریز کی ہدایت کی گئی ہے۔

    ٹرمپ انتظامیہ کے ہدایت نامے میں بھارت کو دوسرے، پاکستان کو تیسرے اور افغانستان کو چوتھے درجے میں رکھا گیا ہے۔

    امریکی محکمہ خارجہ کا کہنا ہے کہ امریکی شہری افغانستان کے سفر سے گریز اور بھارت کے سفر میں احتیاط کریں۔

    سیکورٹی امداد روکنے سے واشنگٹن کو کوئی فائدہ حاصل نہیں ہوگا‘ رابن رافیل

    امریکی محکمہ خارجہ کی جانب سے مزید کہا گیا ہے کہ پاکستان میں دہشت گردی کے خدشات کے پیش نظر سفر پرنظرثانی کی جائے اور بلوچستان، خیبرپختونخواہ، فاٹا اور آزاد کشمیر کے سفر سے گریز کیا جائے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

  • امریکہ نے پاکستان کی سیکورٹی امداد روک دی

    امریکہ نے پاکستان کی سیکورٹی امداد روک دی

    واشنگٹن : امریکہ نے پاکستان سے سیکورٹی تعاون معطل کردیا، دہشت گردوں کے خلاف کارروائی تک سیکورٹی تعاون معطل رہے گا۔

    تفصیلات کے مطابق امریکی محکمہ خارجہ کی ترجمان ہیدرنورٹ کا کہنا ہے کہ پاکستان جب تک دہشت گردوں کے خلاف کارروائی نہیں کرتا امداد کی فراہمی کا سلسلہ منجمد رہے گا۔

    ترجمان امریکی محکمہ خارجہ نے کہا کہ پاکستان کی امداد فیصلہ کن اقدامات پربحال ہوسکتی ہے اور یہ تب ہوگا جب پاکستان حقانی نیٹ ورک اور افغان طالبان کے خلاف فیصلہ کن کارروائیاں کرے گا۔

    انہوں نے کہا کہ یہ گروپ خطے کو عدم استحکام سے دوچار کررہے ہیں اور افغانستان میں ہمارے اتحادیوں پر حملوں میں ملوث ہیں۔

    مذہبی آزادی، امریکہ نے پاکستان سمیت 11 ممالک کو واچ لسٹ میں شامل کرلیا

    ہیدرنورٹ نے کہا کہ وہ معطل کی جانے والی امداد کی رقم کے بارے میں نہیں بتا سکتیں کیونکہ انتظامیہ تاحال اس فیصلے سے متاثر ہونے والی امداد کی اقسام کا حساب کررہی ہے۔

    ترجمان امریکی محکمہ خارجہ نے کہا کہ روکی جانے والی امداد کے بارے میں آئندہ سال ازسرنو جائزہ لیا جائے گا تاہم یہ رقم کہیں صرف نہیں کی جائے گی۔

    خیال رہے کہ اس سے قبل 2 جنوری کو امریکہ کی جانب سے پاکستان کی 255 ملین ڈالر کی امداد روکے جانے کی تصدیق کے بعد وائٹ ہاؤس کا کہنا تھا کہ امریکہ دہشت گردی کے خلاف جنگ میں پاکستان کو مزید اقدامات کرتے دیکھنا چاہتا ہے۔

    ہم نے امداد دی، پاکستان نے دھوکا دیا، اب ایسا نہیں ہوگا‘ امریکی صدر

    یاد رہے کہ نئے سال کے آغاز پرامریکی صدرڈونلڈ ٹرمپ کا کہنا تھا کہ 15 سالوں میں 33 ارب ڈالر امداد دینے کے باوجود پاکستان نے امریکہ کو سوائے جھوٹ اور دھوکے کے کچھ نہیں دیا۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئر کریں۔

  • امریکا کی متوقع شرارت کاسامنا کرنے کے لئے مکمل تیارہیں،وزیردفاع

    امریکا کی متوقع شرارت کاسامنا کرنے کے لئے مکمل تیارہیں،وزیردفاع

    اسلام آباد : وزیر دفاع خرم دستگیر کا کہنا ہے کہ پاکستان کادفاع مضبوط ہے، امریکاکوئی غیرمعمولی حرکت نہ کردے اس کاہمیں خدشہ ہے،امریکاکی متوقع شرارت کاسامنا کرنےکے لئے مکمل  تیار ہیں۔

    تفصیلات کے مطابق وزیر دفاع خرم دستگیر کا کہنا ہے کہ پاکستان کادفاع مضبوط ہے، ٹیلرسن اور میٹس نے سفارتی آداب کے مطابق گفتگو کی، ٹیلرسن اور میٹس کی گفتگو میں دھمکی یا توہین کا عنصر نہیں تھا۔

    خرم دستگیر کا کہنا تھا کہ امریکاکی متوقع شرارت کاسامنا کرنےکےلئےمکمل تیارہیں، اس ساری صورتحال کاتجزیہ کرنےکی ضرورت ہے ، ساری صورتحال کاجائزہ لےرہےہیں، ساری صورتحال پر ٹھنڈےدل کے ساتھ غور کر رہےہیں۔

    وزیر دفاع نے کہا کہ پاکستان کوکسی قسم کا خوف نہیں، امریکاکوئی غیرمعمولی حرکت نہ کردے اس کاہمیں خدشہ ہے، امریکی ردعمل کےلئےمکمل تیار ہیں۔

    انھوں کا کہنا تھا کہ امریکا16 سالوں میں اب تک14 ارب ڈالر دے سکا ہے، امریکا کی طرف اب بھی 9ارب ڈالر سے زائد کی رقم ہے۔

    مزید پڑھیں : پاکستان’خود مختار، جوہری طاقت ہے، ڈیڈ لائنز نہیں دی جا سکتی، خرم دستگیر

    یاد رہے کہ گذشتہ روز وزیر دفاع خرم دستگیر کا کہنا تھا کہ پاکستان نے واضح انداز میں امریکہ کو بتا دیا کہ وہ افغانستان میں ناکامی پر الزام تراشی نہ کرے پاکستان’خود مختار، جوہری طاقت ہے، ڈیڈ لائنز نہیں دی جا سکتی، جماعت الدعوۃ کے خلاف حالیہ کارروائی کا امریکہ سے تعلق نہیں۔

    وزیر دفاع کا کہنا تھا کہ موجودہ پاکستان ضربِ عضب کے بعد کا پاکستان ہےامریکہ ہم سے انسدادِ دہشتگردی سیکھنے کی بجائے دشنام طرازی کر رہا ہے، انڈیا پاکستان کے خلاف افغانستان کی زمین بھی استعمال کر رہا ہے، تعاون کی زبان میں بات ہونا چاہیے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • امریکا نے پاکستان کی25کروڑ 50 لاکھ ڈالر کی فوجی امداد روک لی ، ترجمان وائٹ ہاؤس

    امریکا نے پاکستان کی25کروڑ 50 لاکھ ڈالر کی فوجی امداد روک لی ، ترجمان وائٹ ہاؤس

    واشنگٹن : امریکا نے پاکستان کی25کروڑ 50 لاکھ ڈالر کی فوجی امداد روک لی ، امداد دہشت گردوں کے خلاف فیصلہ کن آپریشن تک روکی گئی ہے۔

    تفصیلات کے مطابق ترجمان وائٹ ہاؤس کا کہنا ہے کہ امریکا نے پاکستان کی25کروڑ 50 لاکھ ڈالر کی فوجی امداد روک لی ، امداد دہشت گردوں کے خلاف فیصلہ کن آپریشن تک روکی گئی ہے، یہ امداد ایک اعشاریہ ایک ارب ڈالر ملٹری اسسٹینس پروگرام کا حصہ ہے۔

    ترجمان نے کہا کہ پاکستان اور امریکا کے تعلقات کا دارومدارجنوبی ایشیا کیلئے نئی امریکی اسٹریٹیجی کی حمایت پر ہے۔

    امریکی نشریاتی ادارے کی ایک رپورٹ کے مطابق امریکا کی نیشنل سیکیورٹی کونسل کے ایک عہدیدار کا کہنا تھا کہ ٹرمپ انتظامیہ پاکستان کے تعاون کا جائزہ لے رہی ہے۔

    خیال رہے امریکہ کی جانب سے پاکستان کی دی جانے والے امداد روکنے کا بیان ایسے وقت میں آیا ہے جب گذشتہ روز امریکی صدر ڈونلڈ ٹرمپ نے پاکستان کو تنقید کا نشانہ بناتے ہوئے کہا تھا کہ امریکا نے گزشتہ15سال میں33ارب ڈالرز پاکستان کو دے کر بے وقوفی کی، پاکستان امریکہ کو ہمیشہ دھوکہ دیتا آیا ہے، پاکستان نے امداد کے بدلے امریکہ کو بے وقوف بنانے کے بجائے کچھ نہیں کیا۔

    مزید پڑھیں : ہم نے امداد دی، پاکستان نے دھوکا دیا، اب ایسا نہیں ہوگا: امریکی صدر

    امریکی صدر کا کہنا تھا کہ پاکستان ان دہشت گردوں کو محفوظ پناہ گاہیں فراہم کرتا ہے جنہیں ہم افغانستان میں تلاش کررہے ہیں، امداد وصول کرنے کے باوجود پاکستان نے امریکا سے جھوٹ بولا لیکن اب ایسا نہیں ہوگا۔

    یاد رہے کہ گذشتہ ماہ بھی امریکی صدرڈونلڈٹرمپ نے نئی نیشنل سیکیورٹی پالیسی کا اعلان کرتے ہوئے پاکستان سے ایک بار پھر ڈومور کا مطالبہ دہراتے ہوئے کہا تھا ، پاکستان کو سالانہ کروڑوں ڈالرامداد دیتے ہیں، پاکستان کو بتادیا دہشتگردوں کے خلاف فیصلہ کن کارروائی کرناہوگی۔

    اس سے قبل گذشتہ برس اگست میں بھی میں افغانستان اور جنوبی ایشیا سے متعلق امریکی پالیسی بیان کرتے ہوئے ڈونلڈ ٹرمپ کا کہنا تھا کہ پاکستان کو دہشگردوں کےٹھکانوں کا صفایا کرنا ہوگا، امریکہ پاکستان کو اربوں ڈالر دیتا رہا ہے، پاکستان کو فوری اقدامات کرنا ہوں گے۔

    امریکی صدر نے الزام لگایا تھا کہ پاکستان دہشت گردوں کو پناہ فراہم کرتارہاہے اور پاکستان میں دہشتگردوں کے محفوظ ٹھکانے ہیں، پاکستان کے عوام نے دہشتگردی کے خلاف بہت قربانیاں دیں ہیں جن کے نتائج سامنے آنا چاہئیں، پاکستان میں دہشت گردوں کی پناہ گاہوں پرخاموش نہیں رہیں گے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • امریکا میں شدید سردی کے باعث شارک مچھلیاں جمنے سے ہلاک

    امریکا میں شدید سردی کے باعث شارک مچھلیاں جمنے سے ہلاک

    واشنگٹن: امریکی ریاست میسا چوسٹس میں 2 شارک مچھلیاں ساحل پر مردہ حالت میں پائی گئیں جن کے تجزیے سے پتہ چلا کہ وہ شدید سردی کے باعث جم کر ہلاک ہوئیں۔

    امریکی خبر رساں ادارے کے مطابق میسا چوسٹس میں اس وقت درجہ حرات منفی 28 سے 30 ڈگری سینٹی گریڈ ہے جس نے معمولات زندگی کو معطل کر کے رکھ دیا ہے۔

    ماہرین کے مطابق اس موسم میں اگر آپ مناسب انتظامات کیے بغیر باہر نکلیں گے تو صرف آدھے گھنٹے میں آپ کے جسم کا کوئی حصہ فراسٹ بائٹ کا شکار ہو کر ناکارہ ہوسکتا ہے۔

    میساچوسٹس کی کیپ کوڈ خلیج سے ملنے والی شارک مچھلیوں کی موت کی تصدیق کے بعد انہیں لیبارٹری منتقل کیا جارہا ہے جہاں مزید تفصیل سے ان کے جسم اور اندرونی اعضا کا تجزیہ کیا جائے گا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • امریکی ہٹ دھرمی برقرار، بیت المقدس پر قرارداد ویٹو

    امریکی ہٹ دھرمی برقرار، بیت المقدس پر قرارداد ویٹو

    نیویارک: امریکا نے ایک بار پھر روایتی ہٹ دھرمی کا مظاہرہ کرتے ہوئے اقوام متحدہ کی سیکیورٹی کونسل میں ڈونلڈ ٹرمپ کی جانب سے یروشلم کو اسرائیل کا دارالحکومت تسلیم کرنے کے خلاف قرارداد کو ویٹو کر دیا ہے۔

    برطانوی خبر رساں ادارے کے مطابق مصر کی جانب سے پیش کردہ اس قرارداد کے حق میں چودہ ممالک نے ووٹ ڈالے تھے۔ امریکی سفیر نے اسے ویٹو کرتے ہوئے اسے امریکا کی تذلیل کی کوشش قرار دیا۔

    یاد رہے کہ بین الاقوامی اتفاق رائے کو نظرانداز کرتے ہوئے امریکی صدر نے دسمبر کے اوائل میں یروشلم کو اسرائیل کا دارالحکومت تسلیم کرتے ہوئے امریکی سفارت خانہ تل ابیب سے یروشلم منتقل کرنے کا اعلان کیا تھا، جس پر شدید عالمی ردعمل سامنے آیا۔

    تجزیہ کاروں کے مطابق اب فلسطین اقوام متحدہ کی جنرل اسمبلی کی حمایت حاصل کرنے کی کوشش کرے گا۔

    یاد رہے کہ سلامتی کونسل میں ارکان کی تعداد 15 ہوتی ہے، جن میں پانچ ارکان مستقل ہوتے ہیں۔ مستقل اراکین کو کسی بھی فیصلے کے خلاف ویٹو کا اختیار حاصل ہے، البتہ جنرل اسمبلی میں ویٹو نہیں کیا جاتا۔

    یہ بھی پڑھیں: یورپی یونین نے یروشلم کے معاملے میں‌ ٹرمپ کی مخالفت کر دی

    تفصیلات کے مطابق امریکا کے نائب صدر مائیک پینس بدھ کو یروشلم کا دورہ کریں گے۔ فلسطینی صدر محمود عباس نے یروشلم کو تسلیم کرنے کے اعلان پر احتجاجاً امریکی نائب صدر سے ملاقات منسوخ کردی ہے۔ اس کے بجائے اب وہ سعودی عرب کے بادشاہ شاہ سلمان اور شہزادے محمد بن سلمان سے ملاقات کریں گے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔