ARYNews.tv | Urdu – Har Lamha Bakhabar

Tag: US

  • امریکہ میں تین سالہ بچے نے ایک سالہ بچے کو گولی ماردی

    امریکہ میں تین سالہ بچے نے ایک سالہ بچے کو گولی ماردی

    امریکی ریاست کلیو لینڈ میں تین سالہ بچے نے ایک سالہ بچے کو چہرے پر گولی مارکرنادانستہ طور پرقتل کردیا۔

    پولیس ذرائع کے مطابق انکوائری افسران اس بات کی تفتیش کررہے ہیں کہ گھرمیں یہ بندوق کہاں سے آئی۔

    معصوم بچے کو اسپتال لے جایا گیا لیکن وہ جانبر نہ ہوسکا۔

    کلیو لینڈ کے پولیس چیف کیلون ولیم کا کہنا تھا کہ آج کا دن ان کے شہر کے لئے ایک غمگین دن ہے، ہتھیاروں سے رغبت کو ملک بھرمیں روکنا ہوگا ورنہ ایسےہی قیمتی جانیں بے سبب ضائع ہوتی رہیں گی۔

    پولیس چیف کا کہنا تھا کہ جو بھی گھر میں ہتھیار لایا اور ایسے چھوڑ گیا کہ بچے کی پہنچ میں آگئی اسے اس حرکت کے نتائج بھگتنا ہوں گے۔

  • امریکی خفیہ ایجنسی موبائل فون کالزسنتی رہی، برطانوی میڈیا

    امریکی خفیہ ایجنسی موبائل فون کالزسنتی رہی، برطانوی میڈیا

    برطانیہ : امریکی اور برطانوی خفیہ ایجنسیوں نے سم کارڈ کمپنی کا ڈیٹا ہیک کرکے پچاسی ملکوں میں فون کالز کی نگرانی کی۔

    برطانوی میڈیا کے مطابق برطانوی اور امریکی خفیہ ایجنسیوں نے سم کارڈ کمپنی کا ڈیٹا ہیک کرنے کے بعد کوڈورڈز چوری کئے اور فون کالز اورڈیٹا کی نگرانی کی۔

    برطانوی خفیہ ایجنسی نے ایران، بھارت، افغانستان، یمن، آئس لینڈ، سربیا اور تاجکستان کے وائرلیس نیٹ ورک ہیک کئے تاہم پاکستان کے دوموبائل نیٹ ورکس کا ڈیٹا ہونے کے باوجود فون کالز سننے میں ناکام رہی۔

    کوڈ ورڈز کی چوری کے باعث دنیا کے زیادہ ترموبائل نیٹ ورکس کا ڈٰیٹا مانیٹر کیا جا سکتا ہے۔

    امریکی و برطانوی خفیہ ایجنسیوں کی ہیکنگ کا انکشاف ایڈورڈ سنوڈن کی جاری کردہ دستاویزات میں کیا گیا، سم کارڈ کمپنی کہا کہنا ہے کہ یہ ایک سنجیدہ معاملہ ہے، جس کا جائزہ لے رہے ہیں۔

  • امریکا نے ڈرون طیاروں کی فروخت سے متعلق پالیسی تبدیل کردی

    امریکا نے ڈرون طیاروں کی فروخت سے متعلق پالیسی تبدیل کردی

    واشنگٹن : امریکا نے ڈرون طیاروں کی فروخت سے متعلق پالیسی تبدیل کرنے کا اعلان کیا ہے۔

    میڈیا رپورٹس کے مطابق امریکی محکمہء خارجہ نے ڈرون طیاروں کی فروخت سے متعلق قوانین نرم کرتے ہوئے ان میں تبدیلی کی ہے، نئے قوانین کے مطابق اسلحے سے لیس ڈرون طیارے دوسرے ممالک کو فروخت کئے جاسکیں گے۔

    امریکی محکمہء خارجہ کے مطابق ڈرون طیاروں کی خرید و فروخت صرف سرکاری سطح پر ہوگی، ڈرون طیارے خریدنے والے خواہشمند ممالک باقاعدہ معاہدے کے بعد ہی طیارے درآمد کرسکیں گے، اس کے علاوہ ان ڈرونز کو مقامی افراد کی غیر قانونی نگرانی کے لیے استعمال نہیں کیا جاسکے گا۔

    امریکی پالیسی کے تحت اس سے قبل ملٹری ڈرون برآمد کرنےکی اجازت نہیں تھی۔

  • امریکہ نے ملا فضل اللہ کو مارنے یا پکڑنے کی یقین دہانی کرادی

    امریکہ نے ملا فضل اللہ کو مارنے یا پکڑنے کی یقین دہانی کرادی

    اسلام آباد: سینیٹ کی دفاعی کمیٹی نے اجلاس میں شرکت نہ کرنے پر وزیرِ دفاع کو تنقید کا نشانہ بنایا، کمیٹی کو بتایا گیا کہ امریکہ نے ملا فضل اللہ کو مارنے یا پکڑنے کی یقین دہانی کرائی ہے۔

    سینیٹ کی قائمہ کمیٹی کے اجلاس میں سیکرٹری دفاع نے کمیٹی کو آرمی چیف جنرل راحیل شریف کے دورہ امریکہ پر بریفنگ دی، ذرائع کے مطابق اجلاس میں خطے کی سیکورٹی اور افغانستان کے مستقبل پر بریفنگ دی گئی۔

    سیکریٹری دفاع کا کہنا تھا کہ پاکستان نے خطے کی سیکورٹی کے حوالے سے امریکہ کو اعتماد میں لیا اور امریکہ نے ملا فضل اللہ کو مارنے یا پکڑنے کی مکمل یقین دہانی کرائی ہے۔

    اس موقع پر چئیرمین کمیٹی مشاہد حسین نے بتایا کہ امریکہ رواں سال پاکستان کو اتحادی سپورٹ فنڈ کے ایک ارب ڈالر دے گا، دفاعی حکام کے مطابق امریکی افواج رواں سال کے آخر تک افغانستان میں رہیں گی۔

    کمیٹی کے اجلاس میں وزیرِ دفاع کی عدم شرکت پر ارکان کمیٹی کا کہنا تھا کہ وزیرِ دفاع کمیٹی کو اہمیت نہیں دیتے، دفاعی حکام کا کہنا تھا کہ افغانستان کا اعلٰی سطح کا دفاعی وفد اگلے ماہ پاکستان آئے گا۔

    انھوں نے کہا کہ پاک امریکہ دفاعی مشاورتی اجلاس میں پاکستان نےاگلے پانچ برس کے سیکورٹی وژن سے امریکہ کو آگاہ کیا، پاکستان، افغانستان اور امریکہ کے درمیان خفیہ معلومات کے تبادلے کا نظام بہتر ہوا، امریکہ معمول کے سیکورٹی چیلنجز سے نمٹنے کے لیے پاکستان کو اسلحہ اور سیکورٹی آلات دے گا۔

  • پاکستانی اسکول سے پیرس تک دہشت گردی کے شکارمظلوموں کے ساتھ ہیں، اوبامہ

    پاکستانی اسکول سے پیرس تک دہشت گردی کے شکارمظلوموں کے ساتھ ہیں، اوبامہ

    واشنگٹن: امریکی صدرباراک اوبامہ کاکہنا ہے کہ واشنگٹن پاکستانی اسکول سے لے کر پیرس کی سڑکوں تک دہشت گردی کے شکارمظلوموں کے ساتھ ہیں۔

    اسٹیٹ آف یونین سے خطاب کے دوران ان کا کہنا تھا کہ ہم دہشت گردوں اوران کے ٹھکانوں کو نشانہ بناتے رہیں گے۔

    اوبامہ نے اس عزم کا بھی اعادہ کیا کہ وہ داعش کے خلاف کاروائیاں کرتے رہیں گے۔ ان کا کہنا تھا کہ ’’اس میں وقت لگے گا لیکن ہم کامیاب ہوں گے۔

    باراک اوبامہ کا کہنا تھا کہ آج یہاں کانگریس میں داعش کے خلاف طاقت کے استعمال کی قرارداد منظورکرکے ہمیں دنیا کو دکھانا ہوگا کہ دہشت گردی کے خلاف ہم سب متحد ہیں۔

    ان کا کہنا تھا کہ ہم اس تاثر کی بھی حمایت نہیں کرتے کہ تمام مسلمان دہشت گرد ہیں، ایسا نہیں ہے زیادہ ترمسلمان امن قائم کرنے کی اس کوشش میں ہمارے ساتھ ہیں۔

    ان کا کہنا تھا کہ معاشی بحران کا دور گزرچکا ہے امریکہ نے طویل جنگ اورمعاشی جدوجہد کا ایک نیا باب رقم کیا ہے۔

    انہوں نے یہ بھی کہا کہ ہم نے 6 سال میں معیشت کی بہتری کے لئے کئی اقدامات کیے اورنئی نوکریاں بھی پیدا کیں۔

  • پاکستان کیلئے امریکی فوجی امداد میں ایک سال کی توسیع

    پاکستان کیلئے امریکی فوجی امداد میں ایک سال کی توسیع

    واشنگٹن : امریکی کانگریس نے پاکستان کی فوجی امداد میں ایک سال کی مشروط توسیع کردی ہے، امریکا میں پاکستانی سفیر جلیل عباس جیلانی کا کہنا تھا کہ کولیشن سپورٹ فنڈ میں ایک سال کی توسیع مثبت عمل ہے، کانگریس کی جانب سے کوئی نئی شرائط عائد نہیں کی گئیں ہیں۔

    غیر ملکی میڈیا رپورٹس کےمطابق امریکا نے پاکستان کی فوجی امداد میں مزید ایک برس کی توسیع کو اپنی حتمی بجٹ تجاویز شامل کرتے ہوئے کچھ نئی شرائط عائد کیں، جن کے مطابق پاکستان کولیشن سپورٹ فنڈ کی مد میں ایک ارب ڈالرسے زائد رقم ادا نہیں کی جائیگی، کانگریس نے وزیرِ دفاع سے رقم جاری کرنے کا اختیار بھی واپس لے لیا ہے۔

    امریکی وزیرِ دفاع کو رقم کے اجراء سے پہلے کانگریس کو یقین دہانی کرانی ہوگی، امریکا میں تعینات پاکستانی سفیرجلیل عباس جیلانی نے میڈیا رپورٹس پر ردِعمل کا اظہار کرتے ہوئے کہا کہ کانگریس نے بل میں توسیع کرتے ہوئےنئی شرائط عائد نہیں کیں۔

    ان کا کہنا تھا کہ کولیشن سپورٹ فنڈ یا امریکی امداد کو دہشتگردی کیخلاف جنگ سے مشروط کرنا درست نہیں، پاکستانی سفیر نے میڈیا کو بتایا کہ امریکا کے ساتھ تعلقات میں اعتماد کی فضاء بحال ہوئی ہے، دہشتگردی کیخلاف جنگ میں امریکا پاکستانی فوج کی قربانیوں کو قدر کی نگاہ سے دیکھتا ہے۔

  • مودی کی اوباما سےملاقات، کشمیریوں کااحتجاج

    مودی کی اوباما سےملاقات، کشمیریوں کااحتجاج

    نیویارک: بھارتی وزیرِاعظم نریندر مودی کی امریکی صدرسےملاقات کے دوران وائٹ ہاؤس کے باہر کشمیری برادری نےبھارتی حکومت کے خلاف احتجاجی مظاہرہ کیا۔

    امریکی صدر کے جانب سے نریندر موددی کےاعزازمیں دیئےگئےعشائیہ کے موقع پرکشمیری برادی نے مقبوضہ جموں کشمیر میں جاری بھارتی بربریت اورغاصبانہ قبضے کے خلاف واشنگٹن میں احتجاجی مظاہرہ کیا۔ مظاہرین نے اس موقع پر’’لے کر رہیں گے آزادی کے نعرے لگائے‘‘۔

    دونوں رہنماؤں کی ملاقات کے موقع پروائٹ ہاؤس کے باہرموجودبھارتی شہریوں نے بھی کشمیریوں کے خلاف نعرے بازی کی اوردونوں فریق آمنے سامنے آگئے۔ نعرے تو لگتے رہے لیکن پولیس اہلکاروں نےصورتحال کوقابو سے باہر نہ ہونے دیا۔

  • امریکا کی ٹینس سٹارسریناولیمزیوایس اوپن ٹورنامنٹ میں فاتح

    امریکا کی ٹینس سٹارسریناولیمزیوایس اوپن ٹورنامنٹ میں فاتح

    امریکا کی نامورٹینس سٹاراورعالمی نمبرایک سرینا ولیمز نے یوایس اوپن ٹینس ٹورنامنٹ اپنے نام کرلیا۔

    نیویارک میں جاری میگا ایونٹ میں کھیلے گئے ویمنزسنگلزکے فائنل میں عالمی نمبر ایک امریکا کی سرینا ولیمزنےعمدہ کھیل پیش کرتے ہوئے ڈنمارک کی کیرولین وزنیا کو چھ تین سے شکست دیکر میگا ایونٹ میں فتح اپنے نام کرلی۔

    بتیس سالہ سرینا ولیمزسب سے زیادہ چھ مرتبہ یو ایس اوپن اور اٹھارہ مرتبہ گرینڈ سلام ٹائٹلزجیتنے کا اعزازحاصل کرچکی ہیں۔

  • داعش کے ٹھکانوں پر امریکی فضائیہ کے حملے شروع

    داعش کے ٹھکانوں پر امریکی فضائیہ کے حملے شروع

    عراق: امریکہ نے عراق میں جنگجوؤں کی پیش قدمی روکنے کیلئے داعش کے ٹھکانوں پر فضائی حملے شروع کرئیے ہیں۔

    پینٹاگون ترجمان جان کربی نے کہا ہے کہ امریکی جنگی طیاروں نے عراق کے شمالی علاقوں میں داعش کے ٹھکانوں پر بمباری شروع کردی ہے، پینٹاگون کے مطابق دو ایف اے-18 طیاروں نے پانچ سو پونڈ وزنی لیزر بموں سے اربل کے نزدیک داعش کے بھاری ہتھیاروں کو نشانہ بنایا۔امریکہ کا کہنا ہے کہ فضائی حملوں کا مقصد امریکی شہریوں کی حفاظت اور عراقی عوام کو انتہاء پسندو ں سے بچانا ہے ۔

  • اے موسٹ وانٹڈ مین‘ کا تریلر ریلیز کردیا گیا’

    اے موسٹ وانٹڈ مین‘ کا تریلر ریلیز کردیا گیا’

    most