Tag: USA

ممبئی: بالی ووڈ انڈسٹری میں مختلف کرداروں سے اپنی صلاحیتوں کا لوہا منوانے والی اداکارہ پریانکا چوپڑا جلد اپنے مداحوں کو مرد کے روپ میں نظر آئیں گی۔

بھارتی میڈیا رپورٹس کے مطابق 36 سالہ اداکارہ نے گزشتہ روز ایک تقریب میں شرکت کے دوران انکشاف کیا کہ امریکی ٹی وی شو کوانٹیکو کی سیریز میں وہ الیکس پیرش نامی مرد کا کردار ادا کررہی ہیں۔

اُن کا کہنا تھا کہ ’الیکس  میری نظر میں دراصل ایک ایسی لڑکی کا کردار ہے جو لوگوں سے نفرت کرتی ہے مگر زندگی پر یقین رکھنے کیوجہ سے انہیں  اپنے مطلب کے لیے استعمال کرتی ہے‘۔

پریانکا کا کہنا تھا کہ پیرش لڑکی ہونے کے باوجود ایک مرد کے کردار میں نظر آئے گی جو  ناظرین کو بہت متاثر کرے گا ، عام طور پر خواتین اس طرح کی اداکاری سے دور بھاگتی ہیں مگر میں نے رضامندی ظاہر کی کیونکہ میری خواہش کے کچھ تبدیل کیا جائے۔

مزید پڑھیں: پریانکا نے فلم سے باہر ہونے کے لیے شادی کا بہانہ بنایا، سلمان خان

اُن کا مزید کہنا تھا کہ ’میرا بچن امریکا میں گزرا، میرے پالتو جانوروں نے ٹی وی پر کسی کو نہیں دیکھا تو وہ مجھے ہی دیکھنا پسند کرتے ہیں، بالکل اسی طرح بالی ووڈ انڈسٹری کی بھی مثال ہے کہ مداح آپ کو فلموں میں پنجابی گھرانے کی لڑکی یا اپو کی طرح کا دکاندار دیکھنا چاہتے ہیں‘۔

واضح رہے کہ پریانکا نے اپنے 15 سالہ شوبز کیریئر میں مختلف کردار نبھائے تاہم یہ پہلی بار ہے کہ وہ اپنی خواہش پوری کرتے ہوئے آئندہ مداحوں کے سامنے مرد کے روپ میں نظر آئیں گی۔ اداکارہ نے اپنے نئے کردار پر مسرت کا اظہار کرتے ہوئے کہا کہ ’یہ میرا دیرینہ خواب تھا جو اب پورا ہونے جارہا ہے‘۔

نئے کردار پر ہونے والی تنقید پریانکا کا کہنا تھا کہ  ’میں ایسے کردار ادا کرنا چاہتی ہوں جہاں فیصلے خود لے سکوں اور کوئی میرے بارے میں کچھ نہ بولے، یہ آزادی سالوں سے صرف مردوں کو مل رہی ہے جو خواتین کو بھی چاہیے‘۔

یہ بھی پڑھیں:  ممکنہ شادی، پریانکا کی جگہ کرینہ فلم ’بھارت‘ کا حصہ

مداحوں کے نام اپنے پیغام میں اُن کا کہنا تھا کہ ’ہم ایسے کردار کیوں ادا نہیں کرسکتے جو نسلی امتیاز سے بالا تر ہوں، لوگوں کو مشورہ ہے کہ وہ ہمیں پنجابی شادیوں کے علاوہ بھی دیکھیں تاکہ اداکاری کا علم ہوسکے اور کچھ نیا دیکھنے کو ملے‘ْ

واضح رہے کہ پریانکا چوپڑا نئی آنے والی بالی ووڈ فلم ’بھارت‘ میں کام کررہی تھیں تاہم انہوں نے یک دم اپنے آپ کو کاسٹ سے علیحدہ کرنے کا اعلان کیا جس کی ہدایت کار بھی تصدیق کرچکے ہیں۔

خیال رہے کہ بھارتی ذرائع ابلاغ میں یہ بات زیر گردش ہے کہ پریانکا امریکی گلوکار نک جانس کے ساتھ رشتہ ازدواج میں منسلک ہونے جارہی ہیں، گزشتہ دنوں ہدایت کار علی عباس ظفر نے بھی اداکارہ کے کاسٹ سے باہر ہونے پر کچھ اسی طرح کا ٹویٹ کیا تھا جس سے یہ تاثر نظر آیا کہ وہ شادی کے بندھن میں بندنے جارہی ہیں۔

شادی کے حوالے سے ابھی دونوں شخصیات نے کوئی تصدیق یا تردید نہیں کی تاہم قریبی ذرائع اس بات کا دعویٰ ہے کہ جولائی یا اگست کے آغاز پر امریکا میں منگنی کا انعقاد کیا جائے گا جس میں صرف مخصوص لوگ اور قریبی دوست شرکت کریں گے البتہ اب فلم بھارت کے ہدایت کار کی تصدیق نے اس قیاس آرائی کو تقویت دے دی۔

قبل ازیں بھارتی میڈیا کے ذرائع نے جون کی 27 تاریخ کو دعویٰ کیا تھا کہ پریانکا چوپڑا جولائی یا اگست میں امریکی گلوکار نک جانس کے ساتھ رشتہ ازدواج میں منسلک ہونے کا ارادہ رکھتی ہیں۔