پاکستانی اداکارہ اشنا شاہ نے کاسمیٹک سرجری کا بدترین تجربہ مداحوں سے شیئر کردیا ہے۔
اشنا شاہ ایک پاکستانی اداکارہ ہیں حال ہی میں انہوں نے نجی ٹی وی پر شو کے دوران ماضی میں کروائے گئے ایک کاسمیٹک پروسیجر (فلرز) کا بدترین تجربہ شیئر کیا۔
اداکارہ اشنا شاہ نے بتایا کہ جو لوگ فلرز کے ذریعے اپنی شکلیں بدل دیتے ہیں مجھے اس سے مسئلہ ہے، میں خود بھی ماضی میں کاسمیٹک سرجری کے بدترین تجربے سے گزرچکی ہوں لیکن میں نے کبھی اس تجربے کا ذکر میڈیا پر نہیں کیا۔
اداکارہ نے شو میں کہا کہ مجھے نیند نہیں آتی اور میں دن بھر میں صرف ایک سے 2 گھنٹے سوتی ہوں جس کی وجہ سے میری آنکھوں کے نیچے سیاہ داغ بن گئے ہیں جس کے بعد میں نے فلرز کروالیے، ان فلرز کا رزلٹ 2، 3 مہینے تک بہت اچھا رہا پھر ختم ہوگیا۔
’جس کے بعد میں ایک سلون گئی اور وہاں مجھے سلون نے ان ہی فلرز کی پیشکش کی، میں نے پی آر پی کے ساتھ اسی سلون سے فلرز کروالیے لیکن یہ فلرز میری جلد پر ری ایکشن کرگئے اور میری آنکھیں سوج گئیں‘
اشنا نے مزید بتایا کہ’ اس ری ایکشن کے بعد سلون نے مجھے کہا کہ میں آپ کی آنکھوں کا مساج کرتی ہوں تو وہ سوجن ختم ہوجائے گی لیکن وہ ٹھیک نہیں ہوئی اور مجھے ان فلرز کو ختم کروانا پڑا۔
اداکارہ نے مزید بتایا کہ ان فلرز کے ختم ہونے کے باوجود بھی مساج کی وجہ سے میری آنکھوں کے نیچے ہمیشہ کیلئے داغ رہ گئے، اب میری آنکھوں کے نیچے داغ اور برے ہوگئے ہیں اور یہ نشان اب زندگی بھر رہیں گے۔
اشنا شاہ کا یہ بھی کہنا تھا کہ میں نے حال ہی میں 20 پاؤنڈ وزن کم کیا ہے جس کی وجہ سے میرا چہرا بہت پتلا نظر آتا ہے لیکن لوگ مجھے کہتے ہیں کہ میں نے پلاسٹک سرجری یا بوٹوکس کرکے اپنی شکل بگاڑ لی ہے۔
پاکستان شوبز انڈسٹری کی معروف اداکارہ اشنا شاہ نے ویسٹرن لباس پہننے پر تنقید کرنے والوں کو آڑے ہاتھوں لے لیا۔
ہوا کچھ یوں کہ اداکارہ نے فوٹو اینڈ شیئرنگ ایپ انسٹاگرام پر گولف لیگ میں اپنے شوہر و گولف پلیئر حمزہ امین کے ساتھ شرکت کی ویڈیو شیئر کی تھی اس دوران انہوں نے مغربی طرز کا لباس پہننے پر خوب تنقید کا نشانہ بنایا گیا تھا۔
ویڈیو میں انشا شاہ کو اپنے شوہر کے ہمراہ کار میں سوار ہوکر کھیل کے مقام پر پہنچتے ہوئے دیکھا گیا اس دوران انہیں اپنی سینڈل اتار کر جوتے پہنتے ہوئے دیکھا گیا، اشنا شاہ نے اس موقع پر سفید شرٹ پہن رکھی تھی۔
ویڈیو پوسٹ ہونے کی دیر تھی کہ صارفین نے اداکارہ کے لباس پر کمنٹ سیکشن میں نفرت کی برسات کردی، سوشل میڈیا پر ہونے والی تنقید پر اداکارہ اشنا شاہ نے بھی سوشل میڈیا کا رخ کیا اور صارفین کو جواب دیا۔
اشنا شاہ نے لکھا کہ ’میں ایک لبرل بیک گراؤنڈ سے تعلق رکھنے والی لڑکی، جو کینیڈا میں پلی بڑھی، جو اپنے دوستوں کے ساتھ شارٹس وغیرہ پہنتی تھی اب اس نے ایک سفید فام آدمی سے شادی کر لی ہے جو اسی طرح کے بیک گراؤنڈ سے ہے۔
’’ اور اسے کوئی پرواہ نہیں کہ اسکی بیوی کیا پہنتی اوڑھتی ہے اور اسے اس سے بھی کوئی غرض نہیں کہ جب وہ بیرون ملک ہو تو اپنی ٹانگیں دکھائے یا نہیں دکھائے لیکن جب پاکستانی اُس کی بیوی (اُشنا شاہ) کو بولڈ لباس میں دیکھتے ہیں تو اُن کا دماغ خراب ہوجاتا ہے‘‘
اداکارہ کا کہنا تھا کہ ’میں نے اب تک کی سب سے بڑی غلطی اپنی شادی پر لال چولی پہننے اور ناچنے پر معافی مانگ کر کی تھی انہی لوگوں سے جو نرگس فخری کے گانوں پر تو جھوم اٹھتے ہیں لیکن اپنی پرورش کی وجہ سے ہمیں کمنٹ سیکشن پر تباہ و برباد کرنے آجاتے ییں۔
اداکارہ کا کہنا تھا کہ پاکستانیوں کو ہم سے صرف ایک مسئلہ ہے اور وہ یہ ہے کہ ہماری پرورش ان کے جیسے ماحول سے مختلف ماحول میں ہوئی ہے، میں آپ لوگوں کی منافقت سے تنگ آچکی ہوں، براہِ مہربانی آپ آئٹم نمبرز دیکھیں یا پھر نامناسب ویڈیوز تلاش کریں۔
پاکستانی ڈرامہ انڈسٹری کی اداکارہ اشنا شاہ خواتین کو شادی سے متعلق اہم مشورہ دے دیا۔
پاکستانی ڈرامہ انڈسٹری کی اداکارہ اشنا شاہ نے ایک پوڈ کاسٹ میں شرکت کی جہاں میزبان نے ان سے شادی کے حوالے سے بات کرتے ہوئے پوچھا کہ آپ شادی کے متعلق کیا کہیں گی کب کرنی چاہیئے؟
اشنا شاہ نے خواتین کو شادی سے متعلق اہم مشورہ دیتے ہوئے کہا کہ کسی بھی دوسرے انسان کی وجہ سے شادی میں تاخیر کرنا بیوقوفی ہے۔
اشنا شاہ نے کہا کہ ’اگر کوئی شخص آپ سے شادی کرنا چاہتا ہے تو وہ ضرور کرے گا، وہاں کوئی مجبوری نہیں آئے گی کیونکہ وہ سب سے لڑ جائے گا اور اگر نہیں کرنا چاہتا تو پھر آپ کچھ بھی کرلیں سب فضول ہے‘۔
اداکارہ نے مزید کہا کہ عورتوں کو سمجھنا چاہئے کہ ‘ہماری ایک بائیولاجیکل کلاک ہوتی ہے مردوں کی وہ کلاک نہیں ہوتی اس لیے انہیں شادی دیر سے کرنے میں کوئی فرق نہیں پڑتا‘۔
اشنا شاہ نے کہا کہ اگر اپنی شادی روکنی ہے تو اپنے کریئر کی وجہ سے روکیں، اپنے والدین کی خوشی کی وجہ سے روکیں یا اپنے معاملات کی وجہ سے روکیں، کسی آدمی کی وجہ سے کبھی اپنی شادی میں تاخیر نہیں کریں کیونکہ وہ صرف آپ کا وقت ضائع کررہا ہے شادی نہیں کرے گا۔
کراچی : پاکستان شوبز انڈسٹری کی نامور اداکارہ اشنا شاہ ایک بار پھر سوشل میڈیا پر بھرپور انداز میں جلوہ گر ہوئی ہیں، اپنی نئی تصاویر اور ویڈیو شیئر کردی۔
گالفر حمزہ امین کے ساتھ رشتہ ازدواج میں منسلک ہونے والی اداکارہ اشنا شاہ نے شادی کے بعد یکم مارچ کو سوشل میڈیا سے کنارہ کشی اختیار کرلی تھی ، تاہم ایک ہفتہ کے بعد انہوں نے دوبارہ انٹری دے دی تھی۔
اے آر وائی ڈیجیٹل کے مقبول ڈرامہ سیریل ’حبس‘ کی آخری قسط کو مداحوں کو بھا گئی، اے آر وائی زیب پر آخری قسط نشر کی گئی جبکہ ڈرامے کو یوٹیوب پر بھی لاکھوں ویویوز حاصل ہوئے۔
ڈرامہ سیریل ’حبس‘ میں فیروز خان (باسط سلمان)، اشنا شاہ (باسط، کی اہلیہ عائشہ)، عائشہ عمر (روہا)، اسرا غزل (سعدیہ باسط کی والدہ)، جاوید شیخ، عمران اسلم، صبا فیصل (عائشہ کی والدہ)، حنا رضوی، دانیہ انور(بانو)، زویا (جنیس ٹیسا)، (مصدق ملک باسط کے دوست) ودیگر نے اداکاری کے جوہر دکھائے۔
ڈرامے کی ہدایت کاری کے فرائض مصدق ملک نے انجام دیے ہیں جبکہ اس کے پروڈیوسرز ہمایوں سعید، شہزاد نصیب ہیں اور اس کی کہانی عالیہ مخدوم نے لکھی ہے۔
ڈرامے کی کہانی ایک ایسے لڑکے باسط کے گرد گھومتی ہے جن کی والدہ بچپن میں ہی انہیں چھوڑ کر چلی جاتی ہیں، ان کی پرورش والد کرتے ہیں وہ بچپن کی خوشیوں سے محروم رہ کر جوان ہوتے ہیں۔‘ ’حبس میں بچپن میں ان کے ذہن میں خواتین سے متعلق پنپتا ہوا رویہ دکھایا گیا ہے۔‘
آخری قسط میں دکھایا گیا کہ ’باسط اور عائشہ کی طلاق نہیں ہوئی عائشہ نے شوہر کو منا لیا جبکہ بانو نے بھی بے وفائی کرنے والے کزن طلال کے آگے شرط رکھ دی ہے ادھر زویا کو عامر نے معاف کردیا ہے اور انہوں نے بھی خود کو بدلنے کا فیصلہ کرلیا۔
باسط عائشہ کو فون کرکے کہتے ہیں کہ ’میں ہمیشہ کے لیے ملک سے باہر جارہا ہوں کیا تم مجھ سے آخری بار ملو گی، وہ کہتے ہیں کہ میرا اتنا حق تو ہے کہ آخری بار مل کر تم سے خدا حافظ کہہ دوں، عائشہ ہامی بھر لیتی ہیں۔‘
وہ شوہر سے بولتی ہیں کہ ’سب کچھ آپ کا ہے گھر بزنس۔‘ باسط کہتے ہیں کہ ان سب میں تم نہیں ہو، مجھے کچھ بھی نہیں چاہیے میں یہاں سے کچھ ایسی چیز لے کر نہیں جانا چاہتا جو مجھے یہاں کی یاد دلائے۔‘
لیکن عائشہ شوہر سے کہتی ہیں کہ ’میں اپنے سامنے ایک اور باسط بنتے نہیں دیکھ سکتی اور نہ ہی ایک اور عائشہ، محرومیوں سے لڑتے ہوئے، تم میری زندگی میں واپس آجاؤ کبھی نہ جانے کے لیے۔‘
ادھر زویا نے والدہ کی باتوں سے نکل کر خود کو بدلنے کا ارادہ کرلیا ہے وہ کہتی ہیں کہ ’عامر مجھے معاف کردے گا اور میں بھی خود کو بدل لوں گی۔‘ اس پر ان کی خالہ کہتی ہیں کہ ’جو لڑکی گھر بسانے کا سوچ لے وہ گھر کو بچانے کے لیے ہر آزمائش سے گزر جاتی ہے تم بھی انشا اللہ سرخرو ہوگی۔‘
بانو بہن سے کہتی ہیں کہ ’ایسی معافی مانگنے سے کوئی چھوٹا بڑا نہیں ہوتا بلکہ جس سے گھر اور دل ٹوٹنے سے بچ جاتا ہے، رشتہ ٹوٹنے سے بچ جاتا ہے تو ایسی معافی تو مانگ لینی چاہیے، مجھے تم پر فخر ہے۔‘
دوسرے سین میں ’بانو سے بات کرتے ہوئے ان کے کزن طلال کہتے ہیں کہ ’میں تم سے ملنا چاہتا ہوں اور سمجھ گیا ہوں کہ اس وقت تم نے کس طرح وقت گزارا ہوگا لیکن وہ انہیں ملنے سے انکار کردیتی ہیں۔‘
وہ کہتے ہیں کہ بانو میں تمہارے لیے رشتہ لانا چاہتا ہوں اپنی غلطی سدھارنا چاہتا ہوں۔‘ وہ کہتی ہیں کہ میری ایک شرط ہے ’شادی کے بعد تم میرے ساتھ میرے گھر پر رہو گے۔‘ وہ کہتی ہیں کہ ’تمہاری اماں بھی چاہیں تو میرے ساتھ رہ سکتی ہیں، تم سوچ لو میں اپنی شرط سے پیچھے ہٹنے والی نہیں ہوں۔‘
آخری قسط کو سوشل میڈیا صارفین کی بھرپور پذیرائی ملی ہے جس کا اظہار وہ ٹوئٹس کے ذریعے کررہے ہیں، اداکارہ روبینہ اشرف اور فیصل قریشی نے فیروز خان کے کردار کی تعریف کی، روبینہ اشرف نے نجی ٹی وی کے شو میں کہا کہ میں نے ’حبس‘ فیروز خان کی وجہ سے دیکھنا شروع کیا تھا۔
Dear @ferozekhaan , Basit is one of your very best performances till date..you managed to show us both his strength and his vulnerability..we felt his pain and loneliness and we genuinely wished the best for him..Thank you #FerozeKhan for Basit.. we will never forget him. pic.twitter.com/cV6Vl491rj
Basit got the ending he deserved, yeah I wish it wasn’t with Ayesha but that’s all he ever yearned for, a family. ❤#FerozeKhanpic.twitter.com/fUPNqoGfVg
اے آر وائی ڈیجیٹل کے ڈرامہ سیریل ’حبس‘ میں عائشہ شادی سے متعلق والدہ کی سچائی جان کر آبدیدہ ہوگئیں۔
ڈرامہ سیریل ’حبس‘ میں فیروز خان (باسط سلمان)، اشنا شاہ (باسط، کی اہلیہ عائشہ)، عائشہ عمر (روہا)، اسرا غزل (سعدیہ باسط کی والدہ)، جاوید شیخ، عمران اسلم، صبا فیصل (عائشہ کی والدہ)، حنا رضوی، دانیہ انور(بانو)، زویا (جنیس ٹیسا) ودیگر مرکزی کردار نبھا رہے ہیں۔
’باسط عائشہ سے شادی کے وقت ان کی ’لالچی والدہ‘ سے معاہدہ کرتے ہیں جس کے مطابق وہ ان کی عائشہ سے شادی کے لیے 75 لاکھ روپے لیتی ہیں۔
اب عائشہ کے سامنے سچائی آچکی ہے اور وہ بہن بانو کے آگے اس کا ذکر کرتے ہوئے آبدیدہ ہوجاتی ہیں۔
گزشتہ قسط میں ’عائشہ کہتی ہیں کہ ’میری اپنی ماں نے مجھے گروی رکھ کر اس آدمی کے حوالے کردیا میری قیمت لگائی، ایک بے جان چیز کی طرح اب میں کس کا بھروسہ کروں۔‘
وہ کہتی ہیں کہ ’جن لڑکیوں کی ان جیسی مائیں ہوتی ہیں ان کے نصیب میں بس رونا لکھا ہوتا ہے۔‘
واضح رہے کہ گزشتہ 30ویں قسط میں دکھایا گیا کہ ’عائشہ گھر چھوڑ کر چلی گئی ہیں جبکہ باسط انہیں ڈھونڈ رہے ہیں۔‘
31ویں قسط کے پرومو میں دیکھا جاسکتا ہے کہ ’وہ اہلیہ کی گمشدگی کی درخواست درج کرواتے ہیں، بعدازاں پولیس کی جانب سے انہیں اطلاع دی جاتی ہے کہ ایک لاش برآمد ہوئی ہے آکر شناخت کرلیں۔‘
کیا وہ ’عائشہ‘ نہیں کسی اور کی ڈیڈ باڈی ہے، کیا باسط سچائی جاننے کے بعد روہا کو معاف کردیں گے؟ یہ جاننے کے لیے ’حبس‘ اگلی قسط ہر منگل کی رات 8 بجے دیکھیں۔
واضح رہے کہ حبس کی ہدایت کاری کے فرائض مصدق ملک نے انجام دیے ہیں جبکہ اس کے پروڈیوسرز ہمایوں سعید، شہزاد نصیب ہیں اور اس کی کہانی عالیہ مخدوم نے لکھی ہے۔
معروف پاکستانی اداکارہ اشنا شاہ کا کہنا ہے کہ لوگوں کو کالی رنگت سے نجانے کیا مسئلہ ہے، کرکٹر شعیب ملک نے ان کی تائید کرتے ہوئے کہا کہ دنیا کی تمام خواتین خوبصورت ہیں اور خواتین کو بھی چاہیئے کہ وہ اس بات پر یقین بھی رکھیں اور پراعتماد رہیں۔
کرکٹر شعیب ملک اور اداکارہ اشنا شاہ ندا یاسر کے رمضان پروگرام شانِ سحور میں شریک ہوئے، جہاں دونوں نے اپنی ذاتی زندگی، کیریئر اور دیگر مسائل پر بھی بات کی۔
شو کے دوران شعیب ملک نے انکشاف کیا کہ وہ ہدایت کار اور اداکار یاسر نواز کی جلد آنے والی فلم میں ایک چھوٹا سا کردار ادا کرتے دکھائی دیں گے، تاہم انہوں نے اس حوالے سے مزید کوئی وضاحت نہیں کی۔
دورانِ پروگرام اشنا شاہ نے اپنی رنگت سے متعلق لوگوں کی تنقید کا ذکر کرتے ہوئے کہا کہ میں جم خود گاڑی چلا کر جاتی ہوں کیوں کہ مجھے یہ پسند ہے لیکن لوگوں کو میرے ہاتھوں کی رنگت سے مسئلہ ہے۔
انہوں نے بتایا کہ سوشل میڈیا پر میرے ہاتھوں اور چہرے کی تصاویر کا موازنہ کیا گیا اور ساتھ میں مشورہ دیا کہ اپنے ہاتھ بھی دھو لیا کریں جب کہ ان کو نہیں پتہ ہاتھوں کے رنگ کا ہاتھوں کو دھونے سے کوئی لینا دینا نہیں، میرے ہاتھوں کا رنگ سورج کی دھوپ کی وجہ سے جل گیا لیکن لوگوں کو پتہ نہیں کیوں ہر معاملے میں بولنے کا شوق ہوتا ہے۔
اشنا شاہ کے جواب پر شعیب ملک کا کہنا تھا کہ دنیا کی تمام خواتین خوبصورت ہیں اور خواتین کو بھی چاہیئے کہ وہ اس بات پر یقین بھی رکھیں اور پراعتماد رہیں۔
انہوں نے اسی دوران انکشاف کیا کہ ان کی ساaس ان کی اہلیہ ثانیہ مرزا کو دوران حمل زیادہ سے زیادہ سیب کھلاتی تھیں، کیوں کہ ان کا ماننا تھا کہ سیب کھانے سے ہونے والا بچہ گورا ہوتا ہے۔
اشنا شاہ نے رنگت کے حوالے سے مزید بات کرتے ہوئے کہا کہ مجھے سمجھ نہیں آتا کہ لوگوں کو کالے رنگ سے کیا مسئلہ ہے۔
کراچی : اداکارہ اشنا شاہ کورونا ویکسین کے دونوں ڈوزز لگانے کے باوجودکورونا وائرس کا شکار ہوگئیں، اداکارہ نے سب سے ماسک پہننے ، ویکسین لگوانے اور ایس او پیز پر عمل کرنے کی اپیل کردی ہے۔
تفصیلات کے مطابق اداکارہ اشنا شاہ کا کورونا ٹیسٹ مثبت آگیا، اداکارہ نے سماجی رابطے کی ایک ویب سائٹ پر پوسٹ کے ذریعے اس حوالے سے آگاہ کیا۔
اداکارہ اشنا شاہ نے اپنے پیغام میں کہا کہ ویکسین کے دونوں ڈوزز لگانے کے باوجود میرا کویڈ 19ٹیسٹ مثبت آیا ہے ، میں ایک صحت مند لڑکی ہوں، میرا قوت مدافعت بھی کافی بہتر ہے، لیکن پھر بھی میں وائرس سے متاثر ہوگئی ہوں اور اس کے اثرات ناخوشگوار ہیں۔
اشنا شاہ کا کہنا تھا کہ مجھے یہ سوچ کے جھٹکا لگتا ہے کہ اگر ویکسین نہیں لگواتی تو پھر کیا ہوتا، میں سب سے گزارش کرتی ہوں کہ ماسک پہنیں، ویکسین لگوائیں اور ایس او پیز پر عمل کریں۔
اداکارہ نے مزید کہا کورونا وائرس کوئی مذاق نہیں اور ڈیلٹا ویرئینٹ کو آسان مت لیں، اگر آپ میں سے کسی کا مجھ سے گزشتہ دنوں آمنا سامنا ہوا ہے تو آپ بھی ٹیسٹ لازمی کروائیں۔
کراچی: پاکستانی ڈرامہ انڈسٹری کی معروف اداکارہ اشنا شاہ نے کراچی میں مبینہ طور پر خودکشی کرنے والی ڈاکٹر ماہا کی موت کو قتل قرار دے دیا۔
تفصیلات کے مطابق اداکارہ اشنا شاہ نے سماجی رابطے کی ویب سائٹ ٹویٹر پر ہیش ٹیگ ماہا شاہ استعمال کرتے ہوئے لکھا کہ سر کے پیچھے گولی لگنے کا نشان یہ واضح کرتا ہے کہ ڈاکٹر ماہا نے خودکشی نہیں کی بلکہ یہ ایک قتل ہے۔
A gunshot wound to the back of someone’s head is not a suicide #mahashah
اداکارہ نے لکھا کہ پاکستان میں یہ بات غیرمعمولی ہے کہ کسی بھی عورت کو غیرت کے نام پر یا گھریلو تنازع پر قتل کردیا جائے اور اسے خودکشی کا لبادہ اوڑھا دیا جائے، ایسے میں مقتولہ کو انصاف ملنے کا کوئی جواز باقی نہیں رہتا۔
اشنا شاہ نے لکھا کہ براہ مہربانی اس نوجوان لڑکی کو اس فہرست میں شامل نہ ہونے دیا جائے۔
In Pakistan, it isn’t uncommon for women to be killed in domestic or “honour” disputes & for their murders to be ruled as suicide, with no justice served. Please don’t let this young doctor be added to that statistic. #mahashah
واضح رہے کہ فیشن بلاگر ڈاکٹر ماہا شاہ کی موت کی خبر کو خودکشی قرار دیا گیا تھا، ابتدائی رپورٹ کے مطابق انہوں ںے گھر کے واش روم میں خود کو بند کرکے خودکشی کرلی۔
تاہم اس معاملے نے اس وقت نیا رخ اختیار کیا جب یہ انکشاف ہوا کہ مقتولہ ماہا علی کے سر کے پیچھے سے گولی لگی۔
ذرائع کے مطابق میرپورخاص کے قریب گروڑ شریف کے گدی نشین کی بیٹی ماہا علی کی تدفین مقامی قبرستان میں کردی گئی ہے اور اس حوالے سے میڈیا نمائندگان نے معلومات حاصل کرنے کی کوشش کی تو گھر کے افراد نے بات کرنے سے انکار کردیا۔
یاد رہے کہ دو روز قبل ڈاکٹر ماہا نے خود کو گولی مار کر مبینہ طور پر خودکشی کرلی تھی، کراچی پولیس اس معاملے کی تحقیقات کررہی ہے اور امکان ظاہر کیا جارہا ہے بہت جلد اس حوالے سے اہم انکشافات سامنے آئیں گے۔
معروف اداکارہ اشنا شاہ اور گلوکارہ حدیقہ کیانی کے درمیان سوشل میڈیا پر لفظی جھڑپ ہوئی تاہم جلد ہی اس کا اختتام ہوگیا۔
معروف اداکارہ اشنا شاہ نے سماجی رابطے کی ویب سائٹ ٹویٹر پر لکھا کہ ہمارے پاس آئمہ بیگ اور قرۃ العین بلوچ ہی اچھی خواتین گلوکارائیں ہیں، ان دونوں کے علاوہ باقی گلوکارائیں اوسط درجے کی ہیں۔
انہوں نے اپنے ایک ڈرامے کے ٹائٹل سانگ کو بھی تنقید کا نشانہ بنایا جسے حدیقہ کیانی نے گایا ہے۔
اشنا کے اس ٹویٹ پر معروف گلوکارہ حدیقہ کیانی نے اپنی انسٹا گرام اسٹوری پر اپنے مداحوں سے مخاطب ہوتے ہوئے لکھا کہ کیوں نہ اشنا کی معلومات میں کچھ اضافہ کیا جائے۔
انہوں نے لکھا کہ خواتین کو خواتین کی مدد کرنی چاہیئے چنانچہ میں اشنا کو پاکستان کی بہترین گلوکاراؤں کے گانے سنواؤں گی۔
حدیقہ نے کہا کہ وہ پاکستانی گلوکاراؤں کی فہرست بنا رہی ہیں اور مداح اس فہرست میں مزید اضافہ کرسکتے ہیں۔
اس کے بعد حدیقہ نے جو فہرست تیار کی اس میں عابدہ پروین کا نام سرفہرست تھا، اس فہرست میں فریدہ خانم، نازیہ حسن، روشن آرا بیگم، میڈم نور جہاں، حمیرا ارشد اور فریحہ پرویز سمیت متعدد گلوکاراؤں کے نام درج تھے۔
حدیقہ کے اس جواب کے بعد اشنا نے ان سے معذرت کی اور کھسیانی بلی کھمبا نوچے کے مصداق دعا کی کہ میں پھر کبھی رات کے آخری پہر ٹویٹر استعمال نہ کروں۔
اشنا شاہ کی معذرت کے باوجود مداحوں نے انہیں سخت تنقید کا نشانہ بنایا، ایک صارف نے لکھا کہ کتنا اچھا ہو اگر آپ دوسروں کے بارے میں باتیں کرنے کے بجائے اپنی اداکاری کو بہتر کرنے پر توجہ دیں۔
Feel sorry for you that you always have something nasty to say about others !! May Alllah bless your heart !! Wouldn’t it be great if you worked on your own acting skills? And yes for the record she sang it beautifully although yours visuals destroyed it !!!
Sorry to bust your bubble, you are way below average actor when it comes to skills in our industry @Hadiqa_Kiani is the voice we been hearing since decades… i’ll be sure NOT to watch your new serial
