Tag: usman-buzdar

لاہور : وزاعلیٰ پنجاب سردار عثمان بزدار نے کہا ہے کہ عوام کو ماضی کے حکمرانوں کی غلط ترجیحات کا خمیازہ بھگتنا پڑرہا ہے، اپوزیشن جماعتوں کے پاس عوام کی فلاح کا کوئی ایجنڈا نہیں۔

یہ بات انہوں نے لاہور میں میڈیا سے گفتگو کرتے ہوئے کہی، وزیراعلیٰ پنجاب نے کہا کہ سابق ادوار میں سیاست کے ساتھ ماحول کو بھی آلودہ کیا گیا۔

انہوں نے کہا کہ کرپشن سے سیاست کو اور بے ہنگم انفرااسٹرکچر سے ماحول کو گندا کیا گیا، عوام کو سیاسی اور ماحولیاتی کثافتوں سے نجات دلائیں گے، عوام کو ماضی کے حکمرانوں کی غلط ترجیحات کا خمیازہ بھگتنا پڑرہا ہے۔

اپوزیشن جماعتون کی آل پارٹیز کانفرنس سے متعلق سردار عثمان بزدار کا کہنا تھا کہ یہ مسترد سیاستدانوں کی بیٹھک ہے، سیاسی بے روزگار ذہن نشین رکھیں عوامی پذیرائی احتجاجی سیاست سے نہیں بلکہ عوام کی خدمت سے ہی ملتی ہے۔ عوام کے مسترد شدہ عناصرکے ہاتھ پہلے کچھ آیا ہے نہ آئندہ آئے گا۔

انہوں نے مزید کہا کہ پنجاب میں اسموگ کی بڑی وجہ سابق ادوار میں درختوں کی بےدریغ کٹائی ہے، کلین اینڈ گرین پاکستان پروگرام پر کامیابی سے عمل درآمد جاری ہے، ماحولیاتی تحفظ، جنگلات میں اضافے کیلئے مؤثر اقدامات کررہے ہیں، نجی اور سرکاری اراضی پر شجر کاری کے بہتر نتائج سامنے آئیں گے۔

لاہور : وزیراعلیٰ پنجاب سردار عثمان بزدار نے کہا ہے کہ ہم سرکاری خزانے کے امین ہیں،کسی کو بھی قومی وسائل کی لوٹ مار نہیں کرنے دیں گے، عوام کا پیسہ عوام پر خرچ ہوگا۔

ان خیالات کا اظہار انہوں نے پنجان اسمبلی کے اراکین سے ملاقات کے موقع پر کیا۔ تفصیلات کے مطابق وزیراعلیٰ پنجاب سردار عثمان بزدار سے صوبے کے مختلف اضلاع کے اراکین اسمبلی نے ملاقات کی۔

اراکین نے وزیراعلیٰ پنجاب کو اپنے حلقوں کے مسائل اور ترقیاتی منصوبوں پر ہونے والی پیشرفت سے آگاہ کیا، وزیراعلیٰ نے ان کے مسائل کے حل کیلئے موقع پرہی متعلقہ حکام کوہدایات جاری کیں۔

اس موقع پر گفتگو کرتے ہوئے سردار عثمان بزدار نے کہا کہ ماضی میں نمائشی منصوبوں پر قومی خزانہ بے دریغ طریقے سے لٹایا گیا جبکہ ہماری حکومت نے سابق ادوار کی غلط روایت کا خاتمہ کیا ہے، قومی وسائل کو ذاتی مقاصد کیلئے استعمال کرنا ملک سے خیانت ہے۔

وزیر اعلیٰ عثمان بزدار کا کہنا تھا کہ ہم سرکاری خزانے کی پائی پائی کے امین ہیں، کسی کو بھی قومی وسائل کی لوٹ مار نہیں کرنے دیں گے، اب عوام کا پیسہ عوام کی خدمت پر ہی خرچ ہوگا، حکومت عام آدمی کو ریلیف دینے کیلئے ہرممکن اقدام اٹھائے گی۔