Tag: usman-buzdar

لاہور: وزیراعلیٰ پنجاب سردار عثمان بزدار کا کہنا ہے کہ شہری دفاع کے ادارے کومؤثر اندازمیں کام کرنے کی ضرورت ہے۔

تفصیلات کے مطابق وزیراعلیٰ پنجاب عثمان بزدار نے شہری دفاع کے عالمی دن کے موقع پراپنے پیغام میں کہا کہ شہری دفاع کے ادارے کی اہمیت آج زیادہ بڑھ گئی ہے۔

وزیراعلیٰ پنجاب نے کہا کہ شہری دفاع کے ادارے کے کردارکونظراندازنہیں کیا جاسکتا، شہری دفاع کے ادارےکومؤثر اندازمیں کام کرنے کی ضرورت ہے۔

دنیا بھر کی طرح پاکستان میں بھی آج شہری دفاع کا عالمی دن منایا جا رہا ہے، اس دن کو منانے کا مقصد حادثات کی روک تھام اور محفوظ معاشرے کی تعمیر ہے۔

دنیا میں سول ڈیفنس کا پہلا ادارہ پہلی جنگ عظیم میں ہونے والی تباہ کاریوں کے دوران عام شہریوں کو ابتدائی امداد فراہم کرنے کے لیے قائم کیا گیا عالمی سطح پر شہری دفاع کا دن 1990 سے ہرسال یکم مارچ کو منایا جاتا ہے۔

شہری دفاع کا عالمی دن کا مقصد جہاں سول ڈیفنس کی تربیت عام کرنا ہے وہین اپنی جان کی پروا کیے بغیر خطروں میں کودنے والے ورکرز کو خراج تحسین بھی پیش کرنا ہے۔

لاہور: وزیراعلیٰ پنجاب سردارعثمان بزدار نے کہا کہ عوامی خدمت کے سفرمیں رکاوٹ نہیں ڈالنے دی جائے گی۔

تفصیلات کے مطابق وزیراعلیٰ پنجاب کا کہنا ہے کہ تحریک انصاف حکومت نےعوامی خدمت کو اپنا شعاربنایا، سابق دورمیں عوام کوترقیاتی منصوبوں کے نام پردھوکا دیا گیا۔

سردار عثمان بزدار نے کہا کہ صوبے کے عوام کے بنیادی مسائل سے پہلوتہی کی گئی، ماضی میں صرف نمائشی منصوبوں پرتوجہ دی گئی، سابق دورکی غلط پالیسیوں کا خمیازہ عوام کوبھگتنا پڑا۔

وزیراعلیٰ پنجاب نے کہا کہ پی ٹی آئی حکومت عوام کے مسائل حل کرنے کے لیے کوشاں ہے، وزیراعظم عمران خان کےعوامی خدمت کے ایجنڈے کومکمل کریں گے۔

سردار عثمان بزدار نے کہا کہ عوامی خدمت کے سفرمیں رکاوٹ نہیں ڈالنے دی جائے گی۔

سابق ادوارمیں‌ ترقی کے نام پرجنوبی پنجاب کے ساتھ دھوکا دیا گیا‘ عثمان بزدار

یاد رہے کہ گزشتہ روز وزیراعلیٰ پنجاب عثمان بزدار کا کہنا تھا کہ ہماری حکومت عمل پر یقین رکھتی ہے، سابق دور میں خوشحالی اور ترقی کے نام پر دھوکا دیا گیا۔

سردارعثمان بزدار کا کہنا تھا کہ ڈرامے بازیوں کا دور گزرچکا ہے، ماضی میں حکومتوں نے جنوبی پنجاب کے عوام کے ساتھ سوتیلی ماں جیسا سلوک روا رکھا، سابق دورحکومت میں ترقی اور خوشحالی کے نام پر دھوکا کیا گیا۔

لاہور: وزیراعلیٰ پنجاب سردار عثمان بزدار نے کہا کہ شجرکاری آئندہ نسلوں کے محفوظ مستقبل کے لیے ضروری ہے۔

تفصیلات کے مطابق وزیراعلیٰ پنجاب عثمان بزدار نے ڈیرہ غازی خان میں غازی میڈیکل کالج کا دورہ کیا، وزیراعلیٰ پنجاب نے کالج میں شجرکاری مہم کے تحت پودا لگایا۔

سردار عثمان بزدار نے کہا کہ شجرکاری آئندہ نسلوں کے محفوظ مستقبل کے لیے ضروری ہے، پودا لگانے کا مقصد طلبا میں شجرکاری کی اہمیت بیدار کرنا ہے۔

خیال رہے کہ رواں ماہ ملک بھر میں دس ارب درخت لگانے کے منصوبے تحت وزیراعظم عمران خان نے بلوکی میں پودا لگا کر “پلانٹ فار پاکستان مہم” کا افتتاح کیا تھا۔

وزیراعظم عمران خان نے بلوکی میں پودا لگا کر “پلانٹ فار پاکستان مہم” کا افتتاح کردیا

وزیراعظم کا کہنا تھا کہ میانوالی کا جنگل ختم ہوگیا، چھانگامانگا جنگل کے کیا حالات ہیں؟ ہمارے ہاں ویسے ہی جنگلات کی کمی ہے، جنگلات کی زمینیں لیزپرکیسے دی جاسکتی ہیں، پنجاب میں لیزپردی گئی جنگلات کی زمین فوری واپس لی جائیں۔

واضح رہے کہ اس سے قبل بھی وزیراعظم کی ہدایت پر ملک بھر میں ’پلانٹ فار پاکستان‘ کے نام سے ایک روزہ شجرکاری مہم کا چلائی گئی تھی، جس کے تحت ملک بھر میں 15 لاکھ پودے لگائے گئے تھے، جس کے بعد اے آر وائی نیوز نے بھی درخت اُگاؤ مہم شروع کیا، اور پاک فوج کی جانب سے بھی ایک مہم چلائی گئی تھی۔

لاہور: وزیراعلیٰ پنجاب سردارعثمان بزدار کا کہنا ہے کہ لاہورمیں پولیوکا کیس سامنے آنا انتہائی تشویش ناک امر ہے۔

تفصیلات کے مطابق لاہور میں وزیراعلیٰ پنجاب کی زیرصدارت انسداد پولیو سے متعلق اجلاس ہوا جس میں پولیو کی روک تھام کے لیے تفصیلی جائزہ لیا گیا۔

اجلاس میں صوبائی وزیرصحت، دیگرمحکموں کے وزرا، وزیراعظم کے فوکل پرسن، چیف سیکریٹری، محکمہ صحت کے متعلقہ افسران اورڈبلیو ایچ او حکام نے شرکت کی۔

اجلاس میں انسداد پولیوکے قطرے 10 برس تک کے بچوں کو پلانے کا فیصلہ کیا گیا۔

وزیراعلیٰ پنجاب نے اجلاس کے دوران فیصل آباد، راولپنڈی میں ماحولیاتی نمونے مثبت آنے پر برہمی کا اظہار کرتے ہوئے کہا کہ لاہورمیں پولیوکا کیس سامنے آنا انتہائی تشویش ناک امرہے۔

سردارعثمان بزدار نے کہا کہ فیصل آباد، پنڈی میں ماحولیاتی نمونے مثبت آنا بھی قابل قبول نہیں ہے۔

[bs-quote quote=”وزیراعلیٰ پنجاب کا کہنا ہے کہ صرف اجلاس کرکے باتوں سے کام نہیں چلے گا، غفلت یا کوتاہی برداشت نہیں کروں گا، انسداد پولیوکے اقدامات کی خود مانیٹرنگ کروں گا۔” style=”style-23″ align=”center”][/bs-quote]

کسی کو وسائل کا غلط استعمال کرنے کی اجازت نہیں دیں گے: عثمان بزدار

یاد رہے کہ گزشتہ ہفتے وزیراعلیٰ پنجاب عثمان بزدار کا کہنا تھا کہ حکومت نے وسائل کے درست اور بہترین استعمال کو یقینی بنایا ہے۔ کسی کو وسائل کا غلط استعمال کرنے کی اجازت نہیں دیں گے۔

سردارعثمان بزدار کا کہنا تھا کہ وسائل کا شفاف استعمال یقینی بنا کر تحریک انصاف نے تاریخ رقم کی ہے، عمران خان سے وابستہ توقعات پوری کرنے کے لیے دن رات ایک کر دیں گے۔

وزیراعلیٰ پنجاب کا مزید کہنا تھا کہ ملکی معیشت کی جو خراب حالت ہے اس کی ذمہ داری سابقہ حکومتیں ہے، انہوں نے قومی وسائل بے دردی سے ضائع کیے۔