ARYNews.tv | Urdu – Har Lamha Bakhabar

Tag: Utility stores

  • آئی ایم ایف کی ہدایت، یوٹیلٹی اسٹورز کے ملازمین کی نوکریوں کے حوالے سے بری خبر

    آئی ایم ایف کی ہدایت، یوٹیلٹی اسٹورز کے ملازمین کی نوکریوں کے حوالے سے بری خبر

    اسلام آباد: پاکستان میں رائٹ سائزنگ پالیسی کے تحت یوٹیلٹی اسٹورز کے نئے آپریشنز بند کرنے کا فیصلہ کیا گیا ہے۔

    تفصیلات کے مطابق آئی ایم ایف نے 30 جون تک یوٹیلٹی اسٹورز کے اضافی ملازمین فارغ کرنے کا ٹاسک دے دیا ہے، اس سلسلے میں جاری ایک دستاویز میں کہا گیا ہے کہ پہلے مرحلے میں یوٹیلیٹی اسٹورز کے 2237 ڈیلی ویجز ملازمین برطرف کیے گئے ہیں۔

    ذرائع کے مطابق دوسرے مرحلے میں گریڈ 1 تا 13 تک 2800 تک کنٹریکٹ ملازمین فارغ ہوں گے، گریڈ 14 اور زائد کے ملازمین کو بھی 30 جون تک سرپلس پول میں ڈالا جائے گا۔

    بڑی خبر! مزید یوٹیلیٹی اسٹورز بند کرنے کا فیصلہ ، کن ملازمین کو فارغ کیا جائے گا؟

    دستاویز کے مطابق رواں مالی سال کے اختتام تک مزید ایک ہزار یوٹیلیٹی اسٹورز بند کرنے کا فیصلہ کیا گیا ہے، ان اسٹورز میں کام کرنے والے ڈیلی ملازمین کو بھی نوکری سے فارغ کر دیا جائے گا، مجموعی طور پر 5500 میں سے 1500 یوٹیلیٹی اسٹورز باقی رہ جائیں گے۔

    مالیاتی لحاظ سے باقی رہ جانے والے یوٹیلیٹی اسٹورز کی نجکاری کی جائے گی، اور مالیاتی لحاظ سے کمزور مزید 1 ہزار یوٹیلیٹی اسٹورز کو بند کیا جانا ہے۔

    حکام کا کہنا ہے کہ یوٹیلیٹی اسٹورز کو گزشتہ مالی سال 38 ارب روپے سے سبسڈی ملی تھی، ذرائع کے مطابق رواں مالی سال کے لیے مختص 60 ارب کی سبسڈی نہیں ملی۔

  • رمضان ریلیف پیکج : حکومت کا مستحقین کیلئے اس سال نیا فیصلہ

    رمضان ریلیف پیکج : حکومت کا مستحقین کیلئے اس سال نیا فیصلہ

    اسلام آباد : وفاقی وزیرصنعت و پیداوار رانا تنویر حسین نے کہا ہے کہ ہر سال مستحقین کو جو رمضان ریلیف پیکج فراہم کیا جاتا ہے اس بار اس میں اہم تبدیلی کی جارہی ہے۔

    اسلام آباد میں میڈیا سے گفتگو کرتے ہوئے انہوں نے بتایا کہ رمضان ریلیف پیکج کے تحت اس بار ہم نقد رقم ٹرانسفر کررہے ہیں۔

    وفاقی وزیر نے بتایا کہ اس بار ایک مستحق خاندان کو5ہزار روپے نقد رقم فراہم کررہے ہیں، مستحقین کی کیٹیگری میں آنے والےافراد کو کیش ٹرانسفر کیا جائے گا۔

    انہوں نے کہا کہ پاکستان میں مستحقین کی کیٹیگری میں آنے والی آبادی کی تعداد 2 کروڑ کے قریب ہے، پیکج کے لیے بی آئی ایس پی یا کسی وفاقی ادارے سے معاونت نہ لینے والے اہل ہونگے۔

    وفاقی وزیر رانا تنویر حسین کا کہنا تھا کہ پچھلے سال یوٹیلیٹی اسٹورز کے ذریعے سبسڈی فراہم کی گئی ھتی جس کا تجربہ اچھا نہیں رہا تھا۔

    انہوں نے بتایا کہ پچھلےسال یوٹیلیٹی اسٹورز پر بدانتظامی تھی، کوالٹی بھی صحیح نہیں تھی،
    وزیر اعظم کوبھی پچھلے سال یوٹیلیٹی اسٹورز کے حوالے سے شکایات تھیں۔

    وفاقی وزیر رانا تنویر حسین کا مزید کہنا تھا کہ تمام یوٹیلیٹی اسٹورز کو کہا ہے کہ اپنا فنانشنل ماڈل ٹھیک کریں، بصورت دیگر قانون حرکت میں آئے گا۔

    وفاقی وزیر کا کہنا تھا کہ یوٹیلٹی اسٹور نے کہا ہے کہ وہ سبسڈی کے بغیر اشیاء پر 15 فیصد رعایت دیں گے۔

    انہوں نے مزید کہا کہ یوٹیلٹی اسٹور پر کوالٹی چیک کی ہے، بہتر معیار ہے، قیمت بھی بازار سے سستی ہے، رمضان میں یوٹیلٹی اسٹور کو زیادہ کام کرنا چاہیے، چینی کی قیمت کم کریں۔

  • یوٹیلیٹی اسٹورز کی جانب سے شہریوں کے لیے بڑی خوشخبری

    یوٹیلیٹی اسٹورز کی جانب سے شہریوں کے لیے بڑی خوشخبری

    اسلام آباد: یوٹیلیٹی اسٹورز کارپوریشن نے مزید 170 سے زائد اشیا کی قیمتوں میں کمی کر دی ہے.

    تفصیلات کے مطابق یوٹیلیٹی اسٹورز کارپوریشن کے ترجمان نے کہا ہے کہ ایک سو ستّر سے زائد اشیا کی قیمتوں میں 10 روپے سے لے کر 190 روپے تک کی کمی کر دی گئی ہے۔

    ترجمان یوٹیلیٹی اسٹور کے مطابق 170 سے زائد اشیا کی نئی قیمتوں کا اطلاق آج سے ہوگا، جن اشیا کی قیمتوں میں کمی کی گئی ہے، ان میں چائے، مختلف مصالحے اور دیگر اشیائے ضروریہ شامل ہیں۔

    ترجمان کا کہنا ہے کہ پہلے بھی یوٹیلٹی اسٹورز پر 800 سے زائد اشیا ضروریہ کی قیمتوں میں کمی کی گئی تھی، ترجمان نے مزید بتایا کہ تمام یوٹیلیٹی اسٹورز پر خریداری کے لیے کسی قسم کی کوئی شرط لاگو نہیں ہے، اور ملک بھر کے تمام شہری یوٹیلیٹی اسٹورز سے خریداری کر سکتے ہیں۔

  • سستی چینی سے متعلق اچھی خبر

    سستی چینی سے متعلق اچھی خبر

    اسلام آباد: وزیر اعظم پیکج کے تحت یوٹیلیٹی اسٹورز پر کئی ہفتوں سے بند چینی کی فروخت شروع ہو گئی۔

    ذرائع یوٹیلیٹی اسٹورز کے مطابق اسٹورز پر گزشتہ کئی ہفتوں سے چینی کی فروخت بند تھی، تاہم اب اسٹورز کو چینی کی سپلائی کا آغاز کر دیا گیا ہے۔

    ذرائع کا کہنا ہے کہ ایک سے دو روز میں ملک بھر کے اسٹورز پر چینی کی دستیابی یقینی ہو جائے گی۔

    یوٹیلیٹی اسٹورز نے فی کلو 15 روپے ایف ای ڈی کی وجہ سے چینی کی فروخت بند کی تھی، تاہم اب اسٹورز اور ایف بی آر کے درمیان چینی پر ایف ای ڈی کا معاملہ حل ہو گیا ہے، یوٹیلیٹی اسٹورز پر فروخت کی حد تک چینی کی فراہمی پر ایف ای ڈی لاگو نہیں ہوگی۔

    ذرائع کے مطابق یوٹیلیٹی اسٹورز نے ایف ای ڈی کی وضاحت کے لیے ایف بی آر سے ایڈوائس مانگی تھی، جس پر ایف بی آر نے کارپوریشن کو مانگی گئی ایڈوائس پر جواب دے دیا۔ یہ بھی کہا گیا ہے کہ کارپوریشن کے پاس اس وقت وافر مقدار میں چینی دستیاب ہے۔

  • یوٹیلیٹی اسٹورز نے وزیر اعظم ریلیف پیکج کے تحت چینی کی فروخت بند کر دی

    یوٹیلیٹی اسٹورز نے وزیر اعظم ریلیف پیکج کے تحت چینی کی فروخت بند کر دی

    اسلام آباد: بجٹ میں چینی کی سپلائی پر فی کلو 15 روپے فیڈرل ایکسائز ڈیوٹی (ایف ای ڈی) کے اثرات سامنے آ گئے، یوٹیلیٹی اسٹورز نے وزیر اعظم ریلیف پیکیج کے تحت چینی کی فروخت بند کر دی۔

    ترجمان یوٹیلیٹی اسٹورز کا کہنا ہے کہ انھوں نے چینی پر فی کلو 15 روپے ایف ای ڈی کی وضاحت کے لیے ایف بی آر سے ایڈوائس مانگی ہے، ایف بی آر سے ایڈوائس ملنے کے بعد چینی کی ترسیل شروع کی جائے گی۔

    ترجمان کے مطابق کارپوریشن کے پاس اس وقت وافر مقدار میں چینی دستیاب ہے، تاہم فی کلو 15 روپے نئی فیڈرل ایکسائز ڈیوٹی کی وجہ سے چینی کی فروخت بند کی گئی ہے۔

    ترجمان نے کہا کہ جیسے ہی ایف بی آر کلیئر کرتا ہے چینی کی ترسیل فوری شروع ہو جائے گی۔ واضح رہے کہ یوٹیلیٹی اسٹورز پر عام صارفین کے لیے چینی کی فی کلو قیمت 155 روپے ہے، جب کہ بی آئی ایس پی صارفین کے لیے چینی کی فی کلو قیمت 109 روپے مقرر ہے۔

  • بجٹ: یوٹیلیٹی اسٹورز کے حوالے سے اہم خبر

    بجٹ: یوٹیلیٹی اسٹورز کے حوالے سے اہم خبر

    اسلام آباد: وفاقی حکومت کی جانب سے آئندہ مالی سال کے بجٹ میں یوٹیلیٹی اسٹورز پر وزیر اعظم پیکج جاری رکھنے کا امکان ہے۔

    تفصیلات کے مطابق وزیر اعظم ریلیف پیکج کے لیے بجٹ میں فنڈز مختص کیے جانے کا امکان ہے، ذرائع کا کہنا ہے کہ وزارت صنعت و پیداوار نے یوٹیلیٹی اسٹورز سے نئے مالی سال کے لیے تجاویز مانگ لیں۔

    وزیر اعظم پیکج کے لیے تجاویز کو نئے مالی سال کے بجٹ کا حصہ بنایا جائے گا، یوٹیلیٹی اسٹورز پر موجودہ وزیر اعظم ریلیف پیکج 30 جون کو ختم ہو جائے گا۔

    وزیر اعظم ریلیف پیکج کے تحت 5 بنیادی اشیا پر سبسڈی دی جاری ہے، چینی، آٹا، گھی، دالوں اور چاول پر بی آئی ایس پی صارفین کے لیے ماہانہ تقریباً 3 ارب روپے کی سبسڈی دی جا رہی ہے۔

    یوٹیلیٹی اسٹورز پر بی آئی ایس پی صارفین کے لیے چینی 109 روپے فی کلو مقرر ہے، 10 کلو آٹے کا تھیلا 648، گھی 393 روپے فی کلو دستیاب ہے، دالوں اور چاول پر بھی فی کلو 25 روپے سبسڈی ہے۔

  • رمضان پیکج، یوٹیلیٹی اسٹورز کے 4 زونز ہدف حاصل کرنے میں ناکام

    رمضان پیکج، یوٹیلیٹی اسٹورز کے 4 زونز ہدف حاصل کرنے میں ناکام

    اسلام آباد: یوٹیلیٹی اسٹورز کے 9 میں سے 4 زونز رمضان پیکج کے تحت سیل ہدف حاصل کرنے میں ناکام ہونے کا انکشاف ہوا ہے۔

    ذرائع کا کہنا ہے کہ کراچی، کوئٹہ، پشاور اور ایبٹ آباد زونز کے یوٹیلیٹی اسٹورز رمضان پیکج کے تحت مقررہ سیل اہداف حاصل نہیں کر سکے ہیں۔

    کراچی زون کی سیل 3 ارب 20 کروڑ ہدف کے مقابلے 3 ارب 18 کروڑ رہی، کوئٹہ زون کی سیل ایک ارب 40 کروڑ ہدف کے مقابلے ایک ارب 32 کروڑ رہی، پشاور زون کی سیل 6 ارب 12 کروڑ ہدف کے مقابلے 5 ارب 73 کروڑ ریکارڈ کی گئی، اور ایبٹ آباد زون کی سیل 4 ارب 80 کروڑ ہدف کے مقابلے 4 ارب 51 کروڑ سے زائد رہی۔

    ذرائع کے مطابق یوٹیلیٹی اسٹورز کو رمضان پیکج کے تحت مجموعی سیل ہدف حاصل کرنے میں کامیابی ملی ہے، اور سیل 40 ارب کے ہدف کے مقابلے میں تقریباً 44 ارب رہی، اسلام آباد کی سیل 30 فی صد زیادہ، فیصل آباد زون کی سیل ہدف سے 18 فی صد زائد رہی، لاہور 17، ملتان 13، اور سکھر زون کی سیل مقررہ ہدف سے 10 فی صد زیادہ رہی، جب کہ اسلام آباد زون کی سیل سب سے زیادہ 7 ارب 98 کروڑ ریکارڈ کی گئی۔

  • یوٹیلیٹی اسٹورز کارپوریشن نے ہزاروں میٹرک ٹن چینی خریداری کا ٹینڈر منسوخ کردیا

    یوٹیلیٹی اسٹورز کارپوریشن نے ہزاروں میٹرک ٹن چینی خریداری کا ٹینڈر منسوخ کردیا

     اسلام آباد: یوٹیلیٹی اسٹورز کارپوریشن نے 45 ہزار میٹرک ٹن چینی خریداری کا ٹینڈر منسوخ کردیا۔

    اے آر وائی نیوز کی رپورٹ کے مطابق ذرائع نے بتایا کہ رمضان میں ممکنہ قلت پر قابو پانے کے لیے چینی کی خریداری کا ٹینڈر جاری کیا گیا تھا۔

    ذرائع یوٹیلیٹی اسٹورز نے بتایا کہ چینی کی مہنگی بولی کے باعث ٹینڈر منسوخ کیا گیا، کم سے کم بولی 142 روپے فی کلو کے حساب سے موصول ہوئی، اخراجات ملا کر فی کلو چینی 155 روپے میں پڑنی تھی۔

    ذرائع یوٹیلیٹی اسٹورز نے دعویٰ کیا کہ کارپوریشن کے پاس چینی کا وافر ذخیرہ موجود ہے، یوٹیلیٹی اسٹورز کارپوریشن نے 45 ہزار میٹرک ٹن ٹینڈر کے تحت بولیاں طلب کی تھیں۔

  • یوٹیلیٹی اسٹورز نے رمضان سے قبل مہنگی چینی خرید لی

    یوٹیلیٹی اسٹورز نے رمضان سے قبل مہنگی چینی خرید لی

    اسلام آباد: یوٹیلیٹی اسٹورز نے رمضان سے قبل مہنگی چینی خرید لی ہے۔

    ذرائع یوٹیلیٹی اسٹورز کے مطابق کارپوریشن نے رمضان سے قبل 20 ہزار میٹرک ٹن چینی خرید لی ہے، جو آخری ٹینڈر کے مقابلے فی کلو 17.10 روپے مہنگی خریدی گئی ہے۔

    یوٹیلیٹی اسٹورز کارپوریشن نے 142 روپے فی کلوحساب سے چینی خریدی ہے، جو اخراجات ملا کر فی کلو چینی تقریباً 155 روپے میں پڑے گی۔

    ذرائع کا کہنا ہے کہ یوٹیلیٹی اسٹورز نے 70 ہزار میٹرک ٹن چینی ٹینڈر کے تحت بولیاں طلب کی تھیں، کیوں کہ رمضان المبارک میں دستیابی کے لیے چینی کی خریداری ناگزیر تھی۔

    پاکستان سے طلائی زیورات کی ایکسپورٹ معطل، کروڑوں ڈالر کے آرڈر منسوخ ہونے کا خطرہ

    اس سے قبل یوٹیلیٹی اسٹورز نے نومبر 2023 میں بھی 40 ہزار ٹن چینی خریدی تھی، اس وقت 124 روپے 90 پیسے فی کلو کے حساب سے خریدی گئی تھی، اور اخراجات ملا کر کارپوریشن کو فی کلو چینی تقریباً 138 روپے میں پڑی تھی۔

  • رمضان پیکج سے قبل یوٹیلیٹی اسٹورز کا عوام کے لیے ریلیف کا اعلان

    رمضان پیکج سے قبل یوٹیلیٹی اسٹورز کا عوام کے لیے ریلیف کا اعلان

    اسلام آباد: یوٹیلیٹی اسٹورز کارپوریشن نے رمضان پیکج سے قبل عوام کے لیے ایک اور ریلیف کا اعلان کر دیا ہے۔

    تفصیلات کے مطابق رمضان پیکج سے قبل یوٹیلیٹی اسٹورز کاپوریشن نے مختلف اشیا کی قیمتوں میں کمی کر دی، مختلف برانڈز کے گھی، کوکنگ آئل، چائے، صابن، واشنگ پاوڈر کی قیمتوں میں کمی کی گئی ہے۔

    گھی اور کوکنگ آئل کی قیمتوں میں 4 روپے سے 100 روپے فی کلو کی کمی کی گئی ہے، برانڈڈ چائے کی قیمتوں میں بھی 100 روپے تک کمی کر دی گئی۔

    رمضان سے قبل کروڑوں روپے کا مضر صحت چنا امپورٹ کر لیا گیا

    واضح رہے کہ یوٹیلیٹی اسٹورز کارپوریشن اگلے مہینے سے رمضان ریلیف پیکج کا بھی آغاز کر رہا ہے، رمضان پیکج سے اشیا کی قیمتوں میں مزید کمی کی جائے گی۔

    رمضان پیکج کے تحت یوٹیلیٹی اسٹورز پر 19 بنیادی اشیا پر ریلیف ملے گا، ذرائع کے مطابق رمضان پیکج کے تحت 7 ارب 49 کروڑ سے زائد پیکج دیا جائے گا، پیکج کا اطلاق 4 مارچ سے کرنے کی تجویز ہے۔