ARYNews.tv | Urdu – Har Lamha Bakhabar

Tag: Utility stores

  • غریب عوام سے گھریلو استعمال کی سستی اشیاء کا واحد آسرا چھن گیا

    غریب عوام سے گھریلو استعمال کی سستی اشیاء کا واحد آسرا چھن گیا

    اسلام آباد : غریب عوام سے گھریلو استعمال کی سستی اشیاء کا واحد آسرا چھن گیا، ملک بھرمیں ایک ہزار کے قریب یوٹیلٹی اسٹورز بند کردیے گئے، زیادہ تر اسٹورز دیہی علاقوں میں بند کیے گئے۔

    تفصیلات کے مطابق غریب عوام کی سستی اشیاکی خریداری کاواحد سہارہ بھی ختم ہوگیا، ملک بھرمیں ایک ہزار کےقریب یوٹیلٹی اسٹورز بند کر دیے گئے۔

    چیئرمین یونین یوٹیلٹی اسٹورز عارف حسین شاہ نے کہا ایک ہزار اسٹورزکی بندش غیرقانونی ہے، یوٹیلٹی اسٹورز ایکنک کی منظوری کے بغیر بند کئے گئے، اسٹورز کی بندش ایکنک کمیٹی کے فیصلے کی خلاف ورزی ہے۔

    عارف حسین شاہ نے مطالبہ کیا وزیراعظم عمران خان یوٹیلٹی ا سٹورز کی بندش کانوٹس لیں اور اسٹورز پر اشیاکی سپلائی بحال کی جائے، بندش کا سلسلہ بند نہ ہوا تو ملازمین ،عوام ملکر احتجاج کریں گے۔

    یاد رہے چند روز قبل وزیراعلیٰ پنجاب سردار عثمان بزدار نے ضروری اشیا، سبزیوں کی قیمتوں میں اضافے کا نوٹس لیتے ہوئے کابینہ پرائس کنٹرول کمیٹی کو مصنوعی مہنگائی کے خلاف قانونی کارروائی کی ہدایت کی تھی اور صوبے میں گراں فروشوں کے خلاف مؤثر کارروائی کا حکم بھی دیا تھا۔

    خیال رہے گذشتہ سال یوٹیلٹی اسٹورز ملازمین نے ادارے کی ممکنہ نجکاری کے خلاف اسلام آباد کے ڈی چوک پر چار روز زسے دھرنا دیاتھا تاہم مذاکرات کی کامیابی کے بعد صدر سی بی اے یوٹیلٹی اسٹورز عارف شاہ نے کہا تھا کہ یوٹیلٹی اسٹورز کارپوریشن کی نجکاری نہیں کی جائے گی، دو سال کا ایڈہاک ریلیف نومبر کی تنخواہ کے ساتھ ملے گا، بیل آؤٹ پیکیج 10 کے بجائے 14 ارب روپے کا ملے گا۔

  • دالوں کی قیمت میں 70 روپے فی کلو اضافہ

    دالوں کی قیمت میں 70 روپے فی کلو اضافہ

    اسلام آباد: عید الاضحیٰ کے قریب آتے ہی یوٹیلیٹی اسٹورز پر اہم اشیا کی قیمتوں میں اضافہ کردیا گیا، دالوں کی قیمت میں 5 سے 70 روپے فی کلو تک کا اضافہ کیا گیا ہے۔

    تفصیلات کے مطابق مہنگائی کے مارے عوام کے لیے مزید مشکل پیدا کردی گئی، یوٹیلیٹی اسٹورز پر اہم اشیا کی قیمتوں میں اضافہ کردیا گیا جن میں دالیں، گھی اور کوکنگ آئل شامل ہیں۔

    یوٹیلٹی اسٹورز پر مختلف اشیا میں قیمتوں میں اضافے کا نوٹیفکیشن بھی جاری کردیا گیا، قیمتوں میں اضافے کا اطلاق فوری ہوگا۔

    یوٹیلٹی اسٹورز کارپوریشن کی جانب سے جاری نوٹیفیکشن کے مطابق دالوں کی قیمت میں 5 سے 70 روپے فی کلو تک کا اضافہ کیا گیا ہے، گھی کی قیمت میں 8 سے 60 روپے اور کوکنگ آئل 9 سے 65 روپے تک مہنگا ہوگیا ہے۔

    نئی قیمتوں کے اطلاق کے بعد یوٹیلیٹی اسٹورز میں دال ماش فی کلو 70 روپے، مسور دال 25 اور دال چنا 5 روپے فی کلو مہنگی ہوگئی ہے۔

  • یوٹیلٹی اسٹورز پرچینی سمیت 50 سے زائد برانڈڈ اشیاء کی قیمتوں میں اضافہ

    یوٹیلٹی اسٹورز پرچینی سمیت 50 سے زائد برانڈڈ اشیاء کی قیمتوں میں اضافہ

    اسلام آباد : یوٹیلٹی اسٹورز پرچینی سمیت پچاس سے زائد برانڈڈ اشیاء کی قیمتوں میں اضافہ کردیاگیا، جس کے بعد صابن، شیمپو اورفیس کریم سب مہنگے ہوگئے۔

    تفصیلات کے مطابق یوٹیلیٹی سٹورز پر چینی اور 50 سے زائد برانڈڈ اشیاءکی قیمتوں میں اضافہ کر دیا گیا، چینی کی قیمت میں 3روپے فی کلو تک اضافہ کر دیا گیا ، جس کے بعدایک کلوچینی انہتر روپے سے بڑھ کر باہتر روپے فی کلوہوگئی۔

    چینی کےعلاوہ پچاس سے زائدمختلف برانڈیڈ اشیاء کی قیمتوں میں بیس روپےتک اضافہ کیاگیا ہے، چہرے پرلگانے والی کریم کے ستر ایم ایل جار کی قیمت دس روپے بڑھادی گئی ہے، کریم کا جار دو سوستائس روپےکاہوگیا۔

    مختلف برانڈز کے صابن کی قیمت میں بھی دو روپے کا اضافہ کیا گیا جبکہ 400 ایم ایل شیمپوکی قیمت میں بیس روپے اور 200 ایم ایل شیمپو کی قیمت میں 10روپے تک کا اضافہ ہوا ، جس کے بعد 400ایم ایل کا برانڈڈ شیمپو374روپے سے بڑھ کر 394روپے کاہو گیا۔

    یاد رہے چند روز قبل مشیر تجارت عبد الرزاق داؤد کی زیر صدارت شوگر ایڈوائزری بورڈ کا اجلاس منعقد ہوا تھا ، اجلاس میں چینی کی طلب اور سپلائی کی مجموعی صورتِ حال کا جائزہ لیا گیا۔

    مشیر تجارت کا کہنا تھا کہ ملک میں چینی کے اسٹاک کی موجودہ صورتِ حال تسلی بخش ہے، چینی کی قیمتوں میں غیر ضروری اضافہ نہیں ہونے دیں گے۔

  • حکومت کی اعلان کردہ سبسڈی والی اشیا یوٹیلٹی اسٹورز سے غائب

    حکومت کی اعلان کردہ سبسڈی والی اشیا یوٹیلٹی اسٹورز سے غائب

    اسلام آباد: وفاقی حکومت کی جانب سے 19 اشیا کے لیے یوٹیلٹی اسٹورز کو 2 ارب کی سبسڈی دینے کے دعوﺅں کے بعد یوٹیلٹی اسٹورز پر مذکورہ اشیا غائب ہی ہوگئیں۔

    تفصیلات کے مطابق وفاقی دارالحکومت اسلام آباد اور راولپنڈی کے یوٹیلٹی اسٹورز پر سے سبسڈی والی اشیا غائب ہو گئیں۔ تیل اور گھی دستیاب نہ ہونے پر شہریوں نے سخت برہمی کا اظہار کرتے ہوئے اعلیٰ حکام سے نوٹس لینے کا مطالبہ کیا۔

    شہریوں کے مطابق رمضان بچت بازاروں میں حکومت کی جانب سے سرکاری اسٹال بھی قائم کیے گئے جن پر سبسڈی دینے کا دعویٰ کیا گیا اور مارکیٹ سے کم ریٹ پر نرخ نامے بھی اسٹالوں پر موجود ہیں تاہم اشیا غائب ہیں۔

    ایک شہری کے مطابق سرکاری اسٹال پر موجود دکاندار نے بتایا کہ سرکاری نرخ پر صرف ایک کلو آلو اور ایک کلو پیاز حاصل کی جاسکتی ہے تاہم اگر آلو اور پیاز زیادہ مقدار میں چاہئیں تو وہ مارکیٹ ریٹ پر ملیں گے۔ اس موقع پر ایک بزرگ شہری اور دکاندار کے درمیان بحث بھی ہوئی تاہم ساتھ کھڑے روزے داروں نے معاملہ رفع دفع کروایا۔

    اسی طرح سرکاری اسٹال کے دکاندار چینی بھی صرف ایک کلو سرکاری نرخ پر دینے پر مصر ہیں۔

    دوسری جانب راولپنڈی کے رمضان بازاروں کے یوٹیلٹی اسٹورز میں سرکاری نرخ پر پیاز، گھی اور کوکنگ آئل موجود ہی نہیں۔

    شہریوں نے اعلیٰ حکام سے اپیل کی ہے کہ وہ مہنگائی کو کنٹرول کریں اور منافع خوروں اور مہنگی اشیا فروخت کرنے والوں کے خلاف سخت کارروائی کریں۔

  • وزیر اعظم کی یوٹیلٹی اسٹورز کو اشیا ضروریہ پر سبسڈی دینے کی ہدایت

    وزیر اعظم کی یوٹیلٹی اسٹورز کو اشیا ضروریہ پر سبسڈی دینے کی ہدایت

    اسلام آباد: وزیراعظم عمران خان نے یوٹیلٹی اسٹورزکو بنیادی اشیا ضروریہ پرسبسڈی دینے کی ہدایت کر دی.

    تفصیلات کے مطابق معاون خصوصی برائے اطلاعات فردوس عاشق اعوان نے اپنی پریس بریفنگ میں یہ اعلان کیا، ان کا کہنا تھا کہ پاکستان کو مشکل حالات سے نکالنے میں ادارے اپنا کردارادا کریں.

    انھوں نے کہا کہ جیسے ہی رمضان آتا ہے، اشیائے ضروریہ عام آدمی کی پہنچ سے دور ہو جاتی ہیں، وزیر اعظم نے مہنگائی پرقابو پانے کے لئے خصوصی ہدایت کی ہے.

    ان کا کہنا تھا کہ پوری دنیا میں مذہبی تہوارپراشیا سستی ہو جاتی ہیں اور یہاں مہنگی ہوتی ہیں، اشیائےخورونوش کی 19 اشیا ہیں، جن پرسبسڈی دی جائے گی.

    یوٹیلٹی اسٹور ز سے درخواست کروں گی کہ اس پرفوری عمل درآمد شروع کر دیں، قوم سےاپیل ہے کہ رمضان میں ملکی ترقی کے لئے خصوصی دعائیں کریں.

    مزید پڑھیں: اب بڑے شہروں میں میئر براہ راست منتخب ہو کر اپنی کابینہ لائیں گے: وزیر اعظم

    ایک سوال کے جواب میں انھوں نے کہا کہ بدقسمتی سے رمضان میں عوام کو ریلیف دینے کے بجائے اشیا مہنگی کردی جاتی ہیں، اس بار یوٹیلیٹی اسٹورزپرچینی، دالیں، چاول سمیت دیگراشیا پر سبسڈی دی جائے گی، چاول پر15 اور چائے کی پتی پر50 روپے فی کلو سبسڈی دی جارہی ہے.

  • ملک بھر کے یوٹیلیٹی اسٹورز پر 2 مئی سے رمضان ریلیف پیکج کا آغاز ہوگا

    ملک بھر کے یوٹیلیٹی اسٹورز پر 2 مئی سے رمضان ریلیف پیکج کا آغاز ہوگا

    اسلام آباد : ملک بھرکے یوٹیلیٹی اسٹورز پر دومئی سے رمضان ریلیف پیکج کا آغاز ہوگا، جس کے تحت انیس اشیائے خوردو نوش پرسبسڈی دی جائے گی۔

    تفصیلات کے مطابق روزے داروں کیلئے خوشخبری، ملک بھر کے یوٹیلیٹی اسٹورز پر دومئی سے رمضان ریلیف پیکج کا آغاز ہورہا ہے، رمضان ریلیف پیکج کے تحت انیس اشیائے خوردو نوش پرسبسڈی دی جائے گی۔

    یوٹیلٹی اسٹورز کارپوریشن کے اعلامیے میں کہا گیا ہے کہ چینی پرپانچ اور آٹے پرچارروپےفی کلو تک سبسڈی ملے گی جبکہ گھی پر پندرہ اورآئل پر دس روپےفی کلوسستا ہوگا۔

    رمضان ریلیف پیکج کے تحت چنے کی دال پر بیس روپے، مونگ کی دال پر پندرہ اور ماش کی دال پر دس روپے سبسڈی دی جائے گی جبکہ سفید چنے پر پچیس، بیسن پر بیس اور کھجور پر تیس روپے کلو سبسڈی ملے گی۔

    مزید پڑھیں :  2 ارب روپے کے رمضان ریلیف پیکج کی منظوری

    اعلامیے کے مطابق باسمتی،سیلا اور ٹوٹا چاول پرپندرہ روپے، مشروبات کی پندرہ سوملی لٹربوتل پرپندرہ روپے سبسڈی دی جائے گی۔

    یوٹیلٹی اسٹورز کارپوریشن کا کہنا ہے کہ چائےکی پتی پرفی کلوپچاس اوردودھ پرفی لٹرپندرہ روپے اور تمام مصالحہ جات پر دس فیصدتک سبسڈی ملے گی۔

    یاد رہے  وفاقی وزیر خزانہ اسد عمر کی زیرصدارت اقتصادی رابطہ کمیٹی کااجلاس ہوا، اجلاس میں رمضان ریلیف پیکج کی منظوری دی تھی اور کہا گیا تھا  یوٹیلٹی اسٹورز پر رمضان میں 4 سے50 روپے تک ریلیف ملے گا۔

    خیال رہے کہ رمضان المبارک 1440 ہجری کا چاند دیکھنے کے لیے رویت ہلاک کمیٹی نے 5 مئی بروز اتوار اجلاس طلب کیا ہے، محکمہ موسمیات نےپیشگوئی کی ہے کہ رمضان کا چاند تیس شعبان یعنی 6 مئی کو نظر آنے کا امکان ہے اور پہلا روزہ سات مئی بروز منگل ہوگا۔

  • عوام کے لیے اچھی خبر، ملک بھر میں یوٹیلٹی اسٹورز بند نہیں ہوں گے

    عوام کے لیے اچھی خبر، ملک بھر میں یوٹیلٹی اسٹورز بند نہیں ہوں گے

    کراچی : حکومت نے عوام کو اچھی خبر سنادی، ملک بھر میں یوٹیلٹی اسٹورز بند نہیں کیے جائیں گے، عوام کی سہولت کے لیے آن لائن سروس بھی متعارف کرائی جائے گی۔

    تفصیلات کے مطابق عوام کو سستی اور معیاری ضروریات زندگی کی اشیاء کی فراہمی کو یقینی بنانے کے لیے ملک بھر میں یوٹیلیٹی اسٹورزکاجال بچھادیا گیا۔

    چیئرمین یوٹیلیٹی اسٹورزکارپوریشن پاکستان ذوالقرنین علی خان نے کہا ہے کہ یوٹیلیٹی اسٹورزبند نہیں کیے جائیں گے، وزیراعظم سے یوٹیلٹی اسٹورز کے لیے خصوصی فنڈ فراہم کرنے کی درخواست کی ہے۔

    اے آر وائی نیوز سے خصوصی گفتگو کرتے ہوئے انہوں نے بتایاکہ ادارے سے کرپشن کے خاتمے کے ساتھ ساتھ ملک بھرمیں یوٹیلٹی اسٹورزکی شاخوں کو مزید بڑھایا جائے گا۔

    ذوالقرنین علی خان کا مزید کہنا تھا کہ ادارے میں جدید اصلاحات لائی جائیں گی جبکہ نادرہ اور بے نظیرانکم سپورٹ پروگرام کے تعاون سے عوام کے لیے لویالیٹی کریڈٹ کارڈ کے اجراء کی پالیسی پربھی غور کیاجائےگا۔

    مزید پڑھیں : احتجاج رنگ لے آیا، یوٹیلٹی اسٹورز ملازمین کا دھرنا ختم کرنے کا اعلان

    انہوں نے بتایا کہ دورجدید کے تقاضوں کو مدنظر رکھتے ہوئے عوام کی سہولت کے لیے آن لائن سروس بھی متعارف کرائی جائے گی اور رمضان المبارک میں عوام کے لیے خصوصی سہولتیں بھی فراہم کی جائیں گی۔

  • یوٹیلٹی اسٹورز پر رمضان ریلیف پیکیج 14 مئی سے شروع ہوگا

    یوٹیلٹی اسٹورز پر رمضان ریلیف پیکیج 14 مئی سے شروع ہوگا

    کراچی/اسلام آباد: رمضان المبارک کی آمد سے قبل یوٹیلٹی اسٹورز پر رمضان ریلیف پیکیج 14 مئی سے شروع ہوگا۔

    ترجمان یوٹیلٹی اسٹورز کا کہنا ہے کہ 14 مئی سے شروع ہونے والے رمضان ریلیف پیکیج کے تحت سستی اشیا میسر ہوں گی، حکومت نے 1 ارب 73 کروڑ روپے کے رمضان پیکیج کی منظوری دی ہے۔

    ترجمان کے مطابق یوٹیلٹی اسٹورز پر 1000 سے زائد اشیا سستے داموں میں دستیاب ہوں گی، آٹا، چینی، چائے، چاول، دال چنا، بیسن، کوکنگ آئل، دودھ، مشروبات، کھجور، مصالحہ جات بھی سستے دستیاب ہوں گے۔

    [bs-quote quote=” آٹا، چینی، چائے، چاول، دال چنا، بیسن، کوکنگ آئل، دودھ، مشروبات، کھجور، مصالحہ جات بھی سستے دستیاب ہوں گے” style=”default” align=”left” author_name=”ترجمان”][/bs-quote]

    واضح رہے کہ کابینہ کی اقتصادی رابطہ کمیٹی نے یوٹیلٹی اسٹورز کارپوریشن کی طرف سے فراہم کردہ 19 اشیائے ضروریہ کے لیے رمضان ریلیف پیکیج 2018 کی منظوری دی تھی۔

    یاد رہے کہ وزیر اعظم شاہد خاقان عباسی نے ہدایت کی تھی کہ رمضان پیکیج کے تحت روزمرہ استعمال کی اشیا مارکیٹ سے کم نرخوں پر فراہم کی جانی چاہئیں۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • سیلاب متاثرہ علاقوں میں پانچ موبائل یوٹیلٹی اسٹورز لگانے کا فیصلہ

    سیلاب متاثرہ علاقوں میں پانچ موبائل یوٹیلٹی اسٹورز لگانے کا فیصلہ

    اسلام آباد : یوٹیلیٹی اسٹور کارپوریشن آف پاکستان نے سیلاب سے متاثرہ علاقوں میں پانچ موبائل یوٹیلٹی اسٹورزکا اہتمام کیاہے۔

    سیلاب سے متاثرہ علاقوں کے عوام کو سستے دام آشیائے خورد نوش پہنچانے کیلئے یوٹیلیٹی اسٹور نے پانچ موبائل اسٹور کا اہتمام کیا ہے۔

    مقامی صحافیوں سے باتیں کرتے ہوئے منیجنگ ڈائریکٹر سلطان محمود نے کہا کہ وزیر اعظم کے ہدایت کے مطابق ہم نے فوری طور پر ان علاقوں کیلئے موبائل اسٹور کا اہتمام کیا ہے جو ہر متاثرہ علاقوں کے عوام تک یہ چیزیں پہنچائیں گے جن میں آٹا ، چینی، چاول، دالیں اور دیگر ضرورت کی چیزیں دستیاب ہوں گی۔

    انہوں نے کہا کہ راستوں کی بندش کی وجہ سے انہوں نے چترال کے بالائی علاقوں کے لوگوں کیلئے گلگت بلتستان سے دو ٹرک سامان منگوایا جو مستوج میں کھڑا ہے۔جن میں گھی ، آٹا، چاول، چینی، بیسن اور ان کے ساتھ صابن وغیرہ بھی شامل ہے۔

    انہوں نے کہا کہ جن وادیوں کی سڑکیں ٹوٹ چکی ہیں اور پُل بہنے کی وجہ سے ان کا چترال تک رسائی نا ممکن ہو یہ موبائل یوٹلٹی سٹور ایسے جگہوں پر کھڑے ہوں گے جہاں تک یہ لوگ آسکیں اور چیزیں خرید کر واپس اپنے گھروں کو لوٹ سکیں۔

  • یوٹیلیٹی اسٹورزپرگھی ودالوں کی قیمتوں میں کمی

    یوٹیلیٹی اسٹورزپرگھی ودالوں کی قیمتوں میں کمی

    اسلام آباد : یکم جنوری سے یوٹیلٹی اسٹورز پرگھی، تیل اور دالوں کی قیمتوں میں پانچ سے دس روپے فی کلو تک کمی متوقع ہے۔

    ذرائع کے مطابق ملک بھر میں تیل مصنوعات کی قیمتوں میں کمی کے باعث یکم جنوری سےتیل اور گھی کی قیمتوں میں دس روپے تک کمی کا امکان ہےجبکہ مختلف اقسام کی دالیں پانچ سے آٹھ روپےفی کلو تک سستی ہونےکا امکان ہے۔

    دوماہ کےدوران سرکاری اسٹورز پرگھی کی قیمت پہلے ہی دس روپےکی کمی سے 130 روپےکلو اورکھانا پکانےکےتیل کی قیمت بیس روپےکی کمی سے 135 روپےفی کلو پر آچکی ہے۔