اسلام آباد: ازبکستان کے صدر شوکت مرزا یوف 2 روزہ دورے پر پاکستان پہنچ گئے، ازبک صدر پاکستانی ہم منصب اور وزیراعظم عمران خان سے ملاقات کرینگے۔
تفصیلات کے مطابق ازبکستان کے صدر شوکت مرزا یوف پاکستان کے در روزہ سرکاری دورے پر چکلالہ ایئربیس پہنچے، ازبک وزیر خارجہ ، کابینہ کے ارکان ، اعلیٰ حکومتی حکام، تاجروں اور صحافیوں پر مشتمل اعلیٰ سطح کا وفد ان کے ہمراہ ہیں۔
وزیراعظم عمران خان نے ان کا گرم جوشی سے استقبال کیا۔
پاکستان آمد پر ازبک صدر کو بچوں نے انہیں گلدستہ پیش کیا بعدازاں انہیں اکیس توپوں کی سلامی دی گئی۔
واضح رہے کہ گذشتہ ماہ بیجنگ میں وزیراعظم عمران خان نے ازبکستان کے صدر شوکت مرزا یوف سے ملاقات کی تھی، ملاقات میں وزیراعظم پاکستان نے انہیں دورہ پاکستان کی دعوت دی تھی۔
دونوں عالمی رہنماؤں کے درمیان ملاقات میں کشمیر اور افغانستان کی صورتحال پر تبادلہ خیال کیا گیا تھا ۔
