ARYNews.tv | Urdu – Har Lamha Bakhabar

Tag: uzbekistan

  • ازبکستان، پاکستان اور سعودی عرب کے مابین شراکت داری کا اہم معاہدہ

    ازبکستان، پاکستان اور سعودی عرب کے مابین شراکت داری کا اہم معاہدہ

    ازبکستان، پاکستان اور سعودی عرب کے مابین شراکت داری کا اہم معاہدہ ہوا ہے، شراکت داری کے ذریعے سرمایہ کاروں کو مالیاتی، مشاورتی اور کارپوریٹ فنانس سروسز فراہم کی جائیں گی، کے اے ایس بی لمیٹڈ اور انشر کیپٹل مارکیٹ کی توسیع اور غیر ملکی سرمایہ اکٹھا کرنے کے لیے کام کریں گی۔

    ازبکستان سے کے ٹریڈ سیکیورٹیز اور انشر کیپٹل نے سعودی عرب، پاکستان اور ازبکستان کے درمیان سرحد پار سرمایہ کاری کی حمایت کے لیے ایک اسٹریٹجک شراکت داری قائم کی ہے، انشر کیپٹل ازبکستان کا سب سے بڑا انوسٹمنٹ بینک ہے۔

    خادم علی شاہ بخاری سیکیورٹیز لمیٹڈ (KASB) پاکستان میں قائم ایک اسٹاک اور کموڈٹی بروکریج ہے، کے اے ایس بی لمیٹڈ پاکستان میں سعودی مارکیٹ کی فعال کوریج میں اہم کردار ادا کر رہا ہے، اس شراکت داری کے ذریعے دونوں فرمز سرمایہ کاروں کو مالیاتی مشاورتی اور کارپوریٹ فنانس سروسز فراہم کریں گی۔

    ورلڈ بینک کی رپورٹ میں افغانستان کی معیشت سے متعلق نئی معلومات منظرعام پر

    کے اے ایس بی لمیٹڈ اور انشر کیپٹل مارکیٹ کی توسیع اور غیر ملکی سرمایہ اکٹھا کرنے کے لیے کام کریں گی، دونوں فرمز پاکستان، ازبکستان اور سعودی عرب میں سرمایہ کاروں اور تاجروں کی مدد اور رہنمائی کے لیے سرگرم رہیں گی۔

  • آٹا بحران، وزیر اعظم سے انجنیئر امیر مقام کا ازبکستان سے رابطہ

    آٹا بحران، وزیر اعظم سے انجنیئر امیر مقام کا ازبکستان سے رابطہ

    اسلام آباد: ازبکستان سے انجنیئر امیر مقام کے خصوصی رابطے پر وزیر اعظم پاکستان نے صوبہ خیبر پختون خوا میں آٹے بحران کی تحقیقات کا حکم دے دیا۔

    تفصیلات کے مطابق وزیر اعظم شہباز شریف سے ان کے مشیر اور صدر ن لیگ کے پی انجینئر امیر مقام نے ازبکستان سے رابطہ کیا ہے، انجینئر امیر مقام نے وزیر اعظم کو آٹے بحران پر عوام میں پائی جانے والی تشویش سے آگاہ کیا۔

    لندن میں موجود وزیر اعظم شہباز شریف نے فوری ایکشن لیتے ہوئے آٹے بحران کی تحقیقات کا حکم دے دیا، وزیر اعظم نے فوری طور پر آٹے بحران کے خاتمے کے لیے حکام کو ضروری اقدامات کی ہدایات جاری کر دیں۔

    ازبک ہم منصب سے بخشی انٹرنیشنل فیسٹیول میں سائیڈ لائن میٹنگ میں سوینئیر وصول کرتے ہوئے

    وزیر اعظم شہباز شریف نے کہا کہ خیبر پختون خوا سمیت دیگر صوبے اتنے ہی اہمیت کے حامل ہیں جتنا کہ پنجاب، کے پی کے عوام کی مشکل ہماری مشکل ہے۔

    واضح رہے کہ وزیر اعظم کے مشیر برائے سیاسی، عوامی امور، قومی ورثہ اور ثقافت انجینئر امیر مقام ازبکستان کے شہر گلستان میں منعقد ہونے والے بخشی انٹرنیشنل فیسٹیول میں شرکت کرنے کے لیے گئے ہیں۔

  • بھارتی کھانسی شربت سے بچوں کی اموات، ازبکستان میں 4 افراد گرفتار

    تاشقند: بھارتی کھانسی شربت سے بچوں کی اموات کے کیس میں وسط ایشیائی ریاست ازبکستان میں 4 افراد کو گرفتار کر لیا گیا۔

    تفصیلات کے مطابق ازبک ریاستی سیکیورٹی سروس نے جمعہ کو بتایا کہ ازبکستان نے بھارتی دوا ساز کمپنی ماریون بائیوٹیک کا تیار کردہ کھانسی کا شربت پینے والے 19 بچوں کی موت کی تحقیقات میں چار افراد کو گرفتار کیا ہے۔

    بیان میں کہا گیا ہے کہ حراست میں لیے گئے 2 افراد سائنسی مرکز برائے معیاری ادویات کے سینئر ملازمین تھے، جنھوں نے Doc-1 میکس کھانسی کے شربت کے لیے مناسب جانچ کے طریقہ کار میں رکاوٹ ڈالی۔

    بیان کے مطابق 2 دیگر افراد قرامکس میڈیکل کمپنی کے ایگزیکٹوز تھے جنھوں نے بھارتی دوا ساز کمپنی کی ادویات درآمد کی تھیں۔

    روئٹرز کے مطابق ازبکستان کی وزارت صحت نے کہا تھا کہ اس شربت میں ایک زہریلا مادہ ایتھیلین گلائکول شامل ہے اور اسے بچوں کے لیے معیاری خوراک سے زیادہ مقدار میں دیا گیا، یا تو ان کے والدین نے، جنہوں نے اسے غلط طور پر نزلہ زکام کا علاج سمجھا، یا فارماسسٹ کے مشورے پر یہ دوا دی گئی۔

    کھانسی کی دوا یا موت، بھارتی شربت سے ازبکستان میں بھی 19 بچے ہلاک

    واضح رہے کہ بھارتی زیریلی ادویات دنیا بھر میں اموات کا باعث بننے لگی ہیں، ازبکستان میں کھانسی کا زہریلا شربت بھارتی فارما سیوٹیکل کمپنی کا بنایا ہوا تھا، جس سے ریاست میں 19 بچے موت کے منہ میں چلے گئے تھے۔

    گزشتہ سال افریقی ملک گیمبیا میں بھی بھارت کا کھانسی کا شربت پینے سے 70 سے زائد بچوں کی اموات ہوئی تھیں۔

  • کھانسی کی دوا یا موت، بھارتی شربت سے ازبکستان میں بھی 18 بچے ہلاک

    نئی دہلی: بھارت موت کی دوا بانٹنے لگا، گیمبیا کے بعد ازبکستان میں بھی بھارت کا تیار کردہ کھانسی کا سیرپ پینے سے 18 بچے ہلاک ہو گئے۔

    تفصیلات کے مطابق ازبکستان کی وزار ت صحت نے کہا ہے کہ ملک میں کم از کم 18 بچے مبینہ طور پر ہندوستان میں تیار کردہ کھانسی کا شربت پینے سے ہلاک ہو گئے ہیں۔

    وزارت صحت نے ایک بیان میں کہا کہ مرنے والے بچوں نے کھانسی کا شربت Doc-1 Max استعمال کیا تھا، جسے نوئیڈا میں واقع میریون بائیوٹک نے تیار کیا تھا۔

    گیمبیا میں بھارتی دوا ساز کمپنی پر مقدمہ چلانے کی سفارش

    بچوں کی ہلاکت کے بعد بھارتی کھانسی کا شربت مارکیٹ سےاٹھا لیا گیا ہے، بھارتی حکام نے تحقیقات کا آغاز کر دیا، اور کھانسی کے شربت کی تیاری کو اس وقت تک روک دیا گیا ہے جب تک کہ نمونوں کی جانچ نہیں ہو جاتی۔

    بھارتی وزیر صحت مان سُکھ منڈاویہ نے کہا کہ نمونے جانچ کے لیے چنڈی گڑھ میں ریجنل ڈرگ ٹیسٹنگ لیبارٹری کو بھیجے گئے ہیں اور حکومت ’’معائنہ رپورٹ کی بنیاد پر مزید کارروائی شروع کرے گی۔‘‘

    سیرپ کے استعمال سے 99 بچوں کے گردے فیل:بڑی پابندی لگا دی گئی

    یاد رہے کہ اس سے قبل اکتوبر میں افریقی ملک گیمبیا میں 66 بچوں کی موت کے بعد بھی ہندوستان میں تیار کردہ ایک کھانسی کے شربت پر سوال اٹھے تھے۔

    کھانسی کا شربت پینےسے 66 بچے ہلاک، عالمی ادارۂ صحت کی وارننگ جاری

    ازبکستان کے حوالے سے یہ بات بھی سامنے آئی ہے کہ بچوں کو مذکورہ شربت ڈاکٹر کے مشورے کے بغیر گھر پر دیا گیا تھا، والدین نے خود یا فارماسسٹ کے مشورے پر استعمال کیا گیا تھا۔ واقعے کے بعد ملک کی تمام فارمیسیوں سے Doc-1 Max سیرپ کو ہٹا دیا گیا ہے، اس کے ساتھ 7 ملازمین کو برطرف بھی کر دیا گیا ہے کیوں کہ وہ بروقت صورت حال کو سنبھال نہیں سکے اور ضروری اقدامات کرنے میں ناکام رہے تھے۔

  • پاکستان ازبکستان سے تعلقات کو قدر کی نگاہ سےدیکھتا ہے، آرمی چیف

    پاکستان ازبکستان سے تعلقات کو قدر کی نگاہ سےدیکھتا ہے، آرمی چیف

    راولپنڈی: ازبکستان کے سفیر ایبک عارف عثمانوف نے آرمی چیف جنرل قمر جاوید باجوہ سے ملاقات کی ہے۔

    پاک فوج کے شعبہ تعلقات عامہ آئی ایس پی آر کے مطابق پاکستان میں ازبکستان کے سفیر ایبک عارف عثمانوف نے جی ایچ کیو راولپنڈی کا دورہ کیا اور آرمی چیف جنرل قمر جاوید باجوہ سے ملاقات کی۔

    آئی ایس پی آر کے مطابق ملاقات میں باہمی دلچسپی کے امور، علاقائی سلامتی کی صورتحال سمیت دوطرفہ تعاون کے فروغ پر تبادلہ خیال کیاگیا۔

    ملاقات میں آرمی چیف نے کہا کہ پاکستان ازبکستان کے ساتھ اپنے تعلقات بالخصوص دفاعی تعاون کو قدر کی نگاہ سے دیکھتا ہے، ملاقات میں خطے میں امن و سلامتی کے فروغ سمیت دوطرفہ تعلقات کو مزید وسعت دینے کے عزم کا اعادہ کیا گیا۔

    اس موقع پر ازبک سفیر نے علاقائی استحکام میں پاکستان کے کردار کو سراہا اور دونوں برادر ممالک کے درمیان بہتر تعلقات کے لئے کام جاری رکھنے کا عہد کیا۔

  • افغانستان سے ازبکستان، اب افغان پائلٹوں کی اگلی منزل کونسی؟، فیصلہ ہوگیا

    افغانستان سے ازبکستان، اب افغان پائلٹوں کی اگلی منزل کونسی؟، فیصلہ ہوگیا

    تاشقند: کابل پر طالبان کے قبضے کے باعث ازبکستان منتقل ہونے والے افغان پائلٹوں سے متعلق اہم فیصلہ کیا گیا ہے۔

    میڈیا رپورٹ کے مطابق امریکا اور ازبکستان کے درمیان ایک نئے معاہدے کے تحت افغان پائلٹوں کے ایک گروپ کو رواں ہفتے کے آخر میں ازبکستان سے ایک امریکی فوجی اڈے میں منتقل کیے جانے کی توقع ہے۔

    دی وال اسٹریٹ جرنل نے اپنی رپورٹ میں کہا کہ افغان فضائیہ کے پائلٹوں کو ممکنہ طور پر دوحہ میں امریکی فوجی اڈے لے جایا جائے گا، تاہم یہ واضح نہیں ہے کہ آخر پائلٹوں کو امریکا منتقل کیا جائے گا یا نہیں، اگست کے وسط میں طالبان کے کابل پر قبضے کے بعد ازبکستان چلے گئے تھے۔

    یہ بھی پڑھیں: سابق وزیر خارجہ کا عالمی ممالک کو طالبان حکومت کے حوالے سے مشورہ

    رپورٹ میں کہا گیا کہ طالبان نے سرکاری عہدیداروں اور فوج کے ارکان کو معافی دینے کا وعدہ کیا ہے ، لیکن پائلٹوں کو اب بھی اپنی حفاظت کے بارے میں خدشات ہیں، وہیں پائلٹوں کو حوالے کرنے کے لیے ازبک حکومت پر طالبان کا دباؤ بھی ہے۔

    رپورٹ کے مطابق اس وقت ازبکستان میں چھیالیس طیارے ہیں اور عملے اور ان کے خاندانوں سمیت کل پانچ سو پچاسی افراد ہیں۔

    دوسری جانب طالبان کے ترجمان سہیل شاہین نے پائلٹوں سے اپیل کی ہے کہ وہ افغانستان واپس جائیں کیونکہ ملک کوخود کی تعمیرنو کے لئے اپنے لوگوں کی ضرورت ہے۔

  • وزیراعظم عمران خان کاسا کانفرنس میں شرکت کیلئے ازبکستان پہنچ گئے

    وزیراعظم عمران خان کاسا کانفرنس میں شرکت کیلئے ازبکستان پہنچ گئے

    اسلام آباد : وزیراعظم عمران خان 2 روزہ دورے پر ازبکستان پہنچ گئے ، عمران خان ازبک صدر کے ہمراہ کاسا کانفرنس کا افتتاح کریں گے ۔

    تفصیلات کے مطابق وزیراعظم عمران خان 2روزہ سرکاری دورے پر ازبکستان پہنچ گئے ، حکومتی وزرا، کاروباری افراد پر مشتمل اعلیٰ سطح وفد بھی وزیراعظم کے ہمراہ ہیں۔

    وزیراعظم عمران خان کاسا کانفرنس میں شرکت کریں گے، جہاں عمران خان اور ازبک صدر کاسا کانفرنس کا مشترکہ افتتاح کریں گے۔

    ذرائع کا کہنا ہے کہ وزیراعظم عمران خان کی افغان صدراشرف غنی سے ازبکستان میں ملاقات کاامکان ہے ، دونوں رہنماؤں کی ازبکستان میں کاساکانفرنس کی سائیڈلائن پرملاقات ہوسکتی ہے۔

    دورے کے دوران وزیراعظم ازبکستان کے صدر اور کاروباری شخصیات سے ملاقات کریں گے ، دونوں رہنماؤں میں باہمی دلچسپی،علاقائی ،بین الاقوامی امورپر بات چیت ہو گی۔

    دورہ ازبکستان علاقائی ودو طرفہ تجارت، سیکیورٹی ضمن میں اہمیت کاحامل ہے ، عمران خان کے دورے کے دوران مشترکہ مفادات کے امور میں اہم معاہدے،مفاہمتی یاداشتوں سمیت تجارت ،معاشی تعاون پر مبنی معاہدے اور مفاہمتی یاداشتوں پر دستخط ہوں گے۔

    وزیراعظم عمران خان پاک ازبک تجارتی فارم سے بھی خطاب کریں گے ، فارم میں دونوں ممالک کی معروف کاروباری اور سرمایہ کار شخصیات شریک ہوں گی۔

    دونوں ممالک کے درمیان جوائنٹ بزنس کونسل کا افتتاحی سیشن بھی ہوگا اور وزیراعظم عالمی کانفرنس سینٹرل اینڈ ساؤتھ ایشیاعلاقائی روابط سے بھی خطاب کرینگے ، جس میں ویژن سینٹرل ایشیاپالیسی2021پربھی روشنی ڈالیں گے۔

  • وزیر اعظم سے ازبک وزیر کی ملاقات، دورہ ازبکستان کی دعوت

    وزیر اعظم سے ازبک وزیر کی ملاقات، دورہ ازبکستان کی دعوت

    اسلام آباد: وزیر اعظم عمران خان سے ازبک وزیر مواصلات میخاموف الخم نے آج ملاقات کی جس میں انھوں نے اپنے صدر کی جانب سے وزیر اعظم کو دورہ ازبکستان کی دعوت دی۔

    تفصیلات کے مطابق آج ازبکستان کے وزیر میخاموف نے وزیر اعظم عمران خان سے ملاقات کی، جس میں دو طرفہ تعلقات، علاقائی روابط، خطے میں امن و سلامتی سے متعلق تبادلہ خیال کیا گیا۔

    وزیر اعظم نے ازبکستان کے ساتھ مشترکہ مذہبی، تاریخی اور ثقافتی برادرانہ تعلقات پر زور دیا، مختلف شعبوں میں دو طرفہ تعاون کو مزید فروغ دینے پر اتفاق رائے کیا گیا، جب کہ وسطی ایشیا کے ساتھ تجارت، سرمایہ کاری، توانائی میں تعلقات کے فروغ پر بات چیت کی گئی۔

    وزیر اعظم نے خطے کی معاشی نمو اور ترقی کے لیے علاقائی رابطے کے فروغ کی اہمیت کو اجاگر کیا، وزیر اعظم عمران خان نے ازبک صدر سے اپنی گزشتہ ملاقات کا ذکر بھی کیا، انھوں نے کہا ہم ازبک صدر کے جلد دورہ پاکستان کے منتظر ہیں۔

    وزیر اعظم نے بتایا کہ پاکستانی بندرگاہوں نے وسطی ایشیائی ریاستوں کو بحیرہ ہند تک رسائی فراہم کی۔

    ملاقات میں مزار شریف، کابل، پشاور ریلوے لائن منصوبے کو آگے بڑھانے پر اتفاق کیا گیا، وزیر اعظم عمران خان کا کہنا تھا افغانستان میں تنازعے کا کوئی فوجی حل نہیں ہے، انھوں نے افغان امن عمل میں پاکستان کے مثبت کردار پر بات کرتے ہوئے کہا جامع اور وسیع البنیاد سیاسی حل پائیدار امن و استحکام میں معاون ثابت ہوگا۔

    دریں اثنا، ازبک وزیر نے ازبکستان کے صدر کی نیک خواہشات وزیر اعظم تک پہنچائیں، ازبک وزیر نے اپنے صدر کی جانب سے وزیر اعظم کو دورہ ازبکستان کی دعوت بھی دی۔

  • آرمی چیف سے ازبکستان کے اسٹیٹ سیکیورٹی سروسز کے چیئرمین کی ملاقات

    آرمی چیف سے ازبکستان کے اسٹیٹ سیکیورٹی سروسز کے چیئرمین کی ملاقات

    اسلام آباد: آرمی چیف جنرل قمر جاوید باجوہ سے ازبکستان کے اسٹیٹ سیکیورٹی سروسز کے چیئرمین عبدالسلام عزیزو کی ملاقات ہوئی۔ ملاقات میں فوجی رابطوں، تربیت اور انسداد دہشت گردی کے امور کو وسعت دینے پر اتفاق کیا گیا۔

    تفصیلات کے مطابق آرمی چیف جنرل قمر جاوید باجوہ سے ازبکستان کے اسٹیٹ سیکیورٹی سروسز کے چیئرمین عبدالسلام عزیزو کی ملاقات ہوئی۔ ملاقات میں باہمی دلچسپی، علاقائی سیکیورٹی اور پیشہ ورانہ امور پر تبادلہ خیال کیا گیا۔

    دوران ملاقات دونوں جانب سے دفاعی اور سیکیورٹی تعاون کے امور بھی زیر غور آئے، دونوں کے درمیان فوجی رابطوں، تربیت اور انسداد دہشت گردی کے امور کو وسعت دینے پر اتفاق کیا گیا۔

    ازبک مہمان نے علاقائی استحکام کے لیے پاک فوج کی کوششوں کی تعریف کی۔

    گزشتہ روز آرمی چیف اور وزیر اعظم عمران خان کی ملاقات بھی ہوئی تھی جس میں ملکی سلامتی اور سیکیورٹی کی صورتحال پرتبادلہ خیال ہوا۔

    گزشتہ ہفتے آرمی چیف نے وزیر اعظم عمران خان کے ہمراہ امریکا کا دورہ کیا تھا۔ اپنے دورہ امریکا کے دوران انہوں نے امریکی وزیر خارجہ مائیک پومپیو سے ملاقات کی تھی۔

    آرمی چیف اور امریکی وزیر خارجہ کی ملاقات میں علاقائی سیکیورٹی اور افغان امن عمل پر تبادلہ خیال کیا گیا۔ ملاقات میں امریکی اور پاکستانی قیادت کی ملاقات کے پہلوؤں کا جائزہ لیا گیا جبکہ افغان قیادت میں افغان کنٹرولڈ حل پر بھی زور دیا گیا۔

    آرمی چیف نے امریکی دفاعی ہیڈ کوارٹر پینٹا گون کا دورہ بھی کیا تھا جہاں ان کا تاریخی استقبال ہوا اور انہیں 21 توپوں کی سلامی دی گئی۔

  • ازبکستان کی ہاکی اور رگبی کی ٹیمیں پاکستان پہنچ گئیں، پہلا میچ پیرکو کھیلا جائے گا

    ازبکستان کی ہاکی اور رگبی کی ٹیمیں پاکستان پہنچ گئیں، پہلا میچ پیرکو کھیلا جائے گا

    لاہور :  ازبکستان کی ہاکی اور رگبی کی ٹیمیں پاکستان پہنچ گئیں ، ہاکی ٹیم پاکستان کے13روزہ  دورے کے دوران8میچز کھیلے گی۔رگبی کا میچ کل جبکہ ہاکی کا پہلا میچ پیر کو کھیلا جائے گا۔

    تفصیلات کے مطابق ازبکستان کی ہاکی ٹیم پاکستان کے13روزہ دورے پر لاہور پہنچ گئی ہے، ایئر پورٹ پر پی ایچ ایف کے آفیشلز نے غیر ملکی ٹیم کا استقبال کیا۔

    اس حوالے سے ذرائع کا کہنا ہے کہ ازبکستان کی ہاکی ٹیم قومی ڈیویلپمنٹ ہاکی اسکواڈ سے میچز کھیلے گی، مہمان ٹیم دورے کےدوران مختلف اکیڈمیز کے ساتھ بھی میچز کھیلے گی۔

    مہمان ٹیم کے دورے کے دوران8میچز شیڈول ہیں، ذرائع کے مطابق ازبکستان ہاکی ٹیم اپنا پہلا میچ29اور دوسرا30اپریل کو کھیلے گی، مہمان ٹیم2، 3، 4، 5، 6، 7 اور 9 مئی کو بھی میچز کھیلے گی۔

    مزید پڑھیں: اسٹریٹ چائلڈ فٹبال ورلڈ کپ کے فائنل میں ازبکستان نے پاکستان کو شکست دے دی

    ازبکستان ہاکی ٹیم کے چار میچ قومی ڈیویلپمنٹ اسکواڈ کے ساتھ ہوں گے، مہمان ٹیم مختلف اکیڈمیز کے ساتھ بھی چار میچ کھیلے گی۔

    علاوہ ازیں ازبکستان کی رگبی ٹیم بھی لاہورپہنچ گئی ہے، ازبکستان اور پاکستان کی رگبی ٹیموں کےدرمیان دو میچزکھیلےجائیں گے،15سائیڈ ایشین رگبی چیمپئن شپ کے دو میچزمیں سے پہلا میچ کل ہوگا۔