معروف اداکاروں اقرا عزیز اور یاسر حسین نے دھوم دھام سے اپنی شادی کے بعد ولیمے کی تقریب نہایت سادگی سے انجام دی، ولیمے کا کھانا مستحق افراد میں تقسیم کیا گیا۔
معروف اداکار اقرا عزیز اور یاسر حسین 28 دسمبر کو رشتہ ازدواج میں منسلک ہوئے تھے۔ گزشتہ روز ان دونوں کا سادگی سے ولیمہ منعقد ہوا۔
اقرا کی بہن سدرہ عزیز نے سماجی رابطے کی ویب سائٹ ٹویٹر پر ٹویٹ کرتے ہوئے بتایا کہ ولیمے کی تقریب گھر پر منعقد ہوئی جس میں خاندان کے قریبی افراد اور چند دوستوں نے شرکت کی۔
سدرہ کے مطابق دونوں نے اپنے ولیمے کا کھانا مستحق افراد میں تقسیم کیا۔ تقریب بمشکل چند گھنٹے کی تھی۔
Iqra and Yasir chose to keep Reception at home. With only a few friends and family members. Food was distributed by themselves to the deserving ones. Again it was only a few hours affair at home.
— Sidra Aziz (@NamkeenJalebi) December 30, 2019
اس موقع پر دونوں کی سامنے آنے والی تصاویر کو سوشل میڈیا پر خوب سراہا گیا۔
These three have our heart 😍💕❤️✨. pic.twitter.com/73IiyaJHBT
— Showbiz & News (@ShowbizAndNewz) December 30, 2019
شادی کے اگلے روز یاسر حسین نے انسٹاگرام پر ایک طویل پوسٹ میں لکھا تھا کہ انہوں نے اپنی شادی نہایت سادگی سے انجام دی۔
یاسر نے لکھا تھا کہ ’ہم نے ایک دوسرے کے گھر والوں کو کوئی غیر ضروری تحفے نہیں دیے، جہیز نہیں لیا، بری نہیں بنی۔ فضول زیورات پر پیسے خرچ نہیں کیے، نکاح خواں کے 8000 اور کھانا حسب استطاعت، شادی بس یہی ہے، اپنے گھر والوں پر رحم کریں اور شادی کو آسان بنائیں‘۔
انہوں نے یہ بھی لکھا کہ وہ اپنے گھر میں ہی شادی کرنا چاہتے تھے تاہم جگہ کم ہونے کی وجہ سے تقریب باہر منتقل کرنی پڑی۔
دونوں اداکاروں کی سادگی کو سوشل میڈیا پر خوب سراہا جارہا ہے اور انہیں دوسرے اداکاروں کے لیے بھی قابل تقلید مثال سمجھا جارہا ہے۔