بھارتی فلم انڈسٹری کی اداکارہ خوشی کپور نے ساتھی اداکار ویدانگ رائنا کے ساتھ اپنے تعلقات کا باضابطہ اعلان کر دیا ہے۔
اپنی تازہ ترین انسٹاگرام پوسٹ کے ذریعے خوشی کپور نے ویدانگ رائنا کے ساتھ اپنے تعلق کا باضابطہ اعلان کیا، انہوں نے انسٹاگرام پر کچھ تصاویر شیئر کیں۔
تصاویر میں انہوں نے ’V‘ اور ’K‘ کا لاکٹ پہنا ہوا تھا، جنہیں ویدانگ اور خوشی کے ناموں سے جوڑا جا رہا ہے۔ اس پوسٹ کے کیپشن میں اداکارہ نے صرف ایک سفید دل والا ایموجی استعمال کیا۔
View this post on Instagram
ایسا پہلی بار نہیں ہوا ہے کہ خوشی نے ویدانگ کے نام کی کوئی چیز پہنی ہو۔ گزشتہ برس دورہ مالدیپ کے دوران مداحوں نے ان کے ہاتھ میں ایک بریسلٹ دیکھا تھا جس پر ویدانگ کا نام لکھا تھا۔
اس سے قبل فلم ’لویاپا‘ سے بڑی اسکرین پر ڈیبیو کرنے والی بالی وڈ کی نوجوان اداکارہ خوشی نے مداحوں کو انوکھا چیلنج دیا تھا۔
بونی کپور اور سری دیوی کی بیٹی نے فلم ’لویاپا‘ میں سُپر اسٹار عامر خان کے بیٹے جیند خان کے ساتھ کام کیا، فلم حال ہی میں او ٹی ٹی جیو ہاٹ اسٹار پر ریلیز کی گئی۔
جیو ہاٹ اسٹار نے انسٹاگرام پر خوشی کی ایک ویڈیو پوسٹ کی تھی جس میں انہوں نے مداحوں کو او ٹی ٹی ریلیز پر مبارکباد دی تھی اور بتایا کہ وہ ان کیلیے ایک چیلنج لائی ہیں۔
خوشی نے کہا کہ میں چاہتی ہوں کہ آپ مجھے ٹرول کرنے سے پہلے جیو ہاٹ اسٹار پر میری فلم ’لویاپا‘ دیکھیں، چیلنج یہ ہے کہ تمام لڑکے فلم کو اپنی گرل فرینڈز کے فون پر دیکھیں جبکہ تمام لڑکیاں اپنے بوائے فرینڈز کے فون پر دیکھیں۔
دراصل مذکورہ چیلنج فلم کی کہانی کی عکاسی کرتی ہے جس میں خوشی کپور اور جنید خان نے ’بانی‘ اور ’گورو‘ کا کردار ادا کیا، وہ اپنے فونز کا تبادلہ کرتے ہیں۔ یہ ان کے تعلقات کا امتحان ہے کیونکہ وہ ایک دوسرے کے رازوں کو دریافت کرتے ہیں۔
انسٹاگرام پوسٹ پر ردعمل دیتے ہوئے ایک نے لکھا کہ خوشی سب سے پیاری لڑکی ہے کوئی انہیں کیسے ٹرول کر سکتا ہے؟ دوسرے نے کہا کہ یہ ایک حقیقی فلم ہے اور اداکارہ کی اداکاری بھی اتنی اچھی ہے کہ آپ بیکار ٹرول کر رہے ہوں گے۔
فلم کو سراہتے ہوئے ایک اور مداح نے لکھا کہ فلم کو دیکھا اور اسے حقیقی پایا، آپ اور جنید اس میں واقعی اچھے تھے؛ فلم نے ایک منٹ کیلیے بھی بور نہیں کیا۔
سوشل میڈیا پر لوگ چاہتے ہیں اداکارائیں عدم تحفظ کا شکار رہیں، خوشی کپور
یاد رہے کہ فلم ’لویاپا‘ کے علاوہ خوشی نے اس سال ایک اور رومانوی کامیڈی فلم ’نادانیاں‘ میں کام کیا جس میں سُپر اسٹار سیف علی خان کے بیٹے ابراہیم علی خان نے ڈیبیو کیا۔
