ماسکو: وینزویلا میں سیاسی بحران کے پیش نظر امریکا کی جانب سے فوجی کارروائی کا عندیہ دینے پر روس نے بھی خبردار کردیا۔
تفصیلات کے مطابق امریکا کی جانب سے عندیہ دیا گیا تھا کہ وینزویلا میں بحران کے باعث اگر فوجی کارروائی کرنا پڑی تو کرسکتے ہیں جس کے ردعمل میں روس نے امریکا کو خبردار کیا ہے۔
غیر ملکی خبر رساں ادارے کے مطابق روسی وزیرخارجہ سیرگئی لاوروف کا امریکی ہم منصب سے ٹیلی فونک رابطہ ہوا اس دوران انہوں نے امریکا کو فوجی کارروائی سے باز رہنے پر روز دیا۔
ٹیلی فون گفتگو کے دوران روسی وزیرخارجہ کا کہنا تھا کہ وینزویلا میں کسی بھی طرح کے مزید جارحانہ اقدامات کے انتہائی سنگین نتائج برآمد ہوں گے۔
قبل ازیں امریکی وزیرخارجہ نے کہا تھا کہ صدر ڈونلڈ ٹرمپ کی انتظامیہ کی طرف سے وینزویلا میں جاری بحران کے خاتمے کے لیے فوجی کارروائی ممکن ہے۔
امریکا کی جانب سے اس فیصلے کے بعد روسی حکام ٹرمپ اتنظامیہ کو شدید تنقید کا نشانہ بنارہے ہیں، ان کے مطابق فوجی کارروائی ہوئی تو روس خاموش نہیں بیٹھے گا۔
خیال رہے کہ گذشتہ ماہ امریکا نے روس کو تنبیہ کی تھی کہ وینزویلا بحران کے آڑ میں روسی فوج نے مداخلت کی تو خاموش نہیں بیٹھیں گے، باوجود اس کے روس نے اپنی فوج بھیج دی۔
امریکی دھمکیوں کے باوجود روسی فوج وینزویلا پہنچ گئی
وینزویلا پہنچنے والے روسی فوجی دستوں میں 100 کے قریب سپاہی شامل ہیں، جو دارالحکومت کراکس کے ایئربیس پر موجود ہیں۔
اس سے قبل امریکا نے روس کو خبردار کیا تھا کہ وہ کسی بھی قسم کی فوجی کارروائی سے گریز کرے۔
