ARYNews.tv | Urdu – Har Lamha Bakhabar

Tag: ventilator-occupancy

  • لاہور: کورونا مریضوں کی تعداد میں کمی، وینٹی لیٹرز کے استعمال کی گنجائش 48 فیصد پر آگئی

    لاہور: کورونا مریضوں کی تعداد میں کمی، وینٹی لیٹرز کے استعمال کی گنجائش 48 فیصد پر آگئی

    لاہور : پنجاب کے دارلحکومت لاہور میں کورونا مریضوں کی تعداد میں کمی کے بعد وینٹی لیٹرز کےاستعمال کی گنجائش48 فیصد پر آگئی۔

    تفصیلات کے مطابق پنجاب میں کورونا کے مریضوں کی تعداد میں کمی جاری ہے ، محکمہ صحت پنجاب نے کہا ہے کہ لاہور میں کورونا مریضوں کی تعداد 581 ہوگئی، جس کے بعد وینٹی لیٹرز کےاستعمال کی گنجائش48 فیصد پر آگئی۔

    لاہور کےسرکاری اسپتالوں میں 143 کورونا کےمریض وینٹی لیٹر پر اور 224 مریض ایچ ڈی یوز پر زیرعلاج ہیں ، جن میں سے میؤ اسپتال میں58، جناح اسپتال میں 27، سروسز اسپتال میں 29مریض ، جنرل اسپتال میں 15، پی کے ایل آئی،نواز شریف یکی گیٹ اسپتال میں 3،3 مریض گنگارام اسپتال میں4، کوٹ خواجہ سعید اسپتال اور پی آئی این ایس میں 2،2 مریض وینٹی لیٹر پر ہے۔

    دوسری جانب وفاقی دارالحکومت اسلام آباد میں کوروناوائرس کے مثبت کیسز کی شرح کم ترین سطح پر آگئی ہے، 24گھنٹے کے دوران مثبت کورونا کیسز کی شرح2.7فیصد رہی۔

    صوبہ بلوچستان میں 24 گھنٹے کے دوران کرونا وائرس کے پھیلاؤ کی شرح 3.67 فیصد رہی، محکمہ صحت کا کہنا تھا کہ بلوچستان میں 24 گھنٹے میں 14 سو 98 ٹیسٹ کیے گئے جن میں سے 55 مثبت آئے۔

  • لاہور کے سرکاری اسپتالوں میں وینٹی لیٹرز کا حصول مشکل

    لاہور کے سرکاری اسپتالوں میں وینٹی لیٹرز کا حصول مشکل

    لاہور : پنجاب میں کوروناکےلئےمختص8 سرکاری اسپتالوں میں وینٹی لیٹرزکاحصول مشکل ہوگیا ، مجموعی طورپراسپتالوں میں سواکروڑ کی آبادی والے شہر میں 16 وینٹی لیٹرز خالی ہیں۔

    تفصیلات کے مطابق لاہور کے تمام سرکاری اسپتالوں کےوینٹی لیٹرز96فیصد زیراستعمال میں ہونے کے باعث کوروناکےلئےمختص8 سرکاری اسپتالوں میں وینٹی لیٹرزکاحصول مشکل ہوگیا ہے۔

    اسپتال انتظامیہ کا کہنا ہے کہ میو اسپتال کے 84 وینٹی لیٹرپر80 تشویشناک مریض زیرعلاج ہیں جبکہ سروسزاسپتال میں کوروناکےمختص32وینٹی لیٹرزپرمریض موجود ہیں۔

    انتظامیہ کے مطابق گورنمنٹ نوازشریف اسپتال یکی گیٹ کودیے گئے10 وینٹی لیٹرز ، پی کےایل کےلئےمختص 8 وینٹی لیٹرزبھی تا حال زیر استعمال ہیں جبکہ کوٹ خواجہ سعیداسپتال میں مختص تینوں وینٹی لیٹرزپرمریض موجود ہیں۔

    اسی طرح جنرل اسپتال میں30وینٹی لیٹرزپر28 مریض ، جناح اسپتال کے40 وینٹی لیٹرزپر33 مریض اور گنگارام اسپتال کے20 وینٹی لیٹرزپرکورونا متاثرہ 16 خواتین زیرعلاج ہیں۔

    مجموعی طورپراسپتالوں میں سواکروڑ کی آبادی والے شہر میں 16 وینٹی لیٹرز خالی ہیں، جس کے باعث لوگوں کو وینٹی لیٹرز کے حصول مشکلات کا سامنا ہے۔

    دوسری جانب لاہورکے6بڑے اسپتالوں میں آکسیجن کااسٹاک16سے24 گھنٹے کا باقی رہ گیا ہے ، ڈاکٹر یاسمین راشد کا کہنا ہے کہ جناح اسپتال لاہور میں 10ہزار لیٹرآکسیجن ٹینک نصب کردیا گیا ہے ، اب آکسیجن کی صلاحیت20ہزارلیٹرتک پہنچ گئی ہے، جناح اسپتال میں کورونامریضوں کیلئےآکسیجن کامسئلہ نہیں ہوگا۔

    ایم ایس جناح کا کہنا ہے کہ آکسیجن کی مقررہ مقدارکم ہونےسے آکسیجن پریشرمتاثرہوتاہے، آکسیجن کااستعمال معمول سے5 گناہ زیادہ ہورہاہے، ہر 18گھنٹے بعد آکسیجن سپلائی کی ضرورت ہوتی ہے۔

  • خطرے کی گھنٹی، سوا کروڑ کی آبادی والے شہر میں صرف 20 وینٹی لیٹرز دستیاب

    خطرے کی گھنٹی، سوا کروڑ کی آبادی والے شہر میں صرف 20 وینٹی لیٹرز دستیاب

    لاہور : شہر کے 8 سرکاری اسپتالوں میں وینٹی لیٹرز تا حال نایاب ہے اور سوا کروڑ کی آبادی والے شہر میں صرف 20 ویںٹی لیٹرز خالی ہیں، جس کے باعث لواحقین شدید پریشان ہیں۔

    تفصیلات کے مطابق لاہور کے تمام سرکاری اسپتالوں کے وینٹی لیٹرز95 فیصد بھر گئے اور کورونا کے لیےمختص 8 سرکاری اسپتالوں میں وینٹی لیٹرز کی کمی کا سامنا ہے۔

    اسپتال انتظامیہ کا کہنا ہے کہ جناح اسپتال کے 50 وینٹی لیٹرز پر47مریض زیرعلاج ہے اور سروسز اسپتال میں کورونا کےمختص 32 وینٹی لیٹرزپر مریض موجود ہیں۔

    انتظامیہ کے مطابق گورنمنٹ نواز شریف اسپتال یکی گیٹ کو دیےگئے 10 وینٹی لیٹرز پرمریض موجود ہے جبکہ میؤ اسپتال کے84وینٹی لیٹرز میں سے78 پرمریض اور پی کے ایل آئی کےلیےمختص 8 وینٹی لیٹرز پر7 مریض زیر علاج ہیں۔

    جنرل اسپتال میں 40 وینٹی لیٹرز میں سے37 پرمریض زیر علاج ہیں جبکہ گنگارام اسپتال کے20 وینٹی لیٹرز میں سے صرف 7دستیاب ہیں۔

    اسی طرح کوٹ خواجہ سعید اسپتال میں مختص 3وینٹی لیٹرز میں سے2 پرمریض موجود ہیں ، سوا کروڑ کی آبادی والے شہر میں صرف 20 وینٹی لیٹرز دستیاب ہیں۔

    آکسیجن بیڈز پر درجنوں تشویشناک مریض وینٹی لیٹرز کے منتظر ہیں اور لواحقین ویںتی لیٹرز کے حصول کے لئے شدید پریشان ہیں۔