ARYNews.tv | Urdu – Har Lamha Bakhabar

Tag: Vicky Kaushal

  • کترینہ کیف اور وکی کوشل کی شادی : کئی مزاحیہ میمز بن گئیں

    کترینہ کیف اور وکی کوشل کی شادی : کئی مزاحیہ میمز بن گئیں

    ممبئی : بھارتی اداکارہ کترینہ کیف اور وِکی کوشل کی شادی پر سوشل میڈیا صارفین بھی کسی سے پیچھے نہیں رہے ایسی ایسی میمز بنا ڈالیں کہ دیکھنے والے مسکرائے نہ رہ سکے۔

    وکی کوشل اور کترینہ کیف کی شادی کی مرکزی نجی تقریب آج 9دسمبر بروز جمعرات کو راجستھان کے سکس سینس فورٹ بارواڑہ میں انجام پائے گی۔

    دونوں فنکاروں کی شادی میں اتنے خاص اقدامات اور احتیاطی تدابیر اختیار کی جارہی ہیں جو شاید آپ کو اس سے پہلے کسی وی وی آئی پی کی شادی میں بھی نہیں دیکھنے کو ملی ہوں گی۔

    گزشتہ کچھ دنوں میں سلمان خان پر متعدد میمز بنائی گئیں جس سے صارفین بے حد محظوظ ہوئے—فوٹو: سوشل میڈیا

    یہ جوڑا اپنی شادی کو نجی رکھنے کے لیے بہت آگے جاچکا ہے۔ مختلف رپورٹس کے مطابق حاضرین پر زور دیا گیا ہے کہ وہ تہواروں میں نہ صرف اپنے فون لائیں، بلکہ ایک معاہدے پر دستخط بھی کریں۔ ایک اور افواہ کے مطابق پنڈال کے اوپر منڈلاتے ڈرونز کو مار گرایا جائے گا۔

    افواہوں کی ان پابندیوں نے بہت سارے دلچسپ میمز کو جنم دیا ہے۔ وکی اور کترینہ کی شادی میں ایک مبینہ سیکیورٹی گارڈ کا موازنہ ایک ٹوئٹر صارف نے اسکویڈ گیم کی بڑی گڑیا سے کیا۔

    ایک اور مداح کو اوپرا ونفری کی میگھن مارکل سے انٹرویو کی یاد دلائی گئی اور وہ شادی کے مہمانوں سے بھی ایسا ہی سوال پوچھنا چاہتی تھی“ کیا آپ خاموش تھے یا آپ کو خاموش کر دیا گیا؟”

  • کترینہ اور وکی کوشل کی شادی : قدیم قلعہ میں پرتعیش تقریبات، ویڈیو دیکھیں

    کترینہ اور وکی کوشل کی شادی : قدیم قلعہ میں پرتعیش تقریبات، ویڈیو دیکھیں

    سوائی مادھوپور : بالی ووڈ اداکارہ کترینہ کیف اور اداکار وکی کوشل کی شادی کی تقریبات کا آج سے باقاعدہ آغاز ہوچکا ہے، شادی کی رسومات راجستھان کے 700 سال پرانے قلعہ میں ادا کی جائیں گی۔

    کترینہ کیف اور وکی کوشل کی شادی رواں ماہ کی 9 تاریخ بروز جمعرات ہونا قرار پائی ہے۔ اس سلسلے میں سیکیورٹی کے بہت سخت اقدامات کیے گئے ہیں اور چیدہ چیدہ مہمانوں کو مدعو کیا گیا ہے۔

    دوسری جانب مہمانوں کے راجھستان کے پر تعیش فورٹ پہنچنے پر اُن کے استقبال کی ویڈیوز بھی وائرل ہو گئی ہیں۔ ان ویڈیوز میں دیکھا جا سکتا ہے کہ کترینہ کیف اور وکی کوشل کی شادی پرپہنچنے والے مہمانوں کا لائیو قوالی، آتش بازی اور رقص کے ساتھ شاہانہ انداز میں استقبال کیا جا رہا ہے۔

    مقامی انتظامیہ کا کہنا ہے کہ شادی کی تقریبات سات سے10 دستمبر تک ہوں گی اور اس میں 120 مہمان شرکت کریں گے۔ اس دوران کورونا وائرس کی روک تھام کے انتظامات بھی کیے جائیں گے۔ تمام مہمانوں کے لیے لازم  ہوگا کہ انھیں ویکسین کی دونوں خوراکیں لگی ہوئی ہوں۔ ہوٹل کی انتظامیہ ہیلپ ڈیسک لگائے گی۔

    سات سو سال پرانہ قلعہ
    راجستھان کے شہر سوائی مادھوپور سے18 کلومیٹر دور ایک پہاڑی چوٹی پر چوتھ کا برورا کے مقام پرایک 7سو سال پرانا قلعہ واقع ہے جسے اب ایک ہوٹل میں تبدیل کردیا گیا ہے۔ اس کا نام سکس سینسز فورٹ ہوٹل ہے۔

    ایک مقامی صحافی کے مطابق مہمانوں کے علاوہ ڈرائیورز اور سکیورٹی حکام سمیت دیگرعملے کے لیے قریبی ہوٹلوں میں بکنگ کروائی گئی ہے۔

    راجستھان میں اس سے پہلے بھی معروف شخصیات کی شادیاں ہوئی ہیں، کئی بڑی کاروباری شخصیات اور بالی ووڈ کے ستاروں نے جھیلوں کے شہر اودے پور میں شادی کی ہے مگر سوائی مادھوپور میں یہ اپنی نوعیت کی پہلی شادی ہوگی۔

    ایک مقامی صحافی نے ہوٹل کے ذرائع کا حوالہ دیتے ہوئے بتایا ہے کہ شادی کی تقریبات سات دسمبر کو سنگیت سے شروع ہوں گی جبکہ شادی کی سب سے اہم تقریب نو دسمبر کو ہوگی, آٹھ دسمبر کو مہندی کی رسم نبھائی جائے گی جس کے لیے دنیا کی مشہور سوجات مہندی منگوائی گئی ہے۔

  • کترینہ کی شادی میں‌ تصویر لینے پر شوٹ کر دیا جائے گا

    کترینہ کی شادی میں‌ تصویر لینے پر شوٹ کر دیا جائے گا

    بالی ووڈ اداکارہ کترینہ کیف کی شادی کی تیاریاں عروج پر ہیں، شادی کی تصاویر پر سخت پابندی عائد کی گئی ہے، تقریب کے لیے ایک انٹرنیشنل سیکیورٹی ٹیم بھی ہائر کی گئی ہے۔

    بھارتی میڈیا کے مطابق کترینہ کیف اور وکی کوشال کی شادی کو خفیہ رکھنے کی ہر ممکن کوشش کی جا رہی ہے، مہمانوں کو شرکت کے لیے خفیہ کوڈ دیے جائیں گے، جن کے بغیر انٹری نہیں ہو سکے گی۔

    شادی کی تقریب میں موبائل فون لانے پر پہلے ہی پابندی عائد کی جا چکی ہے، لیکن اب ایک نیا آرڈر جاری کیا گیا ہے، شادی کی تیاریاں کرنے والی ٹیم کے حوالے سے بھارتی میڈیا نے کہا ہے کہ شادی کے مقام کے آس پاس اگر کوئی ڈرون کیمرہ دکھائی دیا تو اسے اسی وقت شوٹ کر دیا جائے گا۔

    بتایا جا رہا ہے کہ یہ سارے سخت انتظامات اس سلسلے میں ہیں کہ کسی بھی طرح شادی کی تصاویر کو باہر آنے سے روکا جائے، سیکیورٹی ٹیم اس بات کو یقینی بنائے گی کہ کوئی مہمان یا میڈیا ممبر شادی کی تصویر نہ لے سکے۔

    میڈیا کے مطابق خصوصی مہمانوں کو ہوٹل کی جانب سے ناموں کی بجائے کوڈز الاٹ کیے ہیں تاکہ شریک ہونے والے مہمانوں کی شناخت ظاہر نہ ہو سکے، اور انھی کوڈز پر مہمانوں کو روم سروس اور سیکیورٹی وغیرہ کی خدمات فراہم کی جائیں گی، ہوٹل کے کمروں تک رسائی بھی انھی کے ذریعے ہو سکے گی۔

    واضح رہے کہ شادی میں شرکت کے لیے ’نو فون پالیسی‘ اب سلیبریٹیز کی شادیوں میں ایک عام بات ہو گئی ہے۔ بالی ووڈ اداکارہ کترینہ کیف اور وکی کوشال کی شادی راجستھان کے ضلع سوائی مادھو پور میں واقع سکس سینس فورٹ بارواڑہ میں 9 دسمبر کو ہوگی۔

  • کترینہ کیف کی شادی کا منفرد دعوت نامہ

    کترینہ کیف کی شادی کا منفرد دعوت نامہ

    کترینہ کیف اور وکی کوشال کی شادی کے حوالے سے بھارتی میڈیا پر ہر دوسرے دن کوئی نہ کوئی نئی خبر سامنے آجاتی ہے۔ اگرچہ دونوں فلمی ستاروں نے ان خبروں کی تصدیق یا تردید نہیں کی لیکن کترینہ کی جانب سے اتنا ضرور کہا گیا ہے کہ رواں سال دسمبر میں شادی کی خبروں میں کوئی صداقت نہیں۔

    اب غیرمصدقہ رپورٹس میں یہ انکشاف کیا گیا ہے کہ دونوں فنکار اپنی شادی کی تقریب کو اس قدر خفیہ رکھیں گے کہ اس (تقریب) میں شرکت کرنے والے مہمانوں کو ایک خفیہ کوڈ دیا جائے گا۔

    انڈین ٹی وی چینل این ڈی ٹی وی نے انٹرٹینمنٹ کی خبروں سے متعلقہ ویب سائٹ بالی وڈ لائف کا حوالہ دیتے ہوئے لکھا ہے کہ کترینہ اور وکی کوشال کی شادی میں مدعو کیے جانے والے مہمانوں کو ایک خفیہ کوڈ دیاجائے گا جس سے انہیں وینیو میں داخل ہونے کی اجازت مل سکے گی۔

    Katrina Kaif, Vicky Kaushal to get married in Udaipur: Report

    حتیٰ کہ ہوٹل کے کمروں تک رسائی بھی اسی کوڈ کے ذریعے ہوگی اور شادی میں شرکت کے لیے نو فون پالیسی لاگو ہوگی جو اب معروف شخصیات کی شادیوں میں ایک عام ایک رجحان بن چکا ہے، رپورٹس کے مطابق شادی کی تقریبات تین دن تک جاری رہیں گی۔

    یہ بھی کہا جا رہا ہے کہ مذکورہ شادی میں صرف منتخب کیے گئے مہمانوں کو ہی مدعو کیا جائے گا اور مہمانوں کی یہ فہرست اومیکرون وائرس کی وجہ سے مزید محدود ہوسکتی ہے۔

    Katrina Kaif and Vicky Kaushal's wedding venue revealed | Filmfare.com

    بھارتی اخبار ہندوستان ٹائمز کے مطابق یہ اطلاعات سامنے آئی تھیں کہ وکی اور کترینہ رواں سال نومبر یا دسمبرمیں شادی کرنے کا ارادہ رکھتے ہیں اور انہوں نے معروف ڈیزائنر سبیاساچی مکھرجی کو اپنی شادی کا جوڑا ڈیزائن کرنے کا کہا ہے۔

    اکتوبر کے آغاز میں وکی کوشال کی فلم "سرداراودھم” کی اسکریننگ کے موقع پر کترینہ کیف بھی موجود تھیں اور اس دوران دونوں کی گلے ملتے ہوئےویڈیو کافی وائرل ہوئی تھی۔

    انہوں نے اپنی انسٹاگرام اسٹوریز میں بھی اس فلم کی تعریف کرتے ہوئے لکھا تھا کہ کیا وژن ہے، ایک خوب صورت فلم، وکی کوشال ایک خالص ٹیلنٹ ہیں۔

  • کترینہ کیف اور وِکی کوشل کی شادی : تاریخ طے ہوگئی

    کترینہ کیف اور وِکی کوشل کی شادی : تاریخ طے ہوگئی

    ممبئی : بالی ووڈ اداکارہ کترینہ کیف اور اداکار وِکی کوشل کی شادی کی خبریں بھارتی میڈیا میں گردش میں ہیں، شادی کی تاریخ اور مقام کیا ہوگا اس حوالے سے نئی پیشرفت سامنے آئی ہے۔

    بھارتی میڈیا نے ذرائع سے بتایا ہے کہ دونوں اداکار رواں سال دسمبر میں رشتہ ازدواج میں منسلک ہوجائیں گے جبکہ کترینہ کیف اپنی شادی پر معروف ڈیزائنر سبھیا ساچی کا جوڑا پہنیں گی۔

    بھارتی میڈیا رپورٹس کے مطابق دونوں قریبی دوست رواں برس دسمبر کے پہلے ہفتے میں ممکنہ طور پر7 سے 9دسمبر کو راجستھان میں رشتہ ازدواج میں منسلک ہوں گے۔

    رپورٹس میں دعویٰ کیا گیا کہ وکی اور کترینہ نے اپنے قریبی دوستوں اور خاندان والوں کو انٹرنیٹ کے ذریعے مدعو کیا ہے، کترینہ اور وکی کی شادی کی تقریبات میں ہلدی، مہندی، پھیرے جیسی رسومات شامل ہوں گی۔

    اس کے علاوہ یہ بھی بتایا گیا ہے کہ دونوں کی شادی راجستھان کے شہر مدھوپور کےSix Senses Fort Barwaraنامی ہوٹل میں ہوگی۔

    واضح رہے کہ گزشتہ روز بھارتی میڈیا ای ٹائمز کی رپورٹ میں دعویٰ کیا گیا تھا کہ دونوں اداکار دسمبر میں شادی کرلیں گے جب کہ کترینہ کیف اپنی شادی پر معروف ڈیزائنر سبیاساچی کا جوڑا پہنیں گی۔

    خیال رہے کہ گزشتہ چند ماہ سے کترینہ کیف اور وِکی کوشل سے متعلق خبریں زیرگردش تھیں کہ دونوں اداکار ایک دوسرے کو ڈیٹ کررہے ہیں اور جلد شادی بھی کرلیں گے۔

    تاہم کچھ دِن قبل وِکی سے جب میڈیا نے شادی کے حوالے سے سوال کیا تو انہوں نے بڑی خوبصورتی سے یہ کہہ کہ سوال ٹال دیا کہ جب شادی ہوگی تو پتہ چل جائے گا تاہم انہوں نے کترینہ سے رشتے پر کسی قسم کا کوئی تبصرہ پیش کرنے سے گریز کیا تھا۔

  • سلمان خان کی موجودگی میں کترینہ کیف کو شادی کی پیش کش۔۔۔ ویڈیو دیکھیں

    سلمان خان کی موجودگی میں کترینہ کیف کو شادی کی پیش کش۔۔۔ ویڈیو دیکھیں

    ممبئی: بالی ووڈ فلم ’سنجو‘ سے شہرت کی بلندیوں کو چھونے والے نوجوان اداکار وکی کوشال نے سلمان خان کی موجودگی میں کترینہ کیف کو شادی کی پیش کش کر کے سب کو حیران کردیا۔

    تفصیلات کے مطابق بالی ووڈ کی فلم گینگ آف واسع پور سے انڈسٹری میں قدم رکھنے والے نوجوان اداکار نے گزشتہ برس ریلیز ہونے والی دو بڑی فلموں’راضی‘ اور ’سنجو‘ میں کردار ادا کیا جس کے بعد اُن کی بلند پرواز کا سفر شروع ہوگیا۔

    تیس سالہ اداکار کا چرچا اتنا عام ہوگیا کہ بالی ووڈ اداکارہ کترینہ کیف نے اُن کے ساتھ فلم کرنے کی خواہش کا اظہار کیا۔ وکی کو جب اس بات کا علم ہوا تو انہوں نے تعجب کا اظہار کیا۔

    یاد رہے کہ ہدایت کار راج کمار ہیرانی نے گزشتہ برس سنجے دت کی زندگی پر ایک فلم ’سنجو‘ کے نام سے بنائی تھی جس نے نہ صرف باکس آفس پر ریکارڈ بزنس کیا بلکہ رنبیر کپور سمیت دیگر کرداروں کی ترقی کا سفر بھی شروع کروایا۔

    تیس سالہ اداکار انڈسٹری میں سنجو سے قبل چھوٹے کردار ادا کرتے تھے البتہ اب انہیں لوگ ’وکی کوشال‘ کے نام سے جاننے لگے ہیں۔

    کترینہ کی ساتھ کام کرنے کی خواہش کا سُن کر وکی کوشال نے دلچسپ جواب دیا کہ ’میں اس بات پر حیران ہوں بالی ووڈ کی باربی ڈول میرے نام سے واقف ہیں، میں اُن کا بہت زیادہ احترام کرتا ہوں‘۔

    حال ہی میں ایک ایوارڈ شو کی تقریب میں وکی کوشال نے سلمان خان کی موجودگی میں کتریبہ کیف کو شادی کی پیش کش کر کے اداکارہ اور تمام شائقین کو حیران کردیا۔

    سوشل میڈیا پر وائرل ہونے والی ویڈیو میں دیکھا جاسکتا ہے کہ وکی کوشال نے جب اداکارہ کو شادی کی پیش کش کی تو پس منظر میں سلمان خان کی فلم ’مجھ سے شادی کرو گی‘ کا ٹائٹل سانگ چل رہا تھا۔

    کترینہ نے اداکار کی پیش کش سنی تو وہ چند لمحے کے لیے ہکا بکا رہ گئیں البتہ انہوں نے جواب دیا کہ ’ہمت نہیں ہے‘۔

     

    View this post on Instagram

     

    😍👌 . . . #instabolly #bollyinsta

    A post shared by Bollywood💎725k🙏 (@bollylnsta) on

    ویڈیو میں دیکھا جاسکتا ہے کہ اس موقع پر سلمان خان بھی بیٹھے ہوئے تھے جنہوں نے بہت دلچسپ اور حیران کن رد عمل دیا۔ وکی کی خواہش کو سُن کر دبنگ خان نے اپنی بہن ارپیتا خان کے کاندھے پر سر رکھا اور ہنسنے لگے۔