دبئی: متحدہ عرب امارات میں آج صبح موسلا دھار بارش ہوئی جس کی ویڈیوز سوشل میڈیا پر وائرل ہوگئیں۔
خلیج ٹائمز کی رپورٹ کے مطابق متحدہ عرب امارات میں گرمی کا زور ٹوٹ گیا اور موسلا دھار بارش ریکارڈ کی گئی جس کے بعد شہریوں کے چہرے خوشی سے کھل اٹھے۔
ویڈیو میں دیکھا جاسکتا ہے کہ موسلا دھار بارش ہورہی ہے اور سڑکوں پر ٹریفک رواں دواں ہے اور ایک شہری بارش کو انجوائے کرتے ہوئے اپنی گاڑی ویڈیو بنارہا ہے۔
یو اے ای محکمہ موسمیات کی جانب سے موسلا دھار بارش کی پیشگوئی کی گئی تھی اور ان کا کہنا ہے کہ آئندہ چند روز تک موسم خوشگوار رہے گا اور درجہ حرارت 15 ڈگری سینٹی گریڈ ریکارڈ کیا گیا۔
محکمہ موسمیات کے مطابق موسلا دھار بارش اور تیز ہواؤں کے سبب مٹی کا طوفان آنے کا خدشہ ہے جس کی وجہ سے ڈرائیور محتاط انداز میں گاڑی چلائیں۔
یو اے ای ٹریفک ڈیپارٹمنٹ کی جانب سے شہریوں کو ہدایت کی گئی ہے کہ ڈرائیور کرتے وقت اسپیڈ لمٹ کا خیال رکھیں تاکہ وہ ان کے پیارے حادثے سے محفوظ رہ سکیں۔
امارات کے مختلف علاقوں میں میونسپلٹی عملے نے بارش کے بعد سڑکوں کی صفائی کے کام کا آغاز کردیا ہے اور متعدد علاقوں میں نکاسی آب کا کام مکمل کرلیا گیا ہے۔