ARYNews.tv | Urdu – Har Lamha Bakhabar

Tag: Video Viral

  • میچ ختم ہونے کے بعد دھونی کی گھریلو ذمہ داریاں، ویڈیو وائرل

    میچ ختم ہونے کے بعد دھونی کی گھریلو ذمہ داریاں، ویڈیو وائرل

    ممبئی: بھارتی کرکٹ ٹیم کے سابق اور چینائی سپر کنگز کے موجودہ کپتان مہندر سنگھ دھونی کرکٹ کے علاوہ گھریلو ذمہ داریاں بھی بخوبی ادا کررہے ہیں جس کا ثبوت اُن کی نئی وائرل ہونے والی ویڈیو میں دیکھا جاسکتا ہے۔

    تفصیلات کے مطابق بھارت میں جاری انڈین پریمئیر لیگ کے گذشتہ روز کھیلے جانے والے میچ میں جہاں کپتان دھونی نے 70 رنز کی  زبردست اننگز کھیلی وہی انہوں نے گھر پہنچنے کے بعد بطور باپ احسن طریقے اپنی ذمہ داری سرانجام دیں۔

    چینائی سپرکنگز کے کپتان نے انسٹا گرام پر ایک ویڈیو شیئر کی جس میں دیکھا جاسکتا ہے کہ وہ گھر پہنچنے کے بعد اپنی بیٹی زیوا کے بالوں کو سکھانے اور سوارنے میں مصروف ہیں۔ دھونی نے ویڈیو شیئر کرتے ہوئے لکھا کہ ’کھیل ختم ہوگیا لہذا اب بطور باپ ڈیوٹی شروع ہوگئی‘۔

    یہ بھی دیکھیں: سابق بھارتی کپتان کے ڈانس کی ویڈیو انٹرنیٹ پر وائرل

    واضح رہے کہ مہندر سنگھ دھونی کا شمار بھارت کے اُن کامیاب ترین کپتانوں میں ہوتا ہے جنہوں نے اپنی ٹیم کی پوزیشن کو مستحکم کرتے ہوئے کئی فتوحات دلوائیں۔ بی سی سی آئی کی جانب سے 2007 میں کپتانی ملنے کے بعد جھاڑ کنڈ سے تعلق رکھنے والے کھلاڑی نے اپنی ٹیم کو دو بڑے اعزاز ات ورلڈ کپ اور چیمئنز ٹرافی کا فاتح بنوایا۔

    ویڈیو دیکھیں

    Game over, had a nice sleep now back to Daddy’s duties

    A post shared by M S Dhoni (@mahi7781) on

    قبل ازیں دھونی کی انٹرنیٹ پر ویڈیو وائرل ہوئی تھی جس میں دیکھا جاسکتا ہے کہ وہ اپنی اہلیہ کو متاثر کرنے کے لیے بالی ووڈ کی فلم کے ایک گانے پر ڈانس کررہے ہیں اور  اس دوران اُن کی اہلیہ مسلسل ہنستی رہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • لاہور: بلی چوری کی انوکھی واردات، ویڈیو دیکھیں

    لاہور: بلی چوری کی انوکھی واردات، ویڈیو دیکھیں

    لاہور: پنجاب کے دارالحکومت میں واقع مغلپورہ کے علاقے میں چوری کی انوکھی واردات سامنے آئی کہ جب موٹرسائیکل پر سوار فیملی پالتو اور قیمتی بلی کو پکڑ کر فرار ہوگئی، واقعے کی سی سی ٹی وی فوٹیج اے آر وائی کو موصول ہوگئی۔

    تفصیلات کے  مطابق لاہور میں اسٹریٹ کرائم کا جن اس حد تک بے قابو ہوگیا کہ اب جانور بھی جرائم پیشہ عناصر سے محفوظ نہیں رہ سکے ، صوبائی دارالحکومت میں موٹرسائیکل ،گاڑی اور موبائل فونز کے ساتھ اب پالتو بلیاں بھی چوری ہونے لگیں۔

    اے آر وائی نیوز کو موصول ہونے والی سی سی ٹی وی فوٹیج میں دیکھا جاسکتا ہے کہ بلی سڑک پر ٹہل رہی تھی کہ اسی دوران ایک موٹر سائیکل سوار اُس کے پاس  رکا جس پر ایک خاتون کو بچہ بھی سوار تھے۔ موٹر سائیکل سوار نے پلک جھپکتے ہی بلی کو پکڑا اور بائیک لے گیا۔

    مزید پڑھیں: خطرناک قیدیوں کی سہولت کار بلی گرفتار

    یہ بھی دیکھیں: اپنے لیے خود خریداری کرنے والی حیرت انگیز بلی، ویڈیو دیکھیں

    مالک ملک عمران نامی شہری کا کہنا ہے کہ میری پالتو بلی گھر کے باہر ٹھل رہی تھی کہ موٹرسائیکل پر سوار فیملی اُسے چوری کر کے فرار ہوگئی۔ سی سی ٹی وی  فوٹیج میں موٹرسائیکل سوار فیملی کو بلی اٹھا کر فرار ہوتے دیکھا جاسکتا ہے ۔

    ویڈیو دیکھیں

    علاوہ ازیں لاہور میں ہونے والی دیگر اسٹریٹ کرائمز کی ویڈیوز

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • تمباکو نوشی کرنے والا انوکھا ہاتھی، ویڈیو وائرل

    تمباکو نوشی کرنے والا انوکھا ہاتھی، ویڈیو وائرل

    نئی دہلی: بھارتی ریاست کرناٹک کے چڑیا گھر ‘نیشنل پارک‘ میں ایک ایسے ہاتھی کی موجودگی کا انکشاف ہوا ہے جو تمباکو نوشی کا عادی ہے۔

    تمباکو نوشی ایسی شہہ ہے کہ اسے ایک لعنت بھری عادت قرار دیا جاتا ہے یہی وجہ ہے کہ طبی ماہرین اس عادت سے کسی بھی شخص کو بچانے کے لیے نت نئی تحقیقات کے ذریعے نتائج سے آگاہ کرتے ہیں۔

    حیران کُن بات یہ ہے کہ آپ نے ابھی تک انسانوں کو تمباکو نوشی کرتے دیکھا ہوگا مگر بھارت کی ریاست کرناٹک میں واقع نیشنل پارک میں ایک ایسا ہاتھی ہے جو تمباکو نوشی کرنے کا بہت شوقین ہے۔

    ویڈیو دیکھیں: ننھے ہاتھی کی پہاڑی پر سے سلائیڈنگ

    ہاتھی کی تمباکو نوشی کے شوق کے بارے میں انتظامیہ اور محکمہ وائلڈ لائف کو کئی بار اطلاعات موصول ہوئیں تاہم کسی نے بھی اس بات پر یقین نہیں کیا کیونکہ ایسا کسی صورت ممکن نہیں تھا۔

    ویڈیو دیکھنے کے لیے اسکرول کریں

    جنگلی حیات کے تحفظ کے لیے کوشاں افسر جن کا تعلق خود ریاست کرناٹک سے ہے انہوں نے اس معاملے کو منطقی انجام تک پہنچانے کی ٹھانی اور ہاتھی کے پنجرے کے قریب ایک خفیہ کیمرہ نصب کردیا۔

    دو روز بعد محکمہ وائلڈ لائف کے افسر نے کیمرے کی ریکارڈنگ دیکھی تو وہ خود دنگ رہ گئے کیونکہ اس میں ایسا منظر نظر آرہا تھا جو انہوں نے کبھی حقیقی آنکھوں سے نہیں دیکھا تھا۔

    یہ ویڈیو بھی دیکھیں: بھوکا ہاتھی رات کے وقت گھر میں داخل، ویڈیو وائرل

    چڑیا گھر کی انتظامیہ اور محکمہ وائلڈ لائف کے افسر نے ویڈیو ریکارڈنگ میں دیکھا کہ ہاتھی لکڑی کے جلے ہوئے کوئلوں کو سونڈ سے اٹھا کر منہ میں رکھتا ہے اور پھر انسانوں کی طرح ایسے دھواں نکال رہا ہے جیسے سگریٹ نوشی کرنے والے نگالتے ہیں اور ایک منٹ کی ویڈیو میں اُس نے یہ عمل دو بار دہرایا۔

    محکمہ وائلڈ لائف نے انوکھے منظر سے بھرپور ویڈیو کو انٹرنیٹ پر شیئر کیا جسے دیکھ کر صارفین خود بھی دنگ رہے گئے، بھارتی شہریوں کو جب تمباکو نوشی کرنے والے ہاتھی کا معلوم ہوا تو وہ بڑی تعداد میں اسے دیکھنے پہنچے۔

    اسے بھی دیکھیں: نگران کی موت پر ہاتھی کا انوکھا خراج عقیدت

    اس ضمن میں ماہرین کا کہنا ہے کہ ہاتھی کا یہ عمل اُس کی صحت کے لیے بہت مفید ہے تاہم ویڈیو دیکھ کر یہ کہا جاسکتا ہے کہ ہاتھی صرف کوئلہ کھانے کی کوشش کررہا تھا اس لیے اُس نے راکھ کو منہ سے باہر نکالنے کے لیے زور سے پھونک ماری جو دھوئیں کی صورت میں باہر آئی۔

    ویڈیو دیکھیں

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ماہرہ خان کا شادی میں ہلا گلا، ڈانس کی ویڈیو وائرل

    ماہرہ خان کا شادی میں ہلا گلا، ڈانس کی ویڈیو وائرل

    کراچی: پاکستان کی معروف اداکارہ ماہرہ خان نے خاندان کی شادی میں شرکت کی اور خوب ہلا گلا گیا، اس موقع پر اُن کی کچھ تصاویر اور ڈانس کی ویڈیوز سوشل میڈیا پر وائرل ہوگئیں۔

    تفصیلات کے مطابق پاکستانی ڈرامہ انڈسٹری سے اپنے کریئر کا آغاز کرنے والی اداکارہ ماہرہ خان گزشتہ دنوں اپنی مصروفیات میں سے کچھ وقت نکال کر اپنے ہی خاندان اور شوبز کی ساتھی فنکارہ ثانیہ مسقاتیہ کی مایوں کی تقریب میں شرکت کی۔

    ماہرہ خان  سنہرے رنگ کے بنارسی جوڑا زیب تن کیے تقریب میں شریک ہوئیں انہوں نے اپنی دو تصاویر سوشل میڈیا پر بھی شیئر کیں تاہم دیگر احباب (کزنز) اور ساتھی فنکاروں کے ساتھ ڈانس کسی اور صارف نے شیئر کیا۔

    مزید پڑھیں: ماہرہ کراچی کے ساحل پر، نئی تصاویر سوشل میڈیا پر وائرل

    بالی ووڈ فلم رئیس کی ہیروئن نے مختلف گانوں پر شاندار رقص کر کے محفل کی رونق مزید بڑھائیں اس موقع پر تقریب میں موجود شرکاء نے ماہرہ کے فن کو خوب سراہا اور انہیں داد بھی دی۔

     خیال رہے کہ پاکستانی اداکارہ گذشتہ دنوں برطانیہ میں موجود تھیں جہاں انہوں نے مختلف ایوارڈز اور نجی تقاریب میں بھی شرکت کی تھی، دو روز قبل ماہرہ خان کی سگریٹ نوشی کرتے ہوئے ویڈیو وائرل ہوئی تھی جس پر انہیں صارفین نے شدید تنقید کا نشانہ بنایا تھا۔

    مزید ویڈیو کے لیے اسکرول کریں

    یاد رہے کہ اس سے قبل ماہرہ خان کی گزشتہ برس بھارتی اداکار کے ہمراہ نازیبا تصاویر بھی سامنے آئیں جس کے بعد انہیں ہر طرف سے شدید تنقید کا نشانہ بنایا گیا، اداکارہ نے خصوصا پاکستانیوں اور دنیا بھر میں بسنے والے مداحوں سے معذرت بھی کی۔

    واضح رہے کہ ماہرہ خان نے شوبز کیریئر کا آغاز 2011 سے بطور معاون اداکار کیا جس کے بعد انہیں فواد خان کے ساتھ ڈرامے میں کام کرنا کا موقع ملا یہی ان کی خوش قسمتی کا باعث بھی بننا، ڈراموں میں کام کرنے والے پاکستانی اداکاروں نے اپنی اداکاری کی صلاحیتوں کو نہ صرف ملک میں منوایا بلکہ بالی ووڈ ہدایت کار بھی انہیں اپنی فلموں میں کام دینے پر راضی ہوئے جس کے بعد فواد اور ماہرہ نے بھارتی فلم انڈسٹری میں بھی قدم رکھا۔

    ایک اور ویڈیو دیکھیں

    ماہرہ خان نے گزشتہ برس فلم ’رئیس‘ سے اپنے بالی ووڈ کے سفر کا آغاز کیا، اس فلم میں انہوں کنگ خان کے ساتھ مرکزی کردار ادا کیا، پاک بھارت کشیدگی کے باعث ماہرہ اپنی شوٹنگ مکمل کر کے جلد وطن لوٹیں اور پرموشن کے وقت بھی ٹیم کا حصہ بھی نہ بن سکیں تھیں۔  فلم رئیس کے ڈائریکٹر نے گزشتہ برس اعتراف کیا کہ ’بھارتیوں نے ماہرہ خان کے ساتھ زیادتی کی وہ اداکارہ تھی مگر سب نے اُسے  دشمن سمجھا‘۔

    مزید پڑھیں: ماہرہ نے بیٹے کے ہمراہ خوشیاں منائیں

    یہ بھی یاد رہے کہ گزشتہ برس پاکستانی اداکارہ ایشیا کی پرکشش خواتین کی فہرست میں جگہ بنانے میں کامیاب ہوئیں تھیں، انہوں نے 4 درجے ترقی کے بعد پانچویں پوزیشن حاصل کی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • پریا پرکاش کی ویڈیووائرل، فالوورزکی تعداد ایک ملین تک جاپہنچی

    پریا پرکاش کی ویڈیووائرل، فالوورزکی تعداد ایک ملین تک جاپہنچی

    کراچی : سوشل میڈیا پر گزشتہ روز وائرل ہونے والی ایک رومانوی ویڈیو کے مناظر نے لاکھوں دیکھنے والوں کو اپنی جانب متوجہ کرلیا، اس ویڈیو کو دیکھنے والوں کی تعداد اب تک ایک ملین سے زائد ہوچکی ہے۔

    مذکورہ ویڈیو میں خوبرو لڑکی ایک نوجوان کو دیکھ کر ایسے دلفریب اشارے کرتی نظر آرہی ہے کہ دیکھنے والا دم بخود ہوجائے۔

    via GIPHY

    یہ منظر ایک بھارتی فلم کا ہے، جس کے ایک کلپ کو سوشل میڈیا پر دیکھنے والوں نے بے حد پسند بھی کیا اور اورخوب کمنٹس بھی کئے اور دیکھتے ہی دیکھتے یہ ویڈیو لاکھوں صارفین تک جا پہنچی، یہ منظر ملیالم زبان کی فلم ’ اورو آدار لو‘ کے ایک سین پر مشتمل ہے جس کے ڈائریکٹرعمرلالو ہیں۔

    Finally, when your best friend buys a good phone @sree_17 💜

    A post shared by priya prakash varrier (@priya.p.varrier) on

    اس ویڈیو کی مقبولیت کے بعد یہ کہنا غلط نہ ہو گا کہ اس ویڈیو کے بعد یہ لڑکی نوجوانوں کا نیا ”کرش“ بن چکی ہے اور سب دیپیکا پڈوکون اور دیشا پٹانی کو بھی بھول گئے ہیں۔

    اس پوسٹ کو دیکھنے اور پسند کرنے والے اکثر صارفین اس اداکارہ کا نام جاننے کی کوشش کرتے رہے جس پر ہم نے ان کی یہ مشکل بھی آسان کردی۔

    جی ہاں اس خوبرو بھارتی اداکارہ کا نام پریا پرکاش وریار ہے جس کی عمر ابھی 18 سال ہے اور یہ بھارتی ریاست کیرالہ کے شہر تھریسور میں ویمالا کالج میں بی کام کی طالبہ ہے۔

    اس ویڈیو کے وائرل ہونے کے بعد ہریا پرکاش وریار کے انسٹا گرام پر فالوورز کی تعداد اب تک چودہ لاکھ سے بھی تجاوز کرچکی ہے جو کسی سیلیبرٹی کے نصیب میں ہی آتے ہیں۔

    یاد رہے کہ مذکورہ فلم ابھی ریلیز نہیں ہوئی ہے اور یہ پریا کی یہ ڈیبیو فلم ہے، تاہم فلم ریلیز ہونے سے پہلے ہی انہیں ایک اور فلم میں کاسٹ کرلیا گیا ہے۔

  • ٹریفک پولیس کا شہری پر بدترین تشدد، ویڈیو وائرل

    ٹریفک پولیس کا شہری پر بدترین تشدد، ویڈیو وائرل

    اسلام آباد: ٹریفک پولیس کی جانب سے ایک شہری پر تشدد کیا گیا، شہری کو لاتوں اور گھونسوں سے مارا گیا،حکام نے فوٹیج کا نوٹس لے لیا۔

    اطلاعات ہیں کہ یہ ویڈیو ایک راہ گیر کی جانب سے بنائی گئی ہے جسے خود بھی نہیں پتا تھا کہ شہری پر تشدد کیوں کیا گیا؟ بعدازاں یہ ویڈیو سوشل میڈیا پر وائرل ہوگئی اور میڈیا کو بھی موصول ہوئی۔

    ویڈیو میں دیکھا جاسکتا ہے کہ تین اہل کاروں نے ایک شہری کو سڑک پر لٹایا ہوا ہے، قبل ازیں اسے کتنا مارا گیا یہ نہیں معلوم تاہم ویڈیو میں دیکھیں تو شہری کو اہلکار نے بھرپور لات کمر پر ماری۔

    اس ضمن میں پولیس حکام نے کہا ہے کہ وہ تحقیقات کررہے ہیں کہ یہ شہری کون ہے جس پر تشدد کیا گیا جب کہ پولیس اہل کاروں کی شناخت کرلی گئی ہے، تاہم شہری نے کسی بھی تھانے میں تشدد کے خلا ف کوئی درخواست جمع نہیں کرائی۔

  • بی بی شہید کی بیٹی آصفہ بھٹو باکسر بن گئیں، ویڈیو منظرعام پر

    بی بی شہید کی بیٹی آصفہ بھٹو باکسر بن گئیں، ویڈیو منظرعام پر

    دبئی: محترمہ بے نظیر بھٹو شہید کی صاحبزادیاں بختاوراورآصفہ بھٹو زرداری باکسر بن گئیں، بختاور اور آصفہ کی باکسنگ ٹریننگ کی ویڈیو سامنے آگئی۔ دونوں بہنیں پاکستانی نژاد برطانوی باکسرعامرخان کےزیرتربیت ہیں۔

    تفصیلات کے مطابق بے نظیر بھٹو کی طرح سخت جان اورحوصلہ مند ان کی بیٹیاں سیاست کے ساتھ ساتھ کھیل کے میدان میں بھی سرگرم عمل ہیں۔ پاکستانی نژاد برطانوی باکسرعامرخان کے زیرتربیت بختاور بھٹو باکسنگ سیکھنے لگیں۔

    بختاور نے ورلڈ چیمپئن عامر خان سے نہ صرف ٹپس لیں بلکہ رنگ میں بھی اتریں۔ سماجی رابطے کی ویب سائٹ ٹویٹر پر بختاور بھٹو کی باکسنگ ٹریننگ ویڈیو سامنے آئی ہے جس میں وہ مکے بازی کرتی نظر آرہی ہیں۔

    یہ ویڈیو بختاور بھٹو نے بھی سوشل میڈیا پر جاری کی ہے۔ بڑی بہن باکسنگ کرے تو چھوٹی کہاں پیچھے رہتی ہے۔ جس کے بعد آصفہ بھٹو نے بھی باکسنگ شروع کردی ہے۔

  • جامعہ کراچی میں کلرک رشوت طلب کرتے ہوئے پکڑا گیا

    جامعہ کراچی میں کلرک رشوت طلب کرتے ہوئے پکڑا گیا

    کراچی : جامعہ کراچی کے کلرک کی رشوت وصولی کی ویڈیو منظرعام پرآگئی، مذکورہ کلرک بلا جھجک فارم جمع کرنے کے سو روپے وصول کر رہا تھا، جامعہ کراچی کے وائس چانسلر نے نوٹس لے لیا۔

    تفصیلات کے مطابق کراچی یونی ورسٹی میں رشوت کا بازار گرم ہونے کا انکشاف ہوا ہے، جامعہ کراچی کے شعبہ بین الاقوامی تعلقات کے کلرک فارم جمع کرنے کے لیےطلباء سے رشوت لیتے ہیں، کلرکوں نے فی طالب علم 100روپے ریٹ مقرر کر رکھا ہے۔

    ایک طالبہ نے ہمت کرکے رشوت خور کلرک کی فوٹیج بنالی، کلرک کی رشوت مانگتے ہوئے ویڈیو منظرعام پرآگئی، سوشل میڈیا پر ویڈیو وائرل ہونے کے بعد جامعہ کے وائس چانسلر پروفیسر ڈاکٹر محمداجمل خان نے نوٹس لے لیا، انہوں نے انتظامیہ کو واقعے کی تحقیقات کرکے رپورٹ پیش کرنے کا حکم دے دیا۔

    اس حوالے سے لائبریری انچارج نے وائس چانسلر کو بریفنگ دی کہ کلیئرنس سے پہلے واجبات دینا ہوتے ہیں، ترجمان جامعہ کراچی کا کہنا ہے کہ طالبہ پر سیمینار لائبریری کے واجبات تھے، خبرمیں تصویر کا صرف ایک رخ پیش کیا گیا ہے۔

    دوسری جانب اے آر وائی نیوز کو ملنے والی فوٹیج میں دکھایا گیا ہے کہ ایک طالبہ نے سو روپے دینے سے انکار کیا تو کلرک نے دستخط کرنے سے صاف منع کردیا، طلباء نے کئی بار جامعہ کراچی میں رشوت خوروں کے خلاف شکایات درج کروائی مگر تاحال کوئی کارروائی نہیں ہوئی۔

     اس حوالے سے جامعہ کراچی کے رجسٹرارمعظم علی کا کہنا ہے کہ رشوت کا واقعہ محمود الحسن لائبریری میں پیش آیا جس کی رپورٹ مانگ لی گئی ہے اور رشوت ستانی میں ملوث کلرک کے خلاف سخت ایکشن ہوگا۔ ذرائع کے مطابق رشوت لیتے ہوئے اس کلرک کا تعلق شعبہ بین الاقوامی تعلقات عامہ سے بتایا جاتا ہے۔

  • سوشل میڈیا نے چینی مزدور کو اسٹار بنا دیا

    سوشل میڈیا نے چینی مزدور کو اسٹار بنا دیا

    بیجنگ: چین کی تعمیراتی کمپنی میں کام کرنے والے مزدور  شی شنوی کی محنت مشقت کے ساتھ کرتب دکھانے کی ویڈیو انٹرنیٹ پر آنے کے بعد وائرل ہوگئی جسے اب تک ہزاروں افراد دیکھ چکے ہیں۔

    تفصیلات کے مطابق چینی کی تعمیراتی کمپنی میں بطور مزدور کام کرنے والے شی شنوی کی انٹرنیٹ پر آنے والی ویڈیو نے چند دنوں میں ہی نوجوان کو شہرت کی بلندیوں تک پہنچا دیا۔

    shi6

    غربت کے باعث روزانہ 10 گھنٹے مزدوری کرنے اور اپنے اہل خانہ کی کفالت کرنے والے چینی نوجوان کو 16 برس کی عمر میں اسکول جانا پڑا تاہم تعلیم میں عدم دلچسپی کے باعث وہ درس گاہ سے بھاگ گیا۔

    shi4

    بعد ازاں نوجوان نے اپنے اہل خانہ کی کفالت کے لیے مزدوری کا پیشہ اپنایا اور محنت و مشقت کے ساتھ تعمیراتی کمپنی میں اپنی جگہ بنائی، انوکھے انداز میں تعمیراتی کاموں میں حصہ لینے والے نوجوان کو ابتداء سے کرتب دکھانے کی عادت تھی تاہم ایک پرجیکٹ پر کسی نے اُسے ویڈیو بنا کر انٹرنیٹ پر ڈالنے کا مشورہ دیا۔

    shi3

    نوجوان مزدور نے اپنے ساتھی کی بات پر عمل کرتے ہوئے ویڈیو بنائی اور اُسے سماجی رابطے کی ویب سائٹ پر ڈال دیا جس کے بعد ہزاروں افراد نے اُس ویڈیو کو دیکھا اور مشقت کرنے والے نوجوان کو سراہا۔

    shi5

    شی شنوی کام کے دوران کبھی تعمیراتی ڈھانچے کے لیے نصب کیے گئے ڈنڈوں میں لٹکا دکھائی دیا تو کبھی بلندی پر اپنے مضبوط بازوں کے ذریعے جسم کو روکے دکھائی دیا، نوجوان مزدور یہ کام خود کو تندرست رکھنے کےلیے کرتا ہے۔